| ᠪᠦᠬᠦᠯᠢ ᠬᠤᠨᠢᠨ ᠰᠢᠭᠦᠰᠤ ᠪᠤᠯ ᠬᠦᠨᠳᠦᠳᠦ ᠵᠤᠴᠢᠨ ᠳᠠᠶᠢᠯᠠᠵᠤ ᠵᠤᠴᠢᠯᠠᠬᠤ ᠳᠤ ᠵᠤᠷᠢᠭᠤᠯᠤᠭᠳᠠᠭᠰᠠᠨ | ᠬᠠᠮᠤᠭ ᠳᠡᠭᠡᠳᠤ ᠬᠦᠨᠳᠦᠳᠬᠡᠯ ᠤᠨ ᠢᠳᠡᠬᠡᠨ ᠪᠤᠯᠤᠨᠠ᠃ | ᠪᠦᠬᠦᠯᠢ ᠰᠢᠬᠦᠰᠦ ᠨᠢ ᠲᠤᠯᠤᠭᠠᠢ᠂ ᠰᠡᠭᠡᠷ᠂ ᠬᠤᠶᠠᠷ ᠬᠠ᠂ ᠤᠭᠤᠴᠠ᠂ ᠬᠤᠶᠠᠷ ᠭᠤᠶᠠ ᠪᠠᠷ ᠪᠦᠷᠢᠯᠳᠦᠨᠡ | ᠃ ᠪᠦᠬᠦᠯᠢ ᠰᠢᠬᠦᠰᠦᠨ ᠳᠤ ᠬᠦᠵᠦᠬᠦᠤ᠂ ᠡᠪᠴᠢᠬᠦᠤ᠂ ᠭᠡᠳᠡᠰᠤ ᠳᠤᠲᠤᠷ ᠤᠷᠤᠭᠤᠯᠬᠤ ᠦᠬᠡᠢ᠃ ᠡᠳᠡᠭᠡᠷ ᠮᠢᠬᠠ | ᠪᠠᠨ ᠴᠢᠨᠠᠵᠤ ᠪᠦᠳᠦᠬᠦᠨ ᠭᠠᠤᠯᠢᠨ ᠴᠠᠷᠠ ᠪᠤᠶᠤ ᠮᠤᠳᠤᠨ ᠳᠡᠪᠰᠢ ᠳᠤ ᠠᠮᠢᠳᠤ ᠬᠤᠨᠢᠨ ᠤ ᠪᠠᠶᠢᠷᠢᠰᠢᠯ ᠢᠶᠠᠷ | ᠦᠷᠦᠵᠤ ᠵᠠᠰᠠᠨᠠ᠃ ᠡᠮᠦᠨᠡ ᠨᠢ ᠬᠤᠶᠠᠷ ᠬᠠ᠂ ᠠᠷᠤ ᠳᠤ ᠨᠢ ᠬᠤᠶᠠᠷ ᠭᠤᠶᠠ᠂ ᠳᠤᠮᠳᠠ ᠨᠢ ᠰᠡᠭᠡᠷ ᠤᠷᠤᠭᠤᠯᠵᠤ | ᠂ ᠳᠡᠭᠡᠷᠡ ᠨᠢ ᠤᠭᠤᠴᠠ ᠶᠢ ᠨᠢ ᠳᠤᠷᠤᠭᠰᠢ ᠬᠦᠮᠦᠷᠴᠦ ᠲᠠᠯᠪᠢᠭᠠᠳ ᠳᠠᠬᠢᠨ ᠳᠡᠭᠡᠷᠡ ᠨᠢ ᠲᠤᠯᠤᠭᠠᠢ ᠶᠢ ᠨᠢ | ᠲᠠᠯᠪᠢᠵᠤ᠂ ᠬᠠᠪᠲᠠᠭᠠᠢ ᠦᠷᠦᠮᠡ᠂ ᠰᠢᠷᠠ ᠲᠤᠰᠤ ᠲᠠᠯᠪᠢᠬᠤ ᠪᠦᠭᠡᠳ ᠳᠦᠷᠪᠡᠨ ᠮᠦᠴᠢ ᠶᠢᠨ ᠦᠶᠡ ᠪᠤᠯᠭᠠᠨ ᠳᠤ | ᠦᠷᠦᠮᠡ ᠲᠠᠯᠪᠢᠵᠤ ᠵᠠᠰᠠᠨᠠ᠃ | ᠰᠢᠬᠦᠰᠦ ᠶᠢ ᠬᠦᠨᠳᠦᠳᠦ ᠵᠤᠴᠢᠨ ᠤ ᠭᠤᠤᠯ ᠰᠢᠷᠡᠭᠡᠨ ᠳᠤ ᠤᠷᠤᠭᠤᠯᠤᠨᠠ᠃ ᠰᠢᠬᠦᠰᠦ ᠶᠢ ᠬᠤᠶᠠᠷ ᠬᠦᠮᠦᠨ | ᠳᠠᠮᠨᠠᠵᠤ᠂ ᠪᠦᠬᠦᠯᠢ ᠰᠢᠬᠦᠰᠦᠨ ᠤ ᠲᠤᠯᠤᠭᠠᠢ ᠪᠠᠷ ᠨᠢ ᠡᠬᠦᠳᠡ ᠤᠷᠤᠭᠤᠯᠬᠤ ᠶᠤᠰᠤᠲᠠᠢ᠃ ᠸᠠᠩ ᠨᠤᠶᠠᠨ ᠳᠤ | ᠰᠢᠭᠦᠰᠦ ᠤᠷᠤᠭᠤᠯᠬᠤ ᠳᠤ ᠤᠯᠠᠭᠠᠨ ᠦᠩᠭᠡ ᠲᠠᠢ ᠲᠤᠷᠭᠠ ᠪᠤᠶᠤ ᠳᠤᠷᠳᠤᠩ ᠢᠶᠠᠷ ᠪᠦᠲᠡᠬᠡᠵᠤ ᠤᠷᠤᠭᠤᠯᠤᠨᠠ᠃ | ᠭᠡᠭᠡᠨ ᠬᠤᠪᠢᠯᠭᠠᠨ ᠪᠠ ᠶᠡᠬᠡᠰ ᠯᠠᠮᠠ ᠨᠠᠷ ᠲᠤ ᠬᠠᠳᠠᠭ ᠤᠨᠵᠢᠭᠤᠯᠤᠨ ᠳᠤᠬᠤᠵᠤ ᠤᠷᠤᠭᠤᠯᠬᠤ ᠵᠡᠷᠭᠡ ᠶᠢᠨ ᠨᠠᠷᠢᠨ | ᠢᠯᠭᠠᠭᠠ ᠲᠠᠢ᠃ ᠪᠦᠬᠦᠯᠢ ᠰᠢᠬᠦᠰᠦ ᠪᠠᠨ ᠵᠤᠴᠢᠨ ᠤ ᠡᠮᠦᠨᠡ ᠶᠤᠰᠤᠴᠢᠯᠠᠨ ᠵᠠᠰᠠᠭᠠᠳ ᠰᠢᠬᠦᠰᠦ ᠬᠦᠨᠳᠡᠬᠦ ᠬᠦᠮᠦᠨ | ᠪᠤᠶᠤ ᠢᠷᠦᠬᠡᠯᠴᠢ ᠠᠴᠠ ᠰᠢᠬᠦᠰᠤ ᠳᠡᠭᠡᠳᠤᠯᠡᠬᠦ ᠢᠷᠦᠬᠡᠯ ᠬᠡᠯᠡᠨᠡ᠃ | ᠰᠢᠬᠦᠰᠦ ᠪᠠᠷᠢᠬᠤ ︵ᠳᠡᠭᠡᠳᠦᠯᠡᠬᠦ ᠶᠤᠰᠤ︶ ᠶᠤᠰᠤᠨ ᠪᠤᠯ ᠰᠢᠬᠦᠰᠦ ᠲᠠᠯᠪᠢᠬᠤ ᠬᠦᠮᠦᠨ ᠤ ᠪᠠᠨ ᠡᠮᠦᠨᠡ | ᠰᠢᠷᠡᠭᠡᠨ ᠳᠡᠭᠡᠷᠡ ᠳᠡᠪᠰᠢ ᠲᠠᠢ ᠰᠢᠬᠦᠰᠦ ᠪᠠᠨ ᠲᠤᠯᠤᠭᠠᠢ ᠶᠢ ᠨᠢ ᠵᠤᠴᠢᠨ ᠤᠷᠤᠭᠤ ᠪᠠᠨ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠨᠠ᠃ | ᠵᠤᠴᠢᠨ ᠬᠦᠮᠦᠨ ᠨᠢ ᠰᠢᠬᠦᠰᠦ ᠳᠡᠭᠡᠷᠡᠬᠢ ᠴᠠᠭᠠᠨ ᠢᠳᠡᠭᠡ ᠠᠴᠠ ᠨᠢ ᠠᠮᠰᠠᠵᠤ᠂ ᠤᠭᠤᠴᠠ ᠶᠢᠨ ᠬᠠᠵᠠᠭᠤ ᠠᠴᠠ | ᠨᠢ ᠪᠠᠭᠠ ᠦᠬᠡᠬᠦᠯᠡᠨ ᠠᠪᠤᠭᠠᠳ ᠭᠠᠯ ᠲᠡᠭᠷᠢ ᠳᠤ ᠡᠷᠬᠦᠬᠡᠳ ᠳᠠᠷᠠᠭᠠ ᠨᠢ ᠦᠪᠡᠷ ᠢᠶᠠᠨ ᠠᠮᠰᠠᠵᠤ᠂ ᠳᠡᠷᠭᠡᠳᠡ ᠨᠢ | ᠠᠬᠠᠮᠠᠳ ᠨᠠᠰᠤᠲᠠᠢ ᠬᠦᠮᠦᠨ ᠪᠠᠶᠢᠪᠠᠯ ᠲᠠᠯᠠ ᠦᠭᠴᠦ ᠠᠮᠰᠠᠭᠤᠯᠤᠨ ᠰᠢᠭᠦᠰᠦ ᠠᠮᠰᠠᠭᠰᠠᠨ ᠢᠶᠠᠨ ᠮᠡᠳᠡᠭᠳᠡᠨᠡ᠃ | ᠢᠩᠭᠢᠭᠡᠳ ᠰᠢᠬᠦᠰᠦ ᠲᠠᠯᠪᠢᠭᠰᠠᠨ ᠬᠦᠮᠦᠨ ᠨᠢ ᠦᠪᠡᠷ ᠢᠶᠠᠨ ᠬᠢᠲᠤᠭᠠ ᠪᠠᠨ ᠭᠠᠷᠭᠠᠵᠤ ᠰᠢᠭᠦᠰᠦ ᠶᠢ | ᠬᠦᠨᠳᠡᠵᠤ᠂ ᠰᠡᠭᠦᠯ ᠢ ᠨᠢ ᠤᠭᠲᠤᠯᠤᠨ ᠠᠪᠴᠤ ᠪᠤᠷᠬᠠᠨ ᠳᠤ ᠨᠢ ᠲᠠᠯᠪᠢᠵᠤ᠂ ᠲᠤᠯᠤᠭᠠᠢ ᠶᠢ ᠨᠢ ᠴᠠᠷᠠ ᠳᠤ ᠬᠢᠵᠤ | ᠪᠤᠷᠬᠠᠨ ᠤ ᠠᠪᠳᠠᠷᠠ ᠳᠡᠭᠡᠷᠡ ᠲᠠᠯᠪᠢᠵᠤ᠂ ᠤᠭᠤᠴᠠ ᠶᠢ ᠨᠢ ᠵᠦᠪ ᠲᠠᠯᠠ ᠠᠴᠠ ᠨᠢ ᠲᠠᠯᠠᠯᠠᠵᠤ ᠬᠤᠶᠠᠷ ᠬᠠᠵᠠᠭᠤ | ᠪᠠᠷ ᠨᠢ ᠵᠦᠷᠢᠬᠦᠯᠦᠨ ᠲᠠᠯᠪᠢᠬᠤ ᠪᠦᠬᠡᠳ ᠬᠠ ᠭᠤᠶᠠ ᠶᠢᠨ ᠦᠶᠡ ᠶᠢ ᠬᠦᠨᠳᠡᠵᠤ ᠤᠷᠬᠢᠨᠠ᠃ ᠸᠠᠩ ᠨᠤᠶᠠᠳ ᠤᠨ | ᠡᠮᠦᠨᠡᠬᠢ ᠰᠢᠭᠦᠰᠦᠨ ᠤ ᠲᠤᠯᠤᠭᠠᠢ ᠶᠢ ᠪᠠᠷᠠᠭᠤᠨ ᠬᠤᠶᠢᠲᠦ ᠠᠪᠳᠠᠷᠠ ᠳᠡᠭᠡᠷᠡ ᠲᠠᠯᠪᠢᠵᠤ ᠦᠭᠳᠡᠭ᠃ ᠢᠩᠭᠢᠵᠤ | ᠬᠦᠨᠳᠡᠭᠰᠡᠨ ᠤ ᠰᠡᠭᠦᠯᠡᠷ ᠵᠤᠴᠢᠨ ᠰᠢᠬᠦᠰᠦ ᠠᠮᠰᠠ ᠭᠡᠵᠤ ᠬᠡᠯᠡᠪᠡᠯ ᠰᠠᠶ᠋ᠢ ᠪᠤᠴᠠᠭᠠᠨ ᠠᠪᠴᠢᠷᠠᠭᠠᠳ ᠮᠦᠴᠢᠯᠡᠨ | ᠡᠪᠳᠡᠵᠤ᠂ ᠳᠠᠬᠢᠵᠤ ᠰᠠᠶᠢᠲᠤᠷ ᠴᠢᠨᠠᠵᠤ ᠪᠤᠯᠭᠤᠭᠠᠳ ᠶᠡᠭᠡ ᠦᠷᠦᠬᠡᠯ᠂ ᠪᠠᠭᠠ ᠦᠷᠦᠬᠡᠯ ᠭᠡᠵᠤ ᠬᠤᠶᠠᠷ ᠶᠠᠩᠵᠤ ᠪᠠᠷ | ᠰᠢᠭᠦᠰᠦ ᠵᠠᠰᠠᠵᠤ ᠵᠤᠴᠢᠨ ᠳᠤ ᠠᠪᠴᠢᠷᠠᠨ ᠦᠭᠴᠦ ᠢᠳᠡᠭᠦᠯᠦᠨᠡ᠃ ᠶᠡᠭᠡ ᠦᠷᠦᠬᠡᠯ ᠰᠢᠭᠦᠰᠦᠨ ᠳᠤ ᠨᠢᠬᠡ ᠬᠠ᠂ | ᠨᠢᠬᠡ ᠭᠤᠶᠠ᠂ ᠰᠡᠭᠡᠷ᠂ ᠤᠭᠤᠴᠠ᠂ ᠲᠤᠯᠤᠭᠠᠢ ᠤᠷᠤᠬᠤ ᠶᠤᠰᠤᠲᠠᠢ᠃ ᠪᠠᠭᠠ ᠦᠷᠦᠭᠡᠯ ᠰᠢᠬᠦᠰᠦᠨ ᠳᠤ ᠰᠡᠭᠡᠷ᠂ | ᠱᠠᠭᠠᠨᠲᠤ᠂ ᠳᠦᠷᠪᠡᠨ ᠦᠨᠳᠦᠷ᠂ ᠤᠭᠤᠴᠠ ᠤᠷᠤᠬᠤ ᠶᠤᠰᠤᠲᠠᠢ᠃ ᠬᠦᠮᠦᠨ ᠤ ᠬᠢᠨᠢ ᠤᠯᠠᠨ ᠴᠦᠬᠡᠨ᠂ ᠵᠡᠷᠭᠡ | ᠬᠡᠷᠬᠡᠮ ᠤᠨ ᠬᠢᠨᠢ ᠶᠡᠭᠡ ᠪᠠᠭᠠ ᠶᠢ ᠦᠵᠡᠵᠤ ᠶᠡᠭᠡ ᠦᠷᠦᠬᠡᠯ ᠪᠤᠶᠤ ᠪᠠᠭᠠ ᠦᠷᠦᠬᠡᠯ ᠰᠢᠬᠦᠰᠦ ᠵᠠᠰᠠᠵᠤ᠂ ᠮᠦᠴᠢᠯᠡᠨ | ᠲᠠᠯᠪᠢᠵᠤ ᠦᠭᠬᠦᠭᠡᠳ ᠵᠤᠴᠢᠨ ᠢᠶᠠᠨ ᠳᠠᠶᠢᠯᠠᠵᠤ ᠤᠯᠠᠨ ᠢᠶᠠᠷ ᠰᠢᠭᠦᠰᠦ ᠢᠳᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠲᠤᠰᠠᠯᠠᠭᠴᠢ | ᠠᠴᠠ ᠳᠡᠭᠡᠭᠰᠢ ᠬᠡᠷᠬᠡᠮ ᠲᠠᠢ ᠪᠤᠯ ᠶᠡᠭᠡ ᠦᠷᠦᠬᠡᠯ ᠲᠠᠯᠪᠢᠵᠤ᠂ ᠲᠡᠭᠦᠨ ᠠᠴᠠ ᠪᠠᠭᠠ ᠬᠡᠷᠬᠡᠮᠲᠡᠨ ᠳᠤ ᠪᠠᠭᠠ ᠦᠷᠦᠬᠡᠯ | ᠲᠠᠯᠪᠢᠳᠠᠭ ᠶᠤᠰᠤ ᠭᠤᠷᠢᠮ ᠲᠠᠢ ᠶᠤᠮ᠃ | ᠰᠢᠭᠦᠰᠦ ᠬᠦᠨᠳᠡᠵᠤ ᠳᠠᠬᠢᠵᠤ ᠤᠷᠤᠭᠤᠯᠬᠤ ᠳᠤ ᠶᠡᠭᠡ ᠦᠷᠦᠬᠡᠯ᠂ ᠪᠠᠭᠠ ᠦᠷᠦᠬᠡᠯ ᠠᠴᠠ ᠭᠠᠳᠠᠨᠠ ᠶᠢᠰᠤᠨ | ᠴᠠᠭᠠᠨ ᠰᠢᠭᠦᠰᠦ᠂ ᠭᠤᠷᠪᠠᠨ ᠴᠠᠭᠠᠨ ᠰᠢᠬᠦᠰᠦ ᠬᠡᠵᠤ ᠪᠠᠶᠢᠳᠠᠭ᠃ ᠵᠤᠴᠢᠨ ᠤᠯᠠᠨ ᠪᠤᠯ ᠰᠢᠭᠦᠰᠦ ᠶᠢ ᠮᠦᠴᠢᠯᠡᠨ | ᠶᠢᠰᠤᠨ ᠴᠠᠷᠠ ᠳᠤ ᠲᠤᠭᠠ ᠡᠷᠡᠮᠪᠠ ᠲᠠᠢ ᠶᠰᠤᠨ ᠬᠤᠪᠢ ᠬᠤᠪᠢᠶᠠᠨ ᠬᠤᠪᠢᠳᠠᠵᠤ᠂ ᠭᠤᠤᠯ ᠵᠤᠴᠢᠨ ᠤ ᠡᠮᠦᠨᠡ | ᠲᠤᠯᠤᠭᠠᠢ᠂ ᠰᠡᠭᠦᠯ᠂ ᠱᠠᠭᠠᠨᠲᠤ᠂ ᠳᠠᠭᠠᠯᠲᠠ ᠮᠢᠬᠠ ᠲᠠᠢ ᠨᠢᠬᠡ ᠴᠠᠷᠠ ᠭᠡᠬᠦ ᠮᠡᠲᠦ ᠤᠷᠤᠭᠤᠯᠵᠤ ᠤᠯᠠᠨ ᠢᠶᠠᠷ ᠢᠶᠠᠨ | ᠢᠳᠡᠳᠡᠭ᠃ ᠶᠢᠰᠤᠨ ᠴᠠᠭᠠᠨ ᠰᠢᠬᠦᠰᠦ ᠵᠠᠰᠠᠬᠤ ᠳᠤ ᠡᠪᠴᠢᠬᠦᠤ᠂ ᠬᠦᠵᠦᠬᠦᠤ᠂ ᠵᠢᠷᠭᠤᠭᠠᠨ ᠪᠤᠭᠤᠨᠢ᠂ ᠬᠠᠷᠢᠲᠤ᠂ | ᠪᠤᠭᠲᠤᠰ ᠵᠡᠷᠭᠡ ᠮᠦᠴᠢ ᠤᠷᠤᠵᠤ ᠪᠤᠯᠬᠤ ᠦᠬᠡᠢ᠃ | | | | |