ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ
ᠰᠦᠨᠢᠳ ᠵᠠᠩ ᠦᠢᠯᠡ
ᠨᠠᠷᠢᠯᠢᠭ ᠴᠢᠯᠠᠭᠤᠨ ᠪᠠᠭᠠᠵᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2010/10/12
        
              ᠨᠠᠷᠢᠯᠢᠭ ᠴᠢᠯᠠᠭᠤᠨ ᠪᠠᠭᠠᠵᠢ       ︵ᠦᠬᠡᠷ᠎ᠡ ᠪᠠᠷ ᠬᠡᠯᠡᠪᠡᠯ ᠴᠠᠬᠢᠭᠤᠷ ᠴᠢᠯᠠᠭᠤᠨ ᠪᠠᠭᠠᠵᠢ︶       ᠨᠠᠷᠢᠯᠢᠭ ᠴᠢᠯᠠᠭᠤᠨ ᠵᠡᠪᠰᠡᠭ ︵ᠴᠠᠬᠢᠭᠤᠷ ᠴᠢᠯᠠᠭᠤᠨ ᠪᠠᠭᠠᠵᠢ︶ ᠪᠤᠯ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠴᠢᠬᠤᠯᠠ ᠨᠢᠬᠡᠨ ᠪᠦᠷᠢᠯᠳᠦᠬᠦᠨ ᠪᠤᠯᠬᠤ ᠲᠡᠳᠦᠢ ᠦᠬᠡᠢ ᠲᠤᠳᠤᠷᠬᠠᠢ ᠨᠢᠬᠡᠨ ᠲᠡᠤᠬᠡᠨ ᠱᠠᠳᠦ ᠦᠶ᠎ᠡ ᠳᠤ ᠪᠤᠢ ᠪᠤᠯᠤᠭᠰᠠᠨ ᠮᠤᠩᠭᠤᠯ ᠦᠨᠳᠦᠷᠯᠢᠭ ᠤᠨ ᠲᠦᠯᠦᠬᠡᠯᠡᠬᠦ ᠴᠢᠨᠠᠷᠳᠠᠢ ᠪᠦᠳᠦᠬᠡᠯ ᠪᠤᠯᠤᠨ᠎ᠠ᠃       ᠬᠦᠷᠡᠩ᠂ ᠬᠠᠷ᠎ᠠ᠂ ᠰᠠᠷᠠᠯ᠂ ᠨᠤᠭᠤᠭᠠᠨ᠂ ᠶᠠᠭᠠᠨ᠂ ᠴᠠᠭᠠᠨ ᠦᠡᠭᠭᠡ ᠪᠦᠷᠢ ᠶᠢᠨ ᠴᠠᠬᠢᠭᠤᠷ ᠴᠢᠯᠠᠭᠤ᠂ ᠮᠠᠨᠤᠤ ᠴᠢᠯᠠᠭᠤ᠂ ᠬᠠᠰ ᠴᠢᠯᠠᠭᠤ ᠪᠠᠷ ᠮᠠᠯᠳᠠᠵᠦ᠂ ᠴᠤᠬᠢᠵᠦ᠂ ᠬᠤᠯᠳᠤᠯᠵᠦ ᠨᠢᠮᠬᠡᠯᠡᠨ ᠵᠠᠰᠠᠵᠦ ᠬᠢᠭᠰᠡᠨ ᠪᠠᠭᠠᠵᠢ ᠵᠡᠪᠰᠡᠭ ᠢ ᠬᠠᠭᠤᠴᠢ ᠰᠤᠳᠤᠯᠤᠯ ᠳᠤ ᠨᠠᠷᠢᠯᠢᠭ ᠴᠢᠯᠠᠭᠤᠨ ᠪᠠᠭᠠᠵᠢ ᠬᠡᠵᠦ ᠬᠡᠯᠡᠳᠡᠭ᠃ ᠡᠨᠡ ᠨᠢ ᠴᠢᠯᠠᠭᠤᠨ ᠪᠠᠭᠠᠵᠢ ᠶᠢᠨ ᠬᠦᠭᠵᠢᠯ ᠤᠨ ᠦᠶ᠎ᠡ ᠳᠤ ᠪᠤᠢ ᠪᠤᠯᠵᠠᠢ᠃       ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠲᠦᠴᠢᠬᠡᠳ ᠤᠨ ᠤ ᠦᠶ᠎ᠡ ᠳᠤ ᠰᠦᠨᠢᠳ ᠤᠨ ᠲᠠᠯ᠎ᠠ ᠨᠤᠳᠤᠭ ᠤᠨ ᠠᠩᠬ᠎ᠠ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠯᠵᠦ ᠢᠯᠡᠷᠡᠬᠦᠯᠦᠭᠰᠡᠨ ᠠᠴᠠ ᠨᠠᠰᠢ ᠪᠠᠷᠤᠭ ᠰᠦᠨᠢᠳ ᠨᠤᠳᠤᠭ ᠠᠴᠠ ᠨᠠᠷᠢᠯᠢᠭ ᠴᠢᠯᠠᠭᠤᠨ ᠵᠡᠪᠰᠡᠭ — ᠴᠠᠬᠢᠭᠤᠷ ᠴᠢᠯᠠᠭᠤᠨ ᠪᠠᠭᠠᠵᠢ ᠡᠯᠪᠡᠭ ᠤᠯᠳᠠᠵᠦ ᠪᠠᠶᠢᠨ᠎ᠠ᠃       ᠡᠬᠦᠨᠳᠦ ᠤᠳᠤ ᠲᠡᠯᠭᠡᠨ ᠦᠵᠡᠬᠦᠯᠵᠦ ᠪᠠᠶᠢᠭ᠎ᠠ ᠨᠢᠬᠡ ᠬᠡᠰᠡᠭ ᠴᠢᠯᠠᠭᠤᠨ ᠵᠡᠪᠰᠡᠭ ᠢ ᠲᠠᠨᠢᠯᠴᠠᠭᠤᠯᠪᠠᠯ᠄       ᠤᠭᠳᠤᠯᠬᠤ᠂ ᠡᠰᠬᠡᠭᠦ᠂ ᠵᠦᠰᠦᠬᠦ᠂ ᠵᠤᠷᠭᠤᠭᠤ᠂ ᠬᠤᠰᠤᠬᠤ ᠳᠤ ᠵᠤᠷᠢᠭᠤᠯᠤᠯᠳᠠ ᠲᠠᠢ ᠬᠢᠭᠰᠡᠨ ᠤᠯᠠᠨ ᠶᠠᠩᠵᠦ ᠬᠡᠯᠪᠡᠷᠢ ᠶᠢᠨ ᠢᠷᠳᠦ ᠮᠡᠰᠡ ᠤᠳ᠄ ᠬᠤᠶᠠᠷ ᠲᠠᠯ᠎ᠠ ᠶᠢ ᠨᠢ ᠢᠷᠯᠡᠵᠦ ᠭᠢᠭᠰᠡᠨ ᠢᠷᠳᠦ ᠮᠡᠰᠡ᠂ ᠬᠢᠮᠦᠰᠦᠨ ᠬᠡᠯᠪᠡᠷᠢᠳᠡᠢ ᠢᠷᠳᠦ ᠮᠡᠰᠡ᠂ ᠨᠠᠪᠴᠢᠨ ᠬᠡᠯᠪᠡᠷᠢᠳᠡᠢ ᠢᠷᠳᠦ ᠮᠡᠰᠡ᠂ ᠲᠠᠯ᠎ᠠ ᠲᠤᠭᠤᠢ ᠬᠡᠯᠪᠡᠷᠢᠳᠡᠢ ᠢᠷᠳᠦ ᠮᠡᠰᠡ᠂ ᠱᠤᠪᠬᠤ ᠦᠯᠡᠳᠡᠴᠡ᠂ ᠬᠢᠯᠪᠠᠷ ᠬᠡᠯᠪᠡᠷᠢᠳᠡᠢ ᠢᠷᠳᠦ ᠮᠡᠰᠡ᠂ ᠬᠢᠳᠦᠭᠠᠨ ᠬᠡᠯᠪᠡᠷᠢᠳᠡᠢ ᠢᠷᠳᠦ ᠮᠡᠰᠡ᠂ ᠰᠤᠮᠤᠨ ᠬᠡᠯᠪᠡᠷᠢᠳᠡᠢ ᠢᠷᠳᠦ ᠮᠡᠰᠡ᠂ ᠤᠷᠳᠦᠯᠵᠢᠨ ᠢᠷᠳᠦ ᠮᠡᠰᠡ᠂ ᠲᠠᠯ᠎ᠠ ᠲᠤᠭᠤᠢ ᠬᠡᠯᠪᠡᠷᠢᠳᠡᠢ ᠢᠷᠳᠦ ᠮᠡᠰᠡ᠂ ᠨᠠᠪᠴᠢᠨ ᠬᠡᠯᠪᠡᠷᠢᠳᠡᠢ ᠴᠢᠯᠠᠭᠤᠨ ᠵᠡᠪᠡ᠂ ᠬᠤᠰᠢᠭᠤᠯᠵᠢᠨ ᠴᠢᠯᠠᠭᠤᠨ ᠵᠡᠪᠡ᠂ ᠦᠵᠦᠬᠦᠷ ᠭᠠᠷᠭᠠᠵᠦ ᠵᠢᠭᠰᠡᠨ ᠰᠢᠪᠦᠭᠡ᠂ ᠬᠢᠮᠦᠰᠦᠨ ᠬᠡᠯᠪᠡᠷᠢᠳᠡᠢ ᠵᠢᠵᠢᠭᠬᠡᠨ ᠬᠤᠰᠤᠭᠤᠷ ᠴᠢᠯᠠᠭᠤ᠂ ᠵᠢᠵᠢᠭ ᠬᠡᠯᠪᠡᠷᠢᠳᠡᠢ ᠴᠢᠯᠠᠭᠤᠨ ᠠᠯᠤᠬ᠎ᠠ᠂ ᠵᠢᠵᠢᠭᠬᠡᠨ ᠬᠢᠭᠰᠡᠨ ᠴᠢᠯᠠᠭᠤᠨ ᠴᠦᠴᠡ᠂ ᠴᠢᠯᠠᠭᠤᠨ ᠬᠤᠰᠤᠭᠤᠷ᠂ ᠱᠤᠪᠬᠤ ᠦᠯᠡᠳᠡᠴᠡ᠂ ᠴᠢᠯᠠᠭᠤᠨ ᠢᠯᠳᠠᠰᠦ᠂ ᠴᠤᠬᠢᠵᠦ ᠪᠠᠯᠪᠠᠴᠢᠬᠤ ᠴᠢᠯᠠᠭᠤᠨ ᠪᠠᠭᠠᠵᠢ᠂ ᠨᠠᠷᠢᠬᠠᠨ ᠬᠢᠳᠤᠭᠠᠨ ᠢᠯᠳᠡᠰᠦ᠂ ᠴᠤᠬᠢᠵᠦ ᠪᠠᠯᠴᠢᠬᠤ ᠴᠢᠯᠠᠭᠤᠨ ᠪᠠᠭᠠᠵᠢ᠂ ᠨᠠᠷᠢᠬᠠᠨ ᠬᠢᠳᠤᠭᠠᠨ ᠢᠯᠳᠠᠰᠦ ᠵᠡᠷᠬᠡ ᠬᠡᠯᠪᠡᠷᠢ ᠬᠢᠴᠡ ᠶᠡᠭᠡ ᠪᠠᠭ᠎ᠠ ᠨᠢ ᠠᠳᠠᠯᠢ ᠦᠬᠡᠢ ᠬᠢᠭᠰᠡᠨ ᠴᠠᠬᠢᠭᠤᠷ ᠴᠢᠯᠠᠭᠤᠨ ᠪᠠᠭᠠᠵᠢ ᠤᠳ ᠡᠯᠪᠡᠭ ᠦᠯᠡᠳᠡᠵᠡᠢ᠃       ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠦᠷᠬᠡᠨ ᠠᠭᠤᠳᠠᠮ ᠨᠤᠳᠤᠭ ᠪᠤᠯ ᠦᠨᠢ ᠬᠤᠯᠠ ᠶᠢᠨ ᠰᠤᠶᠤᠯ ᠲᠡᠤᠬᠡ ᠬᠠᠭᠤᠴᠢ ᠲᠤᠷᠠᠰᠬᠠᠯ ᠢᠶᠠᠨ ᠦᠪᠯᠡᠨ ᠬᠠᠳᠠᠭᠠᠯᠠᠵᠦ ᠪᠠᠶᠢᠭ᠎ᠠ ᠤᠷᠤᠨ ᠤ ᠨᠢᠬᠡ ᠪᠤᠯᠬᠤ ᠶᠤᠮ᠃       ᠠᠯᠢ ᠡᠷᠳᠡ ᠲᠦᠴᠢᠬᠡᠳ ᠤᠨ ᠠᠴᠠ ᠮᠠᠨ ᠤ ᠰᠦᠨᠢᠳ ᠨᠤᠳᠤᠭ ᠤᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠢ ᠢᠯᠡᠷᠡᠬᠦᠯᠵᠦ᠂ ᠤᠳᠤ ᠪᠤᠯᠬᠤ ᠳᠤ ᠨᠢᠬᠡᠨᠳᠡ ᠲᠦᠮᠡ ᠭᠠᠷᠤᠢ ᠲᠦᠷᠦᠯ ᠵᠦᠢᠯ ᠤᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠯᠵᠦ ᠢᠯᠡᠷᠡᠬᠦᠯᠵᠡᠢ᠃       ᠠᠳᠡ ᠲᠡᠯᠬᠡᠨ ᠦᠵᠡᠬᠦᠯᠵᠦ ᠪᠠᠶᠢᠭ᠎ᠠ ᠴᠢᠯᠠᠭᠤᠨ ᠪᠠᠭᠠᠵᠢ ᠨᠢ ᠴᠤᠬᠢᠵᠦ ᠡᠮᠳᠡᠯᠡᠨ ᠬᠢᠭᠰᠡᠨ ᠡᠯ᠎ᠡ ᠵᠦᠢᠯ ᠤᠨ ᠪᠠᠭᠠᠵᠢ ᠤᠳ ᠪᠤᠯᠤᠨ᠎ᠠ᠃       ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠤᠯᠠᠮᠵᠢᠯᠠᠯ ᠠᠷᠭ᠎ᠠ ᠪᠠᠷ ᠴᠤᠬᠢᠵᠦ ᠡᠮᠳᠡᠯᠡᠨ ᠢᠷ ᠭᠠᠷᠭᠠᠵᠦ ᠬᠢᠭᠰᠡᠨ ᠴᠢᠯᠠᠭᠤᠨ ᠪᠠᠭᠠᠵᠢ ᠤᠳ ᠬᠡᠪᠡᠯ᠄       ᠬᠤᠶᠠᠷ ᠲᠠᠯ᠎ᠠ ᠶᠢ ᠨᠢ ᠴᠤᠬᠢᠵᠦ ᠡᠮᠳᠡᠯᠡᠵᠦ ᠬᠢᠭᠰᠡᠨ ᠰᠦᠬᠡ᠂ ᠴᠢᠯᠠᠭᠤᠨ ᠠᠯᠤᠬ᠎ᠠ᠂ ᠴᠢᠯᠠᠭᠤᠨ ᠴᠦᠴᠡ᠂ ᠴᠢᠯᠠᠭᠤᠨ ᠬᠤᠰᠤᠭᠤᠷ᠂ ᠴᠢᠯᠠᠭᠤᠨ ᠨᠦᠳᠦᠬᠦᠷ᠂ ᠴᠢᠯᠠᠭᠤᠨ ᠪᠦᠮᠪᠦᠭᠡ ︵ᠲᠦᠡᠭᠭᠦᠷ ᠴᠢᠯᠠᠭᠤ ︶᠂ ᠲᠠᠯ᠎ᠠ ᠪᠦᠷᠢ ᠠᠴᠠ ᠨᠢ ᠡᠮᠳᠡᠯᠡᠵᠦ ᠵᠠᠰᠠᠵᠦ ᠭᠤᠤᠯ ᠳᠠᠭᠠᠨ ᠨᠦᠬᠡ ᠲᠠᠢ ᠲᠠᠯᠠᠭᠳᠠᠬᠤ ᠪᠠᠭᠠᠵᠢ᠂ ᠬᠢᠯᠪᠠᠷ ᠬᠡᠯᠪᠡᠷᠢᠳᠡᠢ ᠴᠤᠬᠢᠵᠦ ᠪᠠᠯᠪᠠᠴᠢᠬᠤ ᠪᠠᠭᠠᠵᠢ᠂ ᠴᠤᠬᠢᠵᠦ ᠡᠮᠳᠡᠯᠡᠨ ᠢᠷ ᠢᠷᠮᠡᠭ ᠭᠠᠷᠭᠠᠵᠦ ᠬᠢᠭᠰᠡᠨ ᠴᠢᠯᠠᠭᠤᠨ ᠬᠢᠳᠤᠭ᠎ᠠ᠂ ᠡᠮᠳᠡᠯᠡᠨ ᠴᠤᠬᠢᠵᠦ ᠪᠦᠮᠪᠦᠬᠡᠯᠢᠭ ᠶᠠᠩᠵᠦ ᠤᠷᠤᠭᠤᠯᠤᠨ ᠵᠠᠰᠠᠵᠦ ᠭᠢᠭᠰᠡᠨ ᠴᠢᠯᠠᠭᠤᠨ ᠪᠦᠮᠪᠦᠭᠡ ︵ᠲᠦᠡᠭᠭᠦᠷ ᠴᠢᠯᠠᠭᠤ︶᠂ ᠲᠠᠯ᠎ᠠ ᠪᠦᠷᠢ ᠨᠢ ᠡᠮᠳᠡᠯᠡᠨ ᠵᠠᠰᠠᠵᠦ ᠬᠢᠭᠰᠡᠨ ᠴᠢᠯᠠᠭᠤᠨ ᠰᠢᠪᠦᠭᠡ᠂ ᠴᠢᠯᠠᠭᠤᠨ ᠲᠦᠰᠢ᠂ ᠴᠤᠬᠢᠵᠦ ᠡᠮᠳᠡᠯᠡᠨ ᠶᠠᠩᠵᠦ ᠤᠷᠤᠭᠤᠯᠤᠨ ᠬᠢᠭᠰᠡᠨ ᠴᠢᠯᠠᠭᠤᠨ ᠨᠦᠳᠦᠬᠦᠷ᠂ ᠴᠤᠬᠢᠵᠦ ᠡᠮᠳᠡᠯᠡᠨ ᠵᠠᠰᠠᠵᠦ ᠬᠢᠭᠰᠡᠨ ᠢᠷᠳᠦ ᠮᠡᠰᠡ᠂ ᠡᠮᠳᠡᠯᠡᠨ ᠵᠠᠰᠠᠵᠦ ᠬᠢᠭᠰᠡᠨ ᠬᠢᠯᠪᠠᠷ ᠴᠢᠯᠠᠭᠤ᠂ ᠡᠮᠳᠡᠯᠡᠵᠦ ᠵᠠᠰᠠᠭᠰᠠᠨ ᠴᠢᠯᠠᠭᠤᠨ ᠵᠡᠪᠡ᠂ ᠴᠢᠯᠠᠭᠤᠨ ᠴᠠᠪᠴᠢᠭᠤᠷ ︵ᠰᠦᠬᠡ ᠶᠢᠨ ᠤᠷᠤᠨ ᠳᠤ ᠬᠡᠷᠡᠭᠯᠡᠳᠡᠭ︶᠂ ᠴᠢᠯᠠᠭᠤᠨ ᠴᠦᠮ᠎ᠡ᠂ ᠴᠢᠯᠠᠭᠤᠨ ᠢᠯᠳᠡᠰᠦ ︵ᠱᠤᠪᠬᠤ ᠦᠯᠡᠳᠡᠴᠡ︶ ᠵᠡᠷᠬᠡ ᠤᠯᠠᠨ ᠲᠦᠷᠦᠯ ᠤᠨ ᠴᠢᠯᠠᠭᠤᠨ ᠪᠠᠭᠠᠵᠢ ᠤᠳ ᠪᠤᠢ᠃       ᠡᠳᠡᠭᠡᠷ ᠴᠢᠯᠠᠭᠤᠨ ᠪᠠᠭᠠᠵᠢ ᠤᠯᠳᠠᠭᠰᠠᠨ ᠭᠠᠵᠠᠷ ᠠᠴᠠ ᠪᠠᠰᠠ ᠪᠦᠳᠦᠬᠦᠯᠢᠭ ᠬᠢᠴᠠ ᠲᠠᠢ ᠸᠠᠭᠠᠷ ᠰᠠᠪᠠᠨ ᠤ ᠬᠠᠭᠠᠷᠬᠠᠢ᠂ ᠲᠤᠳᠠᠭᠤ ᠰᠢᠳᠠᠭᠰᠠᠨ ᠶᠠᠰᠦ ᠵᠡᠷᠬᠡ ᠦᠯᠡᠳᠡᠪᠦᠷᠢ ᠤᠳ ᠤᠯᠠᠳᠠᠵᠦ ᠪᠠᠶᠢᠳᠠᠭ᠃       ᠪᠠᠯᠠᠷ ᠡᠷᠳᠡᠨ ᠤ ᠬᠦᠮᠦᠨ ᠠᠮᠢᠳᠤᠷᠠᠨ ᠪᠤᠢ ᠤᠷᠴᠢᠨ ᠲᠤᠭᠤᠷᠢᠨ ᠳᠠᠭᠠᠨ ᠲᠠᠰᠤᠨ ᠵᠤᠬᠢᠴᠠᠵᠦ᠂ ᠦᠭᠬᠢᠶᠡᠮᠦᠷ ᠪᠠᠶᠢᠭᠠᠯᠢ ᠶᠢᠨ ᠰᠢᠮ᠎ᠡ ᠠᠰᠢᠭ ᠠᠴᠠ ᠨᠢ ᠬᠦᠷᠳᠡᠨ ᠠᠮᠢ ᠵᠢᠭᠤᠬᠤ ᠶᠠᠪᠤᠴᠠ ᠳᠠᠭᠠᠨ ᠶᠠᠭᠤᠨ ᠤ ᠲᠡᠷᠢᠬᠦᠨ ᠳᠤ ᠪᠠᠶᠢᠭᠠᠯᠢ ᠡᠬᠡ ᠶᠢᠨ ᠰᠤᠳᠤᠨ ᠪᠦᠳᠦᠬᠡᠯ — ᠬᠠᠳᠠ ᠴᠢᠯᠠᠭᠤ ᠶᠢ ᠵᠡᠪᠰᠡᠭ ᠪᠠᠭᠠᠵᠢ ᠪᠤᠯᠭᠠᠨ ᠪᠦᠳᠦᠬᠡᠯᠴᠢ ᠪᠠᠷ ᠠᠰᠢᠭᠯᠠᠵᠦ᠂ ᠲᠦᠷᠦᠯ ᠵᠦᠢᠯ ᠢ ᠨᠢ ᠤᠯᠠᠰᠢᠷᠠᠭᠤᠯᠤᠨ᠂ ᠴᠢᠨᠠᠷ ᠴᠢᠨᠰᠠᠭ᠎ᠠ ᠶᠢ ᠨᠢ ᠰᠠᠶᠢᠵᠢᠷᠠᠭᠤᠯᠤᠨ᠂ ᠰᠢᠨ᠎ᠡ ᠰᠢᠨ᠎ᠡ ᠬᠦᠭᠵᠢᠯ ᠦᠬᠡᠳᠡ ᠲᠠᠰᠤᠷᠠᠯᠳᠠ ᠦᠬᠡᠢ ᠲᠠᠪᠰᠢᠭᠰᠠᠭᠠᠷ ᠢᠷᠡᠵᠡᠢ᠃       ᠴᠢᠯᠠᠭᠤᠨ ᠵᠡᠪᠰᠡᠭ ᠪᠤᠯ ᠪᠠᠯᠠᠷ ᠡᠷᠳᠡᠨ ᠤ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠴᠢᠯᠠᠭᠤᠨ ᠪᠠᠭᠠᠵᠢ ᠵᠡᠪᠰᠡᠭ ᠨᠢ ᠪᠤᠯᠤᠨ᠎ᠠ᠃ ᠰᠦᠨᠢᠳ ᠤᠨ ᠲᠠᠮᠠᠴᠢ ᠶᠢᠨ ᠪᠠᠷᠤᠭ ᠪᠦᠬᠦ ᠨᠤᠳᠤᠭ ᠠᠴᠠ ᠤᠯᠳᠠᠵᠦ ᠪᠠᠶᠢᠨ᠎ᠠ᠃ ᠦᠷᠦᠵᠦ ᠪᠢᠯᠡᠬᠦᠳᠡᠨ ᠵᠠᠰᠠᠵᠦ ᠬᠢᠭᠰᠡᠨ ᠲᠦᠷᠦᠯ ᠪᠦᠷᠢ ᠶᠢᠨ ᠵᠡᠪᠰᠡᠭ ᠪᠠᠭᠠᠵᠢ ᠤᠳ ᠪᠤᠢ᠃ ᠴᠢᠯᠠᠭᠤᠨ ᠵᠡᠪᠰᠭ ᠤᠨ ᠬᠠᠭᠤᠴᠢ ᠦᠯᠡᠳᠡᠪᠦᠷᠢ ᠠᠴᠠ ᠨᠠᠷᠢᠨ ᠠᠵᠢᠭᠯᠠᠬᠤ ᠳᠤ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶ᠎ᠡ ᠶᠢᠨ ᠪᠠᠭᠠᠵᠢ ᠵᠡᠪᠰᠡᠭ ᠦᠢᠯᠡᠳᠬᠦ ᠦᠨᠳᠦᠰᠦᠨ ᠠᠷᠭ᠎ᠠ ᠶᠢᠨ ᠤᠯᠠᠮᠵᠢᠯᠠᠯ ᠢ ᠬᠠᠳᠠᠭᠠᠯᠠᠬᠰᠠᠨ ᠪᠠᠶᠢᠬᠤ ᠪᠦᠬᠡᠳ ᠬᠤᠶᠠᠷ ᠲᠠᠯ᠎ᠠ ᠠᠴᠠ ᠨᠢ ᠬᠡᠯᠳᠡᠯᠡᠵᠦ ᠢᠷ ᠤᠷᠤᠭᠤᠯᠤᠭᠰᠠᠨ — ᠢᠷᠳᠦ ᠦᠵᠦᠭᠦᠷᠳᠦ ᠮᠡᠰᠡ᠂ ᠬᠢᠨᠭ᠍ᠭᠠᠷ ᠴᠢᠯᠠᠭᠤ ᠬᠢᠯᠪᠠᠷ ᠮᠡᠰᠡ᠂ ᠲᠡᠷᠬᠡᠯ ᠦᠯᠡᠳᠡᠴᠡ ᠵᠢᠴᠢ ᠡᠷᠬᠢᠨ ᠲᠤᠭᠤᠷᠢᠨ ᠡᠮᠳᠡᠯᠡᠵᠦ ᠢᠷᠯᠡᠭᠰᠡᠨ ᠬᠤᠰᠤᠭᠤᠷ ᠴᠢᠯᠠᠭᠤ᠂ ᠡᠰᠬᠡᠬᠦᠷ᠂ ᠴᠤᠭᠤᠯᠳᠤᠷ᠂ ᠦᠵᠦᠭᠦᠷᠳᠦ ᠰᠢᠪᠦᠭᠡ ᠵᠡᠷᠬᠡ ᠰᠢᠨ᠎ᠡ ᠰᠢᠨ᠎ᠡ ᠪᠠᠭᠠᠵᠢ ᠵᠡᠪᠰᠡᠭ ᠦᠢᠯᠡᠳᠴᠦ ᠴᠢᠳᠠᠬᠤ ᠪᠤᠯᠤᠭᠰᠠᠨ ᠲᠡᠳᠦᠢ ᠦᠬᠡᠢ᠂ ᠬᠤᠶᠠᠷ ᠲᠠᠯ᠎ᠠ ᠶᠢ ᠨᠢ ᠦᠷᠦᠵᠦ ᠪᠢᠯᠡᠬᠦᠳᠡᠨ ᠵᠠᠰᠠᠵᠦ ᠶᠠᠩᠵᠦ ᠬᠡᠯᠪᠡᠷᠢ ᠤᠷᠤᠭᠤᠯᠤᠭᠰᠠᠨ — ᠲᠦᠷᠦᠯ ᠪᠦᠷᠢ ᠶᠢᠨ ᠪᠠᠭᠠᠵᠢ ᠵᠡᠪᠰᠡᠭ ᠴᠤ ᠤᠯᠠᠰᠢᠷᠠᠵᠠᠢ᠃ ᠰᠢᠨ᠎ᠡ ᠠᠷᠭ᠎ᠠ ᠪᠠᠷᠢᠯ ᠢᠶᠠᠷ ᠬᠢᠭᠰᠡᠨ ᠤᠭᠳᠤᠯᠬᠤ᠂ ᠴᠤᠭᠤᠯᠬᠤ᠂ ᠬᠤᠰᠤᠬᠤ ᠵᠡᠷᠬᠡ ᠤᠯᠠᠨ ᠶᠠᠩᠵᠦ ᠪᠠᠷ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠵᠤᠷᠢᠭᠤᠯᠤᠯᠳᠠ ᠲᠠᠢ ᠨᠠᠷᠢᠯᠢᠭ ᠬᠢᠴᠠ ᠲᠠᠢ᠂ ᠬᠤᠷᠴᠠ ᠢᠷ ᠲᠠᠢ ᠵᠢᠵᠢᠭᠬᠡᠨ ︵ᠬᠦᠡᠭᠭᠡᠨ︶ ᠪᠠᠭᠠᠵᠢ ᠵᠡᠪᠰᠡᠭ ᠬᠢᠵᠦ ᠴᠢᠳᠠᠬᠤ ᠪᠤᠯᠤᠭᠰᠠᠨ  ᠨᠢ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠠᠪᠠ ᠠᠩᠨᠠᠯ ᠶᠡᠬᠡᠬᠡᠨ ᠬᠦᠭᠵᠢᠯ ᠲᠠᠢ ᠪᠤᠯᠤᠭᠰᠠᠨ ᠢ ᠬᠠᠷᠠᠭᠤᠯᠵᠦ ᠪᠠᠶᠢᠨ᠎ᠠ᠃       ᠦᠷᠦᠵᠦ ᠪᠢᠯᠡᠬᠦᠳᠡᠨ᠂ ᠵᠠᠰᠠᠵᠦ ᠦᠡᠭᠭᠡᠯᠡᠨ ᠬᠢᠭᠰᠡᠨ ᠴᠢᠯᠠᠭᠤᠨ ᠪᠠᠭᠠᠵᠢ ᠤᠳ ᠲᠤ ᠵᠢᠭᠠᠰᠤᠨ ᠬᠡᠯᠪᠡᠷᠢᠳᠡᠢ ᠰᠠᠮᠪᠠᠷ᠎ᠠ ᠴᠢᠯᠠᠭᠤ ︵ᠨᠤᠬᠤᠭᠤᠷ ᠴᠢᠯᠠᠭᠤ︶ ᠲᠠᠯᠠᠭᠳᠠᠬᠤ ᠪᠠᠭᠠᠵᠢ᠂ ᠵᠢᠵᠢᠭᠬᠡᠨ ᠭᠠᠷ ᠲᠡᠭᠡᠷᠡᠮ ᠤᠨ ᠴᠢᠯᠠᠭᠤ᠂ ᠴᠢᠯᠠᠭᠤᠨ ᠰᠦᠬᠡ᠂ ᠴᠢᠯᠠᠭᠤᠨ ᠠᠯᠤᠬ᠎ᠠ᠂ ᠴᠢᠯᠠᠭᠤᠨ ᠴᠦᠴᠡ᠂ ᠴᠢᠯᠠᠭᠤᠨ ᠬᠤᠰᠤᠭᠤᠷ᠂ ᠴᠢᠯᠠᠭᠤᠨ ᠬᠢᠳᠤᠭ᠎ᠠ᠂ ᠴᠢᠯᠠᠭᠤᠨ ᠠᠶᠠᠭ᠎ᠠ᠂ ᠪᠦᠮᠪᠦᠬᠡᠨ ᠴᠢᠯᠠᠭᠤ ︵ᠲᠦᠡᠭᠭᠦᠷ ᠴᠢᠯᠠᠭᠤ︶᠂ ᠴᠢᠯᠠᠭᠤᠨ ᠵᠡᠪᠡ᠂ ᠴᠢᠯᠠᠭᠤᠨ ᠤᠭᠤᠷ᠂ ᠬᠢᠨᠭ᠍ᠭᠠᠷ ᠴᠢᠯᠠᠭᠤ᠂ ᠱᠤᠪᠬᠤ ᠦᠯᠡᠳᠡᠴᠡ᠂ ᠤᠯᠠᠨ ᠲᠠᠯ᠎ᠠ ᠲᠠᠢ ᠴᠠᠪᠴᠢᠮᠠᠯ ᠴᠢᠯᠠᠭᠤᠨ ᠪᠠᠭᠠᠵᠢ ᠂ ᠲᠤᠭᠤᠷᠢᠭ ᠬᠤᠰᠤᠭᠤᠷ᠂ ᠬᠤᠳᠤᠭᠤᠷ ᠢᠷᠳᠦ ᠴᠢᠯᠠᠭᠤᠨ ᠬᠤᠰᠤᠭᠤᠷ᠂ ᠬᠢᠯᠪᠡᠷ ᠬᠡᠯᠪᠡᠷᠢᠳᠦ ᠴᠢᠯᠠᠭᠤᠨ ᠬᠤᠰᠤᠭᠤᠷ᠂ ᠬᠠᠵᠠᠭᠤ ᠲᠠᠯ᠎ᠠ ᠪᠠᠷ ᠤᠷᠠᠯᠠᠵᠦ ᠬᠢᠭᠰᠡᠨ ᠴᠠᠪᠴᠢᠬᠤ ᠪᠠᠭᠠᠵᠢ᠂ ᠴᠢᠯᠠᠭᠤᠨ ᠰᠢᠳᠡᠮ᠂ ᠴᠢᠯᠠᠭᠤᠨ ᠭᠠᠷᠠᠬ᠎ᠠ᠂ ᠴᠢᠯᠠᠭᠤᠨ ᠴᠤᠭᠤᠯᠳᠤᠷ᠂ ᠴᠢᠯᠠᠭᠤᠨ ᠬᠠᠳᠤᠭᠤᠷ᠂ ᠠᠨᠵᠢᠰᠦᠨ ᠴᠢᠯᠠᠭᠤ᠂ ᠴᠢᠯᠠᠭᠤᠨ ᠤᠡᠭᠭᠤ — ᠵᠡᠷᠬᠡ ᠲᠦᠷᠦᠯ ᠪᠦᠷᠢ ᠶᠢᠨ ᠪᠠᠭᠠᠵᠢ ᠵᠡᠪᠰᠡᠭ ᠤᠳ ᠪᠤᠢ᠃ ᠰᠦᠨᠢᠳ ᠤᠨ ᠬᠡᠬᠡᠷ᠎ᠡ ᠶᠢᠨ ᠪᠦᠰᠡ ᠨᠤᠳᠤᠭ ᠠᠴᠠ ᠤᠯᠳᠠᠵᠦ ᠪᠠᠶᠢᠭ᠎ᠠ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠴᠠᠭ ᠦᠶ᠎ᠡ ᠶᠢᠨ ᠠᠳᠠᠯᠢ ᠪᠤᠰᠦ ᠲᠡᠤᠬᠡᠨ ᠱᠠᠳᠤ ᠦᠶ᠎ᠡ ᠶᠢ ᠲᠤᠳᠤᠷᠬᠠᠢ ᠬᠡᠮᠵᠢᠶᠡᠨ ᠳᠤ ᠢᠯᠡᠷᠬᠡᠶᠢᠯᠡᠵᠦ ᠴᠢᠳᠠᠬᠤ ᠲᠦᠯᠦᠬᠡᠯᠡᠬᠦ ᠪᠦᠳᠦᠬᠡᠯ — ᠡᠮᠳᠡᠯᠡᠵᠦ ᠰᠡᠳᠡᠯᠡᠵᠦ ᠢᠷ ᠢᠷᠮᠡᠭ ᠤᠷᠤᠭᠤᠯᠤᠨ ᠬᠢᠭᠰᠡᠨ ᠴᠢᠯᠠᠭᠤᠨ ᠵᠡᠪᠡ᠂ ᠬᠢᠳᠤᠭ᠎ᠠ᠂ ᠰᠢᠪᠦᠭᠡ᠂ ᠬᠢᠨᠭ᠍ᠭᠠᠷ ᠴᠢᠯᠠᠭᠤ᠂ ᠬᠤᠰᠤᠭᠤᠷ ᠵᠢᠴᠢ ᠨᠦᠬᠡᠯᠡᠵᠦ ᠵᠦᠯᠬᠡᠬᠦ ᠠᠷᠭ᠎ᠠ ᠪᠠᠷᠢᠯ ᠢᠶᠠᠷ ᠬᠢᠭᠰᠡᠨ ᠬᠤᠷᠴᠠ ᠢᠷ ᠲᠠᠢ ᠢᠷᠳᠦ ᠮᠡᠰᠡ ᠪᠤᠯᠤᠨ ᠰᠠᠮᠪᠠᠷ ᠴᠢᠯᠠᠭᠤ᠂ ᠴᠢᠯᠠᠭᠤᠨ ᠰᠦᠬᠡ᠂᠂᠂᠂᠂᠂ ᠵᠡᠷᠬᠡ ᠴᠠᠭ ᠦᠶ᠎ᠡ ᠶᠢᠨ ᠢᠯᠡ ᠲᠤᠳᠤ ᠢᠮ᠎ᠡ ᠲᠠᠮᠠᠭ᠎ᠠ ᠪᠦᠬᠦᠢ ᠪᠦᠳᠦᠬᠡᠯ ᠢ ᠲᠤᠷᠠᠳᠤᠵᠦ ᠪᠤᠯᠬᠤ ᠵᠢᠱᠢᠶ᠎ᠡ ᠲᠠᠢ᠃
  
ᠢᠷᠡᠯᠲᠡ᠄ ᠳ᠋᠊᠂ ᠴᠠᠭᠠᠨ ᠤ ᠪᠢᠴᠢᠭᠰᠡᠨ ᠪᠦᠳᠦᠬᠡᠯ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号