| ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠰᠠᠭᠠᠬᠠᠯᠲᠠ ᠲᠠᠯᠪᠢᠬᠤ | ᠡᠨᠡ ᠲᠤᠭᠯᠠᠭᠠᠮ ᠪᠣᠯ ᠬᠡᠦᠬᠡᠳ ᠤᠨ ᠨᠠᠭᠠᠳᠬᠤ ᠲᠤᠭᠯᠠᠭᠠᠮ ᠪᠣᠯᠣᠨᠠ᠃ ᠬᠤᠶᠠᠷ ᠬᠦᠮᠦᠨ ᠠᠴᠠ ᠳᠡᠭᠡᠭᠰᠢ | ᠬᠡᠳᠦᠨ ᠬᠦᠮᠦᠨ ᠤᠷᠤᠯᠴᠠᠭᠰᠠᠨ ᠴᠤ ᠪᠤᠯᠤᠨᠠ᠃ ᠮᠦᠨ ᠤᠷᠢᠳᠠᠪᠡᠷ ᠬᠤᠶᠠᠷ ᠱᠠᠭᠠ ᠠᠪᠴᠤ ᠡᠭᠡᠯᠵᠢᠯᠡᠨ ᠬᠠᠶᠠᠵᠤ᠂ | ᠬᠤᠶᠠᠷ ᠬᠤᠨᠢ ᠪᠤᠰᠤᠭᠰᠠᠨ ᠨᠢ ᠨᠢᠭᠡ ᠬᠤᠲᠠ ᠠᠶᠢᠯ ᠪᠤᠯᠵᠤ᠂ ᠬᠤᠶᠠᠷ ᠢᠮᠠᠭᠠ ᠪᠤᠰᠤᠭᠰᠠᠨ ᠨᠢ ᠨᠢᠭᠡ ᠬᠤᠲᠠ | ᠠᠶᠢᠯ ᠪᠣᠯᠵᠤ ᠰᠠᠭᠠᠬᠠ ᠲᠠᠯᠪᠢᠵᠤ ᠨᠠᠭᠠᠳᠤᠨᠠ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠬᠤᠨᠢ ᠮᠠᠯᠵᠢᠭᠰᠠᠨ ᠬᠤᠲᠠ ᠨᠢ | ᠱᠠᠭᠠ ᠪᠠᠨ ᠬᠠᠶᠠᠭᠠᠳ ᠪᠤᠰᠤᠭᠰᠠᠨ ᠬᠤᠨᠢ ᠶᠢ ᠨᠢ ᠲᠡᠭᠦᠵᠦ ᠠᠪᠤᠭᠠᠳ ᠢᠮᠠᠭᠠ ᠮᠠᠯᠵᠢᠭᠰᠠᠨ ᠠᠶᠢᠯ ᠳᠠᠭᠠᠨ ᠦᠭᠴᠦ | ᠮᠠᠯᠵᠢᠭᠤᠯᠤᠨᠠ᠃ ᠮᠣᠷᠢ᠂ ᠲᠡᠮᠡᠭᠡ᠂ ᠢᠮᠠᠭᠠ ᠪᠤᠰᠪᠠᠯ ᠠᠪᠬᠤ ᠦᠭᠡᠢ᠃ ᠶᠠᠭᠤ ᠮᠠᠯᠵᠢᠭᠰᠠᠨ ᠪᠣᠯ ᠶᠠᠭᠤ ᠪᠠᠨ | ᠠᠪᠤᠨᠠ᠃ ᠢᠮᠠᠭᠠ ᠮᠠᠯᠵᠢᠭᠰᠠᠨ ᠠᠶᠢᠯ ᠨᠢ ᠱᠠᠭᠠ ᠪᠠᠨ ᠬᠠᠶᠠᠵᠤ ᠪᠤᠰᠤᠭᠰᠠᠨ ᠢᠮᠠᠭᠠ ᠪᠠᠨ ᠲᠡᠭᠦᠵᠦ ᠠᠪᠤᠭᠠᠳ | ᠬᠤᠨᠢ ᠮᠠᠯᠵᠢᠭᠰᠠᠨ ᠠᠶᠢᠯ ᠳᠠᠭᠠᠨ ᠦᠭᠴᠦ ᠮᠠᠯᠵᠢᠭᠤᠯᠵᠤ ᠬᠠᠷᠢᠯᠴᠠᠨ ᠰᠠᠭᠠᠬᠠ ᠲᠠᠯᠪᠢᠵᠤ ᠨᠠᠭᠠᠳᠤᠨᠠ᠃ | ᠢᠩᠭᠢᠭᠡᠳ ᠬᠡᠨ ᠤ ᠬᠢᠨᠢ ᠮᠠᠯᠵᠢᠭᠰᠠᠨ ᠬᠤᠨᠢ ᠪᠤᠶᠤ ᠢᠮᠠᠭᠠ ᠨᠢ ᠤᠯᠠᠨ ᠪᠣᠯ ᠲᠡᠷᠡ ᠨᠢ ᠪᠢ ᠴᠢᠨᠤ ᠰᠠᠭᠠᠬᠠ ᠶᠢᠨ | ᠮᠠᠯ ᠢ ᠰᠠᠶᠢᠬᠠᠨ ᠮᠠᠯᠵᠢᠵᠤ ᠦᠭᠭᠦᠯᠡ ᠬᠡᠵᠦ ᠱᠦᠭᠦᠯᠲᠡ ᠤᠯᠤᠭᠰᠠᠨ ᠢᠶᠠᠷ ᠪᠤᠳᠤᠨᠠ᠃ ᠡᠨᠡ ᠪᠣᠯ ᠮᠣᠩᠭᠤᠯ | ᠬᠦᠮᠦᠨ ᠤ ᠵᠤᠨ ᠤ ᠤᠯᠠᠷᠢᠯ ᠤᠨ ᠰᠠᠭᠠᠬᠠ ᠲᠠᠯᠪᠢᠬᠤ ᠦᠨᠡᠨ ᠠᠮᠢᠳᠤᠷᠠᠯ ᠠᠴᠠ ᠵᠠᠭᠪᠤᠷ ᠠᠪᠤᠭᠰᠠᠨ ᠲᠤᠭᠯᠠᠭᠠᠮ | ᠶᠤᠮ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠳᠦᠷᠪᠡᠨ ᠱᠠᠭᠠ ᠬᠠᠶᠠᠬᠤ | ᠡᠨᠡ ᠲᠤᠭᠯᠠᠭᠠᠮ ᠢ ᠬᠡᠳᠦᠨ ᠬᠦᠮᠦᠨ ᠨᠠᠭᠠᠳᠤᠭᠰᠠᠨ ᠴᠤ ᠪᠤᠯᠤᠨᠠ᠃ ᠰᠠᠶᠢᠬᠠᠨ ᠦᠷᠦᠵᠦ ᠵᠠᠰᠠᠭᠰᠠᠨ | ᠳᠦᠷᠪᠡᠨ ᠱᠠᠭᠠ ᠪᠠᠷ ᠨᠠᠭᠠᠳᠤᠨᠠ᠃ ᠨᠠᠭᠠᠳᠬᠤ ᠳᠠᠭᠠᠨ ᠲᠦᠷᠪᠡᠨ ᠱᠠᠭᠠ ᠪᠠᠨ ᠳᠦᠷᠪᠡ ᠤᠳᠠᠭᠠ ᠬᠠᠶᠠᠭᠠᠳ | ᠪᠦᠬᠦᠨ ᠢ ᠮᠣᠷᠢ ᠪᠤᠰᠬᠠᠵᠤ ᠴᠢᠳᠠᠭᠰᠠᠨ ᠨᠢ ᠱᠦᠭᠦᠯᠲᠡ ᠪᠠᠨ ᠣᠯᠬᠤ ᠪᠦᠭᠡᠳ ᠬᠤᠪᠢ ᠵᠠᠶᠠᠭᠠ᠂ ᠠᠵᠠ ᠬᠡᠢ ᠮᠣᠷᠢ | ᠲᠠᠢ ᠶᠠᠪᠤᠬᠤ ᠶᠢᠨ ᠪᠡᠯᠭᠡᠳᠡᠯ ᠢᠶᠠᠷ ᠦᠵᠡᠳᠡᠭ᠃ ᠢᠯᠠᠩᠭᠤᠶᠠ ᠳᠦᠷᠪᠡᠨ ᠱᠠᠭᠠ ᠪᠠᠨ ᠨᠢᠭᠡ ᠯᠡ ᠳᠡᠭᠡᠷᠡ ᠳᠦᠷᠪᠡᠨ | ᠮᠣᠷᠢ ᠪᠤᠰᠬᠠᠵᠤ ᠴᠢᠳᠠᠪᠠᠯ ᠨᠡᠩ ᠶᠡᠭᠡ ᠠᠵᠠ ᠬᠡᠢ ᠮᠣᠷᠢ ᠶᠢᠨ ᠪᠡᠯᠭᠡᠳᠡᠯ ᠢᠶᠠᠷ ᠦᠵᠡᠳᠡᠭ᠃ ᠡᠨᠡ ᠮᠡᠲᠦ ᠪᠠᠷ | ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠭᠰᠠᠨ ᠬᠦᠮᠦᠨ ᠡᠭᠡᠯᠵᠢᠯᠡᠨ ᠨᠠᠭᠠᠳᠤᠨᠠ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠲᠡᠪᠡᠭ ᠨᠠᠭᠠᠳᠬᠤ | ᠵᠠᠰᠠᠵᠤ ᠪᠤᠳᠤᠭᠰᠠᠨ ᠨᠢᠭᠡᠨ ᠱᠠᠭᠠ ᠶᠢ ᠰᠤᠩᠭᠤᠨ ᠠᠪᠴᠤ ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠭᠰᠠᠨ ᠬᠦᠮᠦᠰ | ᠡᠭᠡᠯᠵᠢᠯᠡᠨ ᠲᠡᠪᠡᠭ ᠢᠰᠭᠦᠯᠵᠦ ᠨᠠᠭᠠᠳᠤᠨᠠ᠃ ᠳᠥᠴᠢ ᠳᠤ ᠤᠷᠤᠯᠳᠤᠬᠤ᠂ ᠲᠠᠪᠢ ᠳᠤ ᠤᠷᠤᠯᠳᠤᠬᠤ ᠡᠰᠡᠭᠦᠯᠡ | ᠵᠠᠭᠤ ᠴᠤ ᠤᠷᠤᠯᠳᠤᠨᠠ ᠭᠡᠵᠦ ᠨᠠᠭᠠᠳᠤᠮ ᠡᠭᠦᠰᠭᠡᠵᠦ ᠲᠡᠪᠡᠭ ᠢᠰᠭᠦᠯᠬᠦ ᠬᠦᠮᠦᠨ ᠨᠢ ᠨᠢᠭᠡ ᠠᠮᠢᠰᠬᠤᠭᠠ ᠪᠠᠷ | ᠠᠯᠳᠠᠯ ᠦᠭᠡᠢ ᠳᠥᠴᠢ ᠪᠤᠶᠤ ᠵᠠᠭᠤ ᠬᠦᠷᠭᠡᠬᠦ ᠶᠢ ᠬᠡᠯᠡᠨᠡ᠃ ᠡᠨᠡ ᠨᠠᠭᠠᠳᠤᠮ ᠢ ᠭᠤᠤᠯᠳᠠᠭᠤ ᠬᠡᠦᠬᠡᠳ ᠪᠠᠭᠠᠴᠤᠳ᠂ | ᠵᠠᠯᠠᠭᠤᠴᠤᠳ ᠨᠠᠭᠠᠳᠬᠤ ᠨᠢ ᠤᠯᠠᠨ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠮᠡᠷᠬᠡ ᠬᠠᠶᠠᠬᠤ | ᠮᠡᠷᠬᠡ ᠬᠠᠶᠠᠬᠤ ᠪᠣᠯ ᠨᠠᠭᠠᠳᠤᠮ ᠴᠡᠩᠭᠡᠯ ᠳᠤ ᠰᠢᠭᠤᠳ ᠵᠤᠷᠢᠭᠤᠯᠤᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠶᠠᠮᠠᠷ ᠨᠢᠭᠡᠨ | ᠶᠠᠭᠤᠮᠠ ᠳᠤ ᠮᠡᠷᠭᠡ ᠲᠦᠯᠭᠡ ᠲᠠᠯᠪᠢᠬᠤ ᠠᠭᠤᠯᠭᠠ ᠲᠠᠢ᠃ ᠭᠤᠣᠯᠳᠠᠭᠤ ᠮᠠᠯ ᠢᠶᠠᠨ ᠠᠯᠳᠠᠪᠠᠯ ᠣᠯᠬᠤ ᠡᠰᠡᠬᠦ᠂ | ᠭᠠᠷᠤᠵᠠ ᠬᠤᠬᠢᠷᠠᠯ ᠪᠠᠶᠢᠬᠤ ᠡᠰᠡᠬᠦ᠂ ᠰᠤᠷᠠᠭ ᠴᠢᠮᠡᠭᠡ ᠰᠤᠨᠤᠰᠬᠤ ᠵᠡᠷᠭᠡ ᠳᠤ ᠮᠡᠷᠭᠡ ᠲᠥᠯᠭᠡ ᠲᠠᠯᠪᠢᠬᠤ ᠳᠤ | ᠬᠡᠷᠡᠭᠯᠡᠵᠦ ᠪᠠᠶᠢᠳᠠᠭ ᠪᠤᠯᠪᠠᠴᠤ ᠬᠡᠦᠬᠡᠳ ᠪᠠᠭᠠᠴᠤᠳ ᠪᠠᠰᠠ ᠱᠠᠭᠠ ᠪᠠᠷ ᠮᠡᠷᠭᠡ ᠲᠠᠯᠪᠢᠵᠤ ᠪᠠᠶᠢᠨᠠ ᠭᠡᠬᠦ ᠮᠡᠲᠦ ᠪᠠᠷ | ᠨᠠᠭᠠᠳᠬᠤ ᠴᠤ ᠪᠣᠢ᠃ | ᠮᠡᠷᠭᠡ ᠬᠠᠶᠠᠬᠤ ᠳᠤ ᠵᠠᠰᠠᠵᠤ ᠠᠪᠤᠭᠰᠠᠨ ᠭᠤᠷᠪᠠᠨ ᠱᠠᠭᠠ ᠪᠠᠶᠢᠳᠠᠭ᠃ ᠶᠡᠬᠡᠴᠤᠤᠯ ᠨᠢ ᠡᠨᠡ ᠮᠡᠷᠭᠡ ᠶᠢᠨ | ᠱᠠᠭᠠ ᠪᠠᠨ ᠲᠤᠰᠬᠠᠢ ᠬᠠᠳᠠᠭ ᠪᠣᠶᠤ ᠳᠠᠪᠤᠤ ᠶᠠᠭᠤᠮᠠ ᠳᠤ ᠪᠤᠭᠤᠵᠤ ᠰᠠᠶᠢᠬᠠᠨ ᠬᠠᠳᠠᠭᠠᠯᠠᠳᠠᠭ ᠤᠴᠢᠷᠲᠠᠢ᠃ | ᠬᠡᠦᠭᠡᠳ ᠤᠳ ᠪᠣᠯ ᠠᠶᠠᠨ ᠳᠤ ᠶᠠᠪᠤᠭᠰᠠᠨ ᠠᠪᠤ ᠡᠰᠡᠭᠦᠯᠡ ᠭᠠᠳᠠᠭᠰᠢ ᠶᠠᠪᠤᠭᠰᠠᠨ ᠲᠥᠷᠦᠯ ᠰᠠᠳᠤᠨ ᠢᠶᠠᠨ | ᠬᠡᠳᠦᠢ ᠳᠤ ᠢᠷᠡᠬᠦ ᠪᠣᠯ ᠭᠡᠵᠦ ᠱᠠᠭᠠ ᠬᠠᠶᠠᠵᠤ ᠮᠡᠷᠭᠡ ᠲᠠᠯᠪᠢᠨ ᠨᠠᠭᠠᠳᠳᠠᠭ ᠴᠤ ᠪᠤᠢ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠢᠩᠭᠡ ᠪᠤᠳᠤᠭᠤᠯᠠᠭᠤᠯᠬᠤ | ᠡᠨᠡ ᠲᠤᠭᠯᠠᠭᠠᠮ ᠢ ᠬᠡᠳᠦᠢ ᠬᠦᠮᠦᠨ ᠨᠠᠭᠠᠳᠤᠭᠰᠠᠨ ᠴᠤ ᠪᠤᠯᠤᠨᠠ᠃ ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠬᠤ ᠬᠦᠮᠦᠰ | ᠤᠯᠠᠨ ᠱᠠᠭᠠ ᠪᠠᠨ ᠡᠮᠬᠢ ᠵᠢᠷᠦᠮ ᠲᠠᠢ ᠡᠭᠡᠯᠵᠢᠯᠡᠨ ᠬᠠᠶᠠᠵᠤ᠂ ᠮᠣᠷᠢ ᠪᠤᠰᠬᠠᠪᠠᠯ ᠠᠪᠴᠤ ᠬᠠᠶᠠᠬᠤ ᠳᠤ ᠪᠤᠰᠤᠭᠰᠠᠨ | ᠲᠡᠮᠡᠭᠡ ᠶᠢ ᠨᠢ ᠴᠣᠬᠢᠵᠤ ᠬᠤᠨᠢ ᠪᠣᠶᠤ ᠢᠮᠠᠭᠠ ᠪᠤᠯᠭᠠᠨᠠ᠃ ᠮᠣᠷᠢ ᠪᠤᠰᠬᠠᠪᠠᠯ ᠲᠠᠬᠢᠵᠤ ᠠᠪᠤᠨᠠ᠃ ᠲᠡᠮᠡᠭᠡ ᠪᠠᠨ | ᠨᠢᠭᠡ ᠯᠡ ᠲᠡᠭᠡᠷᠡ ᠴᠣᠬᠢᠵᠤ ᠤᠨᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯ ᠦᠷᠭᠦᠯᠵᠢᠯᠡᠨ ᠲᠡᠭᠦᠵᠦ ᠠᠪᠤᠭᠰᠠᠨ ᠮᠣᠷᠢ ᠪᠠᠷ ᠢᠶᠠᠨ | ᠴᠣᠬᠢᠵᠤ᠂ ᠠᠳᠬᠤᠨ ᠳᠤᠨᠢ ᠮᠣᠷᠢ ᠦᠭᠡᠢ ᠪᠣᠯᠪᠠᠯ ᠳᠠᠷᠠᠭᠠ ᠡᠭᠡᠯᠵᠢ ᠳᠤ ᠴᠣᠬᠢᠵᠤ᠂ ᠤᠨᠠᠭᠠᠭᠠ ᠦᠭᠡᠢ ᠲᠡᠮᠡᠭᠡᠨ ᠤ | ᠲᠤᠭᠠ ᠪᠠᠷ ᠱᠠᠭᠠ ᠪᠠᠨ ᠨᠦᠬᠦᠵᠦ ᠦᠭᠭᠦᠨᠡ᠃ ᠢᠩᠭᠢᠭᠡᠳ ᠬᠠᠶᠠᠵᠤ ᠪᠠᠶᠢᠭᠠ ᠱᠠᠭᠠ ᠶᠡᠷᠦ ᠴᠦᠬᠡᠷᠡᠭᠦ ᠦᠭᠡᠢ | ᠦᠷᠭᠦᠯᠵᠢᠳᠡ ᠤᠯᠠᠨ ᠬᠡᠪ ᠢᠶᠠᠷ ᠪᠠᠶᠢᠭᠠᠳ ᠪᠠᠶᠢᠳᠠᠭ ᠲᠤᠯᠠ ᠢᠩᠭᠡ ᠪᠤᠳᠤᠭᠤᠯᠠᠭᠤᠯᠬᠤ ᠭᠡᠵᠦ ᠬᠡᠯᠡᠳᠡᠭ᠃ ᠡᠭᠦᠨ ᠢ | ᠬᠡᠦᠬᠡᠳ ᠪᠠᠭᠠᠴᠤᠳ ᠪᠠ ᠶᠡᠬᠡᠴᠤᠤᠯ ᠪᠦᠷ ᠨᠠᠭᠠᠳᠤᠨᠠ᠃ ᠲᠡᠮᠡᠭᠡ ᠪᠠᠨ ᠡᠯᠪᠡᠭ ᠪᠠᠶᠠᠨ ᠥᠰᠬᠡᠨ ᠦᠷᠡᠵᠢᠭᠦᠯᠬᠦ ᠶᠢ | ᠪᠡᠯᠭᠡᠳᠡᠭᠰᠡᠨ ᠠᠭᠤᠯᠭᠠ ᠲᠠᠢ ᠨᠠᠭᠠᠳᠬᠤ ᠲᠤᠭᠯᠠᠭᠠᠮ ᠶᠤᠮ᠃ | | | | |