| ᠵᠡᠬᠡᠷᠡ ᠶᠢᠨ ᠱᠠᠭᠠ | ᠵᠡᠬᠡᠷᠡ ᠶᠢᠨ ᠱᠠᠭᠠ ᠶᠢ ᠮᠤᠩᠭᠤᠯ ᠬᠦᠮᠦᠨ ᠲᠡᠭᠷᠢ ᠶᠢᠨ ᠬᠤᠨᠢᠨ ᠤ ᠱᠠᠭᠠ ᠬᠡᠮᠡᠨ ᠮᠠᠰᠢ ᠡᠷᠬᠢᠮᠯᠡᠳᠡᠭ | ᠤᠴᠢᠷᠳᠠᠢ ᠃ | ᠮᠤᠩᠭᠤᠯᠴᠤᠳ᠂ ᠠᠪᠠᠯᠠᠵᠦ ᠤᠯᠤᠭᠰᠠᠨ ᠵᠡᠬᠡᠷᠡ ᠶᠢᠨ ᠱᠠᠭᠠ᠂ ᠬᠡᠬᠡᠷᠡ ᠬᠦᠳᠡᠭᠡ ᠠᠴᠠ ᠦᠭᠦᠭᠰᠡᠨ | ᠵᠡᠭᠡᠷᠡ ᠶᠢᠨ ᠱᠠᠭᠠ ᠶᠢ ᠴᠤᠭᠯᠠᠭᠤᠯᠵᠦ ᠰᠠᠶᠢᠬᠠᠨ ᠵᠠᠰᠠᠵᠦ ᠬᠠᠳᠠᠭᠠᠯᠠᠵᠦ᠂ ᠨᠠᠭᠠᠳᠤᠮ ᠳᠤ ᠵᠤᠷᠢᠭᠤᠯᠵᠦ ᠬᠡᠷᠡᠭᠯᠡᠳᠡᠭ | ᠪᠠᠶᠢᠨᠠ᠃ | ᠵᠡᠬᠡᠷᠡ ᠶᠢᠨ ᠱᠠᠭᠠ ᠪᠤᠯ ᠬᠤᠨᠢ ᠢᠮᠠᠭᠠᠨ ᠤ ᠱᠠᠭᠠ ᠶᠢ ᠪᠤᠳᠤᠪᠠᠯ᠂ ᠵᠢᠵᠢᠭ ᠮᠦᠷᠳᠡᠬᠡᠨ ᠲᠦᠷᠰᠦ ᠶᠠᠩᠵᠦ ᠨᠢ | ᠶᠡᠭᠡ ᠴᠡᠪᠡᠷᠬᠡᠨ ᠨᠠᠷᠢᠯᠢᠭ ᠬᠠᠷᠠᠭᠳᠠᠨᠠ᠃ ᠡᠬᠦᠨ ᠳᠤ ᠰᠡᠬᠦᠯᠳᠦ ᠪᠤᠷᠤ ᠬᠦᠷᠦᠬᠡᠰᠦ ︵ᠵᠡᠬᠡᠷᠡ︶ ᠶᠢᠨ ᠱᠠᠭᠠ ᠪᠤᠯᠤᠨ | ᠴᠠᠭᠠᠨ ᠵᠡᠬᠡᠷᠡ ᠶᠢᠨ ᠱᠠᠭᠠ ᠬᠤᠭᠤᠷᠤᠨᠳᠦ ᠪᠠᠨ ᠠᠳᠠᠯᠢ ᠦᠬᠡᠢ ᠪᠠᠶᠢᠳᠠᠭ᠃ ᠴᠠᠭᠠᠨ ᠵᠡᠬᠡᠷᠡ ᠶᠢᠨ ᠱᠠᠭᠠ ᠨᠡᠯᠢᠶᠡᠳ | ᠪᠦᠳᠦᠬᠦᠨ ᠰᠢᠭ᠂ ᠬᠡᠯᠪᠡᠷᠢ ᠶᠠᠩᠵᠦ ᠨᠢ ᠢᠮᠠᠭᠠᠨ ᠤ ᠱᠠᠭᠠ ᠲᠠᠢ ᠲᠦᠰᠦᠬᠡᠳᠡᠢ ᠲᠠᠯᠠ ᠪᠤᠢ᠃ | ᠵᠡᠬᠡᠷᠡ ᠶᠢᠨ ᠱᠠᠭᠠ᠂ ᠬᠤᠨᠢ ᠢᠮᠠᠭᠠᠨ ᠤ ᠱᠠᠭᠠ ᠶᠢ ᠪᠤᠳᠤᠪᠠᠯ᠂ ᠮᠤᠷᠢ ᠲᠤᠰᠬᠤ ᠨᠢ ᠰᠠᠶᠢᠨ ᠪᠠᠶᠢᠳᠠᠭ | ᠤᠨᠴᠠᠯᠢᠭ ᠲᠠᠢ ᠬᠡᠳᠡᠭ᠃ ᠮᠤᠩᠭᠤᠯᠴᠤᠳ ᠵᠡᠬᠡᠷᠡ ᠶᠢᠨ ᠱᠠᠭᠠ ᠶᠢ ᠵᠠᠭᠤ ᠪᠤᠶᠤ ᠮᠢᠩᠭᠠ ᠪᠠᠷ ᠴᠤᠭᠯᠠᠭᠤᠯᠵᠦ ᠶᠡᠬᠡᠳᠡ | ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠭᠳᠠᠭ ᠪᠦᠬᠡᠳ ᠮᠠᠯ ᠦᠰᠦᠨᠡ ᠬᠡᠵᠦ ᠪᠡᠯᠬᠡᠰᠢᠶᠡᠨ ᠦᠵᠡᠳᠡᠭ᠃ ᠵᠡᠬᠡᠷᠡ᠂ ᠬᠦᠷᠦᠬᠡᠰᠦ ᠶᠢ | ᠮᠤᠩᠭᠤᠯᠴᠤᠳ ︽ᠲᠡᠭᠷᠢ ᠶᠢᠨ ᠬᠤᠨᠢ︾ ᠬᠡᠳᠡᠭ ᠲᠤᠯᠠ᠂ ᠵᠡᠬᠡᠷᠡ ᠶᠢᠨ ᠱᠠᠭᠠ ᠶᠢ ᠪᠤᠰᠤᠳ ᠮᠠᠯ ᠤᠨ ᠱᠠᠭᠠ ᠠᠴᠠ | ᠨᠡᠩ ᠡᠷᠬᠢᠮᠯᠡᠬᠦ ᠪᠦᠬᠡᠳ ᠬᠤᠪᠤᠷ ᠨᠠᠨᠳᠢᠨ ᠢᠶᠠᠷ ᠦᠵᠡᠳᠡᠭ ᠪᠠᠶᠢᠵᠠᠢ᠃ ᠮᠤᠩᠭᠤᠯᠴᠤᠳ ᠪᠦᠷ ᠠᠪᠠ ᠠᠩᠨᠠᠯ ᠬᠢᠳᠡᠭ | ᠪᠤᠯᠪᠠᠴᠦ᠂ ᠠᠪᠠᠯᠠᠵᠦ ᠤᠯᠬᠤ ᠠᠪᠠ ᠶᠢᠨ ᠤᠯᠵᠠ ᠨᠢ ᠠᠳᠠᠯᠢ ᠦᠬᠡᠢ᠂ ᠬᠢᠵᠠᠭᠠᠷ ᠲᠠᠢ ᠲᠤᠯᠠ᠂ ᠬᠦᠮᠦᠨ ᠪᠦᠬᠦᠨ ᠤ | ᠤᠯᠬᠤ ᠵᠡᠬᠡᠷᠡ ᠶᠢᠨ ᠱᠠᠭᠠ ᠨᠢ ᠮᠦᠨ ᠬᠡᠮᠵᠢᠶᠡ ᠲᠠᠢ ᠪᠠᠶᠢᠳᠠᠭ᠃ | ᠵᠡᠬᠡᠷᠡ ᠶᠢᠨ ᠱᠠᠭᠠ ᠶᠢ ᠲᠤᠰᠬᠠᠢ ᠢᠰᠡᠬᠡᠢ ᠤᠭᠤᠳᠠ ᠪᠤᠶᠤ ᠢᠯᠬᠢ ᠶᠢᠨ ᠤᠭᠤᠳᠠ ᠳᠤ ᠬᠢᠵᠦ ᠬᠠᠳᠠᠭᠠᠯᠠᠨ᠂ | ᠱᠠᠭᠠ ᠲᠤᠭᠯᠠᠭᠠᠮ ᠳᠤ ᠬᠡᠷᠡᠭᠯᠡᠳᠡᠭ᠃ |