ᠴᠠᠭᠠᠨ ᠰᠠᠷᠠ ᠶᠢᠨ ᠴᠠᠢ | ᠰᠦᠨᠢᠳ ᠮᠣᠩᠭᠤᠯᠴᠤᠳ ᠰᠢᠨᠡ ᠴᠠᠭᠠᠨ ᠰᠠᠷᠠ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠲᠤᠷᠠᠰᠬᠠᠯ ᠢ ᠲᠡᠮᠲᠡᠭᠯᠡᠬᠦ ᠳᠡᠭᠡᠨ | ᠠᠶᠢᠯ ᠪᠣᠯᠭᠠᠨ ᠰᠢᠨᠡ ᠶᠢᠨ ᠴᠠᠢ ᠪᠡᠯᠡᠳᠭᠡᠵᠦ ᠢᠷᠡᠭᠰᠡᠨ ᠬᠡᠶᠢᠴᠢᠨ ᠢᠶᠠᠨ ᠬᠦᠨᠳᠦᠯᠡᠨ ᠲᠠᠶᠢᠯᠠᠳᠠᠭ ᠶᠤᠰᠤᠲᠠᠢ᠃ | ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠠᠶᠢᠯ ᠰᠠᠭᠠᠬᠠᠯᠲᠠ ᠪᠠᠷ ᠢᠶᠠᠨ ᠬᠠᠷᠢᠯᠴᠠᠨ ᠠᠶᠢᠯᠴᠢᠯᠠᠵᠤ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠪᠠᠶᠠᠷ ᠢ | ᠪᠡᠯᠭᠡᠯᠡᠵᠦ ᠴᠠᠢ ᠤᠤᠭᠤᠳᠠᠭ ᠤᠴᠢᠷ ᠠᠴᠠ ᠡᠨᠡ ᠨᠢ ᠨᠢᠭᠡ ᠶᠣᠰᠤᠨ ᠤ ᠰᠢᠨᠡ ᠶᠢᠨ ᠴᠠᠶᠢᠯᠠᠯᠭᠠ ᠶᠢᠨ ᠶᠣᠰᠤᠭᠠᠷ | ᠶᠠᠪᠤᠭᠳᠠᠳᠠᠭ ᠵᠣᠷᠰᠢᠯ ᠲᠠᠢ᠃ | ᠰᠢᠨᠡ ᠴᠠᠭᠠᠨ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠠᠶᠢᠯᠴᠢᠯᠠᠨ ᠢᠷᠡᠭᠰᠡᠨ ᠬᠤᠯᠠ ᠤᠶᠢᠷᠠ ᠶᠢᠨ ᠵᠤᠴᠢᠨ | ᠬᠡᠶᠢᠴᠢᠨ᠂ ᠲᠥᠷᠦᠯ ᠰᠠᠳᠤᠨ ᠢᠶᠠᠨ ᠵᠤᠴᠢᠯᠠᠬᠤ ᠳᠤ ᠶᠠᠭᠤᠨ ᠤ ᠡᠮᠦᠨᠡ ᠰᠢᠨᠡ ᠴᠠᠢ ᠴᠢᠨᠠᠵᠤ ᠬᠠᠮᠤᠭ ᠲᠡᠷᠢᠭᠦᠨ ᠳᠤ | ᠰᠦ ᠲᠠᠢ ᠴᠠᠢ ᠪᠠᠨ ᠠᠶᠠᠭᠠᠯᠠᠨ ᠥᠭᠴᠦ ᠬᠦᠨᠳᠦᠳᠭᠡᠬᠦ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠨᠡ᠃ ᠡᠭᠦᠨ ᠤ ᠳᠠᠷᠠᠭᠠ ᠰᠠᠶ᠋ᠢ | ᠠᠷᠢᠬᠢ ᠰᠠᠷᠬᠤᠳ᠂ ᠢᠳᠡᠭᠡ ᠪᠤᠳᠠᠭᠠ᠂ ᠬᠤᠭᠤᠯᠠ ᠵᠤᠭᠤᠰᠢ ᠤᠷᠤᠭᠤᠯᠳᠠᠭ ᠪᠣᠯᠬᠤᠷ ᠴᠠᠭᠠᠨ ᠰᠠᠷᠠ ᠶᠢᠨ | ᠴᠠᠶᠢᠯᠠᠯᠭᠠ ᠪᠣᠯᠳᠠᠭ ᠪᠠᠶᠢᠨᠠ᠃ | ᠴᠠᠭᠠᠨ ᠰᠠᠷᠠ ᠰᠢᠨᠡᠯᠡᠭᠰᠡᠨ ᠤ ᠳᠠᠷᠠᠭᠠ ᠮᠦᠨ ᠰᠢᠨᠡ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠠᠶᠢᠯ ᠵᠡᠷᠭᠡᠯᠡᠳᠡᠭᠡ᠂ | ᠬᠤᠲᠠ ᠤᠰᠤ ᠰᠠᠭᠠᠬᠠᠯᠲᠠ ᠶᠢᠨ ᠠᠶᠢᠯ ᠤᠳ ᠬᠠᠷᠢᠯᠴᠠᠨ ᠪᠡᠯᠡᠭ ᠰᠡᠯᠳᠡ ᠠᠪᠴᠤ ᠠᠶᠢᠯᠴᠢᠯᠠᠨ᠂ ᠭᠡᠷ ᠭᠡᠷ ᠲᠡᠭᠡᠨ | ᠴᠠᠶᠢᠯᠠᠯᠭᠠ ᠪᠡᠯᠡᠳᠭᠡᠵᠦ ᠠᠶᠢᠯᠴᠢᠯᠠᠵᠤ ᠢᠷᠡᠭᠰᠡᠨ ᠵᠣᠴᠢᠨ ᠢᠶᠠᠨ ᠬᠦᠨᠳᠦᠳᠭᠡᠨ ᠲᠠᠶᠢᠯᠠᠬᠤ ᠶᠣᠰᠤᠨ ᠢ | ᠭᠦᠢᠴᠡᠳᠭᠡᠨᠡ᠃ ᠠᠶᠢᠯᠴᠢᠯᠠᠨ ᠢᠷᠡᠭᠰᠡᠨ ᠠᠶᠢᠯ ᠤᠨ ᠬᠦᠮᠦᠰ ᠨᠢ ᠪᠦᠷ ᠭᠠᠷ ᠤᠨ ᠪᠡᠯᠡᠭ ᠲᠠᠢ ᠢᠷᠡᠳᠡᠭ᠃ | ᠢᠷᠡᠭᠰᠡᠨ ᠭᠡᠶᠢᠴᠢᠨ ᠠᠶᠢᠯ ᠤᠨ ᠰᠢᠨᠡ ᠶᠢᠨ ᠴᠠᠢ ᠶᠢ ᠤᠤᠭᠤᠭᠠᠳ ᠰᠠᠶ᠋ᠢ ᠪᠡᠯᠡᠭ ᠢᠶᠠᠨ ᠭᠠᠷᠭᠠᠵᠤ ᠦᠭᠳᠡᠭ | ᠶᠤᠰᠤᠲᠠᠢ᠃ ᠢᠩᠭᠢᠭᠡᠳ ᠠᠷᠢᠬᠢ ᠤᠤᠭᠤᠵᠤ᠂ ᠳᠠᠭᠤᠤ ᠳᠠᠭᠤᠯᠠᠨ᠂ ᠱᠠᠭᠠ ᠨᠠᠭᠠᠳᠤᠮ ᠨᠠᠭᠠᠳᠴᠤ ᠨᠠᠶᠢᠷᠯᠠᠳᠠᠭ | ᠪᠠᠶᠢᠨᠠ᠃ | ᠴᠠᠭᠠᠨ ᠰᠠᠷᠠ ᠶᠢᠨ ᠴᠠᠶᠢᠯᠠᠯᠭᠠ ᠶᠢᠨ ᠬᠤᠭᠤᠯᠠ ᠭᠡᠵᠦ ᠪᠤᠤᠽᠢ ᠵᠢᠩᠨᠡᠵᠦ ᠢᠳᠡᠭᠦᠯᠳᠡᠭ᠃ ᠤᠷᠤᠢ | ᠴᠠᠶᠢᠯᠠᠯᠭᠠ ᠦᠨᠳᠦᠷᠯᠡᠬᠦ ᠦᠶᠡ ᠳᠤ ᠢᠷᠡᠭᠰᠡᠨ ᠵᠤᠴᠢᠨ ᠳᠠᠭᠠᠨ ᠬᠠᠷᠢᠭᠤ ᠪᠡᠯᠡᠭ ᠬᠤᠪᠢᠳᠠᠵᠤ ᠦᠭᠭᠦᠨᠡ᠃ | ᠢᠷᠡᠭᠰᠡᠨ ᠵᠣᠴᠢᠨ ᠨᠢ ᠶᠠᠪᠤᠬᠤ ᠳᠠᠭᠠᠨ ᠭᠠᠯ ᠳᠤᠨᠢ ᠠᠷᠭᠠᠯ ᠨᠡᠮᠡᠵᠦ ᠡᠨᠡ ᠠᠶᠢᠯ ᠤᠨ ᠦᠭᠡᠳᠡᠯᠡᠨ ᠪᠠᠳᠠᠷᠠᠬᠤ ᠶᠢ | ᠪᠡᠯᠭᠡᠳᠡᠵᠦ ᠶᠠᠪᠤᠳᠠᠭ ᠪᠠᠶᠢᠨᠠ᠃ |