| ︽ᠵᠠ᠂ ᠮᠢᠨᠤ ᠬᠡᠤᠬᠡᠨ ᠠᠶᠢᠮᠠᠭ ᠤᠷᠤᠪᠠᠯ ᠡᠮᠡᠭᠡ ᠳᠤ ᠪᠠᠨ ᠨᠢᠬᠡ ᠵᠠᠬᠠ ᠨᠢᠽᠢᠨ ᠬᠦᠷᠮᠡ ᠠᠪᠤᠭᠠᠳ | ᠢᠷᠠ︾ ᠬᠡᠵᠤ 79 ᠨᠠᠰᠤᠲᠠᠢ ᠴᠢᠯᠠᠭᠤ ᠨᠠᠰᠤᠲᠠᠨ ᠤᠮᠪᠤᠯᠤ ᠦᠬᠢᠨ ᠲᠤᠷᠰᠢᠮᠠ ᠳᠤ ᠪᠠᠨ ᠮᠦᠩᠭᠦ ᠭᠠᠷᠳᠠᠭᠤᠯᠵᠤ | ᠪᠡᠯᠡᠭ ᠵᠠᠬᠢᠯᠠ᠃ ᠡᠴᠢᠨᠡᠬᠡᠨ ᠵᠢᠯ ᠬᠠᠮᠲᠤ ᠠᠮᠢᠳᠤᠷᠠᠭᠰᠠᠨ ᠴᠦ ᠬᠠᠨᠢ ᠢᠵᠢᠯᠢ ᠪᠠᠨ ᠠᠩᠬᠠᠨ ᠤ ᠬᠢ ᠰᠢᠭ ᠢᠶᠠᠨ | ᠬᠠᠶᠢᠷᠠᠯᠠᠵᠤ ᠪᠤᠳᠤᠵᠤ ᠶᠠᠪᠤᠭᠠ ᠨᠠᠰᠤᠲᠠᠨ ᠤ ᠡᠨᠡᠬᠦ ᠷᠤᠮᠠᠨᠲ᠋ᠢᠭ ᠦᠢᠯᠡ ᠶᠠᠪᠤᠳᠠᠯ ᠨᠢ ᠴᠤᠤᠷᠢᠶᠠ ᠲᠠᠪᠴᠠᠩ ᠢᠶᠠᠷ | ᠳᠠᠮᠵᠢᠨ ᠬᠦᠮᠦᠰ ᠤᠨ ᠠᠩᠬᠠᠷᠤᠯ ᠳᠤ ᠬᠦᠷᠴᠤ᠂ ᠬᠠᠷᠠᠭᠰᠠᠨ ᠰᠤᠨᠤᠰᠤᠭᠰᠠᠨ ᠪᠦᠬᠦᠨ ᠳᠤ ᠠᠮᠢᠳᠤᠷᠠᠯ ᠬᠠᠶᠢᠷᠠ | ᠳᠡᠭᠡᠷᠡ ᠲᠤᠭᠲᠠᠲᠠᠭ ᠬᠡᠬᠦ ᠶᠤᠰᠤ ᠤᠴᠢᠷ ᠢ ᠮᠡᠳᠡᠷᠡᠭᠦᠯᠵᠤ ᠪᠠᠶᠢᠨᠠ᠃ | ᠴᠢᠯᠠᠭᠤ ᠨᠠᠰᠤᠲᠠᠨ ᠪᠠ ᠵᠢᠩᠵᠤᠤᠷ ᠨᠠᠰᠤᠲᠠᠨ ᠪᠤᠯ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠪᠠᠶ᠋ᠬᠠᠭᠤᠯᠠ ᠰᠤᠮᠤᠨ ᠤ | ᠷᠠᠰᠢᠶᠠᠨᠪᠤᠯᠠᠭ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠲᠠᠢ ᠮᠠᠯᠴᠢᠨ᠃ ᠴᠢᠯᠠᠭᠤ ᠨᠠᠰᠤᠲᠠᠨ ᠡᠨᠡ ᠵᠢᠯ 79 ᠨᠠᠰᠤ᠂ ᠵᠢᠩᠵᠤᠤᠷ | ᠨᠠᠰᠤᠲᠠᠨ 74 ᠨᠠᠰᠤ ᠶᠢ ᠵᠤᠭᠤᠭᠯᠠᠵᠤ ᠶᠠᠪᠤᠨᠠ᠃ ᠬᠤᠶᠠᠷ ᠨᠠᠰᠤᠲᠠᠨ ᠬᠤᠪᠢ ᠵᠠᠶᠠᠭᠠ ᠪᠠᠨ ᠬᠤᠯᠪᠤᠨ ᠠᠶᠢᠯ ᠭᠡᠷ | ᠪᠤᠰᠬᠠᠭᠠᠳ ᠨᠢᠭᠡᠨᠲᠡ 55 ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠤ᠂ ᠳᠦᠷᠪᠡᠨ ᠬᠦᠤ ᠪᠠᠨ ᠠᠶᠢᠯ ᠭᠡᠷ ᠪᠤᠯᠭᠠᠨ ᠳᠦᠪᠬᠢᠨᠡᠬᠦᠯᠵᠤ | ᠂ ᠡᠳᠦᠬᠡ 6 ᠤᠮᠪᠤᠯᠤ 1 ᠳᠤᠮᠪᠤᠯᠤ ᠲᠠᠢ᠃ ᠨᠠᠰᠤᠲᠠᠨ ᠤ ᠬᠤᠶᠠᠷ ᠬᠦᠤ ᠨᠢ ᠬᠦᠳᠡᠭᠡ ᠳᠤ ᠪᠠᠨ ᠮᠠᠯᠴᠢᠨ ᠵᠠᠶᠠᠭᠠ | ᠲᠦᠰᠢᠵᠤ᠂ ᠬᠤᠶᠠᠷ ᠬᠦᠤ ᠨᠢ ᠬᠤᠲᠠ ᠳᠤ ᠠᠵᠢᠯ ᠠᠯᠪᠠ ᠲᠠᠢ ᠭᠢᠯᠠᠷᠠᠭᠤᠯᠵᠤ ᠶᠠᠪᠤᠨᠠ᠃ | | | | ᠡᠴᠢᠨᠡᠬᠡᠨ ᠵᠢᠯ ᠤᠨ ᠵᠢᠷᠭᠠᠯ ᠵᠤᠪᠠᠯᠠᠩ ᠢ ᠬᠠᠮᠲᠤ ᠲᠤᠭᠤᠯᠤᠭᠰᠠᠨ ᠬᠤᠶᠠᠷ ᠨᠠᠰᠤᠲᠠᠨ ᠭᠡᠷ ᠪᠦᠯᠢ ᠶᠢᠨ | ᠡᠶᠡ ᠨᠠᠶᠢᠷ ᠢ ᠳᠡᠭᠡᠳᠤᠯᠡᠨ᠂ ᠨᠢᠬᠡ ᠨᠢᠬᠡᠨ ᠢᠶᠠᠨ ᠦᠷᠬᠦᠯᠵᠢ ᠬᠠᠷᠠᠵᠤ ᠬᠠᠷᠠᠭᠠᠯᠵᠠᠨ᠂ ᠦᠷᠡ ᠬᠡᠤᠬᠡᠳ ᠤᠳ ᠲᠤ | ᠪᠠᠨ ᠳᠠᠭᠤᠷᠢᠶᠠᠯ ᠪᠤᠯᠵᠤ ᠶᠠᠪᠤᠭᠰᠠᠨ ᠠᠴᠠ ᠦᠷᠡ ᠬᠡᠤᠬᠡᠳ ᠤᠳ ᠨᠢ ᠴᠦ ᠠᠴᠢᠯᠠᠯ ᠡᠨᠡᠷᠢᠯ ᠢ ᠳᠡᠭᠡᠳᠤᠯᠡᠨ᠂ | ᠬᠤᠶᠠᠷ ᠨᠠᠰᠤᠲᠠᠨ ᠢᠶᠠᠨ ᠦᠲᠡᠯᠦᠬᠡ ᠨᠠᠰᠤᠨ ᠳᠤ ᠨᠢ ᠵᠢᠷᠭᠠᠭᠤᠯᠵᠤ ᠶᠠᠪᠤᠨᠠ᠃ ᠴᠢᠯᠠᠭᠤ ᠨᠠᠰᠤᠲᠠᠨ ᠬᠠᠨᠢ ᠳᠤ ᠪᠠᠨ | ᠵᠢᠯ ᠪᠤᠯᠭᠠᠨ ᠲᠦᠷᠦᠭᠰᠡᠨ ᠡᠳᠦᠷ ᠢ ᠨᠢ ᠪᠡᠯᠬᠡᠯᠡᠨ ᠦᠭᠴᠦ᠂ ᠬᠠᠨᠢ ᠪᠠᠨ ᠪᠠᠶᠠᠰᠬᠠᠳᠠᠭ᠃ ᠵᠢᠩᠵᠤᠤᠷ ᠨᠠᠰᠤᠲᠠᠨ ᠴᠦ | ᠬᠠᠨᠢ ᠪᠠᠨ ᠡᠪᠡᠳᠴᠤ ᠵᠤᠪᠠᠵᠤ ᠪᠠᠶᠢᠬᠤ ᠳᠤ ᠨᠢ ᠬᠠᠵᠠᠭᠤ ᠠᠴᠠ ᠨᠢ ᠲᠦᠬᠡ ᠰᠠᠯᠤᠯ ᠦᠬᠡᠢ᠂ ᠨᠤᠶᠢᠷ ᠬᠤᠭᠤᠯᠠ | ᠪᠠᠨ ᠤᠮᠠᠷᠳᠠᠨ ᠬᠠᠷᠠᠭᠠᠯᠵᠠᠵᠤ ᠪᠠᠶᠢᠪᠠ᠃ ᠵᠢᠩᠵᠤᠤᠷ ᠨᠠᠰᠤᠲᠠᠨ ᠬᠠᠨᠢ ᠪᠠᠨ ᠬᠡᠳᠤᠨ ᠴᠠᠭ ᠲᠤ ᠶᠠᠮᠠᠷ ᠡᠮ | ᠤᠤᠭᠤᠬᠤ ᠶᠢ ᠨᠢ ᠶᠡᠷᠤ ᠠᠴᠠ ᠠᠨᠳᠠᠳᠠᠭ ᠦᠬᠡᠢ᠂ ᠦᠪᠡᠷ ᠤᠨ ᠪᠡᠶᠡ ᠠᠴᠠ ᠪᠠᠨ ᠢᠯᠡᠬᠦᠤ ᠪᠤᠳᠤᠵᠤ ᠶᠠᠪᠤᠳᠠᠭ ᠲᠤ | ᠨᠢ ᠴᠢᠯᠠᠭᠤ ᠨᠠᠰᠤᠲᠠᠨ ᠦᠷᠬᠦᠯᠵᠢ ᠪᠠᠶᠠᠷᠯᠠᠵᠤ ᠲᠠᠯᠠᠷᠬᠠᠳᠠᠭ᠃ | | | | ᠤᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠴᠢᠯᠠᠭᠤ ᠨᠠᠰᠤᠲᠠᠨ ᠵᠠᠯᠠᠭᠤ ᠭᠠᠩᠭᠠᠩ ᠨᠠᠰᠤᠨ ᠠᠴᠠ ᠪᠠᠨ ᠨᠤᠲᠤᠭ ᠤᠰᠤᠨ ᠳᠤ | ᠪᠠᠨ ᠨᠡᠷᠡᠲᠡᠢ ᠰᠠᠶᠢᠨ ᠠᠳᠤᠭᠤᠴᠢᠨ ᠪᠠᠶᠢᠭᠰᠠᠨ ᠭᠡᠯᠲᠡᠢ᠂ ᠤᠳᠤ ᠨᠠᠰᠤᠲᠠᠨ ᠬᠡᠳᠤᠶᠢᠪᠡᠷ ᠡᠪᠡᠳᠴᠢᠨ ᠤ ᠰᠢᠯᠲᠠᠭᠠᠨ | ᠠᠴᠠ ᠪᠤᠯᠵᠤ ᠬᠦᠷᠳᠦᠳᠦ ᠰᠠᠨᠳᠠᠯᠢ ᠳᠤ ᠰᠠᠭᠤᠬᠤ ᠪᠤᠯᠤᠭᠰᠠᠨ ᠴᠦ ᠮᠦᠨ ᠯᠡ ᠠᠮᠢᠳᠤᠷᠠᠯ ᠢᠶᠠᠨ ᠬᠠᠶᠢᠷᠠᠯᠠᠨ | ᠨᠠᠨᠳᠢᠩᠨᠠᠵᠤ ᠶᠠᠪᠤᠳᠠᠭ ᠤᠷᠬᠢᠯᠤᠮᠠ ᠬᠠᠯᠠᠭᠤᠨ ᠰᠡᠳᠬᠢᠯ ᠲᠠᠢ ᠨᠢᠬᠡᠨ ᠪᠢᠯᠡ᠃ | ᠠᠮᠢᠳᠤᠷᠠᠯ ᠬᠠᠶᠢᠷᠠ ᠳᠡᠭᠡᠷᠡ ᠲᠤᠭᠲᠠᠲᠠᠭ ᠭᠡᠳᠡᠭᠴᠢᠯᠡᠨ᠂ ᠬᠤᠶᠠᠷ ᠨᠠᠰᠤᠲᠠᠨ ᠮᠠᠨᠢ ᠡᠴᠢᠨᠡᠬᠡᠨ ᠵᠢᠯ ᠤᠨ | ᠲᠤᠷᠰᠢ ᠬᠠᠷᠢᠯᠴᠠᠨ ᠪᠡᠶᠡ ᠪᠡᠶᠡᠨ ᠢᠶᠠᠨ ᠬᠦᠨᠳᠦᠯᠡᠵᠤ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠢᠶᠠᠷ ᠦᠨᠦᠳᠦᠷ ᠤᠨ ᠵᠢᠷᠭᠠᠯᠲᠤ | ᠠᠮᠢᠳᠤᠷᠠᠯ ᠢᠶᠠᠨ ᠪᠤᠰᠬᠠᠵᠤ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠦᠷᠡ ᠬᠡᠤᠬᠡᠳ ᠤᠳᠲ᠋ᠣ ᠪᠠᠨ ᠳᠠᠭᠤᠷᠢᠶᠠᠯ ᠪᠤᠯᠵᠤ᠂ | ᠦᠲᠡᠯᠦᠬᠡ ᠨᠠᠰᠤ ᠪᠠᠨ ᠪᠠᠶᠠᠷ ᠵᠢᠷᠭᠠᠯ ᠲᠠᠢ ᠦᠩᠭᠡᠷᠡᠭᠦᠯᠵᠤ ᠶᠠᠪᠤᠭᠠ ᠬᠤᠶᠠᠷ ᠪᠤᠭᠤᠷᠤᠯ ᠳᠤ ᠪᠠᠨ ᠡᠷᠡᠭᠦᠯ ᠡᠩᠭᠡ | ᠰᠠᠶᠢᠨ ᠰᠠᠶᠢᠬᠠᠨ ᠪᠦᠬᠦᠨ ᠢ ᠬᠦᠰᠡᠨ ᠵᠦᠩᠨᠡᠶᠡ︕ | | | | | | | | |