| ᠰᠦᠨᠢᠳ ᠮᠦᠽᠸᠢ | | ᠰᠦᠨᠢᠳ ᠮᠦᠽᠸᠢ ᠨᠢ 2010 ᠤᠨ ᠤ 8 ᠰᠠᠷᠠ ᠶᠢᠨ 1 ᠠᠴᠠ ᠡᠬᠢᠯᠡᠨ | ᠨᠡᠭᠡᠭᠳᠡᠭᠰᠡᠨ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠲᠠᠭᠠᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠠᠷ ᠬᠠᠮᠤᠭ ᠶᠡᠭᠡ ᠬᠤᠰᠢᠭᠤ ᠲᠡᠰ ᠤᠨ | ᠮᠦᠽᠸᠢ ᠶᠤᠮ᠃ ᠲᠡᠷᠡ ᠨᠢ ᠦᠪᠡᠷᠮᠢᠴᠡ ᠭᠤᠶᠢᠳᠠ ᠲᠡᠯᠬᠡᠨ ᠦᠵᠡᠬᠦᠯᠦᠯᠬᠡ ᠡᠯᠪᠡᠭ ᠪᠠᠶᠠᠯᠢᠭ ᠤᠳᠬᠠ ᠠᠭᠤᠯᠭᠠ | ᠪᠠᠷ ᠢᠶᠠᠨ ᠦᠨᠳᠦᠰᠦ ᠬᠦᠨ᠂ ᠰᠤᠷᠪᠤᠯᠵᠢ ᠤᠷᠳᠦ᠂ ᠰᠦᠨᠢᠳ ᠰᠤᠶᠤᠯ ᠢ ᠪᠤᠰᠤᠭᠠᠯᠵᠢᠨ ᠲᠦᠷᠬᠦ᠂ ᠪᠤᠳᠠᠳᠦ | ᠬᠡᠯᠪᠡᠷᠢ ᠪᠠᠷ ᠢᠯᠡᠷᠡᠬᠦᠯᠵᠦ ᠂ ᠲᠠᠶᠠᠩ ᠳᠤ ᠲᠠᠨᠢᠭᠤᠯᠭᠤ ᠲᠡᠷᠡ ᠬᠡᠬᠡᠪᠴᠢ ᠪᠤᠯᠤᠨᠠ᠃ ᠰᠦᠨᠢᠳ ᠮᠦᠽᠸᠢ ᠶᠢᠨ | ᠦᠵᠡᠬᠦᠯᠦᠯᠬᠡ ᠨᠢ ᠰᠦᠨᠢᠳ ᠤᠨ ᠲᠡᠤᠬᠡ ᠪᠠᠷ ᠰᠢᠵᠢᠮ ᠪᠤᠯᠭᠠᠨ ᠵᠠᠩ ᠦᠢᠯᠡ ᠶᠢᠨ ᠰᠤᠶᠤᠯ ᠢᠶᠠᠷ ᠭᠤᠤᠯᠯᠠᠵᠦ᠂ | ᠬᠤᠪᠤᠷ ᠨᠠᠨᠳᠢᠨ ᠲᠡᠤᠬᠡ ᠶᠢᠨ ᠲᠤᠷᠠᠰᠬᠠᠯᠳᠦ ᠵᠦᠢᠯ ᠢᠶᠠᠨ ᠨᠢᠷᠤᠭᠤᠪᠴᠢᠯᠠᠨ ᠦᠩᠭᠡᠷᠡᠭᠰᠡᠨ ᠲᠡᠤᠬᠡ ᠡᠳᠦᠬᠡᠬᠢ ᠶᠢᠨ | ᠬᠦᠭᠵᠢᠯ᠂ ᠠᠷᠠᠳ ᠤᠨ ᠵᠠᠩ ᠵᠠᠩᠰᠢᠯ ᠡᠷᠳᠡᠨ ᠪᠠ ᠤᠳᠤ ᠦᠶᠡ ᠶᠢᠨ ᠰᠤᠶᠤᠯ ᠬᠡᠬᠦ ᠲᠦᠷᠪᠡᠨ ᠶᠡᠭᠡ ᠲᠢᠩᠬᠢᠮ ᠳᠤ | ᠠᠩᠬᠢᠯᠠᠭᠳᠠᠵᠦ ᠪᠠᠶᠢᠨᠠ᠃ ᠰᠦᠨᠢᠳ ᠮᠦᠽᠸᠢ ᠪᠤᠯ ᠤᠯᠠᠨ ᠨᠡᠶᠢᠳᠡ ᠳᠤ ᠬᠠᠨᠳᠤᠯᠭᠠ ᠲᠠᠢ ᠦᠷᠬᠡᠨ ᠬᠡᠷᠡᠭᠴᠡᠬᠡᠳᠦ | ᠮᠦᠽᠸᠢ ᠪᠠᠶᠢᠵᠦ᠂ ᠶᠡᠷᠦᠩᠬᠡᠢ ᠪᠡᠯᠡ ᠤᠷᠤᠭᠤᠯᠤᠯᠳᠠ 2100 ᠲᠦᠮᠡᠨ ᠲᠦᠬᠦᠷᠢᠭ ᠢ ᠲᠠᠪᠠᠵᠦ᠂ ᠪᠦᠳᠦᠬᠡᠨ | ᠪᠠᠶᠢᠭᠤᠯᠤᠯᠳᠠ ᠶᠢᠨ ᠪᠦᠬᠦ ᠲᠠᠯᠠᠪᠠᠢ ᠨᠢ 10793 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ᠂ ᠡᠬᠦᠨ ᠳᠤ ᠮᠦᠽᠸᠢ ᠶᠢᠨ | ᠲᠠᠯᠠᠪᠠᠢ ᠨᠢ 5793 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠪᠠᠶᠢᠵᠦ᠂ ᠦᠵᠡᠬᠦᠯᠦᠯᠬᠡ ᠨᠢ ᠰᠢᠨᠡ ᠰᠤᠷᠭᠤᠭ ᠤᠳᠬᠠ | ᠰᠡᠳᠦᠪ ᠬᠢᠬᠡᠳ ᠤᠨᠤᠪᠴᠢᠳᠠᠢ ᠬᠠᠷᠠᠭᠠᠰᠤ ᠠᠴᠠ ᠤᠯᠠᠭᠠᠨ ᠢᠳᠡᠭᠡ᠂ ᠲᠠᠮᠠᠭᠠ᠂ ᠱᠠᠭᠠ ᠨᠠᠭᠠᠳᠤᠮ᠂ ᠲᠡᠭᠡᠰᠦ | ᠤᠷᠠᠯᠠᠯ᠂ ᠬᠠᠳᠠᠨ ᠵᠢᠷᠤᠭ᠂ ᠴᠢᠯᠠᠭᠤᠨ ᠪᠠᠭᠠᠵᠢ ᠵᠡᠪᠰᠡᠭ᠂ ᠬᠤᠪᠴᠠᠰᠦ ᠵᠠᠰᠠᠯ ᠵᠡᠷᠬᠡ ᠶᠢ ᠲᠤᠰᠬᠠᠢ ᠰᠡᠳᠦᠪ ᠢᠶᠠᠷ | ᠠᠩᠬᠢᠯᠠᠨ᠂ ᠵᠠᠩ ᠦᠢᠯᠡ ᠶᠢᠨ ᠰᠤᠶᠤᠯ ᠬᠡᠮᠡᠬᠦ ᠶᠡᠭᠡ ᠰᠡᠳᠦᠪ ᠢᠶᠠᠷ ᠬᠡᠯᠬᠢᠵᠦ᠂ ᠰᠦᠨᠢᠳ ᠤᠨ ᠲᠠᠯᠠ ᠨᠤᠳᠤᠭ ᠤᠨ | ᠠᠵᠦ ᠠᠮᠢᠳᠤᠷᠠᠯ ᠤᠨ ᠲᠡᠤᠬᠡ ᠶᠢ ᠠᠩᠬᠠ ᠤᠳᠠᠭᠠ ᠴᠤᠭᠴᠠᠭᠤᠯᠤᠨ ᠲᠦᠪᠯᠡᠷᠡᠬᠦᠯᠵᠦ ᠬᠠᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ | ᠃ ᠰᠤᠶᠤᠯ ᠤᠨ ᠤᠷᠳᠦᠨ ᠤ ᠪᠠᠷᠢᠯᠭᠠ ᠶᠢᠨ ᠲᠠᠯᠠᠪᠠᠢ 1800 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ᠂ ᠨᠤᠮ ᠤᠨ ᠰᠠᠩ ᠤᠨ | ᠪᠠᠷᠢᠯᠭᠠ ᠶᠢᠨ ᠲᠠᠯᠠᠪᠠᠢ 1800 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠪᠠᠶᠢᠵᠦ᠂ ᠤᠯᠠᠨ ᠬᠡᠷᠡᠭᠯᠡᠬᠡᠨᠳᠦ ᠲᠢᠩᠬᠢᠮ ᠤᠨ | ᠪᠠᠷᠢᠯᠭᠠ ᠶᠢᠨ ᠲᠠᠯᠠᠪᠠᠢ 1400 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠪᠤᠯᠤᠨᠠ᠃ ᠰᠦᠨᠢᠳ ᠤᠨ ᠦᠨᠢ ᠤᠳᠠᠭᠠᠨ | ᠦᠨᠳᠦᠰᠦᠳᠡᠨ ᠤ ᠲᠡᠤᠬᠡ ᠰᠤᠶᠤᠯ ᠢ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶᠡ ᠠᠴᠠ ᠡᠬᠢᠯᠡᠨ ᠦᠨᠦ ᠬᠦᠷᠳᠡᠯᠡᠬᠢ | ᠲᠦᠮᠡ ᠭᠠᠷᠤᠢ ᠵᠢᠯ ᠤᠨ ᠲᠡᠤᠬᠡ ᠪᠠᠷ ᠰᠢᠵᠢᠮᠯᠡᠨ ᠬᠤᠯᠪᠤᠵᠦ᠂ ᠤᠯᠠᠨ ᠤ ᠬᠠᠷᠠᠭᠠᠨᠠ ᠲᠡᠪᠰᠢᠬᠦᠯᠦᠭᠰᠨᠨ ᠪᠠᠶᠢᠨᠠ᠃ | ᠰᠦᠨᠢᠳ ᠮᠦᠽᠸᠢ ᠠᠴᠠ ᠬᠦᠮᠦᠰ ᠰᠦᠨᠢᠳ ᠮᠤᠩᠭᠤᠯᠴᠤᠳ ᠤᠨ ᠡᠬᠦᠳᠡᠨ ᠪᠦᠳᠦᠬᠡᠭᠰᠡᠨ | ᠤᠷᠤᠨ ᠨᠤᠳᠤᠭ ᠤᠨ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠪᠦᠬᠦᠢ ᠰᠤᠶᠤᠯ ᠵᠢᠴᠢ ᠲᠡᠳᠡᠨ ᠤ ᠡᠷᠡᠯᠬᠡᠭ ᠵᠢᠪᠬᠤᠭᠠ᠂ ᠡᠷᠳᠡᠮ | ᠪᠢᠯᠢᠭ ᠢᠶᠠᠨ ᠪᠠᠳᠠᠷᠠᠭᠤᠯᠤᠨ᠂ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠢᠶᠠᠨ ᠪᠦᠳᠦᠬᠡᠨ ᠪᠠᠶᠢᠭᠤᠯᠵᠦ᠂ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠡᠪ | ᠨᠢᠬᠡᠳᠦᠯ ᠢ ᠬᠠᠮᠠᠭᠠᠯᠠᠨ ᠤᠷᠤᠭᠰᠢ ᠲᠠᠪᠰᠢᠬᠤ ᠠᠤᠭᠠ ᠶᠡᠭᠡ ᠵᠤᠷᠢᠭ ᠰᠠᠨᠠᠭᠠ ᠶᠢ ᠤᠯᠵᠦ ᠬᠠᠷᠠᠬᠤ ᠪᠤᠯᠤᠨᠠ᠃ | ᠰᠦᠨᠢᠳ ᠮᠦᠽᠸᠢ ᠨᠢ ᠰᠦᠨᠢᠳ ᠤᠨ ᠲᠠᠯᠠ ᠨᠤᠳᠤᠭ ᠤᠨ ᠨᠡᠬᠦᠳᠡᠯ ᠰᠤᠶᠤᠯ ᠤᠨ ᠪᠤᠯᠪᠠᠰᠤᠨ ᠢ ᠰᠤᠳᠤᠯᠤᠨ | ᠬᠠᠮᠠᠭᠠᠯᠠᠬᠤ ᠪᠤᠯᠤᠨ ᠰᠦᠨᠢᠳ ᠰᠤᠶᠤᠯ ᠤᠨ ᠪᠦᠳᠦᠬᠡᠨ ᠪᠠᠶᠢᠭᠤᠯᠤᠯᠳᠠ ᠪᠤᠯᠤᠨ ᠬᠦᠭᠵᠢᠯᠳᠡ ᠳᠤ ᠴᠢᠬᠤᠯᠠ | ᠲᠦᠯᠬᠢᠴᠡ ᠦᠢᠯᠡᠳᠦᠯ ᠦᠵᠡᠬᠦᠯᠬᠦ ᠪᠤᠯᠤᠨᠠ᠃ |