| ᠨᠢᠬᠡᠳᠦᠭᠡᠷ ᠸᠠᠩ᠄ ᠲᠠᠩᠭᠢᠰ ᠮᠡᠷᠬᠡᠨ ᠸᠠᠩ ︵1585 — 1649︶ | ᠲᠠᠩᠭᠢᠰ ᠪᠤᠯ ᠰᠦᠨᠢᠳ ᠵᠡᠬᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠬᠠᠮᠤᠭ ᠠᠩᠬᠠᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠸᠠᠩ | ᠪᠤᠯᠬᠤ ᠶᠤᠮ᠃ | ᠪᠠᠳᠤᠮᠦ᠋ᠡᠭᠭᠡ ᠲᠢᠶᠠᠨ ᠬᠠᠭᠠᠨ ᠤ ᠠᠬᠠᠮᠠᠳ ᠬᠦᠪᠡᠬᠦᠨ ᠲᠦᠷᠦᠪᠤᠯᠤᠳ ᠲᠡᠬᠦᠨ ᠤ ᠬᠦᠪᠡᠬᠦᠨ ᠪᠤᠳ᠋ ᠠᠯᠠᠭ | ᠬᠠᠭᠠᠨ᠂ ᠪᠤᠳ᠋ ᠠᠯᠠᠭ ᠬᠠᠭᠠᠨ ᠤ ᠬᠦᠪᠡᠬᠦᠨ ᠬᠦᠬᠡᠴᠢᠳᠡᠢ ᠮᠡᠷᠬᠡᠨ ᠲᠠᠶᠢᠵᠢ᠂ ᠲᠡᠬᠦᠨ ᠤ ᠶᠡᠭᠡ ᠬᠦᠪᠡᠭᠦᠨ ᠪᠤᠷᠬᠠᠢ | ᠴᠦᠬᠦᠷ ᠨᠤᠶᠠᠨ᠂ ᠲᠡᠬᠦᠨ ᠤ ᠬᠦᠪᠡᠬᠦᠨ ᠲᠠᠪᠠᠭ᠋ᠠᠢ ᠲᠠᠷᠬᠠᠨ ᠬᠤᠰᠢᠭᠤᠴᠢ᠂ ᠲᠡᠬᠦᠨ ᠤ ᠶᠡᠭᠡ ᠬᠦᠪᠡᠬᠦᠨ ᠲᠠᠩᠬᠢᠰ | ᠮᠡᠷᠬᠡᠨ ᠲᠠᠶᠢᠵᠢ ᠪᠤᠯᠤᠨᠠ᠃ ᠲᠡᠷᠡ 1585 ᠤᠨ ᠳᠤ ᠲᠦᠷᠦᠵᠦ᠂ 1649 ᠤᠨ ᠳᠤ ᠨᠠᠰᠦ ᠪᠠᠷᠠᠪᠠ ︵ᠵᠠᠷᠢᠮ | ᠰᠤᠳᠤᠷ ᠨᠤᠮ ᠳᠤ 1648 ᠤᠨ ᠳᠤ ᠨᠠᠰᠦ ᠪᠠᠷᠠᠪᠠ ᠬᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ︶᠃ ᠲᠡᠬᠡᠳᠦ ᠡᠷᠳᠡᠮᠳᠤ ᠶᠢᠨ | ᠲᠦᠷᠪᠡᠳᠦᠬᠡᠷ ᠤᠨ ︵1639︶ ᠳᠤ ᠮᠠᠨᠵᠦ ᠶᠢᠨ ᠬᠠᠷᠢᠶᠠ ᠳᠤ ᠤᠷᠤᠵᠦ ᠮᠠᠨᠵᠦ ᠴᠢᠩ ᠤᠨ ᠬᠦᠷᠦᠨ ᠠᠴᠠ | ᠰᠦᠨᠢᠳ ᠵᠡᠬᠦᠨ ᠭᠠᠷᠤᠨ ᠬᠤᠰᠢᠭᠤ ᠶᠢ ᠬᠤᠪᠢᠳᠠᠨ ᠦᠭᠴᠦ ᠬᠠᠮᠢᠶᠠᠷᠤᠭᠤᠯᠵᠠᠢ᠃ ᠲᠡᠬᠡᠳᠦ ᠡᠷᠳᠡᠮᠳᠤ ᠶᠢᠨ | ᠲᠠᠪᠤᠳᠤᠭᠠᠷ ᠤᠨ ︵1640︶ ᠳᠤ ᠮᠠᠨᠵᠦ ᠶᠢᠨ ᠰᠡᠴᠡᠨ ᠬᠠᠭᠠᠨ ᠤ ᠠᠬᠠ ᠳ᠋ᠠᠶᠢᠱᠠᠨ ᠤ ᠭᠤᠷᠪᠠᠳᠤᠭᠠᠷ ᠬᠦᠪᠡᠬᠦᠨ | ᠰᠠᠬᠠᠯᠢᠶᠠᠨ ᠤ ᠦᠬᠢᠨ ᠢ ᠲᠠᠩᠭᠢᠰ ᠲᠠᠢ ᠤᠷᠤᠭᠯᠠᠭᠤᠯᠤᠭᠰᠠᠨ ᠠᠴᠠ ᠲᠠᠶᠢᠴᠢᠩ ᠬᠦᠷᠦᠨ ᠤ ᠡᠹᠦ᠋ ᠪᠤᠯᠵᠠᠢ᠃ | ᠲᠡᠬᠡᠳᠦ ᠡᠷᠳᠡᠮᠳᠤ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵1641︶ ᠳᠤ ᠮᠠᠨᠵᠦ ᠶᠢᠨ ᠲᠠᠩᠬᠢᠰ ᠮᠡᠷᠬᠡᠨ ᠲᠠᠶᠢᠵᠢ ᠶᠢ | ᠰᠦᠨᠢᠳ ᠵᠡᠬᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠵᠢᠶᠦ᠋ᠨ ᠸᠠᠩ ᠡᠷᠬᠦᠮᠵᠢᠯᠡᠵᠦ ᠦᠶᠡ ᠤᠯᠠᠷᠢᠨ | ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠪᠠᠷ ᠵᠠᠷᠯᠢᠭ ᠪᠠᠭᠤᠵᠠᠢ᠃ | ᠲᠠᠩᠬᠢᠰ ᠮᠡᠷᠬᠡᠨ ᠲᠠᠶᠢᠵᠢ ᠬᠤᠰᠢᠭᠤ ᠵᠠᠰᠠᠭ ᠲᠦᠷᠦ ᠶᠢᠨ ᠵᠢᠶᠦ᠋ᠨ ᠸᠠᠩ ᠰᠠᠭᠤᠵᠦ ᠬᠠᠭᠠᠨ ᠤ ᠡᠹᠦ᠋ ᠪᠤᠯᠤᠭᠰᠠᠨ ᠤ | ᠲᠠᠷᠠᠭᠠ ᠮᠠᠨᠵᠦ ᠴᠢᠩ ᠤᠨ ᠵᠠᠰᠠᠭ ᠲᠤ ᠪᠡᠶᠡ ᠪᠠᠷ ᠢᠶᠠᠨ ᠬᠦᠷᠴᠦ ᠦᠡᠭᠭᠡᠷᠡᠭᠡ ᠦᠬᠡᠢ᠂ ᠲᠠᠶᠢᠽᠦᠩ ᠬᠠᠭᠠᠨ ᠨᠠᠰᠤ | ᠪᠠᠷᠠᠭᠰᠠᠨ ᠳᠤ ᠴᠤ ᠪᠡᠶᠡ ᠪᠠᠷ ᠢᠶᠠᠨ ᠬᠦᠵᠢ ᠵᠤᠯᠠ ᠪᠠᠷᠢᠵᠦ ᠭᠠᠰᠢᠭᠤᠳᠠᠯ ᠢᠯᠡᠷᠬᠡᠶᠢᠯᠡᠭᠡ ᠦᠬᠡᠢ ᠨᠢ ᠮᠠᠨᠵᠦ | ᠴᠢᠩ ᠤᠨ ᠮᠤᠩᠭᠤᠯ ᠳᠤ ᠠᠪᠴᠦ ᠪᠠᠶᠢᠭᠰᠠᠨ ᠪᠤᠳᠤᠯᠭᠠ ᠳᠤ ᠦᠪᠡᠷ ᠤᠨ ᠦᠵᠡᠯᠳᠡ ᠲᠠᠢ ᠪᠠᠶᠢᠵᠦ᠂ ᠮᠠᠨᠵᠦ | ᠵᠠᠰᠠᠭ ᠢ ᠲᠠᠭᠠᠭᠰᠠᠨ ᠨᠢ ᠲᠡᠶᠢᠮᠦ ᠵᠦᠪ ᠰᠤᠩᠭᠤᠯᠳᠠ ᠪᠢᠰᠢ ᠭᠡᠵᠦ ᠮᠠᠨᠵᠦ ᠶᠢᠨ ᠨᠤᠶᠠᠷᠬᠠᠯ ᠳᠤ ᠮᠠᠰᠢ ᠲᠤᠷᠠ | ᠦᠬᠡᠶᠢᠴᠡᠵᠦ ᠪᠠᠶᠢᠭᠰᠠᠨ ᠤ ᠬᠢᠨᠢ ᠢᠯᠡᠷᠡᠯ ᠶᠤᠮ᠃ | ᠴᠢᠩ ᠤᠯᠤᠰ ᠤᠨ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ︵1646︶ ᠲᠠᠩᠬᠢᠰ ᠮᠡᠷᠬᠡᠨ ᠵᠢᠶᠦ᠋ᠨ | ᠸᠠᠩ ᠲᠡᠭᠦᠤ ᠲᠠᠩᠬᠢᠳᠠᠢ ᠪᠤᠯᠤᠨ ᠦᠪᠬᠡᠳᠡᠢ᠂ ᠲᠤᠷᠵᠢᠰᠠᠭᠠᠪᠠ᠂ ᠮᠠᠩᠭᠤᠰ᠂ ᠡᠷᠮᠡᠭ᠂ ᠱᠠᠳᠠ ᠵᠡᠷᠬᠡ ᠲᠠᠨᠪᠤᠨ | ᠲᠠᠶᠢᠵᠢ ᠨᠠᠷ ᠤᠨ ᠤᠳᠤᠷᠢᠳᠦᠨ ᠲᠠᠶᠢᠴᠢᠯᠠᠭᠰᠠᠨ ᠰᠦᠨᠢᠳ ᠵᠡᠬᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠬᠠᠷᠢᠶᠠᠳᠦ ᠠᠷᠠᠳ | ᠪᠤᠰᠤᠯᠴᠠᠨ ᠮᠠᠨᠵᠦ ᠴᠢᠩ ᠤᠨ ᠬᠠᠷᠢᠶᠠ ᠠᠴᠠ ᠰᠠᠯᠵᠦ᠂ ᠬᠠᠯᠬᠠ ᠶᠢᠨ ᠬᠡᠷᠦᠯᠦᠨ ᠭᠤᠤᠯ ᠤᠷᠤᠭᠤ ᠨᠡᠭᠦᠳᠡᠯᠯᠡᠨ | ᠶᠠᠪᠤᠭᠰᠠᠨ ᠨᠢ ᠲᠠᠷᠤᠢ ᠲᠡᠤᠬᠡᠨ ᠳᠤ ᠲᠡᠮᠳᠡᠭᠯᠡᠭᠳᠡᠨ ᠪᠤᠢ ︽ᠲᠠᠩᠭᠢᠰ ᠤᠨ ᠤᠷᠪᠠᠯᠭᠠᠨ︾ ᠬᠡᠳᠡᠭ ᠪᠤᠯᠤᠨᠠ᠃ | ᠰᠦᠨᠢᠳ ᠤᠨ ᠸᠠᠩ ᠲᠠᠩᠭᠢᠰ ᠨᠠᠷ ᠤᠨ ᠮᠠᠨᠵᠦ ᠴᠢᠩ ᠤᠨ ᠨᠤᠶᠠᠷᠬᠠᠯ ᠠᠴᠠ ᠰᠠᠯᠵᠦ ᠤᠮᠠᠷᠠᠰᠢ | ᠨᠡᠬᠦᠳᠡᠯᠯᠡᠭᠰᠡᠨ ᠶᠠᠪᠤᠳᠠᠯ ᠢ ᠴᠢᠩ ᠬᠦᠷᠦᠨ ᠮᠡᠳᠡᠬᠡᠳ ᠶᠡᠭᠡ ᠴᠡᠷᠢᠭ ᠬᠦᠳᠡᠯᠬᠡᠨ ᠨᠡᠬᠡᠮᠵᠢᠯᠡᠨ ᠴᠤᠬᠢᠵᠦ | ᠲᠠᠷᠤᠩᠭᠤᠶᠢᠯᠠᠬᠤ ᠵᠠᠷᠯᠢᠭ ᠪᠠᠭᠤᠯᠭᠠᠵᠠᠢ᠃ ᠴᠢᠩ ᠤᠯᠤᠰ ᠤᠨ ᠡᠶᠡᠪᠡᠷ ᠵᠠᠰᠠᠭᠴᠢ ᠬᠠᠭᠠᠨ ᠲᠡᠷᠡ ᠲᠠᠷᠤᠢ ᠳᠤᠨᠢ | ᠵᠠᠷᠯᠢᠭ ᠪᠠᠭᠤᠯᠭᠠᠵᠦ ᠦᠪᠡᠷ ᠤᠨ ᠠᠪᠠᠭᠠ ᠢᠤᠢ ᠴᠧᠨ ᠸᠠᠩ ᠲᠤᠳᠤ ᠶᠢ ᠶᠡᠭᠡ ᠴᠡᠷᠢᠭ ᠤᠨ ᠲᠡᠷᠢᠬᠦᠨ ᠵᠠᠩᠵᠤᠨ ᠢᠶᠠᠷ | ᠲᠤᠮᠢᠯᠠᠵᠦ᠂ ᠰᠦᠨᠢᠳ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠵᠢᠶᠦ᠋ᠨ ᠸᠠᠩ ᠱᠤᠤᠰᠠᠢ ᠪᠠᠷ ᠲᠡᠳ᠋ ᠵᠠᠩᠵᠤᠨ ᠪᠤᠯᠭᠠᠵᠦ᠂ | ᠶᠡᠭᠡ ᠴᠡᠷᠢᠭ ᠲᠠᠶᠢᠴᠢᠯᠠᠨ ᠬᠦᠳᠡᠯᠬᠡᠬᠦ ᠶᠢᠨ ᠲᠠᠭᠠᠤ ᠪᠠᠰᠠ ᠬᠤᠷᠴᠢᠨ ᠠᠶᠢᠮᠠᠭ ᠪᠤᠯᠤᠨ ᠲᠦᠷᠪᠡᠳ ᠠᠶᠢᠮᠠᠭ ᠲᠤ | ᠵᠠᠷᠯᠢᠭ ᠪᠠᠭᠤᠯᠭᠠᠵᠦ᠂ ᠲᠤᠰᠠᠯᠠᠬᠤ ᠴᠡᠷᠢᠭ ᠲᠤᠮᠢᠯᠠᠨ᠂ ᠮᠠᠨᠵᠦ ᠴᠢᠩ ᠤᠨ ᠬᠦᠴᠦ ᠬᠠᠪᠰᠤᠷᠤᠭᠤᠯᠤᠨ ᠰᠦᠨᠢᠳ ᠤᠨ | ᠲᠠᠩᠭᠢᠰ ᠸᠠᠩ ᠤᠨ ᠪᠤᠰᠤᠯᠭᠠ ᠭᠠᠷᠭᠠᠭᠴᠢᠳ ᠤᠨ ᠠᠷᠤ ᠠᠴᠠ ᠲᠦᠷᠬᠡᠨ ᠨᠡᠬᠡᠮᠵᠢᠯᠡᠬᠦ ᠶᠢ ᠱᠠᠭᠠᠷᠳᠠᠵᠠᠢ᠃ ᠵᠠᠷᠯᠢᠭ | ᠬᠦᠯᠢᠶᠡᠭᠰᠡᠨ ᠲᠦᠷᠪᠡᠳ ᠠᠶᠢᠮᠠᠭ ᠤᠨ ᠵᠤᠷᠢᠭᠳᠦ ᠲᠤᠭᠰᠢᠨ ᠦᠮᠪᠦ᠂ ᠦᠪᠡᠷ ᠤᠨ ᠠᠶᠢᠮᠠᠭ ᠤᠨ ᠮᠤᠷᠢᠳᠦ | ᠴᠡᠷᠢᠭ ᠢᠶᠠᠨ ᠠᠪᠴᠦ ᠡᠩ ᠲᠡᠷᠢᠬᠦᠨ ᠳᠤ ᠮᠤᠷᠳᠠᠵᠦ᠂ ᠲᠠᠩᠭᠢᠰ ᠸᠠᠩ ᠤᠨ ᠪᠤᠰᠤᠯᠭᠠ ᠭᠠᠷᠭᠠᠭᠴᠢᠳ ᠢ ᠨᠡᠬᠡᠨ | ᠬᠦᠷᠴᠦ ᠰᠢᠷᠦᠬᠦᠨ ᠲᠤᠯᠤᠯᠳᠤᠭᠠᠨ ᠪᠤᠯᠵᠠᠢ᠃ ᠡᠨᠡ ᠤᠳᠠᠭᠠᠨ ᠤ ᠲᠤᠯᠤᠯᠳᠤᠭᠠᠨ ᠳᠤ ᠲᠠᠩᠭᠢᠰ ᠸᠠᠩ ᠤᠨ ᠴᠡᠷᠢᠭ | ᠮᠤᠷᠢ ᠨᠡᠯᠢᠶᠡᠳ ᠬᠤᠬᠢᠷᠠᠵᠦ᠂ ᠲᠤᠷᠵᠢᠰᠠᠭᠠᠪᠠ᠂ ᠮᠠᠩᠭᠤᠰ᠂ ᠢᠷᠮᠡᠭ᠂ ᠱᠠᠳᠠ ᠵᠡᠷᠬᠡ ᠲᠠᠪᠤᠨ ᠲᠠᠶᠢᠵᠢ ᠪᠡᠶᠡ | ᠦᠷᠡᠭᠳᠡᠵᠦ᠂ ᠵᠠᠭᠤ ᠲᠠᠪᠢ ᠭᠠᠷᠤᠢ ᠬᠦᠮᠦᠨ ᠪᠠᠷᠢᠭᠳᠠᠵᠠᠢ᠃ ᠪᠠᠰᠠ ᠬᠤᠶᠠᠷ ᠮᠢᠩᠭᠠ ᠭᠠᠷᠤᠢ ᠠᠳᠤᠭᠤ᠂ ᠭᠤᠷᠪᠠᠨ | ᠵᠠᠭᠤ ᠭᠠᠷᠤᠢ ᠲᠡᠮᠡᠭᠡ᠂ ᠮᠢᠩᠭᠠ ᠲᠠᠪᠤᠨ ᠵᠠᠭᠤ ᠦᠬᠡᠷ᠂ ᠨᠠᠶᠢᠮᠠᠨ ᠮᠢᠩᠭᠠᠨ ᠬᠤᠨᠢ ᠲᠦᠷᠪᠡᠳ ᠸᠠᠩ ᠤᠨ | ᠴᠡᠷᠢᠭ ᠲᠤ ᠤᠯᠵᠠᠯᠠᠭᠳᠠᠭᠰᠠᠨ ᠪᠤᠯᠪᠠᠴᠦ ᠲᠠᠩᠬᠢᠰ ᠤᠨ ᠪᠤᠰᠤᠯᠭᠠ ᠭᠠᠷᠭᠠᠭᠴᠢᠳ ᠪᠠᠭᠤᠵᠦ ᠦᠭᠭᠦᠬᠡ ᠦᠬᠡᠢ | ᠦᠷᠬᠦᠯᠵᠢᠯᠡᠨ ᠬᠡᠷᠦᠯᠦᠨ ᠭᠤᠤᠯ ᠢ ᠦᠭᠰᠦᠨ ᠤᠷᠤᠭᠰᠢᠯᠠᠵᠠᠢ᠃ ᠲᠤᠯᠤᠭᠠᠨ ᠰᠠᠷᠠ ᠳᠤ ᠰᠦᠨᠢᠳ ᠤᠨ ᠲᠠᠩᠭᠢᠰ | ᠸᠠᠩ ᠢ ᠨᠡᠬᠡᠮᠵᠢᠯᠡᠨ ᠶᠠᠪᠤᠭᠠ ᠴᠡᠷᠢᠭ ᠤᠨ ᠬᠤᠰᠢᠭᠤᠴᠢ ᠲᠤᠳᠤ ᠶᠢᠨ ᠴᠡᠷᠢᠭ ᠢᠡᠭᠭᠠᠷᠴᠤᠭ ᠤᠨ ᠠᠭᠤᠯᠠ ᠬᠡᠮᠡᠬᠦ | ᠭᠠᠵᠠᠷ ᠬᠦᠷᠴᠦ᠂ ᠰᠦᠨᠢᠳ ᠤᠨ ᠲᠠᠩᠭᠢᠰ ᠸᠠᠩ ᠤᠨ ᠴᠡᠷᠢᠭ — ᠬᠦᠨ ᠭᠠᠯᠠᠭᠤᠳᠤ ᠳᠤ ᠪᠠᠭᠤᠳᠠᠯᠯᠠᠭᠰᠠᠨ ᠢ | ᠲᠤᠷᠰᠢᠨ ᠮᠡᠳᠡᠬᠡᠳ ᠲᠠᠷᠤᠢ ᠳᠤᠨᠢ ᠬᠦᠯᠦᠭ ᠲᠠᠷᠬᠠᠨ ᠠᠯᠠᠢ ᠳᠤ ᠲᠠᠭᠠᠷᠢᠯᠳᠠ ᠬᠢᠭᠰᠡᠨ ᠳᠤ ᠲᠠᠩᠭᠢᠰ ᠤᠨ ᠴᠡᠷᠢᠭ | ᠲᠤᠰᠤᠨ ᠠᠪᠴᠦ ᠪᠠᠶᠢᠯᠳᠤᠭᠠᠳ ᠴᠡᠷᠢᠭ ᠤᠨ ᠬᠦᠴᠦᠨ ᠤ ᠬᠠᠷᠢᠴᠠᠯ ᠠᠴᠠ ᠪᠤᠯᠵᠦ ᠶᠡᠭᠡ ᠬᠤᠬᠢᠷᠠᠯ ᠳᠤ ᠤᠴᠠᠷᠠᠭᠰᠠᠨ | ᠪᠤᠯᠪᠠᠴᠦ ᠪᠠᠭᠤᠵᠦ ᠦᠭᠭᠦᠰᠡᠨ ᠦᠬᠡᠢ ᠦᠷᠬᠦᠯᠵᠢᠯᠡᠨ ᠴᠢᠩ ᠤᠨ ᠴᠡᠷᠢᠭ ᠲᠠᠢ ᠪᠠᠶᠢᠯᠳᠤᠨ ᠤᠯᠠᠮ ᠢᠶᠠᠷ ᠬᠠᠯᠬᠠ ᠶᠢᠨ | ᠨᠤᠳᠤᠭ ᠤᠨ ᠬᠦᠨ ᠳᠤ ᠤᠬᠤᠷᠢᠨ ᠰᠢᠯᠵᠢᠵᠠᠢ᠃ ᠴᠢᠩ ᠤᠯᠤᠰ ᠤᠨ ᠴᠡᠷᠢᠭ ᠤᠨ ᠵᠠᠩᠵᠤᠨ ᠢᠤᠢ ᠴᠧᠨ ᠲᠤᠳᠤ | ᠲᠡᠷᠡ ᠳᠤᠨᠢ ᠬᠤᠷᠢᠴᠨ ᠤ ᠵᠢᠶᠦ᠋ᠨ ᠸᠠᠩ ᠮᠠᠭᠰᠦ᠋ᠰᠢᠷᠢ ᠮᠠᠶᠢᠷᠠᠨ ᠵᠠᠩᠭᠢ ᠮᠢᠩᠭᠠᠯᠳᠠᠢ ᠳᠤ ᠴᠡᠷᠢᠭ ᠦᠭᠴᠦ | ᠰᠦᠨᠢᠳ ᠤᠨ ᠲᠠᠩᠬᠢᠰ ᠸᠠᠩ ᠤᠨ ᠴᠡᠷᠢᠭ ᠢ ᠰᠦᠨᠢ ᠲᠤᠷᠰᠢ ᠨᠡᠬᠡᠮᠵᠢᠯᠡᠬᠦᠯᠦᠨ ᠲᠠᠷᠠᠭᠠ ᠡᠳᠦᠷ ᠤᠨ ᠦᠷᠯᠦᠬᠡ | ᠠᠭᠤᠯᠠ ᠶᠢᠨ ᠤᠷᠴᠢᠮ ᠳᠤ ᠬᠦᠢᠴᠡᠨ ᠬᠦᠷᠴᠦ ᠰᠢᠷᠦᠬᠦᠨ ᠲᠤᠯᠤᠯᠳᠤᠭᠠᠨ ᠪᠤᠯᠪᠠ᠃ ᠲᠤᠯᠤᠯᠳᠤᠭᠠᠨ ᠤ ᠲᠤᠮᠳᠠ | ᠲᠠᠩᠬᠢᠰ ᠸᠠᠩ ᠲᠠᠢ ᠤᠷᠤᠭᠯᠠᠭᠰᠠᠨ ᠬᠠᠭᠠᠨ ᠤ ᠲᠦᠷᠦᠯ ᠤᠨ ᠬᠡᠬᠡ ᠤᠯᠠᠮᠵᠢᠯᠠᠭᠳᠠᠵᠦ᠂ ᠮᠤᠤᠬᠠᠢ ᠲᠠᠶᠢᠵᠢ ᠪᠡᠶᠡ | ᠦᠷᠡᠭᠳᠡᠨ᠂ ᠲᠠᠩᠭᠢᠰ ᠤᠨ ᠴᠡᠷᠦᠭ ᠬᠦᠴᠦ ᠮᠡᠬᠦᠰᠳᠡᠨ ᠲᠠᠷᠤᠭᠳᠠᠵᠦ ᠦᠷᠬᠦᠯᠵᠢᠯᠡᠨ ᠤᠬᠤᠷᠢᠵᠠᠢ᠃ ᠲᠡᠷᠡ | ᠦᠶᠡ ᠳᠤ ᠴᠢᠩ ᠤᠯᠤᠰ ᠤᠨ ᠶᠡᠭᠡ ᠴᠡᠷᠢᠭ ᠤᠨ ᠵᠠᠩᠵᠤᠨ ᠲᠠᠬᠢᠨ ᠴᠡᠷᠢᠭ ᠮᠤᠷᠢ ᠪᠠᠨ ᠲᠠᠶᠢᠴᠢᠯᠠᠨ ᠲᠤᠤᠯᠠ | ᠭᠤᠤᠯ ᠢ ᠭᠠᠳᠤᠯᠵᠦ ᠵᠠᠩᠵᠤᠨ ᠸᠠᠰᠳᠠ ᠶᠢ ᠲᠤᠮᠢᠯᠠᠵᠦ᠂ ᠨᠢᠬᠡᠨ ᠵᠠᠮ ᠤᠨ ᠴᠡᠷᠢᠭ ᠢ ᠲᠠᠶᠢᠴᠢᠯᠠᠨ ᠲᠠᠩᠭᠢᠰ ᠤᠨ | ᠴᠡᠷᠢᠭ ᠤᠨ ᠤᠬᠤᠷᠢᠬᠤ ᠵᠠᠮ ᠢ ᠲᠤᠰᠴᠦ ᠲᠠᠬᠢᠨ ᠲᠤᠯᠤᠯᠳᠤᠭᠠᠨ ᠪᠤᠯᠪᠠ᠃ ᠲᠤᠯᠤᠯᠳᠤᠭᠠᠨ ᠤ ᠲᠤᠮᠳᠠ ᠲᠠᠩᠬᠢᠰ | ᠸᠠᠩ ᠤᠨ ᠬᠦᠤ ᠲᠤᠷᠵᠢ ᠵᠢᠴᠢ ᠪᠠᠳᠤ ᠰᠡᠴᠡᠨ ᠨᠠᠷ ᠪᠡᠶᠡ ᠦᠷᠡᠭᠳᠡᠵᠦ ᠲᠠᠩᠬᠢᠰ ᠤᠨ ᠠᠬᠦ ᠭᠠᠷᠠᠮᠠ ᠪᠤᠯᠤ᠋ ᠲᠠᠮᠤᠳᠠ | ᠪᠤᠱᠣᠭᠳᠤ ᠴᠢᠩ ᠤᠨ ᠴᠡᠷᠢᠭ ᠲᠤ ᠪᠠᠷᠢᠭᠳᠠᠵᠦ ᠪᠠᠭᠤᠵᠦ ᠦᠭᠭᠦᠭᠰᠡᠨ ᠦᠬᠡᠢ ᠡᠷᠡᠰ ᠬᠠᠳᠠᠭᠤ ᠡᠰᠡᠷᠬᠦᠴᠡᠭᠰᠡᠨ ᠠᠴᠠ | ᠴᠠᠪᠴᠢᠨ ᠬᠦᠨᠦᠭᠡᠭᠳᠡᠪᠡ᠃ ᠲᠠᠩᠬᠢᠰ ᠸᠠᠩ ᠤᠨ ᠴᠡᠷᠢᠭ ᠮᠠᠨᠵᠦ ᠴᠢᠩ ᠤᠨ ᠬᠡᠳᠦᠨ ᠤᠳᠠᠭᠠᠨ ᠤ ᠪᠦᠰᠡᠯᠡᠨ | ᠲᠠᠭᠠᠷᠢᠯᠳᠠ ᠳᠤ ᠤᠴᠠᠷᠠᠵᠦ ᠨᠡᠯᠢᠶᠡᠳ ᠶᠡᠭᠡ ᠬᠤᠬᠢᠷᠠᠯ ᠳᠤ ᠤᠴᠠᠷᠠᠭᠰᠠᠨ ᠪᠤᠯᠪᠠᠴᠦ ᠮᠠᠨᠵᠦ ᠴᠢᠩ ᠤᠨ ᠴᠡᠷᠢᠭ ᠲᠠᠢ | ᠤᠳᠠᠭᠠ ᠲᠠᠷᠠᠭᠠᠯᠠᠨ ᠲᠤᠯᠤᠯᠳᠤᠵᠦ ᠶᠡᠷᠦ ᠠᠴᠠ ᠪᠠᠭᠤᠵᠦ ᠦᠭᠭᠦᠭᠰᠡᠨ ᠦᠬᠡᠢ ᠪᠦᠬᠡᠳ ᠭᠠᠵᠠᠷ ᠤᠨ ᠪᠠᠶᠢᠴᠠ ᠶᠢ | ᠠᠰᠢᠭᠯᠠᠵᠦ ᠮᠠᠨᠵᠦ ᠴᠡᠷᠢᠭ ᠤᠨ ᠲᠠᠭᠠᠷᠢᠯᠳᠠ ᠶᠢ ᠡᠷᠡᠰ ᠲᠤᠯᠵᠦ ᠡᠰᠡᠷᠬᠦᠴᠡᠨ ᠪᠠᠶᠢᠯᠳᠤᠵᠦ ᠪᠠᠶᠢᠵᠠᠢ᠃ | ᠲᠦᠰᠢᠶᠡᠳᠦ ᠬᠠᠨ ᠤ ᠪᠤᠷᠬᠠᠨᠳᠤ ᠶᠢᠨ ᠨᠤᠳᠤᠭ ︵ᠪᠤᠷᠤ ᠬᠠᠳᠠ ᠶᠢᠨ ᠠᠭᠤᠯᠠ ᠬᠡᠵᠦ ᠵᠠᠷᠢᠮ ᠨᠤᠮ ᠳᠤ | ᠲᠡᠮᠳᠡᠭᠯᠡᠵᠦ ᠪᠤᠢ︶ ᠲᠤ ᠪᠤᠯᠤᠭᠰᠠᠨ ᠲᠤᠯᠤᠯᠳᠤᠭᠠᠨ ᠪᠤᠯ ᠮᠠᠰᠢ ᠰᠢᠷᠦᠬᠦᠨ ᠶᠠᠪᠤᠭᠳᠠᠭᠰᠠᠨ ᠨᠢᠬᠡ ᠤᠳᠠᠭᠠᠨ ᠤ | ᠲᠤᠯᠤᠯᠳᠤᠭᠠᠨ ᠪᠤᠯᠬᠤ ᠲᠡᠳᠦᠢ ᠦᠬᠡᠢ ᠲᠠᠩᠭᠢᠰ ᠤᠨ ᠴᠡᠷᠢᠭ᠂ ᠮᠠᠨᠵᠦ ᠴᠡᠷᠢᠭ ᠤᠨ ᠶᠡᠭᠡ ᠴᠡᠷᠢᠭ ᠲᠤ ᠲᠠᠷᠤᠭᠳᠠᠵᠦ᠂ | ᠬᠦᠨᠳᠦ ᠰᠦᠷᠡᠬᠡᠢ ᠬᠤᠬᠢᠷᠠᠯ ᠠᠮᠰᠠᠭᠰᠠᠨ ᠨᠢᠬᠡᠨ ᠤᠳᠠᠭᠠᠨ ᠤ ᠲᠤᠯᠤᠯᠳᠤᠭᠠᠨ ᠶᠤᠮ᠃ ᠡᠨᠡ ᠤᠳᠠᠭᠠᠨ ᠤ | ᠲᠤᠯᠤᠯᠳᠤᠭᠠᠨ ᠳᠤ ᠲᠠᠩᠬᠢᠰ ᠤᠨ ᠴᠡᠷᠢᠭ ᠠᠴᠠ ᠮᠢᠩᠭᠠ ᠢᠯᠡᠬᠦᠤ ᠬᠦᠮᠦᠨ ᠦᠷᠡᠭᠳᠡᠵᠦ᠂ ᠨᠠᠢᠮᠠᠨ ᠵᠠᠭᠤᠨ ᠬᠦᠮᠦᠨ | ᠪᠠᠷᠢᠭᠳᠠᠵᠦ᠂ ᠠᠳᠤᠭᠤ ᠬᠤᠶᠠᠷ ᠲᠦᠮᠡ᠂ ᠦᠬᠡᠷ ᠨᠢᠬᠡ ᠲᠦᠮᠡ ᠨᠠᠢᠮᠠᠨ ᠮᠢᠩᠭᠠ᠂ ᠬᠤᠨᠢ ᠢᠮᠠᠭᠠ ᠠᠷᠪᠠᠨ | ᠭᠤᠷᠪᠠᠨ ᠲᠦᠮᠡ ᠲᠠᠪᠤᠨ ᠮᠢᠩᠭᠠ ᠭᠠᠷᠤᠢ᠂ ᠲᠡᠮᠡᠭᠡ ᠮᠢᠩᠭᠠ ᠲᠦᠷᠪᠡᠨ ᠵᠠᠭᠤ ᠭᠠᠷᠤᠢ᠂ ᠶᠡᠭᠡ ᠬᠡᠮᠵᠢᠶᠡᠨ ᠤ ᠠᠴᠢᠶᠠ | ᠬᠦᠰᠬᠡ ᠮᠠᠨᠵᠦ ᠴᠢᠩ ᠴᠡᠷᠢᠭ ᠲᠤ ᠤᠯᠵᠠᠯᠠᠭᠳᠠᠵᠠᠢ᠃ ᠲᠠᠩᠭᠢᠰ ᠸᠠᠩ ᠤᠨ ᠴᠡᠷᠢᠭ ᠮᠠᠨᠵᠦ ᠴᠢᠩ ᠤᠨ ᠶᠡᠭᠡ | ᠴᠡᠷᠢᠭ ᠤᠨ ᠪᠦᠰᠡᠯᠡᠯᠳᠡ ᠶᠢ ᠰᠢᠪᠳᠤᠯᠤᠨ ᠭᠠᠷᠴᠦ ᠦᠷᠬᠦᠯᠵᠢᠯᠡᠨ ᠬᠤᠶᠢᠰᠢ ᠰᠢᠯᠵᠢᠵᠠᠢ᠃ ᠲᠠᠩᠭᠢᠰ ᠸᠠᠩ ᠮᠠᠨᠵᠦ | ᠴᠢᠩ ᠤᠨ ᠴᠡᠷᠢᠭ ᠤᠨ ᠪᠦᠰᠡᠯᠡᠯᠳᠡ ᠶᠢ ᠰᠢᠪᠳᠤᠯᠤᠭᠰᠠᠨ ᠤ ᠲᠠᠷᠠᠭᠠ᠂ ᠶᠠᠭᠠᠷᠠᠯᠳᠠᠢ ᠪᠠᠷ ᠲᠤᠮᠢᠯᠠᠵᠦ ᠡᠯᠴᠢ | ᠲᠤᠮᠢᠯᠠᠵᠦ ᠰᠡᠴᠡᠨ ᠬᠠᠨ ᠰᠣᠯᠣᠢ ᠪᠤᠯᠤᠨ ᠲᠦᠰᠢᠶᠡᠳᠦ ᠬᠠᠨ ᠠᠴᠠ ᠲᠤᠰᠠᠯᠠᠬᠤ ᠴᠡᠷᠢᠭ ᠭᠤᠶᠤᠴᠢᠯᠠᠭᠰᠠᠨ ᠳᠤ | ᠰᠡᠴᠡᠨ ᠬᠠᠨ ᠱᠤᠯᠤᠢ ᠦᠪᠡᠷ ᠤᠨ ᠬᠦᠪᠡᠬᠦᠨ ᠪᠢᠮᠪᠠ ᠳᠤ ᠭᠤᠷᠪᠠᠨ ᠲᠦᠮᠡᠨ ᠴᠡᠷᠢᠭ ᠦᠭᠴᠦ ᠲᠠᠩᠬᠢᠰ ᠢ | ᠲᠤᠰᠠᠯᠠᠭᠤᠯᠬᠤ ᠪᠠᠷ ᠮᠤᠷᠳᠠᠭᠤᠯᠪᠠ᠃ ᠮᠦᠨ ᠲᠦᠰᠢᠶᠡᠳᠦ ᠬᠠᠨ ᠭᠤᠮᠪᠤᠳᠤᠷᠵᠢ ᠦᠪᠡᠷ ᠤᠨ ᠦᠶᠡᠯᠢᠳ ᠲᠡᠬᠦᠤ | ᠷᠠᠬᠤᠯᠳᠠᠯᠢ ᠨᠤᠶᠠᠨ᠂ ᠲᠡᠬᠦᠨ ᠤ ᠬᠦᠨ ᠠᠪᠬᠤ ᠮᠡᠷᠬᠡᠨ ᠨᠠᠷ ᠲᠤ ᠬᠤᠶᠠᠷ ᠲᠦᠮᠡᠨ ᠴᠡᠷᠢᠭ ᠲᠠᠶᠢᠴᠢᠯᠠᠨ᠂ ᠰᠡᠴᠡᠨ | ᠬᠠᠨ ᠱᠣᠯᠤᠢ ᠲᠦᠰᠢᠶᠡᠳᠦ ᠬᠠᠨ ᠭᠤᠮᠪᠤᠳᠤᠷᠵᠢ ᠶᠢᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠢ ᠲᠠᠶᠢᠴᠢᠯᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠦ᠂ | ᠲᠠᠩᠭᠢᠰ ᠸᠠᠩ ᠢ ᠬᠦᠴᠦᠨ ᠲᠤᠰᠠᠯᠠᠬᠤ ᠪᠠᠷ ᠮᠤᠷᠳᠠᠵᠠᠢ᠃ | ᠲᠠᠩᠭᠢᠰ ᠸᠠᠩ ᠳᠤ ᠬᠦᠴᠦᠨ ᠲᠤᠰᠠᠯᠠᠬᠤ ᠬᠠᠯᠬᠠ ᠶᠢᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠵᠠᠵᠢ ᠪᠨᠤᠯᠠᠭ ᠤᠨ ᠲᠡᠬᠡᠳᠦ | ᠡᠬᠢ ᠬᠦᠷᠬᠦ ᠳᠤ ᠴᠢᠩ ᠤᠯᠤᠰ ᠤᠨ ᠶᠡᠭᠡ ᠴᠡᠷᠢᠭ ᠲᠤᠯᠭᠠᠷᠠᠵᠦ ᠰᠢᠷᠦᠬᠦᠨ ᠲᠤᠯᠤᠯᠳᠤᠭᠠᠨ ᠪᠤᠯᠪᠠ᠃ ᠴᠢᠩ ᠤᠨ | ᠴᠡᠷᠢᠭ᠂ ᠶᠡᠭᠡ ᠵᠢᠭᠰᠠᠭᠠᠯ ᠵᠢᠭᠰᠠᠭᠠᠵᠦ ᠤᠭᠳᠤᠨ ᠪᠠᠶᠢᠯᠳᠤᠬᠤ ᠳᠤ ᠲᠦᠰᠢᠶᠡᠳᠦ ᠬᠠᠨ ᠤ ᠴᠡᠷᠢᠭ ᠬᠦᠴᠦᠨ | ᠲᠠᠷᠤᠭᠳᠠᠵᠦ ᠤᠬᠤᠷᠢᠪᠠ᠃ ᠴᠢᠩ ᠤᠨ ᠴᠡᠷᠢᠭ ᠬᠤᠷᠢᠭᠠᠳ ᠭᠠᠵᠠᠷ ᠨᠡᠬᠡᠮᠵᠢᠯᠡᠨ ᠴᠤᠬᠢᠭᠠᠳ ᠪᠤᠴᠠᠵᠠᠢ᠃ ᠲᠠᠷᠠᠭᠠ | ᠡᠳᠦᠷ ᠨᠢ ᠰᠡᠴᠡᠨ ᠬᠠᠨ ᠱᠤᠯᠤᠢ ᠶᠢᠨ ᠬᠦᠣ ᠪᠢᠮᠪᠠ ᠶᠢᠨ ᠲᠠᠶᠢᠴᠢᠯᠠᠭᠰᠠᠨ ᠭᠤᠷᠪᠠᠨ ᠲᠦᠮᠡᠨ ᠴᠡᠷᠢᠭ ᠵᠠᠵᠢ | ᠪᠤᠯᠠᠭ ᠤᠨ ᠠᠮᠠ ᠪᠠᠷ ᠴᠢᠩ ᠤᠨ ᠶᠡᠭᠡ ᠴᠡᠷᠢᠭ ᠤᠨ ᠵᠢᠭᠰᠠᠭᠠᠯ ᠤᠷᠤᠭᠤ ᠲᠠᠭᠠᠷᠢᠨ ᠤᠷᠤᠵᠦ ᠰᠢᠷᠦᠬᠦᠨ | ᠲᠤᠯᠤᠯᠳᠤᠵᠦ ᠨᠢᠬᠡ ᠡᠳᠦᠷ ᠰᠢᠬᠠᠮ ᠲᠤᠯᠤᠯᠳᠤᠭᠠᠳ ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠬᠤᠬᠢᠷᠠᠵᠦ ᠡᠴᠦᠰ ᠲᠡᠭᠡᠨ ᠰᠡᠴᠡᠨ | ᠬᠠᠨ ᠱᠣᠯᠤᠢ ᠶᠢᠨ ᠲᠤᠰᠠᠯᠠᠬᠤ ᠴᠡᠷᠢᠭ ᠬᠦᠴᠦᠨ ᠮᠡᠬᠦᠰᠳᠡᠨ ᠤᠬᠤᠷᠢᠪᠠ᠃ ᠡᠨᠡ ᠦᠶᠡ ᠳᠤ ᠲᠠᠩᠭᠢᠰ ᠸᠠᠩ | ᠴᠡᠷᠢᠭ ᠢᠶᠠᠨ ᠠᠪᠴᠦ ᠰᠡᠯᠡᠩᠭᠡ ᠮᠦᠷᠡᠨ ᠤᠷᠤᠭᠤ ᠶᠠᠪᠤᠭᠰᠠᠨ ᠳᠤ ᠮᠠᠨᠵᠦ ᠴᠢᠩ ᠤᠨ ᠴᠡᠷᠢᠭ ᠦᠷᠬᠦᠯᠵᠢᠯᠡᠨ | ᠨᠡᠬᠡᠮᠵᠢᠯᠡᠨ ᠴᠤᠬᠢᠭᠰᠠᠨ ᠦᠬᠡᠢ ᠲᠠᠷᠤᠢ ᠴᠡᠷᠢᠭ ᠪᠤᠴᠠᠵᠠᠢ᠃ | ᠲᠠᠩᠭᠢᠰ ᠸᠠᠩ ᠰᠡᠯᠡᠭᠭᠡ ᠮᠦᠷᠡᠨ ᠤ ᠬᠠᠪᠢ ᠳᠤ ᠨᠤᠳᠤᠭᠰᠢᠨ ᠰᠠᠭᠤᠵᠠᠢ᠃ ᠴᠢᠩ ᠤᠯᠤᠰ ᠤᠨ | ᠬᠠᠭᠠᠨ ᠠᠴᠠ ᠬᠠᠯᠬᠠ ᠶᠢᠨ ᠬᠠᠭᠠᠨ ᠳᠤ ︽ᠲᠠᠩᠭᠢᠰ ᠢ ᠪᠠᠷᠢᠵᠦ ᠲᠤᠰᠢᠶᠠ︾ ᠬᠡᠮᠡᠨ ᠵᠠᠷᠯᠢᠭ ᠪᠤᠯᠤᠭᠰᠠᠨ ᠳᠤ | ᠬᠠᠯᠬᠠ ᠶᠢᠨ ᠬᠠᠨ ᠴᠤ ᠵᠦᠪᠰᠢᠶᠡᠷᠡᠭᠰᠡᠨ ᠦᠬᠡᠢ᠃ ᠲᠠᠩᠭᠢᠰ ᠴᠢᠩ ᠤᠯᠤᠰ ᠲᠤ ᠪᠠᠭᠤᠵᠦ ᠦᠭᠭᠦᠭᠰᠡᠨ ᠦᠬᠡᠢ᠃ | ᠰᠦᠨᠢᠳ ᠤᠨ ᠲᠠᠩᠭᠢᠰ ᠮᠡᠷᠬᠡᠨ ᠸᠠᠩ ᠪᠤᠯᠤᠨ ᠲᠡᠬᠦᠨ ᠤ ᠬᠠᠷᠢᠶᠠᠳᠦ ᠤᠨ ᠪᠦᠬᠦ ᠬᠤᠰᠢᠭᠤ ᠬᠠᠷᠢᠶᠠᠳᠦ ᠪᠠᠨ | ᠲᠠᠶᠢᠴᠢᠯᠠᠨ ᠮᠠᠨᠵᠦ ᠶᠢᠨ ᠨᠤᠶᠠᠷᠬᠠᠭᠴᠢᠳ ᠤᠨ ᠡᠰᠡᠷᠬᠦ ᠶᠠᠪᠤᠭᠤᠯᠤᠭᠰᠠᠨ ᠪᠤᠰᠤᠯᠭᠠ ᠪᠤᠯᠤᠨ ᠵᠡᠪᠰᠡᠭᠳᠦ ᠲᠡᠮᠡᠴᠡᠯ ᠨᠢ | ᠬᠡᠳᠦᠶᠢᠪᠡᠷ ᠮᠠᠨᠵᠦ ᠴᠢᠩ ᠤᠨ ᠴᠢᠰᠦᠳᠤ ᠲᠠᠷᠦᠩᠭᠤᠶᠢᠯᠠᠯ ᠳᠤ ᠤᠴᠠᠷᠠᠨ ᠬᠠᠷᠠᠰᠠᠯᠳᠠᠢ ᠪᠠᠷ ᠲᠠᠷᠤᠭᠳᠠᠭᠰᠠᠨ ᠪᠤᠯᠪᠠᠴᠦ | ᠮᠠᠨᠵᠦ ᠴᠢᠩ ᠤᠨ ᠨᠤᠶᠠᠷᠬᠠᠭᠴᠢᠳ ᠲᠤ ᠬᠦᠨᠳᠦ ᠴᠤᠬᠢᠯᠳᠠ ᠦᠭᠭᠦᠭᠰᠡᠨ ᠪᠦᠬᠡᠳ ᠲᠠᠷᠤᠯᠠᠯ ᠲᠤᠷᠤᠮᠵᠢᠯᠠᠯ ᠢ | ᠡᠰᠡᠷᠬᠦᠴᠡᠬᠦ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠨᠤᠭᠤᠷᠠᠰᠢ ᠦᠬᠡᠢ ᠲᠡᠮᠡᠴᠡᠯ ᠤᠨ ᠵᠤᠷᠢᠭ ᠰᠦᠰᠦ ᠶᠢ ᠢᠯᠡᠷᠡᠬᠦᠯᠵᠡᠢ᠃ | ᠲᠠᠩᠭᠢᠰ ᠮᠡᠷᠬᠡᠨ ᠸᠠᠩ ᠤᠨ ᠬᠠᠷᠢᠶᠠᠳᠦ ᠨᠠᠷ ᠵᠢᠴᠢ ᠲᠡᠬᠦᠨ ᠤ ᠲᠡᠬᠦᠣ ᠲᠠᠩᠭᠢᠳᠠᠢ 1649 ᠤᠨ ᠳᠤ ᠲᠠᠬᠢᠨᠳᠠ | ᠮᠠᠨᠵᠦ ᠳᠤ ᠵᠠᠬᠢᠷᠤᠭᠳᠠᠵᠠᠢ᠃ |