| ᠠᠷᠪᠠᠨ ᠨᠢᠭᠡᠳᠦᠭᠡᠷ᠄ ᠲᠤᠳᠠᠪᠦ᠋ᠮᠡᠨ ︵1819 — 1878︶ | ᠲᠤᠳᠠᠪᠦ᠋ᠮᠡᠨ ᠪᠤᠯ ᠰᠦᠨᠢᠳ ᠵᠡᠬᠦᠨ ᠭᠠᠷ ᠤᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠵᠢᠶᠦ᠋ᠨ | ᠸᠠᠩ ᠤᠨ ᠴᠡᠸᠡᠭᠵᠠᠪ ᠤᠨ ᠬᠦᠤ᠃ ᠲᠡᠷᠢᠬᠦᠨ ᠵᠡᠷᠭᠡ ᠶᠢᠨ ᠲᠠᠶᠢᠵᠢ᠃ ᠲᠡᠷᠡ ᠡᠴᠢᠬᠡ ᠸᠠᠩ ᠴᠡᠸᠡᠭᠵᠠᠪ ᠨᠢ ᠨᠠᠰᠦ | ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠ᠂ ᠰᠦᠨᠢᠳ ᠵᠡᠬᠦᠨ ᠭᠠᠷ ᠤᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠸᠠᠩ ᠤᠨ ᠰᠠᠭᠤᠷᠢᠨ ᠳᠤ | ᠰᠠᠭᠤᠵᠦ᠂ ᠠᠷᠪᠠᠨ ᠨᠠᠢᠮᠠᠨ ᠵᠢᠯ ᠵᠠᠰᠠᠭ ᠪᠠᠷᠢᠭᠰᠠᠨ ᠬᠦᠮᠦᠨ᠃ ᠲᠤᠳᠠᠪᠦ᠋ᠮᠡᠨ ᠵᠠᠰᠠᠭ ᠸᠠᠩ᠂ ᠪᠠᠳᠠᠷᠠᠭᠤᠯᠳᠦ | ᠲᠦᠷᠦ ᠶᠢᠨ ᠲᠦᠷᠪᠡᠳᠦᠭᠡᠷ ᠤᠨ ︵1878︶ ᠰᠢᠷᠠ ᠪᠠᠷᠰ ᠵᠢᠯ ᠳᠤ ᠨᠠᠰᠦ ᠪᠠᠷᠠᠵᠠᠢ᠃ | ᠲᠤᠳᠠᠪᠦ᠋ᠮᠡᠨ᠂ ᠰᠦᠨᠢᠳ ᠵᠡᠬᠦᠨ ᠭᠠᠷ ᠤᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ | ᠡᠷᠬᠡ ᠶᠢ ᠠᠳᠬᠤᠵᠦ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠮᠠᠨᠵᠦ ᠠᠴᠠ ᠵᠠᠶᠢᠳᠠᠭᠤ ᠪᠠᠶᠢᠬᠤ ᠶᠢ ᠬᠡᠴᠢᠶᠡᠵᠦ᠂ ᠬᠤᠪᠢ ᠪᠠᠨ | ᠰᠠᠬᠢᠵᠦ᠂ ᠦᠪᠡᠷ ᠢᠶᠠᠨ ᠮᠠᠨᠵᠦ ᠶᠢᠨ ᠬᠠᠭᠠᠨ ᠳᠤ ᠪᠠᠷᠠᠭᠠᠳᠠᠬᠤ ᠪᠠᠷ ᠤᠴᠢᠳᠠᠭ ᠦᠬᠡᠢ᠂ ᠵᠦᠪᠬᠡᠨ ᠲᠤᠤᠷᠠᠬᠢ | ᠨᠤᠶᠠᠳ ᠲᠦᠰᠢᠮᠡᠳ ᠢᠶᠠᠨ ᠶᠠᠪᠤᠭᠤᠯᠵᠦ᠂ ᠶᠤᠰᠤᠨ ᠲᠡᠳᠦᠢ ᠠᠯᠪᠠ ᠬᠦᠢᠴᠡᠳᠬᠡᠵᠦ ᠪᠠᠶᠢᠵᠠᠢ᠃ | ᠮᠠᠨᠵᠦ ᠶᠢᠨ ᠲᠦᠷᠦ ᠠᠴᠠ᠂ ᠰᠦᠨᠢᠳ ᠬᠤᠰᠢᠭᠤᠨ ᠳᠤ ᠶᠡᠷᠦ ᠠᠴᠠ ᠬᠠᠷᠠᠳᠠᠵᠦ | ᠰᠡᠵᠢᠭᠯᠡᠬᠦ᠂ ᠰᠡᠷᠬᠡᠶᠢᠯᠡᠵᠦ ᠪᠤᠯᠭᠤᠮᠵᠢᠯᠠᠬᠤ᠂ ᠬᠠᠳᠠᠭᠤ ᠵᠦᠬᠡᠯᠡᠨ ᠠᠷᠭᠠ ᠪᠤᠳᠤᠯᠭᠠ ᠠᠪᠴᠤ ᠪᠠᠶᠢᠭᠰᠠᠨ ᠢ | ᠲᠤᠳᠠᠪᠦ᠋ᠮᠡᠨ ᠲᠤᠳᠤ ᠰᠡᠷᠡᠵᠦ ᠮᠡᠳᠡᠭᠡᠳ᠂ ᠶᠡᠭᠡ ᠯᠡ ᠬᠡᠪ ᠢᠶᠠᠨ ᠰᠠᠬᠢᠭᠰᠠᠨ ᠶᠠᠩᠵᠦ ᠲᠠᠢ ᠵᠠᠰᠠᠭ ᠪᠠᠷᠢᠵᠦ | ᠪᠠᠶᠢᠭᠰᠠᠨ ᠬᠦᠮᠦᠨ ᠭᠡᠳᠡᠭ᠃ | ᠪᠠᠳᠠᠷᠠᠭᠤᠯᠳᠦ ᠲᠦᠷᠦ ᠶᠢᠨ ᠲᠡᠷᠢᠬᠦᠨ ᠤᠨ ︵1875︶ ᠳᠤ ᠵᠠᠰᠠᠭ ᠲᠦᠷᠦ ᠶᠢᠨ ᠵᠢᠶᠦ᠋ᠨ ᠸᠠᠩ ᠲᠤᠳᠠᠪᠦ᠋ᠮᠡᠨ | ︽ᠠᠷᠪᠢᠵᠢᠬᠤ︾ ᠬᠡᠮᠡᠬᠦ ᠭᠠᠵᠠᠷ᠂ ᠲᠠᠪᠢᠨ ᠨᠢᠬᠡ ᠵᠢᠩ ᠤᠨ ᠲᠤᠮᠤ ᠲᠤᠭᠠᠡᠭ ᠲᠠᠢ ᠨᠢᠬᠡᠨ ᠰᠦᠮᠡ ᠪᠠᠶᠢᠭᠤᠯᠵᠦ᠂ | ᠮᠠᠨᠵᠦ ᠶᠢᠨ ᠬᠠᠭᠠᠨ ᠳᠤ ᠠᠶᠢᠯᠠᠳᠬᠠᠨ ᠡᠷᠬᠦᠵᠦ ᠨᠡᠷᠡ ᠭᠤᠶᠤᠭᠰᠠᠨ ᠳᠤ ︽ᠰᠠᠶᠢᠨ ᠢᠶᠠᠷ ᠬᠡᠶᠢᠭᠴᠢ ᠰᠦᠮᠡ︾ ᠬᠡᠮᠡᠨ | ᠨᠡᠷᠡ ᠤᠯᠭᠤᠵᠦ᠂ ᠠᠷᠪᠠᠨ ᠬᠠᠷᠢᠶᠠᠳᠤ ᠱᠠᠪᠢ ᠱᠠᠩᠨᠠᠵᠠᠢ᠃ ᠡᠨᠡᠬᠦ ᠰᠦᠮᠡ ᠶᠢᠨ ᠭᠤᠤᠯ ᠰᠢᠳᠦᠬᠡᠨ ᠨᠢ ᠲᠠᠮᠳᠢᠨ | ᠭᠤᠮᠪᠦ ᠪᠤᠷᠬᠠᠨ ᠪᠤᠯᠤᠮ 108 ᠪᠤᠳ᠋ ᠠᠯᠳᠠᠨ ᠭᠠᠨᠵᠤᠤᠷ ᠨᠤᠮ ᠪᠤᠯᠤᠨᠠ᠃ | ᠲᠤᠳᠠᠪᠦ᠋ᠮᠡᠨ ᠸᠠᠩ ︽ᠰᠠᠶᠢᠨ ᠢᠶᠠᠷ ᠬᠡᠶᠢᠭᠴᠢ ᠰᠦᠮᠡ︾ ᠲᠠᠷᠦᠢ ᠬᠦᠷᠢᠶᠡ | ᠰᠦᠮᠡ ᠳᠤ᠂ ᠬᠤᠰᠢᠭᠤ ᠶᠠᠮᠤᠨ ᠤ ᠰᠦᠯᠳᠡ ᠶᠢᠨ ᠰᠢᠳᠦᠬᠡᠨ ᠢ ᠵᠠᠯᠠᠵᠦ ᠲᠠᠬᠢᠭᠰᠠᠨ ᠪᠤᠯᠬᠤᠷ᠂ ᠬᠤᠰᠢᠭᠤ ᠸᠠᠩ ᠤᠨ | ᠰᠢᠳᠦᠬᠡᠨ ᠤ ᠰᠦᠮᠡ ᠪᠤᠯᠬᠤ ᠲᠤᠯᠠ᠂ ᠱᠠᠰᠢᠨ ᠲᠦᠷᠦ ᠬᠤᠤᠰᠯᠠᠭᠰᠠᠨ ᠤᠨᠴᠠ ᠡᠷᠬᠡ ᠲᠠᠢ ᠰᠦᠮᠡ ᠪᠤᠯᠤᠨ | ᠬᠦᠭᠵᠢᠵᠡᠢ᠃ ᠲᠤᠰ ᠰᠦᠮᠡ ᠶᠢᠨ ᠵᠡᠬᠦᠨ ᠵᠢᠰᠡ ᠶᠢᠨ ᠡᠬᠦᠳᠡᠨ ᠲᠡᠭᠡᠷᠡ ᠪᠠᠨ ᠬᠠᠷᠠ ᠲᠠᠰᠢᠭᠤᠷ ᠡᠯᠬᠦᠵᠦ᠂ ᠬᠠᠷᠠ | ᠰᠢᠷᠠ ᠶᠢᠨ ᠵᠠᠷᠭᠤ ᠶᠢ ᠬᠡᠵᠢᠶᠡ ᠴᠤ ᠰᠢᠬᠦᠨ ᠲᠠᠰᠤᠯᠬᠤ ᠤᠨᠴᠠ ᠡᠷᠬᠡ ᠤᠯᠭᠤᠵᠠᠢ᠃ | 1878 ᠤᠨ ᠳᠤ ᠲᠤᠳᠠᠪᠦ᠋ᠮᠡᠨ ᠸᠠᠩ ᠨᠠᠰᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠬᠦᠷᠢᠶᠡ | ᠰᠦᠮᠡ ᠠᠴᠠ ᠲᠤᠰᠬᠠᠢ ᠨᠢᠬᠡᠨ ᠴᠠᠭᠠᠨ ᠰᠤᠪᠤᠷᠭᠠ ᠪᠤᠰᠬᠠᠵᠦ᠂ ᠵᠢᠯ ᠵᠢᠯ ᠲᠠᠬᠢᠯᠭᠠ ᠬᠢᠵᠦ᠂ ᠲᠤᠳᠠᠪᠦ᠋ᠮᠡᠨ ᠸᠠᠩ ᠢ | ᠲᠤᠷᠠᠰᠬᠠᠳᠠᠭ ᠪᠠᠶᠢᠵᠠᠢ᠃ | ᠲᠤᠳᠠᠪᠦ᠋ᠮᠡᠨ ᠸᠠᠩ ᠢ ᠨᠤᠳᠤᠭ ᠤᠨ ᠬᠢᠨ ︽ᠭᠡᠪ ᠢᠶᠠᠨ ᠰᠠᠬᠢᠭᠰᠠᠨ ᠬᠡᠷᠰᠡᠤ ᠸᠠᠩ︾ | ᠬᠡᠵᠦ ᠬᠡᠯᠡᠳᠡᠭ᠃ |