| ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠭᠡᠬᠦᠦ ᠰᠠᠭᠠᠬᠤ | ᠭᠡᠬᠦᠦ ᠰᠠᠭᠠᠬᠤ ᠭᠡᠳᠡᠭ ᠪᠤᠯᠢ ᠬᠤᠶᠠᠷ ᠭᠤᠷᠪᠠᠨ ᠱᠠᠭᠠ ᠶᠢ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠳᠡᠭᠡᠭᠰᠢ ᠪᠠᠨ | ᠡᠭᠡᠯᠵᠢᠯᠡᠨ ᠬᠠᠶᠠᠵᠤ ᠠᠯᠳᠠᠯ ᠦᠭᠡᠢ ᠰᠤᠯᠪᠢᠴᠠᠭᠤᠯᠤᠨ ᠳᠤᠰᠤᠨ ᠠᠪᠬᠤ ᠨᠠᠭᠠᠳᠤᠮ ᠢ ᠭᠡᠯᠡᠨᠡ᠃ ᠪᠤᠯᠪᠠᠰᠤᠷᠠᠩᠭᠤᠢ | ᠰᠠᠶᠢᠨ ᠨᠠᠭᠠᠳᠳᠠᠭ ᠬᠦᠮᠦᠨ ᠪᠣᠯ ᠠᠯᠳᠠᠯ ᠦᠭᠡᠢ ᠵᠠᠭᠤ ᠭᠠᠷᠤᠢ ᠤᠳᠠᠭᠠ ᠲᠤᠰᠤᠨ ᠠᠪᠴᠤ ᠴᠤ ᠪᠤᠢ᠃ ᠪᠠᠰᠠ | ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠭᠤᠷᠪᠠᠨ ᠱᠠᠭᠠ ᠶᠢ ᠰᠤᠯᠪᠢᠴᠠᠭᠤᠯᠤᠨ ᠰᠢᠳᠡᠵᠦ ᠬᠤᠭᠤᠷᠤᠨᠳᠤ ᠨᠢ ᠮᠦᠷᠭᠦᠯᠳᠦᠭᠦᠯᠬᠦ | ᠦᠭᠡᠢ ᠤᠯᠠᠨᠲᠠ ᠰᠢᠳᠡᠵᠦ ᠨᠠᠭᠠᠳᠬᠤ ᠴᠤ ᠪᠤᠢ᠃ ᠵᠠᠷᠢᠮ ᠭᠠᠵᠠᠷ ᠡᠨᠡ ᠨᠠᠭᠠᠳᠤᠮ ᠢ ᠤᠷᠤᠯᠳᠤᠵᠤ ᠨᠠᠭᠠᠳᠳᠠᠭ | ᠦᠭᠡᠢ ᠪᠠᠶᠢᠬᠤ ᠳᠤ ᠰᠦᠨᠢᠳ ᠲᠤ ᠬᠠᠷᠢᠨ ᠤᠷᠤᠯᠳᠤᠵᠤ ᠨᠠᠭᠠᠳᠳᠠᠭ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠬᠤᠨᠢ ᠬᠤᠯᠪᠤᠬᠤ | ᠡᠨᠡ ᠨᠠᠭᠠᠳᠤᠮ ᠢ ᠭᠤᠣᠯᠳᠠᠭᠤ ᠬᠡᠦᠬᠡᠳ ᠪᠠᠭᠠᠴᠤᠳ ᠨᠠᠭᠠᠳᠳᠠᠭ᠃ ᠬᠡᠦᠬᠡᠳ ᠤᠨ ᠨᠠᠭᠠᠳᠬᠤ ᠳᠠᠭᠠᠨ ᠤᠯᠠᠨ | ᠱᠠᠭᠠ ᠶᠢ ᠬᠤᠨᠢᠨ ᠲᠠᠯᠠ ᠪᠠᠷ ᠨᠢ ᠪᠤᠰᠬᠠᠭᠠᠳ ᠬᠤᠭᠤᠷᠤᠨᠳᠤ ᠨᠢ ᠮᠦᠷᠭᠦᠯᠳᠦᠭᠦᠯᠦᠨ ᠲᠠᠯᠪᠢᠵᠤ ᠬᠤᠨᠢ ᠰᠠᠭᠠᠵᠤ | ᠪᠠᠶᠢᠨᠠ ᠭᠡᠵᠦ ᠬᠦᠭᠡᠷᠦᠯᠳᠦᠨ ᠨᠠᠭᠠᠳᠤᠨᠠ᠃ | ᠡᠬᠡ ᠪᠤᠯᠤᠭᠰᠠᠨ ᠬᠦᠮᠦᠨ ᠬᠡᠦᠬᠡᠳ ᠲᠡᠭᠡᠨ ᠬᠠᠷᠠ ᠪᠠᠭᠠ ᠠᠴᠠ ᠨᠢ ᠠᠵᠢᠯ ᠰᠤᠷᠭᠠᠬᠤ ᠵᠤᠷᠢᠯᠭᠠ ᠪᠠᠷ ᠬᠤᠨᠢ | ᠬᠤᠯᠪᠤᠨ ᠰᠠᠭᠠᠬᠤ ᠨᠠᠭᠠᠳᠤᠮ ᠨᠠᠭᠠᠳᠤᠭᠤᠯᠳᠠᠭ ᠠᠵᠠᠢ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠠᠶᠠᠨ ᠬᠢᠬᠦ | ᠬᠡᠦᠬᠡᠳ ᠤᠳ ᠠᠶᠠᠨ ᠬᠢᠵᠦ ᠨᠠᠭᠠᠳᠬᠤ ᠳᠠᠭᠠᠨ ᠤᠯᠠᠨ ᠱᠠᠭᠠ ᠶᠢ ᠲᠡᠮᠡᠭᠡᠨ ᠲᠠᠯᠠ ᠪᠠᠷ ᠨᠢ ᠪᠤᠰᠬᠠᠵᠤ | ᠴᠤᠪᠤᠷᠠᠭᠤᠯᠤᠨ ᠲᠠᠯᠪᠢᠭᠠᠳ ᠳᠡᠭᠡᠷᠡ ᠨᠢ ᠮᠠᠯ ᠤᠨ ᠰᠢᠯᠪᠢ ᠶᠢᠨ ᠦᠵᠦᠭᠦᠷ ᠲᠠᠬᠢ ᠳᠦᠷᠪᠡᠯᠵᠢᠨ ᠵᠢᠵᠢᠭ ᠶᠠᠰᠤ ᠶᠢ | ᠰᠠᠯᠭᠠᠨ ᠠᠪᠴᠤ ᠤᠲᠠᠰᠤ ᠪᠠᠷ ᠬᠤᠯᠪᠤᠨ ᠠᠷᠭᠠᠯ ᠤᠨ ᠳᠦᠷᠪᠡᠯᠵᠢ ᠭᠡᠮᠡᠨ ᠲᠤᠬᠤᠭᠠᠳ ᠠᠶᠠᠨ ᠳᠤ ᠶᠠᠪᠤᠵᠤ ᠪᠠᠶᠢᠨᠠ | ᠭᠡᠬᠦ ᠪᠣᠶᠤ ᠡᠰᠡᠭᠦᠯᠡ ᠠᠷᠭᠠᠯ ᠬᠢᠬᠦ ᠡᠰᠡᠭᠦᠯᠡ ᠠᠷᠭᠠᠯ ᠲᠡᠭᠦᠵᠦ ᠪᠠᠶᠢᠨᠠ ᠭᠡᠵᠦ ᠨᠠᠭᠠᠳᠳᠠᠭ᠃ ᠡᠨᠡ ᠨᠢ ᠠᠶᠠᠨ ᠳᠤ | ᠬᠤᠯᠠ ᠶᠠᠪᠤᠭᠰᠠᠨ ᠬᠠᠶᠢᠷᠠᠲᠤ ᠡᠴᠢᠬᠡ ᠪᠤᠯᠤᠨ ᠬᠠᠮᠢᠶᠠᠲᠠᠨ ᠰᠠᠳᠤᠨ ᠢᠶᠠᠨ ᠮᠦᠷᠦᠭᠡᠳᠬᠦ ᠪᠠᠷ ᠭᠤᠣᠯ ᠠᠭᠤᠯᠭᠠ | ᠪᠤᠯᠭᠠᠭᠰᠠᠨ ᠬᠡᠦᠬᠡᠳ ᠤᠨ ᠨᠠᠭᠠᠳᠤᠮ ᠪᠤᠯᠤᠨᠠ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠠᠷᠪᠠᠨ ᠬᠤᠶᠠᠷ ᠵᠢᠯ ᠬᠠᠶᠠᠬᠤ | ᠡᠨᠡ ᠨᠠᠭᠠᠳᠤᠮ ᠢ ᠬᠡᠳᠦᠨ ᠬᠦᠮᠦᠨ ᠨᠠᠭᠠᠳᠤᠭᠰᠠᠨ ᠴᠤ ᠪᠦᠷ ᠪᠤᠯᠤᠨᠠ᠃ ᠨᠠᠭᠠᠳᠬᠤ ᠳᠠᠭᠠᠨ ᠠᠷᠪᠠᠨ | ᠬᠤᠶᠠᠷ ᠱᠠᠭᠠ ᠰᠢᠯᠢᠨ ᠠᠪᠴᠤ ᠬᠤᠯᠤᠭᠠᠨᠠ ᠵᠢᠯ ᠠᠴᠠ ᠡᠬᠢᠯᠡᠨ ᠨᠢᠭᠡ ᠨᠢᠭᠡ ᠪᠠᠷ ᠠᠷᠪᠠᠨ ᠬᠤᠶᠠᠷ ᠤᠳᠠᠭᠠ | ᠬᠠᠶᠠᠭᠠᠳ ᠮᠣᠷᠢ ᠪᠤᠰᠬᠠᠵᠤ ᠴᠢᠳᠠᠪᠠᠯ ᠠᠷᠪᠠᠨ ᠬᠤᠶᠠᠷ ᠵᠢᠯ ᠢ ᠪᠠᠭᠳᠠᠭᠠᠭᠰᠠᠨ ᠭᠡᠳ ᠱᠦᠭᠦᠵᠦ᠂ ᠪᠡᠯᠭᠡ ᠳᠡᠮᠪᠡᠷᠢᠯ | ᠲᠠᠢ ᠭᠡᠵᠦ ᠦᠵᠡᠨᠡ᠃ ᠵᠢᠯ ᠤᠷᠤᠵᠤ ᠪᠠᠶᠢᠬᠤ ᠬᠦᠮᠦᠨ ᠵᠢᠯ ᠴᠠᠭᠠᠨ ᠰᠠᠷᠠ ᠳᠤ ᠵᠠᠪᠠᠯ ᠠᠷᠪᠠᠨ ᠬᠤᠶᠠᠷ ᠵᠢᠯ | ᠬᠠᠶᠠᠵᠤ ᠨᠠᠭᠠᠳᠬᠤ ᠵᠠᠩᠰᠢᠯ ᠰᠦᠨᠢᠳ ᠨᠤᠲᠤᠭ ᠲᠤ ᠶᠡᠭᠡ ᠳᠡᠭᠡᠷᠡ ᠦᠶᠡ ᠠᠴᠠ ᠪᠠᠶᠢᠵᠠᠢ᠃ |