| ᠪᠢ ᠲᠠᠭᠤᠴᠢᠨ | ᠤᠳᠬᠤᠨᠴᠡᠴᠡᠭ | ᠨᠠᠷᠠ ᠠᠷᠭᠠᠳᠠᠭᠰᠠᠨ ᠠᠭᠤᠯᠠᠰ ᠤᠨ ᠢᠶᠠᠨ | ᠨᠦᠮᠤᠷᠢ ᠶᠢ ᠪᠢ ᠰᠠᠨᠠᠬᠤ ᠲᠤᠰᠤᠮ | ᠨᠠᠰᠤᠨ ᠪᠠᠭᠠ ᠶᠢᠨ ᠴᠤᠯᠬᠢᠨ ᠢᠨᠢᠶᠡᠳᠤ | ᠵᠢᠷᠤᠬᠡᠨ ᠳᠤ ᠤᠶᠢᠷᠠᠳᠤᠬᠤ ᠲᠤᠰᠤᠮ | ᠴᠡᠴᠡᠭ ᠤᠨ ᠰᠡᠪᠡᠯᠬᠡ ᠲᠠᠢ ᠲᠠᠯᠠ ᠮᠢᠨᠢ | ᠬᠠᠷᠠᠭᠠ ᠶᠢ ᠲᠡᠯᠡᠬᠦ ᠲᠤᠰᠤᠮ | ᠴᠡᠬᠡᠵᠢᠨ ᠤ ᠮᠢᠨᠢ ᠡᠬᠡᠰᠢᠭ ᠬᠦᠭᠯᠡᠭᠳᠡᠵᠤ | ᠪᠢ ᠲᠠᠭᠤᠤ ᠬᠡᠩᠰᠢᠳᠡᠭ | ᠨᠢᠯᠬᠠ ᠨᠤᠭᠤᠭᠠᠨ ᠤ ᠦᠨᠤᠷ | ᠰᠡᠩᠬᠢ ᠲᠠᠳᠠᠵᠤ | ᠨᠠᠭᠠᠳᠤᠮ ᠤᠨ ᠰᠤᠮᠤᠨ ᠬᠦᠯᠦᠭ ᠤᠳ | ᠲᠤᠯᠢ ᠨᠢ ᠬᠢᠯᠠᠯᠵᠠᠨ ᠢᠷᠡᠬᠦ ᠳᠤ | ᠲᠤᠮᠤᠭ ᠤᠨ ᠴᠡᠩᠬᠡᠷ ᠤᠷᠤᠨ ᠤ ᠮᠢᠨᠢ | ᠡᠬᠡᠰᠢᠭ ᠤᠨ ᠰᠢᠳᠢ — | ᠲᠠᠭᠤᠨ ᠤ ᠲᠤᠷᠭᠠᠨ ᠠᠶᠠᠯᠠᠭᠤ | ᠰᠡᠳᠬᠢᠯ ᠳᠤ ᠤᠶᠠᠩᠭᠠᠷᠠᠳᠠᠭ | ᠦᠳᠬᠡᠨ ᠰᠢᠷᠭᠠᠯ ᠨᠠᠮᠤᠷ ᠮᠢᠨᠢ | ᠲᠤᠷᠠᠰᠤᠯ ᠤᠨ ᠬᠢ ᠪᠤᠯᠬᠤᠷ | ᠦᠷᠤᠪᠴᠢᠬᠡᠨ ᠲᠡᠷᠡ ᠬᠠᠶᠢᠷᠠ ᠮᠢᠨᠢ | ᠰᠡᠳᠬᠢᠯ ᠤᠨ ᠬᠢ ᠪᠤᠯᠬᠤᠷ | ᠦᠨᠳᠡᠯᠵᠡᠬᠦ ᠪᠢᠴᠢᠬᠠᠨ ᠵᠢᠷᠤᠬᠡ ᠮᠢᠨᠢ | ᠬᠦᠮᠤᠨ ᠤ ᠬᠢ ᠪᠤᠯᠴᠢᠬᠠᠬᠤ ᠪᠠᠷ | ᠭᠤᠨᠢᠭ ᠠᠷᠴᠢᠵᠤ | ᠪᠢ ᠲᠠᠭᠤᠤ ᠠᠶᠠᠯᠤᠳᠠᠭ ᠡ | ᠢᠩᠬᠡᠨ ᠲᠡᠮᠡᠬᠡᠨ ᠤ ᠨᠢᠯᠪᠤᠰᠤ | ᠵᠢᠷᠤᠬᠡᠨ ᠳᠤ ᠡᠭ᠍ᠰᠢᠵᠤ | ᠢᠰᠡᠬᠡᠢ ᠬᠡᠷ ᠤᠨ ᠢᠶᠠᠨ ᠡᠬᠦᠳᠡᠨ ᠳᠤ | ᠡᠵᠢ ᠮᠢᠨᠢ ᠪᠦᠷᠳᠤᠯᠵᠡᠬᠡᠳ ᠬᠤᠴᠤᠷᠠᠬᠤ ᠳᠤ | ᠪᠢ ᠲᠠᠭᠤᠨ ᠳᠤ ᠠᠶᠠᠯᠤᠭᠳᠠᠳᠠᠭ | ᠰᠦᠨ ᠠᠮᠢᠰᠬᠤᠭᠠ ᠲᠠᠢ | ᠰᠠᠭᠠᠯᠢ ᠶᠢᠨ ᠲᠡᠷᠯᠢᠭ ᠢ ᠪᠢ ᠲᠠᠭᠤᠯᠠᠳᠠᠭ | ᠰᠦᠨᠢᠵᠢᠨ ᠬᠡᠬᠡᠨ | ᠰᠠᠷᠠ ᠶᠢ ᠪᠢ ᠲᠠᠭᠤᠯᠠᠳᠠᠭ | ᠰᠤᠯᠤᠩᠭᠠᠨ ᠵᠠᠩᠬᠢᠶᠠᠳᠤ | ᠪᠦᠬᠡ ᠶᠢ ᠪᠢ ᠲᠠᠭᠤᠯᠠᠳᠠᠭ | ᠰᠦᠮᠡᠶᠢᠬᠦ ᠠᠯᠤᠰ ᠤᠨ | ᠨᠤᠶᠠᠨ ᠰᠡᠷᠢᠳᠠᠭ ᠶᠢ ᠪᠢ ᠲᠠᠭᠤᠯᠠᠳᠠᠭ | ᠠᠷᠠᠳ ᠤᠨ ᠲᠠᠭᠤᠨ ᠤ ᠲᠦᠷᠢᠯᠬᠡ — ᠠᠪᠤ ᠮᠢᠨᠢ | ᠤᠶᠠᠭᠠᠨ ᠲᠡᠬᠡᠷᠡ ᠪᠠᠨ ᠪᠠᠭᠤᠬᠤ ᠳᠤ ᠪᠢ ᠲᠠᠭᠤᠴᠢᠨ | ᠠᠩᠬᠢᠷ ᠰᠢᠪᠠᠭᠤ ᠬᠤᠤᠰ ᠢᠶᠠᠷ ᠢᠶᠠᠨ | ᠤᠰᠤᠨ ᠳᠤ ᠢᠷᠡᠬᠦ ᠳᠤ ᠪᠢ ᠲᠠᠭᠤᠴᠢᠨ | ᠰᠢᠷᠤᠩᠬᠠᠢ ᠠᠶᠠᠯᠭᠤᠨ ᠤ ᠡᠬᠡ ᠤᠷᠤᠨ ᠳᠠᠭᠠᠨ | ᠰᠢᠯᠦᠭ ᠢᠶᠠᠷ ᠢᠶᠠᠨ ᠪᠢ ᠲᠠᠭᠤᠴᠢᠨ | ᠰᠤᠭᠤᠨᠠᠭ ᠴᠡᠩᠬᠡᠷ ᠮᠤᠩᠭᠤᠯ ᠳᠠᠭᠠᠨ | ᠰᠤᠯᠤᠭᠠᠢ ᠪᠠᠶᠢᠭᠰᠠᠨ ᠴᠤ ᠪᠢ ᠲᠠᠭᠤᠴᠢᠨ ᠡ᠃ | |