ᠢᠮᠠᠭᠠ ᠰᠠᠮᠨᠠᠬᠤ ᠵᠠᠩ ᠦᠢᠯᠡ ᠵᠢᠴᠢ ᠲᠡᠭᠦᠨ ᠤ ᠠᠴᠢ ᠲᠤᠰᠠ | | ᠢᠮᠠᠭᠠ ᠶᠢᠨ ᠨᠤᠯᠤᠤᠷ ᠪᠤᠯ ᠮᠠᠯᠴᠢᠨ ᠲᠦᠮᠡᠨ ᠤ ᠨᠢᠭᠡ ᠵᠢᠯ ᠤᠨ ᠬᠠᠮᠤᠭ ᠠᠩᠬᠠᠨ ᠤ ᠤᠷᠤᠯᠭᠠ ᠶᠢᠨ ᠭᠡᠰᠡᠭ | ᠪᠤᠯᠵᠦ᠂ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠴᠡᠭᠡ ᠶᠢ ᠨᠦᠬᠦᠨ ᠬᠠᠩᠭᠠᠬᠤ ᠡᠳ᠋ ᠤᠨ ᠬᠦᠴᠦᠨ ᠪᠤᠯᠳᠠᠭ ᠤᠴᠢᠷ ᠲᠠᠢ᠃ | ᠲᠡᠤᠬᠡᠨ ᠠᠴᠠ ᠠᠪᠤᠭᠠᠳ ᠢᠮᠠᠭᠠᠨ ᠨᠤᠯᠤᠤᠷ ᠪᠤᠯ ᠪᠤᠷᠤᠯᠠᠭᠤᠯᠭᠠ ᠰᠠᠶᠢᠳᠡᠢ ᠲᠠᠸᠠᠷ ᠤᠨ ᠴᠢᠬᠤᠯᠠ ᠮᠠᠲ᠋ᠧᠷᠢᠶᠠᠯ ᠪᠤᠯᠵᠦ | ᠢᠷᠡᠭᠰᠡᠨ ᠶᠤᠮ᠃ ᠢᠮᠠᠭᠠ ᠰᠠᠮᠨᠠᠬᠤ ᠪᠤᠯ ᠬᠠᠪᠤᠷ ᠵᠤᠨ ᠤ ᠭᠤᠤᠯ ᠠᠵᠢᠯ ᠪᠤᠯᠬᠤ ᠪᠦᠭᠡᠳ ᠴᠡᠪᠡᠷ ᠨᠤᠯᠤᠤᠷ ᠬᠤᠷᠢᠶᠠᠬᠤ | ᠵᠠᠩᠬᠢᠯᠭᠠ ᠶᠢᠨ ᠴᠠᠭ ᠦᠶᠡ ᠪᠤᠯᠬᠤ ᠤᠴᠢᠷ ᠢᠮᠠᠭᠠ ᠰᠠᠮᠨᠠᠬᠤ ᠵᠠᠩ ᠦᠢᠯᠡ ᠡᠷᠴᠢᠮᠳᠠᠢ ᠶᠠᠪᠤᠭᠳᠠᠳᠠᠭ᠃ | ᠢᠮᠠᠭᠠ ᠶᠢᠨ ᠨᠤᠯᠤᠤᠷ ᠢ ᠤᠯᠠᠩᠬᠢ ᠳᠠᠭᠠᠨ ᠬᠠᠪᠤᠷ ᠤᠨ ᠰᠡᠭᠦᠯ ᠰᠠᠷᠠ ᠪᠠ ᠵᠤᠨ ᠤ ᠡᠬᠢᠨ ᠰᠠᠷᠠ ᠶᠢᠨ ᠦᠶᠡ ᠪᠠᠷ | ᠬᠦᠭᠡᠷᠡᠵᠦ ᠤᠨᠠᠵᠦ ᠡᠬᠢᠯᠡᠬᠦ ᠳᠤ᠂ ᠰᠠᠮᠨᠠᠵᠦ ᠰᠠᠯᠭᠠᠬᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠳᠡᠭ᠂ ᠵᠢᠯ ᠤᠨ ᠨᠢᠭᠡ ᠤᠳᠠᠭᠠ ᠰᠠᠮᠨᠠᠳᠠᠭ᠂ ᠡᠨᠡ | ᠦᠶᠡ ᠮᠠᠯᠴᠢᠳ ᠰᠠᠮᠨᠠᠭᠤᠷ ︵ᠰᠠᠮᠨᠠᠭᠤᠷᠭᠠ ᠴᠤ ᠭᠡᠳᠡᠭ︶ ᠬᠠᠶᠢᠴᠢ ᠪᠠᠨ ᠪᠡᠯᠡᠳᠦᠬᠦ᠂ ᠬᠦᠯᠢᠬᠦ ᠳᠡᠭᠡᠰᠦ ᠳᠠᠮᠤᠬᠤ᠂ ᠢᠮᠠᠭᠠ | ᠰᠠᠮᠨᠠᠬᠤ ᠡᠳᠦᠷ ᠲᠤᠭᠳᠠᠬᠤ᠂ ᠬᠠᠰᠢᠯᠭᠠ ᠬᠢᠬᠦ᠂ ᠬᠦᠮᠦᠨ ᠬᠦᠴᠦᠨ ᠬᠡᠯᠡᠬᠦ᠂ ᠨᠤᠯᠤᠤᠷ ᠤᠨ ᠤᠭᠤᠳᠠ ᠰᠠᠪᠠ ᠬᠢᠬᠦ᠂ | ᠳᠡᠪᠢᠰᠭᠡᠷ ᠢᠰᠡᠭᠡᠢ ᠭᠠᠷᠭᠠᠬᠤ᠂ ᠰᠠᠮᠨᠠᠬᠤ ᠭᠠᠵᠠᠷ ᠢᠶᠠᠨ ᠴᠡᠪᠡᠷᠯᠡᠬᠦ ᠵᠡᠷᠭᠡ ᠪᠡᠯᠡᠳᠭᠡᠯ ᠢ ᠬᠢᠳᠡᠭ᠂ ᠰᠠᠯᠬᠢᠨ ᠲᠠᠢ ᠡᠳᠦᠷ ᠪᠤᠯ | ᠨᠦᠮᠦᠷᠢ ᠪᠠᠷᠢᠬᠤ ᠬᠡᠷᠡᠭᠳᠡᠢ ᠪᠠᠶᠢᠳᠠᠭ᠂ ᠢᠮᠠᠭᠠ ᠶᠢᠨ ᠨᠤᠯᠤᠤᠷ ᠰᠠᠮᠨᠠᠬᠤ ᠶᠠᠪᠤᠳᠠᠯ ᠳᠤ ᠢᠮᠠᠭᠠ ᠬᠠᠰᠢᠬᠤ᠂ ᠢᠰᠡᠬᠡᠢ ᠪᠠᠨ | ᠳᠡᠪᠢᠰᠬᠦ᠂ ᠢᠮᠠᠭᠠ ᠵᠦᠭᠡᠭᠡᠬᠦ᠂ ᠢᠮᠠᠭᠠ ᠬᠦᠯᠢᠬᠦ᠂ ᠬᠢᠯᠭᠠᠰᠤ ᠶᠢ ᠨᠢ ᠬᠠᠶᠢᠴᠢᠯᠠᠬᠤ᠂ ᠰᠠᠮᠨᠠᠭᠤᠷ ᠢᠶᠠᠷ ᠰᠠᠮᠨᠠᠬᠤ᠂ | ᠴᠢᠬᠢᠭᠯᠡᠵᠦ ᠰᠠᠯᠭᠠᠬᠤ᠂ ᠰᠠᠮᠨᠠᠭᠰᠠᠨ ᠬᠡᠪ ᠢᠶᠠᠷ ᠤᠷᠢᠶᠠᠨ ᠤᠭᠤᠳᠠᠯᠠᠬᠤ ᠵᠡᠷᠭᠡ ᠬᠢᠳᠡᠯ ᠤᠨ ᠳᠠᠷᠠᠭᠠ ᠪᠠᠷ ᠶᠠᠪᠤᠭᠳᠠᠳᠠᠭ᠂ | ᠮᠠᠯᠴᠢᠳ ᠢᠮᠠᠭᠠ ᠰᠠᠮᠨᠠᠬᠤ ᠠᠵᠢᠯ ᠢ ᠠᠶᠢᠯ ᠰᠠᠭᠠᠬᠠᠯᠳᠠ ᠪᠠᠷ ᠢᠶᠠᠨ ᠬᠠᠮᠵᠢᠯᠴᠢᠨ ᠬᠢᠳᠡᠭ ᠵᠠᠩᠰᠢᠯ ᠲᠠᠢ᠂ ᠢᠮᠠᠭᠠ ᠶᠢᠨ | ᠨᠤᠤᠰᠤ ᠬᠦᠭᠡᠷᠡᠬᠦ ᠴᠠᠭ ᠦᠶᠡ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ ᠢᠶᠠᠷ ᠤᠷᠢᠳᠠᠪᠡᠷ ᠡᠷᠡ ᠰᠤᠪᠠᠢ ᠢᠮᠠᠭᠠ ᠶᠢ ᠰᠠᠮᠨᠠᠵᠦ᠂ ᠳᠠᠷᠠᠭᠠᠪᠡᠷ | ᠳᠠᠷᠭᠤ ᠰᠠᠶᠢᠳᠠᠢ ᠡᠮᠡ ᠢᠮᠠᠭᠠᠳ ᠢ᠂ ᠰᠡᠭᠦᠯ ᠪᠠᠷ ᠨᠢ ᠬᠦᠭᠰᠢᠨ ᠪᠠᠭᠤᠷᠠᠢ ᠭᠡᠬᠦ ᠵᠡᠷᠭᠡ ᠭᠤᠷᠪᠠᠨ ᠪᠦᠯᠦᠭ ᠬᠤᠪᠢᠶᠠᠵᠦ᠂ | ᠨᠤᠤᠰᠤ ᠨᠤᠯᠤᠤᠷ ᠢᠶᠠᠨ ᠴᠡᠪᠡᠷ ᠪᠦᠭᠡᠳ ᠭᠡᠭᠡᠭᠳᠡᠯ ᠦᠭᠡᠢ ᠰᠠᠶᠢᠬᠠᠨ ᠬᠤᠷᠢᠶᠠᠳᠠᠭ᠂ ᠢᠮᠠᠭᠠ ᠬᠠᠰᠢᠬᠤ ᠳᠠᠭᠠᠨ ᠬᠦᠭᠡᠷᠡᠵᠦ | ᠤᠨᠵᠠᠶᠢᠭᠰᠠᠨ ᠢ ᠨᠢ ᠢᠯᠭᠠᠨ ᠠᠪᠴᠢᠷᠠᠳᠠᠭ᠂ ᠨᠤᠯᠤᠤᠷ ᠰᠠᠮᠨᠠᠭᠴᠢᠳ ᠢᠮᠠᠭᠠᠨ ᠤ ᠪᠦᠬᠦ ᠪᠡᠶᠡ ᠶᠢᠨ ᠨᠤᠤᠰᠤ ᠶᠢ ᠦᠯᠡᠳᠡᠭᠳᠡᠯ | ᠦᠭᠡᠢ ᠰᠠᠮᠨᠠᠬᠤ ᠶᠢ ᠠᠩᠬᠠᠷᠴᠤ᠂ ᠰᠠᠮᠨᠠᠭᠤᠷ ᠤᠨ ᠦᠵᠦᠭᠦᠷ ᠢᠶᠠᠷ ᠢᠮᠠᠭᠠᠨ ᠤ ᠠᠷᠠᠰᠤ ᠬᠦᠷᠦᠰᠦ ᠶᠢ ᠭᠡᠮᠳᠦᠭᠡᠬᠦ ᠶᠢ ᠲᠤᠩ | ᠬᠢᠴᠢᠶᠡᠳᠡᠭ ᠶᠤᠮ᠃ | ᠰᠠᠮᠨᠠᠭᠤᠷ ᠬᠠᠶᠢᠴᠢ ᠬᠦᠯᠢᠶᠡ ᠪᠡᠯᠡᠳᠬᠦ — ᠰᠠᠮᠨᠠᠭᠤᠷ ᠪᠤᠯ ᠢᠮᠠᠭᠠᠨ ᠤ ᠨᠤᠯᠤᠤᠷ ᠢ ᠬᠤᠷᠢᠶᠠᠵᠦ ᠠᠪᠬᠤ ᠤᠯᠠᠨ | ᠰᠢᠳᠦ ᠲᠠᠢ ᠤᠷᠳᠤ ᠪᠤᠯᠤᠳ ᠤᠳᠠᠰᠤ ᠪᠠᠷ ᠮᠠᠳᠠᠭᠠᠵᠦ ᠬᠢᠭᠰᠡᠨ ᠬᠡᠷᠡᠭᠯᠡᠭᠦᠷ ᠡᠳ᠋ ᠪᠤᠯᠤᠨᠠ᠃ ᠢᠮᠠᠭᠠ ᠰᠠᠮᠨᠠᠬᠤ ᠳᠤ ᠯᠠ | ᠬᠡᠷᠡᠭᠯᠡᠳᠡᠭ ᠪᠠᠭᠠᠵᠢ᠂ ᠬᠠᠶᠢᠴᠢ ᠪᠤᠯ ᠢᠮᠠᠭᠠᠨ ᠤ ᠤᠷᠳᠤ ᠬᠢᠯᠭᠠᠰᠤ ᠶᠢ ᠬᠢᠷᠭᠠᠵᠦ ᠠᠪᠬᠤ ᠡᠳ᠋ᠯᠡᠯ᠃ ᠬᠦᠯᠢᠶᠡ ᠪᠤᠯ ᠰᠠᠮᠨᠠᠬᠤ | ᠢᠮᠠᠭᠠ ᠶᠢᠨ ᠬᠦᠯ ᠢ ᠤᠶᠠᠵᠦ ᠲᠤᠷᠭᠤᠭᠠᠬᠤ ᠲᠡᠭᠡᠰᠦ ᠪᠤᠯᠤᠨᠠ᠃ | ᠢᠮᠠᠭᠠ ᠰᠠᠮᠨᠠᠬᠤ ᠡᠳᠦᠷ ᠭᠠᠷᠭᠠᠬᠤ ᠪᠠ ᠬᠦᠴᠦᠨ ᠬᠡᠯᠡᠬᠦ — ᠤᠯᠠᠨ ᠲᠤᠭᠠᠨ ᠤ ᠢᠮᠠᠭᠠ ᠲᠠᠢ ᠠᠶᠢᠯ ᠡᠷᠦᠬᠡ᠂ | ᠬᠦᠮᠦᠨ ᠬᠦᠴᠦᠨ ᠬᠦᠷᠦᠯᠴᠡᠬᠦ ᠦᠭᠡᠢ ᠠᠴᠠ ᠰᠠᠮᠨᠠᠵᠦ ᠬᠤᠷᠢᠶᠠᠵᠦ ᠵᠠᠪᠳᠤᠬᠤ ᠦᠭᠡᠢ ᠪᠠᠷ ᠭᠡᠭᠡᠵᠦ ᠦᠷᠡᠬᠦ ᠶᠠᠪᠤᠳᠠᠯ | ᠵᠦᠩᠳᠡᠭᠡᠨ ᠭᠠᠷᠳᠠᠭ᠂ ᠡᠶᠢᠮᠦ ᠠᠴᠠ ᠤᠶᠢᠷᠠᠯᠴᠠᠭᠠ ᠠᠶᠢᠯ ᠳᠠᠭᠠᠨ ᠭᠡᠯᠡᠵᠦ ᠬᠠᠪᠰᠤᠷᠠᠭᠤᠯᠳᠠᠭ ᠪᠠᠷ ᠵᠦᠪᠳᠡᠯᠴᠡᠨ ᠡᠳᠦᠷ | ᠲᠤᠭᠳᠠᠨ ᠢᠮᠠᠭᠠ ᠪᠠᠨ ᠰᠠᠮᠨᠠᠵᠦ ᠨᠤᠯᠤᠤᠷ ᠤᠨ ᠬᠤᠷᠢᠶᠠᠯᠳᠠ ᠶᠢ ᠤᠯᠳᠠᠭ ᠶᠤᠮ᠃ ᠬᠠᠷᠢᠯᠴᠠᠨ ᠲᠤᠰᠠᠯᠠᠯᠴᠠᠬᠤ ᠪᠠ | ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ ᠪᠤᠯ ᠬᠦᠳᠡᠭᠡ ᠶᠢᠨ ᠮᠠᠯᠴᠢᠨ ᠠᠷᠠᠳ ᠤᠨ ᠰᠠᠶᠢᠬᠠᠨ ᠵᠠᠩᠰᠢᠯ ᠶᠤᠮ᠃ | ᠢᠮᠠᠭᠠ ᠰᠠᠮᠨᠠᠬᠤ — ᠢᠮᠠᠭᠠ ᠰᠠᠮᠨᠠᠬᠤ ᠳᠤ ᠢᠮᠠᠭᠠᠨ ᠤ ᠨᠤᠯᠤᠤᠷ ᠢ ᠴᠡᠪᠡᠷ ᠠᠪᠬᠤ ᠶᠢᠨ ᠲᠤᠯᠠᠳᠠ ᠭᠠᠵᠠᠷ ᠢᠶᠠᠨ | ᠴᠡᠪᠡᠷᠯᠡᠨ ᠬᠤᠭ ᠨᠤᠪᠰᠢ ᠶᠢ ᠨᠢ ᠠᠷᠢᠯᠭᠠᠵᠦ ᠲᠠᠪᠢᠰᠭᠡᠷ ᠲᠠᠯᠪᠢᠨᠠ᠃ ᠨᠤᠤᠷᠠᠭᠰᠠᠨ ᠢᠮᠠᠭᠠ ᠪᠠᠨ ᠲᠡᠪᠢᠰᠭᠡᠷ ᠲᠡᠭᠡᠷᠡ ᠪᠠᠨ | ᠤᠶᠢᠴᠢᠭᠤᠯᠵᠦ ᠲᠦᠷᠪᠡᠨ ᠮᠦᠴᠢ ᠶᠢ ᠨᠢ ︽ᠬᠦᠯᠢᠶᠡᠨ ᠲᠡᠭᠡᠰᠦ︾ ᠪᠠᠷ ᠢᠶᠠᠨ ᠰᠠᠶᠢᠳᠦᠷ ᠬᠦᠯᠢᠵᠦ ᠲᠠᠯᠪᠢᠨᠠ᠃ | ᠢᠩᠭᠢᠮᠡᠨᠵᠢᠨ ᠰᠠᠶ᠋ᠢ ᠰᠠᠮᠨᠠᠵᠦ ᠡᠬᠢᠯᠡᠨᠡ᠃ ᠰᠠᠮᠨᠠᠭᠤᠷᠭᠠ ᠲᠦᠭᠦᠷᠬᠦ ᠪᠦᠷᠢ ᠰᠠᠮᠨᠠᠭᠰᠠᠨ ᠨᠤᠯᠤᠤᠷ ᠢᠶᠠᠨ ᠰᠠᠯᠭᠠᠵᠦ ᠶᠡᠭᠦᠯᠡᠨᠡ | ᠂ ᠶᠡᠭᠦᠯᠡᠬᠦ ᠲᠡᠭᠡᠨ ᠤᠷᠢᠳᠠᠪᠠᠷ ᠰᠠᠮᠨᠠᠬᠤ ᠪᠠᠨᠽᠠᠨ ᠲᠡᠭᠡᠷᠡ ᠪᠠᠨ ᠤᠰᠤ ᠰᠦᠷᠴᠢᠵᠦ ᠴᠢᠬᠢᠭᠯᠡᠭᠰᠡᠨ ᠢᠶᠠᠨ ᠦᠷᠦᠵᠦ | ᠨᠡᠶᠢᠰᠢᠭᠦᠯᠦᠭᠡᠳ ᠲᠦᠯᠭᠢᠵᠦ ᠭᠠᠷᠭᠠᠭᠰᠠᠨ ᠢᠶᠠᠨ ᠨᠤᠯᠤᠤᠷ ᠢᠶᠠᠨ ᠤᠷᠢᠶᠠᠵᠦ ᠤᠭᠤᠳᠠᠨ ᠳᠤ ᠬᠢᠵᠦ ᠲᠠᠯᠪᠢᠳᠠᠭ᠃ ᠢᠩᠭᠢᠬᠦ | ᠨᠢ ᠨᠤᠯᠤᠤᠷ ᠤᠨ ᠪᠤᠳᠠᠷᠠᠵᠦ ᠬᠡᠶᠢᠰᠬᠦ ᠶᠢ ᠰᠡᠷᠭᠡᠶᠢᠯᠡᠬᠦ ᠪᠠ ᠨᠤᠯᠤᠤᠷ ᠤᠨ ᠴᠢᠨᠠᠷ ᠢ ᠪᠠᠳᠤᠯᠠᠳᠠᠭ ᠪᠠᠶᠢᠨᠠ᠃ ᠭᠠᠷᠤᠯᠳᠠ ᠶᠢᠨ | ᠬᠡᠮᠵᠢᠶᠡ — ᠬᠡᠮᠵᠢᠨ ᠪᠠᠶᠢᠴᠠᠭᠠᠯᠳᠠ ᠶᠢ ᠦᠨᠳᠦᠰᠦᠯᠡᠪᠡᠯ᠂ ᠤᠬᠤᠨᠠ ᠨᠢᠭᠡᠪᠦᠷᠢ ᠠᠴᠠ 553,93 ᠭᠷᠠᠮ᠂ ᠡᠮᠡ | ᠢᠮᠠᠭᠠ ᠨᠢᠭᠡᠪᠦᠷᠢ ᠠᠴᠠ 455,46 ᠭᠷᠠᠮ ᠨᠤᠯᠤᠤᠷ ᠬᠤᠷᠢᠶᠠᠳᠠᠭ ᠪᠠᠶᠢᠨᠠ᠃ ᠡᠨᠡ ᠪᠤᠯ ᠦᠵᠦᠮᠦᠴᠢᠨ ᠴᠠᠭᠠᠨ ᠢᠮᠠᠭᠠᠨ ᠤ | ᠨᠤᠯᠤᠤᠷ ᠤᠨ ᠲᠤᠮᠳᠠᠴᠢ ᠭᠠᠷᠴᠠ ᠪᠤᠯᠤᠨᠠ᠃ | ᠰᠠᠮᠨᠠᠭᠰᠠᠨ ᠢᠮᠠᠭᠠ ᠪᠠᠨ ᠬᠠᠷᠠᠭᠠᠯᠵᠠᠬᠤ — ᠰᠠᠮᠨᠠᠭᠰᠠᠨ ᠤ ᠳᠠᠷᠠᠭᠠ ᠪᠠᠷ ᠠᠭᠤᠷ ᠠᠮᠢᠰᠬᠤᠯ ᠤᠨ ᠬᠤᠪᠢᠷᠠᠯᠳᠠ ᠶᠢ | ᠠᠵᠢᠭᠯᠠᠵᠦ᠂ ᠬᠦᠢᠳᠡᠨ ᠰᠠᠯᠬᠢ ᠪᠤᠶᠤ ᠪᠤᠷᠤᠭᠠᠨ ᠤᠷᠤᠪᠠᠯ ᠢᠮᠠᠭᠠᠳ ᠢᠶᠠᠨ ᠭᠡᠷ ᠤᠨ ᠤᠶᠢᠷᠠᠯᠴᠠᠭᠠ ᠪᠡᠯᠴᠢᠭᠡᠷ ᠲᠤ | ᠬᠠᠷᠢᠭᠤᠯᠵᠦ᠂ ᠬᠤᠳᠠᠯᠠᠬᠤ ᠳᠤ ᠲᠦᠭᠦᠮ ᠪᠠᠶᠢᠯᠭᠠᠨ᠂ ᠬᠡᠷᠪᠡ ᠪᠡᠭᠡᠷᠡᠵᠦ ᠡᠯᠡᠭᠳᠡᠬᠦ ᠪᠠᠶᠢᠳᠠᠯ ᠲᠠᠢ ᠪᠤᠯ ᠳᠠᠷᠤᠶᠢᠬᠠᠨ ᠨᠦᠮᠦᠷᠢ | ᠭᠠᠵᠠᠷ ᠠᠪᠴᠢᠷᠠᠬᠤ ᠪᠤᠶᠤ ᠳᠤᠯᠠᠭᠠᠨ ᠬᠤᠷᠤᠭᠠ ᠳᠤ ᠬᠢᠳᠡᠭ᠂ ᠨᠢᠭᠡᠨᠳᠡ ᠬᠡᠭᠡᠷᠡ ᠡᠯᠡᠭᠳᠡᠭᠰᠡᠨ ᠪᠤᠯ ᠬᠠᠭᠤᠷᠠᠢ ᠡᠯᠡᠰᠦ | ᠰᠢᠷᠤᠢ ᠪᠠᠷ ᠨᠦᠬᠡ ᠮᠠᠯᠳᠠᠵᠦ ᠳᠠᠷᠤᠵᠦ ᠳᠠᠯᠪᠢᠳᠠᠭ᠂ ᠢᠩᠭᠢᠪᠡᠯ ᠪᠡᠭᠡᠷᠡᠬᠦ ᠨᠢ ᠳᠠᠶᠢᠯᠤᠭᠳᠠᠳᠠᠭ ᠶᠤᠮ᠃ ᠨᠤᠯᠤᠤᠷ ᠤᠨ | ᠠᠰᠢᠭ ᠲᠤᠰᠠ — ᠨᠤᠤᠰᠤ ᠨᠤᠯᠤᠤᠷ ᠢ ᠤᠳᠠᠰᠤ ᠡᠭᠡᠷᠡᠵᠦ ᠰᠢᠷᠳᠡᠭ ᠤᠭᠤᠳᠠ ᠰᠢᠷᠢᠬᠦ᠂ ᠬᠤᠮ ᠨᠡᠬᠡᠬᠦ᠂ ᠡᠪᠡᠭᠡᠴᠢ | ᠳᠠᠳᠠᠯᠭᠠ ᠳᠠᠮᠤᠬᠤ ᠵᠡᠷᠭᠡ ᠳᠤ ᠬᠡᠷᠡᠭᠯᠡᠳᠡᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠬᠠᠳᠠᠭᠠᠯᠠᠬᠤ ᠪᠠᠨ ᠰᠡᠭᠦᠳᠡᠷ ᠲᠤ ᠬᠠᠳᠠᠭᠠᠨ᠂ ᠨᠠᠷᠠ | ᠪᠤᠷᠤᠭ᠋ᠨ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠠᠪᠳᠠᠷᠠ ᠪᠤᠶᠤ ᠤᠭᠤᠳᠠᠨ ᠳᠤ ᠤᠭᠤᠳᠠᠯᠠᠨ ᠬᠢᠵᠦ ᠳᠠᠯᠪᠢᠨᠡ᠂ ᠦᠩᠭᠡᠷᠡᠭᠰᠡᠨ ᠳᠤ | ᠤᠯᠠᠩᠬᠢ ᠳᠠᠭᠠᠨ ᠲᠤᠳᠤᠷᠠ ᠭᠠᠵᠠᠷ ᠤᠨ ᠠᠷᠠᠯᠵᠢᠶᠠᠴᠦᠳ ᠲᠤ ᠬᠤᠳᠠᠯᠳᠤᠨ ᠦᠭᠴᠤ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠬᠡᠷᠡᠭᠯᠡᠭᠡᠨ ᠤ | ᠪᠤᠳᠠᠰ ᠢ ᠰᠤᠯᠢᠵᠦ ᠠᠪᠳᠠᠭ ᠪᠠᠶᠢᠵᠠᠢ᠃ | ᠬᠤᠨᠢᠨ ᠤ ᠨᠤᠤᠰᠤ᠂ ᠬᠤᠷᠠᠭᠠᠨ ᠤᠩᠭᠠᠰᠤ᠂ ᠢᠮᠠᠭᠠᠨ ᠨᠤᠯᠤᠤᠷ ᠵᠡᠷᠭᠡ ᠭᠠᠷᠤᠯᠳᠠ ᠶᠢ ᠮᠠᠯᠴᠢᠳ ᠢᠰᠡᠭᠡᠢ ᠬᠢᠬᠦ | ᠭᠡᠰᠡᠭ ᠢᠶᠠᠨ ᠠᠪᠴᠤ ᠬᠤᠴᠤᠷᠤᠭᠠᠳ ᠬᠡᠷᠡᠭᠴᠡᠭᠡᠨ ᠳᠤ ᠤᠷᠤᠭᠤᠯᠳᠠᠭ ᠪᠤᠯᠪᠠᠴᠤ ᠪᠤᠰᠤᠳ ᠦᠯᠡᠳᠡᠭᠰᠡᠨ ᠭᠡᠰᠡᠭ ᠢ | ᠤᠯᠠᠩᠬᠢ ᠳᠠᠭᠠᠨ ᠬᠤᠳᠠᠯᠳᠤᠨ ᠪᠤᠷᠤᠯᠠᠭᠤᠯᠳᠠᠭ ᠶᠤᠮ᠃ ᠮᠠᠯ ᠪᠠ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠭᠠᠷᠤᠯᠳᠠ ᠨᠢ | ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠵᠢᠯ ᠤᠨ ᠪᠦᠬᠦ ᠤᠷᠤᠯᠭᠠ ᠶᠢᠨ ᠭᠡᠰᠡᠭ ᠪᠤᠯᠬᠤ ᠪᠦᠭᠡᠳ ᠠᠮᠢᠳᠤᠷᠠᠯ ᠤᠨ | ᠪᠦᠬᠦᠶᠢᠯᠡ ᠬᠡᠷᠡᠭᠴᠡᠭᠡᠨ ᠤ ᠭᠦᠢᠯᠭᠡᠭᠡᠨ ᠤ ᠲᠠᠸᠠᠷ ᠪᠤᠯᠬᠤ ᠪᠦᠭᠡᠳ ᠲᠠᠬᠢᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠭᠡᠰᠡᠭ ᠤᠨ ᠨᠦᠬᠦᠪᠦᠷᠢ | ᠪᠤᠯᠳᠠᠭ ᠶᠤᠮ᠃ |