| ᠴᠢᠳᠬᠤᠮᠠᠯ ᠱᠠᠭᠠ | ᠬᠤᠨᠢ᠂ ᠢᠮᠠᠭᠠ᠂ ᠦᠬᠡᠷ ᠵᠢᠴᠢ ᠵᠡᠷᠯᠢᠭ ᠠᠮᠢᠳᠠᠨ ᠤ ᠱᠠᠭᠠ ᠶᠢᠨ ᠬᠡᠯᠪᠡᠷᠢ ᠲᠦᠷᠰᠦ ᠪᠠᠷ ᠡᠬᠢ ᠵᠠᠭᠪᠤᠷ | ᠠᠪᠴᠦ ᠠᠯᠳᠠ ᠮᠦᠡᠭᠭᠦ ᠬᠦᠷᠡᠯ ᠭᠠᠤᠯᠢ ᠪᠠᠷ ᠴᠢᠳᠬᠤᠵᠦ ᠬᠢᠭᠰᠡᠨ ᠱᠠᠭᠠ᠂ ᠮᠦᠡᠭᠭᠦᠨ ᠱᠠᠭᠠ᠂ ᠬᠦᠷᠡᠯ ᠱᠠᠭᠠ᠂ | ᠭᠠᠤᠯᠢᠨ ᠱᠠᠭᠠ ᠬᠡᠵᠦ ᠬᠡᠯᠡᠳᠡᠭ ᠪᠠᠶᠢᠨᠠ᠃ | ᠮᠤᠩᠭᠤᠯᠴᠤᠳ ᠠᠯᠳᠠ᠂ ᠮᠦᠡᠭᠭᠦ ᠪᠠᠷ ᠴᠢᠳᠬᠤᠵᠦ ᠬᠢᠭᠰᠡ ᠱᠠᠭᠠ ᠪᠠᠷ ᠨᠠᠭᠠᠳᠬᠤ ᠦᠬᠡᠢ᠃ ᠤᠴᠢᠷ ᠨᠢ | ᠠᠯᠳᠠ ᠮᠦᠡᠭᠭᠦ ᠪᠤᠯᠪᠠᠰᠤ ᠬᠤᠪᠤᠷ ᠡᠷᠳᠡᠨᠢᠰ ᠤᠨ ᠵᠦᠢᠯ ᠲᠤᠯᠠ ᠪᠤᠶᠠᠨ ᠬᠡᠰᠢᠭ ᠬᠠᠵᠠᠶᠢᠨᠠ ᠬᠡᠵᠦ ᠦᠵᠡᠳᠡᠭ | ᠪᠠᠶᠢᠵᠠᠢ᠃ ᠬᠡᠪᠡᠴᠦ ᠠᠯᠳᠠᠨ ᠱᠠᠭᠠ᠂ ᠮᠦᠡᠭᠭᠦᠨ ᠱᠠᠭᠠ ᠴᠢᠳᠬᠤᠵᠦ᠂ ᠦᠯᠵᠡᠢ ᠬᠡᠰᠢᠭ᠂ ᠪᠡᠯᠬᠡ ᠲᠡᠮᠪᠡᠷᠢᠯ ᠤᠨ | ᠬᠤᠪᠢ ᠳᠤ ᠬᠠᠳᠠᠭᠠᠯᠠᠬᠤ ᠵᠤᠷᠰᠢᠯ ᠲᠠᠢ ᠪᠠᠶᠢᠪᠠ᠃ ᠦᠡᠭᠭᠡᠷᠡᠭᠰᠡᠨ ᠨᠡᠶᠢᠬᠡᠮ ᠳᠤ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ | ᠵᠠᠷᠢᠮ ᠭᠠᠵᠠᠷ ᠲᠤ ᠬᠤᠨᠢ ᠲᠦᠮᠡᠨ ᠲᠤᠯᠤᠭᠠᠢ ᠬᠦᠷᠪᠡᠯ ᠡᠵᠡᠨ ᠬᠠᠭᠠᠨ ᠳᠤ ᠬᠠᠳᠠᠭᠠᠯᠠᠬᠤ ᠵᠤᠷᠰᠢᠯ ᠪᠠᠶᠢᠭᠰᠠᠨ ᠢ | ᠨᠤᠳᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠣᠳᠤ ᠴᠤ ᠬᠡᠰᠡᠨ ᠬᠠᠭᠤᠴᠢᠯᠠᠵᠦ ᠰᠠᠭᠤᠳᠠᠭ᠃ ᠬᠦᠷᠡᠯ᠂ ᠭᠠᠤᠯᠢ ᠪᠠᠷ ᠱᠠᠭᠠ | ᠴᠢᠳᠬᠤᠵᠦ ᠨᠠᠭᠠᠳᠴᠦ ᠪᠠᠶᠢᠭᠰᠠᠨ ᠨᠢ ᠡᠷᠳᠡᠨ ᠤ ᠨᠤᠮ ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠭᠳᠡᠨ ᠬᠤᠴᠤᠷᠤᠭᠰᠠᠨ ᠢ ᠪᠢᠳᠡᠨ | ᠮᠡᠳᠡᠵᠦ ᠪᠤᠢ᠃ | ᠬᠦᠷᠡᠯ ᠱᠠᠭᠠ᠂ ᠭᠠᠤᠯᠢᠨ ᠱᠠᠭᠠ ᠪᠠᠷ ᠴᠢᠯᠦᠬᠡᠯᠡᠭᠳᠡᠬᠦ ᠶᠢᠨ ᠡᠮᠦᠨᠡ ᠬᠦᠷᠳᠡᠯᠡ ᠨᠠᠭᠠᠳᠴᠦ ᠪᠠᠶᠢᠵᠠᠢ᠃ | ᠰᠦᠨᠢᠳ ᠤᠨ ᠴᠠᠭᠠᠨ ᠤᠪᠤᠭᠠ ᠰᠦᠮᠡ ᠶᠢᠨ ᠲᠠᠷᠬᠠᠨ ᠪᠠᠭᠠᠳᠤᠷ ᠬᠡᠰᠡᠨ ᠬᠦᠮᠦᠨ ᠭᠠᠤᠯᠢ ᠪᠠᠷ ᠱᠠᠭᠠ ᠶᠢ ᠤᠨᠴᠠ | ᠰᠠᠶᠢᠬᠠᠨ ᠴᠢᠳᠬᠤᠵᠦ᠂ ᠭᠤᠶᠤ ᠬᠢᠳᠡᠭ ᠰᠠᠶᠢᠨ ᠲᠠᠷᠬᠠᠨ ᠪᠠᠶᠢᠭᠰᠠᠨ᠃ ᠲᠡᠬᠦᠨ ᠤ ᠬᠢᠭᠰᠡᠨ ᠭᠠᠤᠯᠢᠨ ᠱᠠᠭᠠ ᠶᠢ | ᠮᠡᠳᠡᠳᠡᠭ ᠬᠦᠮᠦᠨ ᠤᠳᠤ ᠪᠤᠯᠳᠠᠯᠠ ᠠᠮᠢᠳᠦ ᠰᠡᠷᠡᠬᠦᠨ ᠪᠠᠶᠢᠭᠰᠠᠭᠠᠷ ᠪᠢᠯᠡ᠃ | ᠮᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠳᠠ᠂ ᠡᠷᠳᠡᠨ ᠠᠴᠠ ᠠᠪᠤᠭᠠᠳ ᠱᠠᠭᠠ ᠲᠤᠭᠯᠠᠭᠠᠮ ᠦᠷᠬᠡᠨ ᠲᠡᠯᠬᠡᠷᠡᠵᠦ | ᠪᠠᠶᠢᠭᠰᠠᠨ ᠪᠦᠬᠡᠳ ᠱᠠᠭᠠ ᠶᠢᠨ ᠲᠦᠷᠦᠯ ᠵᠦᠢᠯ ᠨᠢ ᠤᠯᠠᠨ᠂ ᠮᠠᠯ ᠤᠨ ᠱᠠᠭᠠ᠂ ᠵᠡᠬᠡᠷᠡ ᠬᠦᠷᠦᠬᠡᠰᠦᠨ ᠤ ᠱᠠᠭᠠ᠂ | ᠠᠷᠭᠠᠯᠢ ᠶᠢᠨ ᠱᠠᠭᠠ᠂ ᠪᠤᠭᠤ ᠶᠢᠨ ᠱᠠᠭᠠ᠂ ᠢᠷᠪᠢᠰ ᠤᠨ ᠱᠠᠭᠠ ᠵᠢᠴᠢ ᠬᠦᠷᠡᠯ ᠱᠠᠭᠠ᠂ ᠭᠠᠤᠯᠢᠨ ᠱᠠᠭᠠ ᠪᠠᠷ | ᠨᠠᠭᠠᠳᠴᠦ ᠬᠠᠳᠠᠭᠠᠯᠠᠵᠦ ᠪᠠᠶᠢᠵᠠᠢ᠃ |