| ᠰᠢᠨᠡ ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠫᠷᠦᠭᠷᠡᠮ ᠢᠶᠠᠷ ᠦᠮᠡᠨ ᠡᠪᠡᠳᠴᠢᠨ ᠢ ᠠᠩᠬᠠᠨ ᠤ | ᠬᠤᠭᠤᠴᠠᠭᠠᠨ ᠳᠤᠨᠢ ᠤᠨᠤᠰᠢᠯᠠᠵᠤ ᠦᠮᠡᠨᠵᠢᠭᠰᠡᠨ ᠤᠷᠤᠨ ᠪᠠᠶᠢᠷᠢ ᠶᠢ ᠨᠢ | ᠮᠠᠭᠠᠳᠯᠠᠵᠤ ᠲᠡᠶᠢᠯᠬᠦ ᠪᠤᠯᠪᠠ | ᠰᠢᠨᠬᠤᠸᠠ ᠬᠤᠷᠢᠶᠠᠨ ᠤ ᠸᠠᠰᠢᠩᠲ᠋ᠤᠨ ᠤ 3 ᠰᠠᠷᠠ ᠶᠢᠨ 26 ᠤ ᠡᠳᠤᠷ ᠤᠨ ᠮᠡᠳᠡᠭᠡ ᠠᠮᠧᠷᠢᠺᠠ ᠶᠢᠨ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠤᠳᠤᠯᠭᠠᠳᠠᠳ ᠲᠦᠷᠦᠬᠦᠭᠡᠨ ᠳᠤ ᠴᠢᠰᠦᠨ ᠤ ᠦᠯᠢᠭᠡᠷ ᠡᠳ᠋ ᠬᠠᠨᠭ᠍ᠭᠠᠭᠴᠢ ᠶᠢᠨ ᠴᠢᠰᠦᠨ ᠤ | ᠦᠯᠢᠭᠡᠷ ᠡᠳ᠋ ᠢ ᠰᠢᠯᠭᠠᠨ ᠬᠡᠮᠵᠢᠵᠤ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠡᠰᠡᠬᠦ ᠶᠢ ᠨᠢ ᠮᠠᠭᠠᠳᠯᠠᠵᠤ ᠲᠡᠶᠢᠯᠳᠡᠭ ᠨᠢᠭᠡ | ᠵᠦᠢᠯ ᠤᠨ ᠰᠢᠨᠡ ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠫᠷᠦᠭᠷᠡᠮ ᠰᠤᠳᠤᠯᠤᠨ ᠭᠠᠷᠭᠠᠵᠠᠢ᠃ ᠡᠨᠡ ᠬᠦ ᠫᠷᠦᠭᠷᠡᠮ ᠢᠶᠠᠷ ᠦᠮᠡᠨ | ᠡᠪᠡᠳᠴᠢᠨ ᠢ ᠠᠩᠬᠠᠨ ᠤ ᠬᠤᠭᠤᠴᠠᠭᠠᠨ ᠳᠤᠨᠢ ᠤᠨᠤᠰᠢᠯᠠᠵᠤ ᠪᠤᠯᠬᠤ ᠪᠦᠭᠡᠳ ᠪᠠᠰᠠ ᠦᠮᠡᠨ ᠤ ᠡᠰ ᠤᠨ | ᠤᠷᠤᠰᠢᠵᠤ ᠪᠠᠶᠢᠭᠠ ᠤᠷᠤᠨ ᠪᠠᠶᠢᠷᠢ ᠶᠢ ᠮᠠᠭᠠᠳᠯᠠᠵᠤ ᠲᠡᠶᠢᠯᠦᠨᠡ᠃ | ᠺᠠᠯᠢᠹᠤᠷᠨᠢᠶᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠯᠣᠰ ᠠᠩᠵᠧᠯᠧᠰ ᠲᠠᠬᠢ ᠬᠤᠪᠢᠶᠠᠷᠢ ᠰᠤᠷᠭᠠᠭᠤᠯᠢ ᠶᠢᠨ ᠵᠸᠦ | ᠰᠢᠶᠠᠩ ᠬᠤᠩ ᠫᠷᠦᠹᠧᠰᠰᠤᠷ ᠤᠨ ᠠᠵᠢᠯ ᠨᠢᠭᠡᠲᠡᠨ ᠲᠠᠢ ᠪᠠᠨ ᠠᠩᠭ᠍ᠯᠢ ᠶᠢᠨ ︽ᠭᠧᠨ ᠤ ᠪᠥᠭᠡᠮ ᠤᠨ ᠠᠮᠢᠳᠤ | ᠪᠤᠳᠠᠰ ᠤᠨ ᠤᠬᠠᠭᠠᠨ︾ ᠭᠡᠬᠦ ᠰᠡᠳᠬᠦᠯ ᠳᠤ ᠨᠡᠶᠢᠲᠡᠯᠡᠭᠰᠡᠨ ᠮᠡᠳᠡᠬᠦᠯᠦᠯᠲᠡ ᠠᠴᠠ ᠦᠵᠡᠪᠡᠯ᠂ ᠬᠡᠷᠪᠡ ᠨᠢᠭᠡ ᠬᠦᠮᠦᠨ ᠤ | ᠪᠡᠶᠡ ᠳᠤ ᠦᠮᠡᠨᠵᠢᠬᠦ ᠪᠠᠶᠢᠳᠠᠯ ᠭᠠᠷᠪᠠᠯ ᠴᠢᠰᠦᠨ ᠲᠤᠳᠤᠷᠠ ᠨᠢ ᠦᠮᠡᠨ ᠤ ᠡᠰ ᠠᠴᠠ ᠢᠷᠡᠯᠲᠡ ᠲᠠᠢ | ᠬᠦᠴᠢᠯᠳᠦ᠋ᠷᠦᠭᠴᠢ ᠦᠭᠡᠶᠢᠳᠡᠬᠦᠯᠦᠭᠴᠢ ᠪᠦᠭᠡᠮ ᠰᠢᠬᠢᠷ ᠤᠨ ᠪᠦᠭᠡᠮ ᠬᠦᠴᠢᠯ ︵DNA︶ ᠤᠨ ᠮᠤᠯᠧᠺᠦ᠋ᠯ ᠲᠠᠢ | ᠪᠤᠯᠤᠨᠠ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠤᠳᠤᠯᠭᠠᠳᠠᠳ ᠡᠳᠡᠭᠡᠷ ᠮᠤᠯᠧᠺᠦ᠋ᠯ ᠤᠨ ᠤᠨᠴᠠᠯᠢᠭ ᠲᠤ ᠴᠢᠭᠯᠡᠬᠦᠯᠦᠨ ᠨᠢᠭᠡᠨ | ᠲᠤᠭᠠ ᠪᠠᠷᠢᠮᠲᠠ ᠶᠢᠨ ᠬᠦᠮᠦᠷᠭᠡ ᠪᠠᠶᠢᠭᠤᠯᠵᠤ᠂ ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠫᠷᠦᠭᠷᠡᠮ ᠢᠶᠠᠷ ᠴᠢᠰᠦᠨ ᠤ ᠦᠯᠢᠭᠡᠷ ᠡᠳ᠋ ᠤᠨ | ᠰᠢᠯᠭᠠᠨ ᠬᠡᠮᠵᠢᠯᠲᠡ ᠶᠢᠨ ᠳ᠋ᠦᠩ ᠢ ᠡᠨᠡ ᠬᠦ ᠲᠤᠭᠠ ᠪᠠᠷᠢᠮᠲᠠ ᠶᠢᠨ ᠬᠦᠮᠦᠷᠭᠡ ᠲᠠᠢ ᠠᠳᠠᠯᠢᠳᠬᠠᠪᠠᠯ ᠲᠠᠷᠤᠢ | ᠴᠢᠰᠦᠨ ᠤ ᠦᠯᠢᠭᠡᠷ ᠡᠳ᠋ ᠬᠠᠨᠭ᠍ᠭᠠᠭᠴᠢ ᠶᠢᠨ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠡᠰᠡᠬᠦ ᠶᠢ ᠮᠠᠭᠠᠳᠯᠠᠵᠤ ᠲᠡᠶᠢᠯᠬᠦ ᠪᠦᠭᠡᠳ | ᠦᠮᠡᠨ ᠤ ᠡᠰ ᠨᠢ ᠡᠯᠢᠭᠡᠨ ᠳᠤ ᠪᠠᠶᠢᠨᠠ ᠤᠤ ᠡᠰᠡᠬᠦᠯᠡ ᠠᠭᠤᠰᠬᠢᠨ ᠳᠤ ᠪᠠᠶᠢᠨᠠ ᠤᠤ ᠭᠡᠳᠡᠭ ᠢ ᠴᠦ ᠮᠠᠭᠠᠳᠯᠠᠵᠤ | ᠲᠡᠶᠢᠯᠦᠨᠡ᠃ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠤᠳᠤᠯᠭᠠᠲᠠᠳ ᠡᠨᠡ ᠬᠦ ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠫᠷᠦᠭᠷᠡᠮ ᠢᠶᠠᠷ 29 ᠡᠯᠢᠭᠡᠨ ᠦᠮᠡᠨ | ᠳᠤ ᠨᠡᠷᠪᠡᠭᠳᠡᠭᠴᠢ᠂ 12 ᠠᠭᠤᠰᠬᠢᠨ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠭᠴᠢ ᠪᠠ 5 ᠬᠦᠬᠦᠨ ᠪᠤᠯᠴᠢᠷᠬᠠᠢ ᠶᠢᠨ ᠦᠮᠠᠨ ᠳᠤ | ᠨᠡᠷᠪᠡᠭᠳᠡᠭᠴᠢ ᠶᠢᠨ ᠴᠢᠰᠦᠨ ᠤ ᠦᠯᠢᠭᠡᠷ ᠡᠳ᠋ ᠲᠤ ᠵᠠᠳᠠᠯᠤᠯᠲᠠ ᠬᠢᠭᠰᠡᠨ ᠪᠠᠶᠢᠨᠠ᠂ ᠤᠤᠯ ᠤᠨ ᠬᠤᠶᠠᠷ ᠵᠦᠢᠯ ᠤᠨ | ᠪᠠᠶᠢᠡᠭᠭᠤ ᠬᠡᠷᠡᠭᠯᠡᠳᠡᠭ ᠵᠠᠳᠠᠯᠤᠯᠲᠠ ᠶᠢᠨ ᠠᠷᠭᠠ ᠪᠠᠷ ᠤᠯᠤᠭᠰᠠᠨ ᠳ᠋ᠦᠩ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠰᠢᠨᠡ | ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠫᠷᠦᠭᠷᠡᠮ ᠤᠨ ᠮᠠᠭᠠᠳᠯᠠᠭᠰᠠᠨ ᠳ᠋ᠦᠩ ᠨᠢ ᠨᠡᠩ ᠤᠨᠤᠪᠴᠢᠲᠠᠢ ᠪᠠᠶᠢᠵᠤ᠂ 80% ᠳᠤ ᠲᠦᠬᠦᠭᠰᠡᠨ | ᠪᠠᠶᠢᠨᠠ᠃ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠢᠶᠠᠷ᠂ ᠦᠮᠡᠨ ᠤ ᠡᠰ ᠠᠴᠠ ᠡᠬᠦᠰᠦᠭᠰᠡᠨ DNA ᠶᠢᠨ ᠮᠤᠯᠧᠺᠦ᠋ᠯ ᠨᠢ | ᠴᠢᠰᠦᠨ ᠳᠤ ᠬᠡᠳᠤᠢ ᠠᠷᠪᠢᠨ ᠪᠠᠶᠢᠪᠠᠯ᠂ ᠲᠤᠰ ᠫᠷᠦᠭᠷᠡᠮ ᠤᠨ ᠮᠠᠭᠠᠳᠯᠠᠯᠲᠠ ᠨᠢ ᠲᠡᠳᠤᠢ ᠤᠨᠤᠪᠴᠢᠲᠠᠢ ᠪᠤᠯᠤᠨᠠ᠃ | ᠡᠶᠢᠮᠦ ᠠᠴᠠ ᠬᠦᠬᠦᠨ ᠪᠤᠯᠴᠢᠷᠬᠠᠢ ᠮᠡᠳᠤ ᠶᠢᠨ ᠬᠠᠷᠢᠴᠠᠩᠭᠤᠢ ︽ᠭᠠᠭᠴᠡᠭᠠᠷᠳᠡᠮᠡᠯ︾ ᠡᠷᠭᠡᠳᠡᠨ ᠳᠤ ᠡᠬᠦᠰᠬᠦ | ᠦᠮᠡᠨᠵᠢᠯ ᠢ ᠪᠤᠳᠤᠪᠠᠯ᠂ ᠲᠤᠰ ᠫᠷᠦᠭᠷᠡᠮ ᠨᠢ ᠪᠦᠬᠦ ᠪᠡᠶᠡ ᠶᠢᠨ ᠴᠢᠰᠦᠨ ᠤ ᠡᠷᠬᠢᠯᠲᠡ ᠳᠤ ᠨᠡᠩ ᠢᠳᠡᠪᠬᠢᠲᠠᠢ | ᠤᠷᠤᠯᠴᠠᠳᠠᠭ ᠡᠯᠢᠭᠡ ᠠᠭᠤᠰᠬᠢ ᠮᠡᠳᠤ ᠶᠢᠨ ᠡᠷᠭᠡᠳᠡᠨ ᠳᠤ ᠡᠬᠦᠰᠬᠦ ᠦᠮᠡᠨᠵᠢᠯ ᠢ ᠨᠡᠩ ᠠᠮᠠᠷᠬᠠᠨ ᠮᠠᠭᠠᠳᠯᠠᠵᠤ | ᠲᠡᠶᠢᠯᠦᠨᠡ᠃ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠤᠳᠤᠯᠭᠠᠲᠠᠳ ᠤᠨ ᠢᠯᠡᠷᠭᠡᠶᠢᠯᠡᠭᠰᠡᠨ ᠢᠶᠠᠷ᠂ ᠡᠨᠡ ᠬᠦ ᠮᠡᠷᠭᠡᠵᠢᠯ ᠨᠢ | ᠠᠩᠬᠠᠨ ᠤ ᠱᠠᠳᠤᠨ ᠳᠠᠭᠠᠨ ᠪᠠᠶᠢᠭᠠ ᠪᠤᠯᠪᠠᠴᠦ ᠯᠤᠳᠤ ᠶᠡᠭᠡ ᠲᠠᠯᠳᠠ ᠬᠦᠴᠦᠨ ᠲᠠᠢ ᠶᠤᠮ᠃ ᠤᠴᠢᠷ ᠨᠢ ᠡᠨᠡ ᠪᠤᠯ | ᠨᠢᠭᠡ ᠵᠦᠢᠯ ᠤᠨ ᠠᠩᠬᠠᠨ ᠤ ᠬᠤᠭᠤᠴᠠᠭᠠᠨ ᠤ ᠦᠮᠡᠨ ᠢ ᠤᠨᠤᠰᠢᠯᠠᠬᠤ ᠭᠡᠮᠳᠦᠯ ᠦᠭᠡᠢ ᠤᠨᠤᠰᠢᠯᠠᠯᠲᠠ ᠶᠢᠨ | ᠮᠡᠷᠭᠡᠵᠢᠯ ᠮᠦᠨ᠂ ᠦᠮᠡᠨ ᠤ ᠠᠩᠬᠠᠨ ᠤ ᠬᠤᠭᠤᠴᠠᠭᠠᠨ ᠳᠤ ᠦᠮᠡᠨ ᠤ ᠡᠰ ᠤᠨ DNA ᠶᠢᠨ ᠮᠤᠯᠧᠺᠦ᠋ᠯ ᠤᠨ | ᠴᠢᠰᠦᠨ ᠲᠤᠳᠤᠷᠠᠬᠢ ᠠᠭᠤᠯᠤᠭᠳᠠᠴᠠ ᠨᠢ ᠮᠠᠰᠢ ᠪᠠᠭᠠ ᠪᠠᠶᠢᠳᠠᠭ ᠴᠦ ᠲᠤᠰ ᠫᠷᠦᠭᠷᠡᠮ ᠢᠶᠠᠷ ᠮᠦᠨ ᠤᠨᠤᠰᠢᠯᠠᠵᠤ | ᠲᠡᠶᠢᠯᠦᠨᠡ᠃ ᠲᠡᠷᠡᠴᠢᠯᠡᠨ ᠦᠮᠡᠨ ᠢ ᠬᠡᠳᠤᠢ ᠡᠷᠲᠡ ᠤᠨᠤᠰᠢᠯᠠᠪᠠᠯ ᠡᠳᠡᠭᠡᠷᠡᠬᠦ ᠪᠤᠯᠤᠮᠵᠢ ᠨᠢ ᠲᠡᠳᠤᠢ ᠶᠡᠭᠡ ᠪᠠᠶᠢᠳᠠᠭ᠃ | | | | | | 2017.03.28 | ᠠᠷᠠᠳ ᠤᠨ ᠰᠦᠯᠵᠢᠶᠡ | |