ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ
ᠰᠦᠨᠢᠳ ᠵᠠᠩ ᠦᠢᠯᠡ
ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠭᠦᠨᠳᠦᠴᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/10/26
             ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠭᠦᠨᠳᠦᠴᠡ                                                            ᠪᠠᠲᠤᠪᠤᠯᠤᠳ        ᠳᠡᠯᠡᠭᠡᠢ ᠳᠡᠭᠡᠷ᠎ᠡ ᠤᠳᠤ ᠭᠡᠳᠤᠢ ᠦᠭᠡ ᠭᠡᠯᠡᠨ ᠦᠰᠦᠭ ᠪᠢᠴᠢᠭ ᠤᠨ ᠲᠦᠷᠦᠯ ᠤᠷᠤᠰᠢᠵᠤ ᠪᠠᠶᠢᠭ᠎ᠠ ᠳᠤ ᠳᠤᠳᠤᠷᠬᠠᠢ ᠪᠦᠷᠢᠳᠭᠡᠯ ᠬᠢᠵᠤ ᠴᠢᠳᠠᠬᠤ ᠪᠠᠨ ᠪᠤᠯᠢᠭᠰᠠᠨ ᠪᠠᠶᠢᠬᠤ᠃ ᠤᠴᠢᠷ ᠨᠢ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠶᠠᠮᠠᠷ ᠨᠢᠭᠡᠨ ᠨᠦᠯᠦᠭᠡᠯᠡᠯ ᠤᠨ ᠳᠤᠤᠷ᠎ᠡ ᠤᠰᠠᠳᠤᠨ ᠠᠷᠢᠯᠠᠭᠰᠠᠭᠠᠷ ᠪᠤᠢ᠃ ᠭᠦᠮᠦᠨ ᠲᠦᠷᠦᠯᠬᠢᠳᠡᠨ ᠤᠷᠤᠰᠢᠨ ᠳᠤᠭᠳᠠᠨᠢᠵᠤ ᠪᠠᠶᠢᠳᠠᠭ ᠯᠡ ᠶᠤᠮ ᠪᠤᠯ ᠶᠠᠮᠠᠷ ᠨᠢᠭᠡᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠷ ᠬᠠᠷᠢᠯᠴᠠᠬᠤ ᠱᠠᠭᠠᠷᠳᠠᠯᠭ᠎ᠠ ᠭᠠᠷᠤᠨ᠎ᠠ᠃ ᠮᠦᠨᠴᠤ ᠶᠠᠮᠠᠷ ᠨᠢᠭᠡᠨ ᠤᠭᠰᠠᠭ᠎ᠠ ᠭᠠᠷᠪᠠᠯᠢ ᠶᠠᠮᠠᠷ ᠨᠢᠭᠡᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠷ ᠬᠠᠷᠢᠯᠴᠠᠬᠤ ᠨᠢ ᠳᠡᠳᠡᠨ ᠤ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠡᠷᠭᠡ ᠪᠠᠶᠢᠬᠤ ᠶᠤᠰᠤᠲᠠᠢ ᠦᠨᠦᠳᠤᠷ ᠪᠢᠳᠡᠨ ᠳᠤ ᠲᠠᠭ᠎ᠠ ᠦᠭᠡᠢ ᠵᠦᠢᠯ ᠳᠤᠬᠢᠶᠠᠵᠤ ᠪᠠᠶᠢᠨ᠎ᠠ᠃ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠰᠤᠷᠬᠤ᠂ ᠳᠡᠭᠦᠨ ᠢᠶᠠᠷ ᠢᠶᠠᠨ ᠬᠠᠷᠢᠯᠴᠠᠬᠤ ᠭᠡᠭᠦ ᠦᠨᠳᠦᠰᠦᠨ ᠮᠡᠳᠡᠯ ᠳᠤ ᠰᠦᠷᠭᠡᠤ ᠪᠠᠷ ᠨᠦᠯᠦᠭᠡᠯᠡᠵᠤ ᠡᠬᠢᠯᠡᠭᠡᠳ ᠪᠠᠶᠢᠨ᠎ᠠ᠃ ᠮᠤᠩᠭᠤᠯ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠪᠤᠢ ᠪᠤᠯᠤᠭᠠᠳ ᠤᠯᠠᠨ ᠵᠠᠭᠤᠨ ᠵᠢᠯ ᠭᠡᠷᠡᠭᠯᠡᠭᠳᠡᠨ ᠮᠠᠰᠢ ᠴᠢᠩᠭ᠎ᠠ ᠲᠢᠭᠯᠢᠮ ᠲᠠᠢ᠂ ᠵᠠᠷᠴᠢᠮ  ᠲᠠᠢ᠂ ᠰᠢᠰᠲ᠋ᠧᠮᠵᠢᠭᠰᠡᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠮᠤᠩᠭᠤᠯᠴᠤᠳ ᠳᠡᠳᠤᠢ ᠦᠭᠡᠢ ᠳᠡᠯᠡᠭᠡᠢ ᠶᠢᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠳᠡᠤᠭᠡᠨ ᠳᠤ ᠪᠠᠯᠠᠷᠠᠰᠢ ᠦᠭᠡᠢ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠪᠠᠶᠢᠳᠠᠭ ᠃ ᠡᠶᠢᠮᠤᠷᠭᠦ ᠦᠨᠢ ᠤᠳᠠᠭᠠᠨ ᠤ ᠦᠢᠯᠡᠴᠢᠯᠡᠯᠭᠡ ᠲᠠᠢ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠨᠢ ᠡᠩ ᠤᠨ ᠤᠷᠤᠰᠢᠯ ᠤᠨ ᠶᠠᠪᠤᠴᠠ ᠳᠤᠮᠳᠠ ᠶᠠᠮᠠᠷ ᠴᠤ ᠰᠦᠷᠭᠡᠤ ᠭᠦᠴᠦᠨ ᠤ ᠨᠦᠯᠦᠭᠡᠯᠡᠯ ᠦᠭᠡᠢ ᠳᠤᠬᠢᠶᠠᠯᠳᠤᠯ ᠳᠤ ᠤᠰᠠᠳᠤᠨ ᠠᠷᠢᠯᠠᠬᠤ ᠭᠡᠳᠡᠭ ᠪᠤᠯ ᠪᠠᠶᠢᠵᠤ ᠪᠤᠯᠤᠰᠢ ᠦᠭᠡᠢ ᠶᠤᠮ᠃ ᠬᠡᠬᠦ ᠳᠤ ᠦᠨᠦᠳᠤᠷ ᠲᠡᠶᠢᠮᠤ ᠪᠢᠰᠢ ᠪᠤᠯᠵᠤ ᠪᠤᠢ᠃           ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠪᠤᠯ ᠨᠢᠭᠡᠨ ᠤᠭᠰᠠᠭ᠎ᠠ ᠭᠠᠷᠪᠠᠯᠢ᠂ ᠦᠨᠳᠦᠰᠦᠳᠡᠨ ᠤ ᠦᠨᠢ ᠤᠳᠠᠭᠠᠨ ᠤ ᠳᠡᠤᠭᠡᠨ ᠶᠠᠪᠤᠴᠠ ᠳᠤ ᠪᠤᠶᠢᠵᠢᠨ ᠪᠤᠵᠠᠭᠠᠶᠢᠷᠠᠭᠰᠠᠨ ᠬᠠᠷᠢᠯᠴᠠᠭᠠᠨ ᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠶᠤᠮ᠃ ᠡᠭᠦᠨ ᠳᠤ ᠦᠨᠳᠦᠰᠦᠳᠡᠨ ᠤ ᠬᠠᠶᠢᠷ᠎ᠠ ᠰᠡᠳᠬᠢᠯᠭᠡ᠂ ᠬᠠᠮ ᠰᠡᠷᠡᠯ᠂ ᠵᠠᠩ ᠵᠠᠩᠰᠢᠯ᠂ ᠠᠮᠢᠳᠤᠷᠠᠯ ᠤᠨ ᠬᠡᠯᠪᠡᠷᠢ ᠵᠠᠶᠠᠭ ᠭᠡᠳ ᠨᠢᠭᠡ ᠤᠭᠰᠠᠬ᠎ᠠ ᠭᠠᠷᠪᠠᠯᠢ ᠶᠢᠨ ᠪᠦᠬᠦᠯᠢ ᠪᠦᠳᠦᠨ ᠵᠦᠢᠯ ᠪᠠᠭᠳᠠᠳᠠᠭ᠃ ᠲᠡᠶᠢᠮᠤ ᠴᠤ ᠠᠮᠠᠷᠬᠠᠨ ᠭᠠᠭᠴᠠ ᠬᠤᠶᠠᠷ ᠳᠤᠭᠳᠠᠭᠠᠯ ᠢᠶᠠᠨ ᠦᠭᠡᠶᠢᠰᠭᠡᠵᠤ ᠴᠢᠳᠠᠰᠢ ᠦᠭᠡᠢ ᠪᠠᠶᠢᠳᠠᠭ᠃ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠳᠤᠬᠢᠶᠠᠯᠳᠤᠯ ᠳᠤ ᠨᠢᠭᠡ ᠦᠨᠳᠦᠰᠦᠳᠡᠨ ᠮᠦᠬᠦᠨ ᠰᠦᠨᠦᠬᠦ ᠨᠢ ᠵᠠᠶᠢᠯᠠᠰᠢ ᠦᠭᠡᠢ ᠭᠡᠳᠡᠭ ᠨᠢ ᠭᠦᠮᠦᠰ  ᠤᠨ ᠨᠡᠶᠢᠳᠡ ᠶᠢᠨ ᠲᠠᠨᠢᠯᠳᠠ ᠪᠤᠯᠤᠭᠰᠠᠨ ᠦᠨᠦᠳᠤᠷ ᠭᠡᠨ ᠬᠦᠮᠦᠨ ᠵᠤᠷᠢᠯᠭ᠎ᠠ ᠲᠠᠢ ᠪᠠᠷ ᠶᠠᠮᠠᠷ ᠨᠢᠭᠡᠨ ᠦᠨᠳᠦᠰᠦᠳᠡᠨ  ᠤ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠰᠤᠷᠬᠤ᠂ ᠭᠡᠷᠡᠭᠯᠡᠭᠦ᠂ ᠦᠷᠭᠦᠯᠵᠢᠯᠡᠨ ᠭᠦᠭᠵᠢᠬᠦᠯᠭᠦ ᠶᠢ ᠬᠠᠷᠰᠢᠯᠠᠬᠤ᠂ ᠬᠤᠷᠢᠭ ᠲᠠᠯᠪᠢᠬᠤ ᠪᠤᠯ ᠢᠯᠡ ᠪᠠᠷ ᠹᠠᠱᠢᠰ ᠠᠵᠢᠯᠯᠠᠭ᠎ᠠ ᠶᠠᠪᠤᠭᠤᠯᠵᠤ ᠪᠠᠶᠢᠭ᠎ᠠ ᠭᠡᠷᠡᠭ ᠶᠤᠮ᠃ ᠦᠪᠡᠷ ᠤᠨ ᠦᠭᠡ ᠭᠡᠯᠡᠨ ᠠᠴᠠ ᠪᠠᠨ ᠤᠶᠢᠳᠠᠨ ᠰᠠᠯᠤᠭᠰᠠᠳ ᠶᠡᠷᠦ ᠠᠴᠠ ᠪᠠᠶᠢᠬᠤ ᠦᠭᠡᠢ᠃ ᠬᠠᠷᠢᠨ ᠶᠠᠮᠠᠷ ᠨᠢᠭᠡᠨ ᠬᠤᠷᠢᠭᠳᠠᠭᠰᠢ ᠦᠭᠡᠢ ᠬᠠᠷᠢ ᠨᠦᠯᠦᠭᠡᠯᠡᠯ ᠤᠨ ᠳᠤᠤᠷ᠎ᠡ ᠯᠡ ᠰᠠᠶ᠋ᠢ ᠠᠷᠭ᠎ᠠ ᠦᠭᠡᠢ ᠶᠢᠨ ᠡᠷᠭᠡ ᠪᠠᠷ ᠬᠠᠭᠠᠴᠠᠳᠠᠭ᠃ ᠡᠭᠦᠨ ᠢ ᠦᠨᠦᠳᠤᠷ ᠪᠢᠳᠡ ᠳᠡᠯᠡᠭᠡᠢ ᠳᠤ ᠬᠠᠷᠠᠭᠤᠯᠵᠤ ᠡᠬᠢᠯᠡᠭᠡᠳ ᠪᠠᠶᠢᠨ᠎ᠠ᠃             ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠳᠡᠤᠭᠡ ᠪᠤᠯ ᠳᠡᠯᠡᠭᠡᠢ ᠶᠢᠨ ᠭᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠳᠡᠤᠭᠡ ᠶᠢᠨ ᠳᠡᠮᠳᠡᠭᠯᠡᠯ ᠶᠤᠮ᠃ ᠲᠠᠷᠤᠢ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠬᠠᠮᠳᠤ ᠶᠢᠨ ᠦᠪ ᠰᠤᠶᠤᠯ ᠪᠤᠯᠤᠨ᠎ᠠ᠃ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠭᠡᠳᠤᠶᠢᠪᠡᠷ ᠨᠢᠭᠡ ᠤᠭᠰᠠᠭ᠎ᠠ ᠭᠠᠷᠪᠠᠯᠢ ᠶᠢᠨ ᠭᠡᠷᠡᠭᠴᠡᠭᠡ ᠪᠠᠷ ᠵᠤᠬᠢᠶᠠᠭᠳᠠᠨ ᠪᠤᠯᠪᠠᠰᠤᠷᠠᠭᠰᠠᠨ ᠭᠡᠳᠡᠭ ᠪᠤᠯᠪᠠᠴᠤ ᠲᠡᠷᠡ ᠨᠢ ᠪᠦᠬᠦᠯᠢ ᠳᠡᠭᠡᠨ ᠭᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠳᠡᠤᠭᠡ ᠶᠢᠨ ᠦᠷᠭᠦᠯᠵᠢᠯᠡᠯ᠂ ᠳᠡᠮᠳᠡᠭᠯᠡᠯ ᠪᠤᠯᠵᠤ ᠭᠦᠮᠦᠨ ᠵᠤᠨ ᠤ ᠳᠤᠮᠳᠠ ᠦᠯᠡᠳᠡᠨ ᠬᠤᠴᠤᠷᠳᠠᠭ᠃ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠳᠤᠪᠴᠢᠶᠠᠨ︾ ᠡᠭᠦᠨ ᠢ ᠳᠡᠯᠡᠭᠡᠢ ᠳᠤ ᠦᠭᠦᠯᠡᠳᠡᠭ ᠶᠤᠮ᠃ ᠡᠨᠡᠭᠦ ᠠᠪᠤᠷᠭᠤ ᠳᠤᠮᠤ ᠳᠡᠤᠭᠡᠨ ᠪᠢᠴᠢᠭ ᠪᠠᠶᠢᠭᠰᠠᠨ ᠠᠴᠠ ᠳᠡᠯᠡᠭᠡᠢ ᠶᠢᠨ ᠭᠦᠮᠦᠨ ᠲᠦᠷᠦᠯᠬᠢᠳᠡᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠢ ᠤᠶᠢᠯᠠᠭᠠᠨ ᠮᠡᠳᠡᠳᠡᠭ ᠪᠤᠯᠤᠭᠰᠠᠨ᠃ ᠡᠵᠡᠨ ᠴᠢᠩᠭᠢᠰ ᠪᠤᠯᠤᠨ ᠮᠤᠩᠭᠤᠯᠴᠤᠳ ᠤᠨ ᠳᠡᠯᠡᠭᠡᠢ ᠶᠢ ᠨᠦᠯᠦᠭᠡᠯᠡᠭᠰᠡᠨ ᠦᠢᠯᠡᠳᠤᠯ ᠢ ᠮᠡᠳᠡᠷᠡᠨ ᠵᠦᠪᠰᠢᠶᠡᠷᠡᠳᠡᠭ ᠪᠤᠯᠤᠭᠰᠠᠨ᠃ ᠡᠳᠤᠭᠡ ᠡᠨᠡᠭᠦ ᠠᠭᠤᠤ ᠳᠡᠤᠭᠡ ᠢ ᠳᠡᠮᠳᠡᠭᠯᠡᠨ ᠦᠯᠡᠳᠡᠭᠡᠭᠰᠡᠨ ᠦᠰᠦᠭ ᠪᠢᠴᠢᠭ ᠤᠨ ᠦᠷᠭᠦᠯᠵᠢᠯᠡᠨ ᠭᠦᠭᠵᠢᠨ ᠪᠤᠵᠠᠭᠠᠶᠢᠷᠠᠬᠤ ᠵᠠᠮ ᠬᠠᠷᠰᠢᠯᠠᠯ ᠳᠤ ᠤᠴᠠᠷᠠᠵᠤ ᠲᠠᠷᠤᠩᠭᠤᠢ ᠵᠠᠰᠠᠭᠯᠠᠯ ᠤᠨ ᠵᠤᠬᠢᠴᠠᠭᠤᠯᠤᠯ ᠳᠤᠤᠷ᠎ᠡ ᠬᠠᠷ᠎ᠠ ᠠᠯᠪᠡ ᠪᠠᠷ ᠲᠠᠰᠤᠯᠠᠨ ᠵᠤᠭᠰᠤᠭᠠᠭᠳᠠᠬᠤ ᠳᠤᠩᠬᠠᠭ ᠨᠡᠶᠢᠳᠡᠯᠡᠭᠳᠡᠭᠡᠳ ᠪᠠᠶᠢᠨ᠎ᠠ᠃ ᠳᠡᠯᠡᠬᠡᠢ ᠨᠡᠶᠢᠳᠡ ᠳᠤ ᠭᠦᠮᠦᠰ ᠰᠤᠶᠤᠨ ᠭᠡᠭᠡᠷᠡᠯ ᠢ ᠭᠦᠨᠳᠦᠯᠡᠵᠤ᠂ ᠴᠦᠭᠡᠩᠬᠢ ᠶᠢᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢ ᠲᠠᠶᠢᠴᠢᠯᠠᠨ ᠬᠠᠮᠠᠭᠠᠯᠠᠬᠤ ᠵᠤᠷᠢᠯᠭᠠᠳᠤ ᠠᠵᠢᠯᠯᠠᠭ᠎ᠠ ᠲᠦᠬᠦᠵᠤ ᠪᠤᠢ ᠦᠨᠦᠳᠤᠷ ᠳᠡᠯᠡᠬᠡᠢ ᠶᠢᠨ ᠭᠡᠯᠡ ᠪᠤᠯᠵᠤ ᠶᠠᠪᠤᠭᠰᠠᠨ ᠮᠤᠩᠭᠤᠯ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠬᠠᠷᠢᠨ ᠭᠡᠷᠡᠭᠯᠡᠭᠳᠡᠭᠦ ᠭᠡᠪᠴᠢᠶ᠎ᠡ ᠨᠢ ᠢᠪᠴᠠᠤᠷᠠᠭᠰᠠᠭᠠᠷ ᠪᠠᠶᠢᠵᠤ ᠡᠳᠤᠭᠡ ᠵᠠᠷᠢᠮ ᠭᠠᠵᠠᠷ ᠰᠤᠷᠬᠤ ᠪᠤᠶᠤ ᠭᠡᠷᠡᠭᠯᠡᠭᠳᠡᠭᠦ ᠡᠷᠭᠡ ᠵᠦᠢ ᠨᠢ ᠲᠠᠭᠠᠷᠢᠯᠳᠠ ᠳᠤ ᠤᠴᠠᠷᠠᠵᠤ ᠲᠦᠷᠦ ᠵᠠᠰᠠᠭ ᠨᠠᠮ ᠺᠦᠷᠦᠫ ᠠᠴᠠ ᠦᠨᠳᠦᠰᠦᠳᠡᠨ ᠤ ᠤᠷᠤᠨ ᠤ ᠰᠤᠶᠤᠨ ᠭᠡᠭᠡᠷᠡᠯ ᠳᠤ ᠭᠦᠨᠳᠤᠯᠡᠯ ᠲᠠᠢ ᠬᠠᠨᠳᠤᠬᠤ ᠠᠯᠢ ᠤᠯᠠᠨ ᠪᠤᠳᠤᠯᠭ᠎ᠠ ᠳᠤᠭᠳᠠᠭᠠᠭᠳᠠᠭᠰᠠᠨ ᠴᠤ ᠭᠡᠷᠡᠭᠵᠢᠬᠦ ᠶᠠᠪᠤᠴᠠ ᠳᠤ ᠠᠯᠢ ᠤᠯᠠᠨ ᠭᠡᠳᠤᠷᠡᠮᠬᠡᠢ ᠦᠵᠡᠯᠳᠡᠳ ᠤᠨ ᠬᠠᠷᠰᠢᠯᠠᠯ ᠳᠤ ᠤᠴᠠᠷᠠᠭᠰᠠᠭᠠᠷ ᠪᠠᠶᠢᠨ᠎ᠠ᠃          ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠨᠢ ᠳᠤᠬᠠᠢ ᠶᠢᠨ ᠦᠨᠳᠦᠰᠦᠳᠡᠨ ᠤ ᠢᠷᠭᠡᠳ ᠤᠨ ᠬᠠᠷᠢᠯᠴᠠᠭᠠᠨ ᠤ ᠪᠠᠭᠠᠵᠢ ᠳᠡᠳᠤᠢ ᠦᠭᠡᠢ ᠳᠡᠯᠡᠬᠡᠢ ᠶᠢᠨ ᠠᠯᠢ ᠤᠯᠠᠨ ᠠᠷᠢᠰᠦᠳᠠᠨ ᠶᠠᠰᠤᠲᠠᠳ ᠤᠨ ᠬᠠᠷᠢᠯᠴᠠᠨ ᠤᠶᠢᠯᠠᠭᠠᠯᠴᠠᠬᠤ ᠪᠠᠭᠠᠵᠢ ᠪᠠᠶᠢᠬᠤ ᠶᠤᠰᠤᠲᠠᠢ᠃ ᠡᠶᠢᠮᠤ ᠤᠳᠬ᠎ᠠ ᠪᠠᠷ ᠢᠶᠠᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠨᠢ ᠮᠠᠰᠢ ᠦᠨ᠎ᠡ ᠴᠠᠨ᠎ᠠ ᠲᠠᠢ ᠪᠦᠭᠡᠳ ᠬᠠᠶᠢᠷᠠᠯᠠᠨ ᠬᠢᠮᠠᠭᠠᠳᠠᠬᠤ ᠶᠤᠰᠤᠲᠠᠢ ᠵᠦᠢᠯ ᠶᠤᠮ᠃ ᠳᠡᠯᠡᠭᠡᠢ ᠳᠤ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠲᠦᠯᠦᠭᠡ ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠲᠠᠢ ᠠᠵᠢᠯᠯᠠᠵᠤ ᠪᠤᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠬᠤᠪᠢ ᠬᠦᠮᠦᠨ ᠮᠤᠨᠳᠠᠬᠤ ᠦᠭᠡᠢ ᠤᠯᠠᠨ ᠪᠠᠶᠢᠳᠠᠭ ᠨᠢ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠬᠦᠨᠳᠤᠴᠠ᠂ ᠠᠯᠳᠠᠴᠠ ᠶᠢ ᠬᠠᠷᠠᠭᠤᠯᠵᠤ ᠪᠠᠶᠢᠭ᠎ᠠ ᠶᠤᠮ᠃ ᠵᠤᠷᠢᠯᠭ᠎ᠠ ᠲᠠᠢ ᠪᠠᠷ ᠤᠰᠠᠳᠬᠠᠨ ᠪᠠᠯᠠᠯᠠᠬᠤ ᠠᠵᠢᠯᠯᠠᠭ᠎ᠠ ᠪᠤᠯ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠭᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠪᠤᠯᠪᠠᠰᠤᠨ ᠤ ᠡᠰᠡᠷᠭᠦᠤ ᠳᠡᠯᠴᠢᠯᠡᠯᠳᠡ ᠶᠤᠮ᠃ ᠠᠳᠡ ᠡᠶᠢᠮᠤ ᠨᠢᠭᠡᠨ ᠵᠢᠵᠢᠭ ᠦᠯᠢᠭᠡᠷ ᠬᠠᠪᠴᠢᠭᠤᠯᠤᠶ᠎ᠡ᠃ ᠶᠠᠫᠤᠨ ᠤᠯᠤᠰ ᠤᠨ ᠨᠢᠭᠡᠨ ᠬᠦᠮᠦᠨ ᠠᠮᠠ ᠴᠦᠭᠡᠨ ᠲᠠᠢ ᠪᠤᠶᠢᠳᠠ ᠪᠦᠭᠯᠡᠭᠦᠤ ᠳᠤᠰᠬᠤᠨ ᠳᠤ ᠨᠡᠪᠳᠡᠷᠡᠵᠤ ᠪᠠᠶᠢᠭᠰᠠᠨ ᠭᠠᠯᠳᠤ ᠳᠡᠷᠭᠡ ᠨᠢ ᠠᠴᠢᠶᠠᠯᠠᠪᠤᠷᠢ ᠦᠭᠡᠢ ᠪᠤᠯᠤᠭᠰᠠᠨ ᠤ ᠬᠠᠷᠠᠭ᠎ᠠ ᠪᠠᠷ ᠳᠤᠬᠠᠢ ᠶᠢᠨ ᠳᠤᠰᠬᠤᠨ ᠳᠤ ᠭᠦᠷᠭᠦ ᠠᠵᠢᠯᠯᠠᠭ᠎ᠠ ᠪᠠᠨ ᠵᠤᠭᠰᠤᠬᠤ ᠪᠠᠷ ᠪᠤᠯᠤᠭᠰᠠᠨ ᠢᠶᠠᠨ ᠮᠡᠳᠡᠭᠳᠡᠭᠦ ᠳᠤ ᠳᠤᠰ ᠳᠤᠰᠬᠤᠨ ᠤ ᠨᠢᠭᠡᠨ ᠪᠢᠴᠢᠬᠠᠨ ᠦᠬᠢᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠭᠠᠵᠠᠷ ᠵᠠᠬᠢᠳᠠᠯ ᠪᠢᠴᠢᠵᠤ ᠦᠪᠡᠷ ᠤᠨ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠴᠤᠷ ᠤᠨ ᠭᠠᠭᠴᠠ ᠤᠨᠤᠭ᠎ᠠ ᠨᠢ ᠦᠭᠡᠢ ᠪᠤᠯᠤᠭᠰᠠᠨ ᠳᠤ ᠬᠠᠷᠠᠮᠰᠠᠵᠤ ᠪᠠᠶᠢᠬᠤ ᠪᠠᠨ ᠢᠯᠡᠳᠭᠡᠪᠡ᠃ ᠡᠨᠡᠭᠦ ᠪᠤᠳᠠᠳᠤ ᠪᠠᠶᠢᠳᠠᠯ ᠢ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠭᠠᠵᠠᠷ ᠤᠨ ᠬᠢᠨ ᠤᠶᠢᠯᠠᠭᠠᠨ ᠮᠡᠳᠡᠭᠰᠡᠨ ᠤ ᠬᠤᠶᠢᠨ᠎ᠠ ᠳᠤᠰ ᠦᠬᠢᠨ ᠢ ᠰᠤᠷᠭᠠᠭᠤᠯᠢ ᠳᠡᠭᠦᠰᠳᠡᠯ᠎ᠡ ᠨᠢ ᠭᠠᠯᠳᠤ ᠳᠡᠷᠭᠡ ᠪᠠᠨ ᠵᠤᠭᠰᠤᠭᠠᠬᠤ ᠦᠭᠡᠢ ᠪᠠᠶᠢᠬᠤ ᠳᠤᠭᠳᠠᠭᠠᠯ ᠭᠠᠷᠭᠠᠭᠰᠠᠨ ᠭᠡᠳᠡᠭ᠃ ᠡᠨᠡ ᠪᠤᠯ ᠰᠤᠶᠤᠯ ᠤᠨ ᠬᠦᠨᠳᠦᠳᠭᠡᠯ᠃ ᠰᠤᠶᠤᠯ ᠢ ᠭᠦᠨᠳᠤᠯᠡᠳᠡᠭ ᠭᠠᠵᠠᠷ ᠤᠷᠤᠨ ᠳᠤ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢ ᠵᠠᠪᠠᠯ ᠭᠦᠨᠳᠦᠳᠭᠡᠭᠦ ᠪᠤᠯᠤᠨ᠎ᠠ ᠭᠡᠳᠡᠭ ᠢ ᠡᠨᠡᠭᠦ ᠦᠯᠢᠭᠡᠷ ᠭᠡᠯᠡᠵᠤ ᠪᠠᠶᠢᠨ᠎ᠠ᠃ ᠤᠴᠢᠷ ᠨᠢ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ ᠨᠢ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠳᠡᠭᠡᠷ᠎ᠡ ᠰᠠᠭᠤᠷᠢᠯᠠᠳᠠᠭ ᠳᠤ ᠪᠤᠢ᠃ ᠲᠠᠪᠰᠢᠭᠰᠠᠨ ᠤᠷᠤᠨ ᠨᠤᠳᠤᠭ᠂ ᠠᠷᠠᠳᠴᠢᠯᠠᠯ  ᠲᠠᠢ ᠭᠠᠵᠠᠷ ᠤᠷᠤᠨ ᠳᠤ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠨᠢ ᠰᠤᠶᠤᠯ ᠤᠨ ᠭᠤᠤᠯ ᠠᠴᠢᠶᠠᠯᠠᠪᠤᠷᠢ ᠪᠤᠯᠤᠭᠰᠠᠨ ᠤ ᠬᠤᠪᠢ ᠪᠠᠷ ᠮᠠᠰᠢ ᠭᠦᠨᠳᠤ ᠲᠠᠢ ᠪᠠᠶᠢᠳᠠᠭ ᠪᠠᠶᠢᠨ᠎ᠠ᠃           ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠪᠤᠯ ᠪᠠᠶᠢᠭᠠᠯᠢᠯᠢᠭ ᠤᠷᠤᠰᠢᠨ ᠳᠤᠭᠳᠠᠨᠢᠳᠠᠭ ᠵᠦᠢᠯ᠃ ᠶᠠᠮᠠᠷ ᠨᠢᠭᠡᠨ ᠰᠦᠷᠭᠡᠤ ᠨᠦᠯᠦᠭᠡᠯᠡᠯ ᠳᠤ ᠦᠷᠳᠡᠭᠦ ᠦᠭᠡᠢ᠃ ᠦᠪᠡᠷ ᠤᠨ ᠴᠢᠭᠯᠡᠯ ᠳᠤ ᠦᠪᠡᠷ ᠤᠨ ᠬᠤᠷᠳᠤᠴᠠ᠂ ᠲᠢᠭᠯᠢᠮ ᠢᠶᠠᠷ ᠭᠦᠭᠵᠢᠵᠤ ᠪᠠᠶᠢᠬᠤ. ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠷ ᠢᠯᠡᠷᠭᠡᠶᠢᠯᠡᠭᠦ ᠡᠷᠭᠡ ᠮᠡᠳᠡᠯ᠂ ᠬᠠᠷᠠᠭ᠎ᠠ ᠭᠦᠷᠢᠶ᠎ᠡ ᠵᠡᠷᠭᠡ ᠨᠢ ᠳᠤᠬᠠᠢ  ᠶᠢᠨ ᠭᠡᠯᠡ ᠦᠰᠦᠭ ᠢ ᠡᠵᠡᠮᠰᠢᠭᠴᠢ ᠦᠨᠳᠦᠰᠦᠳᠡᠨ ᠤᠭᠰᠠᠭᠠᠨ ᠤ ᠦᠪᠡᠷᠳᠡᠳ ᠤᠨ ᠬᠢᠨᠢ ᠡᠵᠡᠮᠰᠢᠯ ᠤᠨ ᠭᠡᠪᠴᠢᠶᠡᠨ ᠳᠤᠳᠤᠷᠡᠬᠢ ᠦᠢᠯᠡ ᠭᠡᠷᠡᠭ ᠶᠤᠮ᠃ ᠡᠭᠦᠨ ᠢ ᠨᠠᠮ ᠺᠦᠷᠦᠫ᠂ ᠵᠠᠰᠠᠭ ᠤᠨ ᠭᠦᠴᠦᠨ᠂ ᠴᠡᠷᠢᠭ ᠤᠨ ᠭᠦᠴᠦᠨ ᠵᠡᠷᠭᠡ  ᠪᠠᠷ ᠬᠠᠯᠳᠤᠨ ᠨᠦᠯᠦᠭᠡᠯᠡᠭᠦ ᠪᠤᠯ ᠮᠠᠷᠭᠤᠰᠢ ᠦᠭᠡᠢ ᠲᠠᠩᠬᠠᠢ ᠠᠵᠢᠯᠯᠠᠭ᠎ᠠ ᠶᠤᠮ᠃ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ  ᠤᠨ ᠪᠤᠳᠠᠭᠠᠯᠢ ᠤᠷᠤᠰᠢᠯ ᠨᠢ ᠶᠠᠮᠠᠷ ᠴᠤ ᠨᠡᠶᠢᠭᠡᠮ ᠤᠨ ᠭᠦᠴᠦᠨ ᠳᠤ ᠨᠦᠯᠦᠭᠡᠯᠡᠭᠳᠡᠭᠦ ᠦᠭᠡᠢ ᠪᠠᠶᠢᠬᠤ ᠳᠠᠭᠠᠨ ᠲᠠᠭᠠᠷᠠᠨ᠎ᠠ᠃ ᠦᠨᠦᠳᠤᠷ ᠶᠠᠳᠠᠵᠤ ᠮᠤᠩᠭᠤᠯ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠵᠠᠰᠠᠭ ᠤᠨ ᠭᠦᠴᠦᠨ ᠳᠤ ᠨᠦᠯᠦᠭᠡᠯᠡᠭᠳᠡᠵᠤ ᠪᠠᠶᠢᠨ᠎ᠠ᠃ ᠭᠡᠷᠡᠭᠯᠡᠭᠦ ᠡᠰᠡ ᠭᠡᠷᠡᠭᠯᠡᠭᠦ ᠶᠢ ᠵᠠᠰᠠᠭ ᠤᠨ ᠭᠦᠴᠦᠨ ᠨᠠᠮ ᠺᠦᠷᠦᠫ ᠳᠤᠭᠳᠠᠭᠠᠬᠤ ᠭᠡᠮᠡᠨ ᠲᠠᠮᠠᠭᠠᠳᠤ ᠪᠢᠴᠢᠭ ᠪᠠᠭᠤᠯᠭᠠᠵᠤ ᠪᠠᠶᠢᠨ᠎ᠠ᠃ ᠡᠨᠡ ᠪᠤᠯ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠳᠡᠤᠭᠡ ᠶᠢᠨ ᠭᠤᠨᠢᠭᠳᠤ ᠨᠢᠭᠡᠨ ᠬᠠᠭᠤᠳᠠᠰᠤ ᠶᠤᠮ᠃             ᠦᠨᠦᠳᠤᠷ ᠪᠢᠳᠡ ᠹᠠᠷᠠᠨᠽᠢ ᠶᠢᠨ ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ ᠠ᠊᠂ ᠳ᠋ᠠᠤᠲ᠋ᠠᠢ ᠶᠢᠨ ︽ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠬᠢᠴᠢᠶᠡᠯ︾ ᠭᠡᠭᠦ ᠠᠯᠳᠠᠷᠳᠤ ᠪᠦᠳᠦᠭᠡᠯ ᠢ ᠲᠠᠬᠢᠨ ᠳᠡᠯᠭᠡᠵᠤ ᠪᠠᠶᠢᠨ᠎ᠠ᠃ ᠡᠨᠡ ᠪᠤᠯ ᠦᠨᠡᠨ ᠳᠡᠭᠡᠨ ᠪᠠᠶᠢᠳᠠᠯ ᠭᠦᠨᠳᠤ ᠪᠤᠯᠤᠭᠰᠠᠨ ᠤ ᠳᠡᠮᠳᠡᠭ ᠶᠤᠮ᠃ ᠤᠭ ᠨᠢ ᠠᠶᠤᠮᠰᠢᠭ ᠭᠡᠵᠤ ᠡᠨᠡ ᠯᠡ ᠳ᠋ᠠ᠃ ᠬᠡᠨ ᠴᠤ ᠪᠢᠳᠡᠨ ᠤ ᠡᠮᠦᠨ᠎ᠡ ᠬᠢᠳᠤᠭ᠎ᠠ ᠡᠷᠬᠢᠭᠦᠯᠦᠭᠡ ᠦᠭᠡᠢ᠃ ᠭᠡᠨ ᠴᠤ ᠪᠢᠳᠡᠨ ᠤ ᠬᠠᠮᠠᠷ ᠠᠴᠠ ᠴᠢᠰᠤ ᠬᠠᠷᠠᠭ᠎ᠠ ᠦᠭᠡᠢ᠃ ᠭᠡᠨ ᠴᠤ ᠪᠢᠳᠡᠨ ᠤ ᠢᠳᠡᠭᠦ ᠡᠮᠦᠰᠭᠦ ᠶᠢ ᠬᠠᠰᠤᠭ᠎ᠠ ᠦᠭᠡᠢ᠃ ︽ᠲᠦᠷᠦ ᠲᠦᠮᠪᠦᠭᠡᠷ ᠶᠤᠰᠤ ᠶᠤᠮᠪᠤᠭᠤᠷ︾ ᠭᠡᠳᠡᠭ ᠢ ᠭᠡᠨ ᠴᠤ ᠦᠭᠡᠶᠢᠰᠭᠡᠭᠡ ᠦᠭᠡᠢ᠃ ᠬᠠᠮᠢᠭ᠎ᠠ ᠴᠤ ᠬᠠᠯᠠ ᠵᠤᠪᠠᠯᠠᠩ ᠤᠷᠤᠰᠢᠬᠤ ᠪᠠᠶᠢᠬᠤ ᠰᠡᠷᠡᠭᠳᠡᠭᠡ ᠦᠭᠡᠢ᠃ ᠶᠠᠭ ᠯᠡ ᠡᠶᠢᠮᠤ  ᠠᠴᠠ ᠪᠢᠳᠡ ᠭᠡᠵᠢᠶᠡᠳᠡ ︽ᠰᠠᠶᠢᠨ ᠰᠠᠶᠢᠬᠠᠨ᠂ ᠵᠤᠯ ᠵᠢᠷᠭᠠᠯ︾ ᠳᠤ ᠤᠶᠢᠷ᠎ᠡ ᠪᠠᠶᠢᠭ᠎ᠠ ᠪᠠᠷ ᠮᠠᠭᠳᠠᠨ ᠲᠠᠭᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ᠃ ᠦᠨᠦᠳᠤᠷ ᠪᠢᠳᠡ ᠬᠠᠷᠢᠨ ᠳᠡᠨᠡᠭ ᠪᠤᠯᠤᠭᠰᠠᠨ ᠴᠤ ᠶᠠᠭᠤ ᠨᠢᠭᠡ ᠶᠢ ᠬᠦᠢᠴᠡᠳ ᠤᠶᠢᠯᠠᠭᠠᠬᠤ ᠬᠡᠮᠵᠢᠶ᠎ᠡ ᠲᠠᠢ ︽ᠡᠪ ᠤᠨ ᠴᠢᠳᠭᠦᠷ︾ ᠢᠶᠠᠷ ᠳᠤᠭᠯᠠᠭᠤᠯᠵᠤ ᠡᠬᠢᠯᠡᠭᠡᠳ ᠪᠠᠶᠢᠨ᠎ᠠ᠃ ᠡᠶᠢᠮᠤᠷᠭᠦ ︽ᠳᠤᠯᠤᠭᠠᠢ ᠶᠢ ᠨᠢ ᠢᠯᠢᠵᠤ ᠲᠠᠷᠢᠬᠢ ᠶᠢ ᠨᠢ ᠰᠤᠷᠤᠬᠤ︾ ᠭᠡᠯᠪᠡᠷᠢ ᠠᠯᠢ ᠡᠷᠳᠡ ᠠᠴᠠ ᠪᠢᠳᠡᠨ ᠢ ᠴᠠᠭ ᠢᠮᠠᠭᠳᠠ ᠲᠠᠭᠠᠷᠢᠭᠰᠠᠭᠠᠷ᠃ ᠪᠢᠳᠡ ᠵᠦᠪᠭᠡᠨ ᠡᠭᠦᠨ ᠢ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠵᠤ᠂ ᠡᠶᠢᠮᠤ ᠠᠶᠤᠮᠰᠢᠭ ᠤᠷᠤᠰᠢᠵᠤ ᠪᠠᠶᠢᠬᠤ  ᠶᠢ ᠮᠡᠳᠡᠷᠡᠵᠤ ᠴᠢᠳᠠᠭ᠎ᠠ ᠦᠭᠡᠢ ᠡᠳᠤᠢ ᠭᠦᠷᠦᠭᠰᠡᠨ ᠶᠤᠮ᠃ ᠭᠡᠨ ᠨᠢᠭᠡ ᠨᠢ ᠡᠶᠢᠮᠤ ᠵᠦᠢᠯ ᠤᠷᠤᠰᠢᠵᠤ ᠪᠠᠶᠢᠨ᠎ᠠ ᠭᠡᠳᠡᠭ ᠢ ᠦᠭᠦᠯᠡᠨ ᠪᠢᠴᠢᠭᠦ ᠳᠤ ᠭᠦᠷᠪᠡᠯ ᠬᠦᠮᠦᠨ ᠬᠠᠷ᠎ᠠ ᠲᠡᠷᠢᠬᠦᠳᠡᠨ ᠳᠤ ᠨᠢᠳᠤ ᠦᠵᠦᠬᠦᠷᠯᠡᠭᠳᠡᠵᠤ ︽ᠡᠶᠢᠮᠤ ᠰᠠᠶᠢᠬᠠᠨ ᠨᠡᠶᠢᠭᠡᠮ ᠳᠤ ᠪᠠᠰᠠ ᠶᠠᠭᠤᠨ ᠨᠢ ᠪᠤᠯᠬᠤ ᠦᠭᠡᠢ ᠪᠤᠯᠴᠢᠬᠠᠭᠠᠳ ᠢᠩᠬᠢᠵᠤ ᠦᠭᠡᠯᠡᠭᠡᠳ ᠪᠠᠶᠢᠭ᠎ᠠ ᠪᠤᠢ︖ ︾ ᠭᠡᠵᠤ ᠬᠠᠴᠢᠷᠬᠠᠨ᠎ᠠ᠃ ︽ᠪᠢᠳᠡᠨ ᠠᠴᠠ  ᠭᠠᠶᠢᠯᠢ ᠠᠪᠬᠤ ᠪᠠᠨ ᠪᠠᠶᠢᠭᠰᠠᠨ᠂ ᠳᠡᠳᠬᠦᠮᠵᠢ ᠦᠭᠭᠦ ᠪᠠᠷ ᠢᠶᠠᠨ ᠪᠤᠯᠤᠭᠰᠠᠨ ᠪᠠᠶᠢᠳᠠᠯ᠎ᠠ ᠪᠠᠰᠠ ᠬᠠᠨᠤᠵᠤ ᠴᠠᠳᠦᠳᠠᠭ ᠦᠭᠡᠢ ᠶᠠᠭᠠᠬᠢᠭᠰᠠᠨ ᠭᠡᠩᠭᠡᠭ ᠠᠮᠢᠳᠠᠳ ᠪᠤᠢ︖︾ ᠲᠦᠷᠢᠯᠡᠨ᠎ᠡ ᠃ ︽ᠲᠦᠷᠦ ᠨᠢ ᠰᠠᠮᠠᠭᠤᠷᠠᠬᠤ ᠦᠭᠡᠢ ᠪᠤᠯ ᠡᠵᠡ ᠨᠢ ᠬᠠᠳᠬᠤᠭᠠᠳ ᠪᠠᠶᠢᠨ᠎ᠠ ᠤᠤ︖︾ ᠭᠡᠵᠤ ᠰᠤᠨᠢᠷᠬᠠᠨ᠎ᠠ᠃ ᠪᠦᠷ ᠤᠬᠠᠭᠠᠨ ᠡᠰᠢ ᠶᠢ ᠨᠢ ᠤᠶᠢᠯᠠᠭᠠᠵᠤ ᠪᠠᠨ ᠪᠠᠶᠢᠭᠰᠠᠨ ᠢᠶᠠᠷ ᠠᠪᠤᠷᠢᠯᠠᠨ᠎ᠠ᠃ ᠦᠨᠡᠨ ᠳᠡᠭᠡᠨ ᠪᠢᠳᠡ ᠡᠷᠳᠡᠮ ᠲᠠᠢ ᠳᠡᠨᠡᠭ ᠲᠠᠢ ᠪᠠᠨ ᠪᠦᠬᠦᠳᠡ ᠲᠠᠯᠳᠠ ᠶᠠᠭᠤ ᠪᠤᠯᠤᠭᠠᠳ ᠪᠠᠶᠢᠭ᠎ᠠ ᠭᠡᠳᠡᠭ ᠢ ᠬᠡᠶᠢᠭᠡᠳᠡᠯ᠎ᠡ ᠮᠡᠳᠡᠨ᠎ᠡ᠃ ᠵᠦᠪᠭᠡᠨ ᠦᠨᠡᠨ  ᠢ ᠳᠡᠯᠭᠡᠭᠦ ᠲᠠᠷ ᠵᠤᠷᠢᠭ᠂ ᠡᠷ᠎ᠡ ᠰᠦᠰᠦ ᠳᠤᠳᠠᠭᠰᠠᠨ ᠪᠠᠶᠢᠨ᠎ᠠ᠃ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠠᠴᠠ ᠪᠠᠨ ᠰᠠᠯᠬᠤ ᠭᠡᠳᠡᠭ ᠪᠤᠯ ᠠᠮᠢᠳᠤ ᠳᠠᠭᠠᠨ ᠮᠦᠬᠦᠯ ᠢᠶᠠᠨ ᠬᠠᠷᠠᠭᠰᠠᠨ ᠶᠠᠪᠤᠳᠠᠯ ᠶᠤᠮ᠃         ᠶᠠᠮᠠᠷ ᠴᠤ ᠦᠨᠳᠦᠰᠦᠳᠡᠨ ᠨᠢ ᠠᠯᠢ ᠨᠢᠭᠡ ᠦᠨᠳᠦᠰᠦᠳᠡᠨ ᠤ ᠪᠠᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠭᠡᠷᠡᠭᠯᠡᠭᠦ ᠡᠷᠭᠡ ᠶᠢ ᠬᠦᠴᠦ ᠪᠠᠷ ᠲᠠᠰᠤᠯᠠᠵᠤ ᠪᠤᠯᠳᠠᠭ ᠦᠭᠡᠢ᠃ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠪᠤᠯ ᠴᠢᠯᠦᠭᠡᠳᠡᠢ ᠠᠰᠢᠭᠯᠠᠭᠳᠠᠳᠠᠭ ᠭᠡᠷᠡᠭᠯᠡᠭᠦᠷ᠃ ᠶᠠᠮᠠᠷ ᠦᠭᠡ ᠪᠠᠷ ᠭᠡᠯᠡᠯᠴᠡᠭᠦ᠂ ᠶᠠᠮᠠᠷ ᠦᠰᠦᠭ ᠪᠠᠷ ᠮᠡᠳᠡᠯᠴᠡᠭᠦ ᠨᠢ ᠳᠤᠬᠠᠢ ᠦᠨᠳᠦᠰᠦᠳᠡᠨ ᠤ ᠦᠨᠢ ᠤᠳᠠᠭᠠᠨ ᠳᠡᠤᠭᠡᠨ ᠶᠠᠪᠤᠴᠠ ᠳᠤᠮᠳᠠ ᠪᠦᠷᠢᠯᠳᠤᠨ ᠳᠤᠭᠳᠠᠨᠢᠳᠠᠭ ᠪᠤᠯᠬᠤ ᠠᠴᠠ ᠪᠢᠰᠢ ᠬᠠᠷᠢᠨ ᠶᠠᠮᠠᠷ ᠨᠢᠭᠡᠨ ᠭᠦᠴᠦ ᠨᠦᠯᠦᠭᠡᠨ ᠳᠤᠤᠷ᠎ᠡ ᠬᠤᠪᠢᠷᠠᠳᠠᠭ ᠵᠦᠢᠯ ᠤᠭᠳᠤ ᠪᠢᠰᠢ᠃ ᠵᠦᠪᠭᠡᠨ ᠰᠠᠶᠢᠨ ᠳᠤᠷ᠎ᠡ  ᠠᠴᠠ ᠪᠠᠨ ᠲᠠᠶᠠᠭᠳᠠᠳᠠᠭ ᠦᠭᠡᠢ ᠯᠡ ᠶᠤᠮ ᠪᠤᠯ ᠪᠠᠶᠢᠳᠠᠯ ᠡᠶᠢᠮᠤ ᠯᠡ ᠪᠠᠶᠢᠬᠤ ᠶᠤᠰᠤᠲᠠᠢ᠃ ᠭᠡᠭᠦ ᠳᠤ ᠦᠨᠦᠳᠤᠷ ᠦᠨᠳᠦᠰᠦᠳᠡᠨ ᠶᠠᠰᠤᠳᠠᠨ ᠤ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢ ᠬᠠᠮᠠᠭᠠᠯᠠᠨ ᠭᠦᠭᠵᠢᠬᠦᠯᠵᠤ ᠪᠤᠢ ᠭᠡᠳᠡᠭ ᠤᠷᠢᠶᠠᠨ ᠳᠤᠤᠷ᠎ᠡ ᠪᠠᠯᠠᠯᠠᠵᠤ ᠡᠬᠢᠯᠡᠭᠡᠳ ᠪᠠᠶᠢᠭ᠎ᠠ ᠪᠠᠶᠢᠳᠠᠯ ᠨᠡᠶᠢᠳᠡᠮ ᠬᠠᠷᠠᠭᠳᠠᠵᠤ ᠪᠠᠶᠢᠨ᠎ᠠ᠃ ᠭᠦᠮᠦᠰ ᠬᠠᠳᠠ ᠴᠢᠯᠠᠭᠤ᠂ ᠠᠭᠤᠢ ᠶᠢᠨ ᠬᠠᠨ᠎ᠠ᠂ ᠠᠷᠾᠢᠯᠤᠬᠢ ᠶᠢᠨ ᠤᠯᠲᠠᠪᠤᠷᠢ ᠵᠡᠷᠭᠡ ᠳᠡᠭᠡᠷ᠎ᠡ ᠠᠴᠠ ᠪᠠᠨ ᠦᠪᠡᠷ ᠤᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠰᠡᠷᠭᠦᠭᠡᠵᠤ ᠴᠢᠳᠠᠵᠤ ᠪᠠᠶᠢᠳᠠᠯ᠎ᠠ ᠮᠠᠨᠠᠶᠢᠬᠢᠨ ᠳᠤ ᠪᠤᠯ ᠬᠠᠷᠢᠨ ᠦᠨᠢ ᠤᠳᠠᠭᠠᠨ ᠳᠡᠤᠭᠡ ᠲᠠᠢ ᠮᠦᠨᠴᠤ ᠡᠳᠤᠢ ᠪᠤᠯᠳᠠᠯ᠎ᠠ ᠭᠠᠭᠴᠠ ᠴᠤ ᠡᠳᠤᠷ ᠲᠠᠰᠤᠯᠤᠭᠳᠠᠭ᠎ᠠ ᠦᠭᠡᠢ ᠲᠡᠷᠡ ᠳᠤᠰᠤᠮ ᠲᠠᠪᠤᠨ ᠵᠠᠭᠤᠨ ᠲᠦᠮᠡᠨ ᠭᠦᠮᠦᠨ ᠠᠮᠠ ᠵᠡᠷᠭᠡ ᠪᠠᠷ ᠠᠰᠢᠭᠯᠠᠨ ᠭᠡᠷᠡᠭᠯᠡᠵᠤ ᠪᠠᠶᠢᠭ᠎ᠠ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢ ᠵᠤᠬᠢᠬᠤ ᠤᠷᠤᠨ ᠨᠤᠳᠤᠭ ᠲᠤ ᠭᠡᠷᠡᠭᠯᠡᠭᠦ ᠶᠢ ᠨᠢ ᠵᠤᠭᠰᠤᠬᠤ ᠭᠡᠳᠡᠭ ᠳᠤᠩᠬᠠᠭ ᠭᠠᠷᠭᠠᠭᠰᠠᠨ ᠶᠠᠪᠤᠳᠠᠯ ᠪᠤᠯ ᠲᠦᠪ ᠤᠨ ᠦᠨᠳᠦᠰᠦᠳᠡᠨ ᠤ ᠤᠷᠤᠨ ᠤ ᠭᠦᠭᠵᠢᠬᠦᠯᠦᠯᠳᠡ ᠲᠡᠷᠡ ᠳᠤᠰᠤᠮ ᠰᠤᠶᠤᠯ ᠤᠨ ᠭᠦᠭᠵᠢᠬᠦᠯᠦᠯᠳᠡ ᠶᠢᠨ ᠪᠤᠳᠤᠯᠭ᠎ᠠ ᠲᠠᠢ ᠡᠷᠡᠰ ᠡᠰᠡᠷᠭᠦᠴᠡᠯᠳᠦᠭᠰᠡᠨ ᠠᠵᠢᠯᠯᠠᠭ᠎ᠠ ᠪᠤᠯᠵᠤ ᠨᠠᠳᠠ ᠬᠠᠷᠠᠭᠳᠠᠵᠤ ᠪᠠᠶᠢᠨ᠎ᠠ᠃ ᠡᠶᠢᠮᠤ ᠠᠴᠠ ᠴᠢᠩᠭ᠎ᠠ ᠡᠰᠡᠷᠭᠦᠴᠡᠯ ᠲᠠᠯᠪᠢᠵᠤ ᠪᠠᠶᠢᠭ᠎ᠠ ᠪᠠᠨ ᠠᠳᠡ ᠠᠴᠠ ᠢᠯᠡᠷᠭᠡᠶᠢᠯᠡᠶ᠎ᠡ᠃           ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠭᠦᠨᠳᠤ ᠪᠠᠭᠤᠷᠠᠵᠤ ᠪᠤᠢ ᠶᠠᠪᠤᠳᠠᠯ ᠳᠤ ᠨᠡᠶᠢᠭᠡᠮ᠂ ᠲᠦᠷᠦ ᠵᠠᠰᠠᠭ ᠤᠨ ᠬᠦᠴᠤ ᠨᠦᠯᠦᠭᠡ ᠪᠤᠯᠤᠨ ᠦᠨᠳᠦᠰᠦᠳᠡᠨ ᠤ ᠴᠦᠭᠡᠩᠬᠢ ᠶᠢᠨ ᠭᠠᠳᠠᠭᠤᠷᠴᠢᠯᠠᠯ᠂ ᠬᠢᠬᠠᠯᠳᠠ᠂ ᠲᠠᠷᠤᠯᠳᠠ ᠪᠠᠶᠢᠭ᠎ᠠ ᠭᠡᠳᠡᠭ ᠪᠤᠯᠪᠠᠴᠤ ᠮᠠᠨ ᠤ ᠮᠡᠷᠭᠡᠳ ᠤᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠦᠭᠡᠷᠡᠴᠢᠯᠡᠯᠳᠡ ᠮᠦᠨᠴᠤ ᠬᠦᠴᠦᠲᠠᠢ ᠲᠦᠯᠬᠢᠴᠡ ᠭᠦᠴᠦᠨ ᠪᠤᠯᠤᠭᠰᠠᠨ ᠭᠡᠵᠤ ᠪᠢ ᠦᠵᠡᠨ᠎ᠡ᠃ ᠪᠢᠳᠡ ᠦᠪᠡᠷ ᠤᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠲᠡᠭᠡᠨ ᠳᠤᠷ᠎ᠡ ᠮᠡᠳᠡᠨ ᠬᠢᠳᠤᠭ᠎ᠠ ᠲᠦᠷᠦᠵᠤ ᠳᠡᠭᠦᠨ ᠢᠶᠠᠨ ᠵᠦᠪᠳᠡᠭᠡᠨ ᠤᠯᠠᠨ ᠬᠤᠨᠤᠭ ᠢᠶᠠᠷ ᠬᠠᠰᠬᠢᠷᠤᠯᠳᠤᠵᠤ ᠪᠠᠶᠢᠭᠰᠠᠨ  ᠨᠢ ᠰᠠᠶ᠋ᠢᠬᠠᠨ ᠤ ᠶᠠᠪᠤᠳᠠᠯ᠃ ᠠᠶᠠᠭᠠᠯᠠᠭᠰᠠᠨ ᠴᠠᠢ ᠴᠢᠨᠢ ᠬᠦᠷᠦᠵᠤ ᠠᠮᠵᠢᠭ᠎ᠠ ᠦᠭᠡᠢ ᠪᠠᠶᠢᠳᠠᠯ᠎ᠠ ᠠᠷᠤ ᠭᠦᠷᠢᠶᠡᠨ ᠳᠤ ᠴᠢᠨᠢ ᠭᠠᠯ ᠭᠠᠷᠤᠭᠰᠠᠨ ᠴᠢᠮᠡᠭᠡ ᠢᠷᠡᠵᠤ ᠪᠠᠶᠢᠨ᠎ᠠ᠃ ᠭᠦᠮᠦᠰ ᠰᠤᠶᠤᠯ ᠢᠷᠭᠡᠨᠰᠢᠯ ᠤᠨ ᠠᠴᠢᠶᠡᠯᠡᠪᠤᠷᠢ ᠪᠤᠯᠤᠭᠰᠠᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠤᠯᠠᠮ ᠳᠡᠭᠦᠰ ᠳᠡᠭᠦᠯᠳᠡᠷ ᠪᠤᠯᠭᠠᠬᠤ ᠶᠢ ᠵᠤᠷᠢᠳᠠᠭ ᠪᠤᠯ ᠮᠠᠨ ᠤ ᠡᠷᠳᠡᠮᠳᠡᠳ ᠬᠠᠷᠢᠨ ᠤᠯᠠᠮ ᠮᠠᠲᠠᠭ ᠲᠠᠢ ᠪᠤᠯᠭᠠᠬᠤ ᠲᠡᠶᠢᠰᠢ ᠭᠦᠴᠦ ᠦᠵᠡᠭᠡᠳ ᠪᠠᠶᠢᠭ᠎ᠠ ᠶᠠᠪᠤᠳᠠᠯ ᠪᠤᠯ ᠠᠪᠤᠷᠠᠭᠳᠠᠰᠢ ᠦᠭᠡᠢ ᠳᠡᠨᠡᠭ ᠠᠵᠢᠯᠯᠠᠭ᠎ᠠ ᠶᠤᠮ᠃ ᠶᠠᠭ ᠡᠶᠢᠮᠤ ᠲᠠᠯᠬᠢᠬᠳᠠᠯ ᠤᠨ ᠳᠤᠤᠷ᠎ᠡ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠮᠠᠨᠢ ᠡᠮᠬᠢ ᠵᠠᠮᠪᠠᠷᠠᠭ᠎ᠠ ᠦᠭᠡᠢ ᠪᠤᠯᠵᠤ ᠭᠡᠷᠡᠭᠴᠡᠭᠡ ᠠᠴᠠ ᠤᠯᠠᠮ ᠤᠯᠠᠮ ᠬᠤᠯᠠᠳᠴᠤ ᠪᠤᠰᠤᠳ ᠭᠦᠮᠦᠰ ᠤᠨ ᠨᠢᠳᠤᠨ ᠳᠤ ︽ᠶᠠᠮᠠᠷ ᠴᠤ ᠤᠶᠢᠯᠡᠳᠤᠯ ᠦᠭᠡᠢ ᠦᠰᠦᠭ ᠪᠢᠴᠢᠭ︾ ᠭᠡᠵᠤ ᠤᠶᠢᠯᠠᠭᠠᠭᠳᠠᠬᠤ ᠪᠤᠶᠤ ︽ᠶᠠᠳᠠᠵᠤ ᠭᠡᠷᠡᠭᠯᠡᠵᠦ ᠪᠠᠶᠢᠭ᠎ᠠ ᠢᠷᠭᠡᠳ ᠨᠢ ᠴᠤ ᠦᠪᠡᠷᠳᠡᠭᠡᠨ ᠤᠬᠠᠭᠠᠨ ᠡᠰᠢ ᠪᠠᠨ ᠤᠯᠤᠭ᠎ᠠ ᠦᠭᠡᠢ ᠦᠰᠦᠭ ᠶᠠᠮᠠᠷ ᠦᠶ᠎ᠡ ᠳᠤ ᠲᠦᠯᠦᠪᠰᠢᠷᠡᠨ ᠰᠢᠰᠲ᠋ᠧᠮᠵᠢᠬᠦ ᠪᠤᠢ︖︾ ᠵᠡᠷᠭᠡ ᠨᠠᠵᠠᠭᠠᠢ ᠳᠡᠨᠢᠯᠳᠠ ᠶᠢ ᠪᠤᠢ ᠪᠤᠯᠭᠠᠭᠰᠠᠨ ᠪᠠᠶᠢᠭ᠎ᠠ ᠶᠤᠮ᠃ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠷ ᠢᠶᠠᠨ ᠨᠠᠭᠠᠳᠬᠤ ᠶᠢᠨ ᠬᠤᠤᠷ ᠢᠩᠬᠢᠵᠤ ᠪᠢᠳᠡᠨ ᠳᠤ ᠢᠷᠡᠵᠤ ᠪᠠᠶᠢᠨ᠎ᠠ᠃ ᠪᠦᠷ ᠰᠤᠷᠬᠤ ᠶᠢ ᠨᠢ ᠵᠤᠭᠰᠤᠭᠠᠬᠤ᠂ ᠭᠡᠷᠡᠭᠯᠡᠭᠦ ᠶᠢ ᠨᠢ ᠵᠤᠭᠰᠤᠭᠠᠬᠤ ᠮᠡᠳᠤ ᠪᠠᠷ ᠭᠦᠨᠳᠤ ᠪᠠᠷ ᠪᠠᠭᠤᠵᠤ ᠪᠠᠶᠢᠨ᠎ᠠ᠃ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠦᠭᠡᠷᠡᠴᠢᠯᠡᠯᠳᠡ ᠳᠤ ᠭᠦᠴᠤ ᠰᠤᠷᠤᠭᠴᠢ ᠡᠷᠳᠡᠮᠳᠡᠳ ᠮᠠᠨᠢ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠷ ᠢᠶᠠᠨ ᠡᠷᠭᠡᠯᠡᠭᠰᠡᠳ ᠤᠳᠤ ᠪᠠᠶᠢᠳᠠᠯ ᠶᠠᠮᠠᠷ ᠪᠤᠯᠵᠤ ᠪᠤᠢ᠂ ᠪᠠᠶᠢᠳᠠᠯ ᠡᠶᠢᠮᠤ ᠪᠤᠯᠬᠤ ᠳᠤ ᠶᠠᠮᠠᠷ ᠦᠢᠯᠡᠳᠤᠯ ᠦᠵᠡᠭᠦᠯᠦᠭᠰᠡᠨ ᠭᠡᠳᠡᠭ ᠢᠶᠠᠨ ᠰᠡᠭᠡᠵᠤ ᠪᠤᠯᠤᠨ᠎ᠠ᠃ ᠤᠬᠠᠭᠠᠯᠢᠭ ᠪᠤᠯ ᠢᠴᠢᠵᠤ ᠪᠤᠯᠤᠨ᠎ᠠ᠃ ᠲᠠ ᠨᠠᠷ ᠤᠨ ᠦᠭᠡᠷᠡᠴᠢᠯᠡᠯᠳᠡ ᠮᠤᠩᠭᠤᠯ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠭᠡᠷᠡᠭᠯᠡᠯᠳᠡ ᠠᠴᠠ ᠬᠤᠯᠠᠳᠬᠤ ᠳᠤ ᠬᠤᠷᠳᠤ ᠨᠡᠮᠡᠭᠰᠡᠭᠡᠷ ᠪᠠᠶᠢᠨ᠎ᠠ ᠭᠡᠳᠡᠭ ᠢᠶᠠᠨ ᠭᠦᠯᠢᠶᠡᠨ ᠵᠦᠪᠰᠢᠶᠡᠷᠡᠭᠦ ᠭᠡᠷᠡᠭᠲᠡᠢ ᠶᠤᠮ᠃         ᠡᠨᠡ ᠳᠡᠯᠡᠬᠡᠢ ᠶᠢᠨ ᠡᠷᠡᠭᠦᠯ ᠤᠬᠠᠭᠠᠨᠳᠤ ᠭᠦᠮᠦᠰ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠮᠦᠩᠭᠡ ᠤᠷᠤᠰᠢᠬᠤ ᠶᠢᠨ ᠭᠦᠨᠵᠡᠬᠡᠢ ᠤᠳᠬ᠎ᠠ ᠶᠢ ᠮᠡᠳᠡᠷᠡᠨ ᠬᠦᠨᠳᠦᠯᠡᠳᠡᠭ᠃ ᠵᠤᠷᠢᠯᠭ᠎ᠠ ᠲᠠᠢ ᠪᠠᠷ ᠪᠠᠯᠠᠯᠠᠨ ᠤᠰᠠᠳᠬᠠᠬᠤ ᠶᠢ ᠹᠠᠱᠢᠰ ᠠᠵᠢᠯᠯᠠᠭ᠎ᠠ ᠪᠠᠷ ᠤᠶᠢᠯᠠᠭᠠᠳᠠᠭ᠃ ᠡᠶᠢᠮᠤ ᠠᠴᠠ ᠨᠡᠶᠢᠳᠡ ᠭᠦᠮᠦᠰ ᠤᠨ ᠬᠠᠷᠢᠯᠴᠠᠭᠠᠨ ᠤ ᠪᠠᠭᠠᠵᠢ ᠰᠤᠶᠤᠨ ᠭᠡᠭᠡᠷᠡᠯ  ᠤᠨ ᠭᠤᠤᠯ ᠴᠢᠮᠦᠭᠡ ᠪᠤᠯᠤᠭᠰᠠᠨ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠭᠦᠨᠳᠤᠴᠠ ᠶᠢ ᠪᠠᠳᠤᠯᠠᠵᠤ ᠳᠡᠭᠦᠨ ᠳᠤ ᠭᠡᠭᠡᠨ ᠰᠠᠷᠠᠭᠤᠯ ᠭᠦᠭᠵᠢᠯ ᠤᠨ ᠵᠠᠮ ᠮᠦᠷ ᠢ ᠤᠯᠭᠤᠭᠰᠠᠨ ᠪᠠᠶᠢᠬᠤ ᠶᠢ ᠪᠠᠳᠤᠯᠠᠳᠠᠭ ᠵᠠᠰᠠᠭ ᠲᠦᠷᠦ ᠪᠤᠯ ᠮᠡᠷᠭᠡᠨ ᠵᠠᠰᠠᠭ ᠲᠦᠷᠦ ᠶᠤᠮ᠃ ᠡᠰᠡᠷᠭᠦᠤ ᠪᠠᠷ ᠨᠢ ᠳᠡᠯᠡᠬᠡᠢ ᠶᠢᠨ ᠰᠤᠶᠤᠯ ᠤᠨ ᠶᠡᠭᠡ ᠰᠠᠩ ᠤᠨ ᠨᠢᠭᠡᠨ ᠭᠡᠷᠡᠯᠳᠤ ᠴᠢᠭ ᠪᠤᠯᠤᠭᠰᠠᠨ ᠶᠠᠮᠠᠷ ᠨᠢᠭᠡᠨ ᠦᠨᠳᠦᠰᠦᠳᠡᠨ ᠤᠭᠰᠠᠭᠠᠨ ᠤ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢ ᠤᠯᠠᠨ ᠳᠤᠤᠷ᠎ᠡ ᠪᠠᠨ ᠳᠡᠪᠰᠡᠯᠡᠵᠤ ᠳᠡᠭᠦᠨ ᠤ ᠭᠦᠭᠵᠢᠯ ᠢ ᠪᠤᠭᠤᠮᠢᠯᠠᠭᠴᠢ ᠵᠠᠰᠠᠭ ᠲᠦᠷᠦ ᠪᠤᠯ ᠲᠠᠩᠬᠠᠢ ᠵᠠᠰᠠᠭ ᠲᠦᠷᠦ ᠶᠤᠮ᠃         ᠮᠤᠩᠭᠤᠯ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠷ ︽ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠨᠢᠭᠡ ᠬᠢᠴᠢᠶᠡᠯ︾ ᠤᠷᠤᠬᠤ ᠴᠠᠭ ᠡᠭᠦᠷᠢᠳᠡ ᠪᠠᠶᠢᠬᠤ ᠦᠭᠡᠢ ᠪᠠᠶᠢᠬᠤ ᠭᠡᠳᠡᠭ ᠲᠤ ᠡᠷᠡᠭᠡᠯᠵᠡᠬᠦ ᠮᠤᠩᠭᠤᠯ ᠭᠦᠮᠦᠨ ᠭᠠᠭᠴᠠ ᠴᠤ ᠦᠭᠡᠢ᠃ ᠤᠴᠢᠷ ᠨᠢ ᠮᠤᠩᠭᠤᠯ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠪᠤᠯ ᠳᠡᠯᠡᠭᠡᠢ ᠶᠢᠨ ᠦᠪ ᠮᠦᠷᠳᠡᠭᠡᠨ ᠳᠡᠯᠡᠭᠡᠢ ᠶᠢᠨ ᠭᠠᠶᠢᠬᠠᠮᠰᠢᠭ ᠶᠤᠮ᠃ ᠮᠦᠨᠴᠤ ᠮᠠᠨ ᠤ ᠬᠠᠮᠠᠭᠠᠯᠠᠨ ᠦᠯᠡᠳᠡᠬᠡᠵᠤ ᠭᠦᠭᠵᠢᠬᠦᠯᠦᠨ ᠪᠤᠵᠠᠭᠠᠶᠢᠷᠠᠭᠤᠯᠬᠤ ᠦᠨᠡᠳᠤ ᠡᠷᠳᠡᠨᠢ ᠮᠠᠨᠢ ᠮᠠᠷᠭᠤᠰᠢ ᠦᠭᠡᠢ ᠮᠦᠨ᠃ ᠠᠳᠡ ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ ᠠ᠊᠂ ᠳ᠋ᠠᠤᠲ᠋ᠠᠢ ᠶᠢᠨ ︽ᠲᠦᠷᠦ ᠤᠯᠤᠰ ᠨᠢ ᠮᠦᠬᠦᠭᠡᠳ ᠪᠤᠰᠤᠳ ᠲᠤ ᠪᠤᠭᠤᠯᠴᠢᠯᠠᠭᠳᠠᠭᠰᠠᠨ ᠴᠤ ᠠᠷᠠᠳ ᠲᠦᠮᠡᠨ ᠨᠢ ᠭᠡᠷᠪᠡ ᠲᠦᠷᠦᠯᠬᠢ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠮᠠᠷᠳᠠᠯ ᠦᠭᠡᠢ ᠪᠠᠳᠤ ᠴᠡᠭᠡᠵᠢᠯᠡᠵᠤ ᠪᠠᠶᠢᠭᠰᠠᠨ ᠴᠠᠭ ᠲᠤ ᠱᠦᠷᠦᠩ ᠤᠨ ᠡᠭᠦᠳᠡᠨ ᠲᠦᠯᠬᠢᠬᠦᠷ ᠢ ᠠᠳᠬᠤᠵᠤ ᠪᠠᠶᠢᠭ᠎ᠠ ᠲᠠᠢ ᠠᠳᠠᠯᠢ ᠶᠤᠮ ᠰᠢᠤ︾ ᠭᠡᠳᠡᠭ ᠲᠢᠲᠢᠮ ᠦᠭᠡ ᠪᠠᠷ ᠨᠡᠶᠢᠳᠡᠯᠡᠯ ᠢᠶᠠᠨ ᠳᠡᠭᠦᠰᠭᠡᠶ᠎ᠡ︕                         ᠬᠤᠯᠪᠤᠭ᠎ᠠ ᠰᠦᠯᠵᠢᠶ᠎ᠡ ᠠᠴᠠ ᠪᠠᠭᠤᠯᠭᠠᠪᠠ
  
ᠢᠷᠡᠯᠲᠡ᠄ ᠬᠤᠯᠪᠤᠭ᠎ᠠ ᠰᠦᠯᠵᠢᠶ᠎ᠡ ᠠᠴᠠ ᠪᠠᠭᠤᠯᠭᠠᠪᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠤᠷᠠᠨ ᠮᠠᠯᠴᠢᠨ ᠡᠷᠳᠡᠨᠢᠴᠢᠯᠠᠭᠤ
ᠲᠤᠭᠤᠨᠤ
ᠵᠤᠤᠭᠠᠷ
ᠴᠠᠴᠠᠷ
ᠮᠠᠶᠢᠬᠠᠨ
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号