| ︽ᠠᠵᠢᠯᠴᠢ ᠠᠶᠢᠯ ᠢ ᠠᠷᠭᠠᠯ ᠠᠴᠠ ᠨᠢ︾ ᠭᠡᠳᠡᠭᠴᠢᠯᠡᠨ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠮᠠᠨᠳᠠᠯᠲᠤ | ᠪᠠᠯᠭᠠᠰᠤᠨ ᠤ ᠪᠠᠶᠠᠠᠨᠠᠭᠤᠷ ᠭᠠᠴᠠᠭᠠᠨ ᠤ ᠠᠵᠢᠯᠴᠢ ᠪᠦᠰᠡᠬᠦᠢ ᠤᠨᠳᠤᠷᠭᠤᠸᠠ᠂ ᠨᠦᠬᠦᠷ ᠭᠤ᠂ ᠴᠡᠷᠡᠩᠳᠤᠷᠵᠢ ᠲᠠᠢ | ᠪᠠᠨ ᠬᠤᠶᠠᠭᠤᠯᠠ ᠠᠷᠭᠠᠯ ᠢ ᠭᠤᠶᠢᠳᠠ ᠰᠠᠶᠢᠬᠠᠨ ᠤᠷᠠᠯᠠᠨ ᠬᠤᠷᠢᠶᠠᠳᠠᠭ᠃ | ᠤᠨᠳᠤᠷᠭᠤᠸᠠ ᠬᠤᠷᠢᠶᠠᠭᠰᠠᠨ ᠠᠷᠭᠠᠯ ᠤᠨ ᠢᠶᠠᠨ ᠡᠩᠭᠡᠷ ᠲᠠᠯᠠ ᠳᠤᠨᠢ ᠦᠯᠵᠡᠢ ᠵᠠᠩᠭᠢᠶᠠ ᠪᠠ ᠲᠤᠯᠭᠠ | ᠶᠢᠨ ᠵᠢᠷᠤᠭ ᠳᠦᠷᠰᠤ ᠵᠢᠴᠢ ︽ᠵᠡᠬᠦᠨ ᠰᠦᠨᠢᠳ︾ ᠬᠡᠮᠡᠬᠦ ᠦᠰᠦᠭ ᠢ ᠬᠦᠷᠵᠡᠩ ᠢᠶᠠᠷ ᠮᠠᠰᠢ ᠨᠠᠷᠢᠯᠢᠭ ᠰᠠᠶᠢᠬᠠᠨ | ᠵᠢᠭᠢᠷᠢᠭᠯᠡᠵᠤ ᠭᠠᠷᠭᠠᠭᠰᠠᠨ ᠨᠢ ᠤᠨᠴᠠ ᠶᠢᠨ ᠦᠵᠡᠮᠦᠷᠢᠲᠡᠢ ᠬᠠᠷᠠᠭᠳᠠᠨᠠ᠃ ᠡᠬᠦᠨ ᠤ ᠬᠠᠮᠲᠤ᠂ ᠲᠠᠪᠤᠨ ᠬᠤᠰᠢᠭᠤ | ᠮᠠᠯ ᠤᠨ ᠢᠶᠠᠨ ᠢᠯᠭᠠᠳᠠᠰᠤ ᠶᠢ ᠮᠠᠯ ᠤᠨ ᠲᠦᠷᠦᠯ ᠢᠶᠠᠷ ᠨᠢ ᠠᠩᠭᠢᠯᠠᠵᠤ᠂ ᠤᠯᠠᠭᠠᠨ᠂ ᠬᠦᠬᠡ᠂ ᠴᠠᠭᠠᠨ᠂ ᠬᠠᠷᠠ᠂ | ᠬᠠᠯᠲᠠᠷ ᠦᠩᠭᠡ ᠳᠤ ᠬᠤᠪᠢᠶᠠᠨ ᠪᠤᠰᠤᠭᠠ ᠬᠡᠯᠪᠡᠷᠢ ᠲᠠᠢ ᠴᠤᠩᠬᠤᠪᠴᠢᠯᠠᠨ ᠬᠤᠷᠢᠶᠠᠵᠤ᠂ ᠲᠤᠲᠤᠷᠠ ᠨᠢ ᠠᠷᠭᠠᠯ | ᠵᠢᠭᠢᠷᠢᠭᠯᠡᠨ ᠬᠤᠷᠢᠶᠠᠭᠰᠠᠨ ᠪᠠᠶᠢᠨᠠ᠃ | | | | ᠤᠨᠳᠤᠷᠭᠤᠸᠠ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠵᠢᠯ ᠬᠦᠳᠡᠯᠮᠤᠷᠢ ᠳᠤ ᠪᠠᠭ᠋ᠠᠲᠠᠢ ᠪᠠᠶᠢᠵᠤ᠂ ᠡᠮᠡᠭᠡ ᠡᠵᠢ | ᠶᠢᠨ ᠢᠶᠠᠨ ᠨᠦᠯᠦᠬᠡ ᠪᠠᠷ ᠠᠷᠭᠠᠯ ᠢᠶᠠᠨ ᠲᠦᠭᠦᠷᠢᠭ᠂ ᠪᠦᠮᠪᠦᠭᠡᠷ ᠬᠡᠯᠪᠡᠷᠢ ᠲᠠᠢ ᠬᠤᠷᠢᠶᠠᠳᠠᠭ᠃ ᠡᠨᠡ ᠨᠢ ᠡᠪᠤᠯ ᠤᠨ | ᠴᠠᠰᠤ ᠰᠢᠭᠤᠷᠭᠠᠨ ᠳᠤ ᠳᠠᠷᠤᠭᠳᠠᠬᠤ ᠦᠬᠡᠢ᠂ ᠬᠠᠪᠤᠷ ᠤᠨ ᠡᠯᠡᠰᠤ ᠰᠢᠷᠤᠢ ᠳᠤ ᠪᠤᠯᠠᠭᠳᠠᠬᠤ ᠦᠬᠡᠢ ᠳᠠᠪᠠᠭᠤᠯᠢᠭ | ᠲᠠᠯᠠ ᠲᠠᠢ ᠬᠡᠵᠤ ᠲᠡᠷᠡ ᠤᠴᠢᠷᠯᠠᠨᠠ᠃ ᠤᠨᠳᠤᠷᠭᠤᠸᠠ ᠶᠢᠨ ᠬᠤᠷᠢᠶᠠᠵᠤ ᠵᠢᠭᠢᠷᠢᠭᠯᠡᠭᠰᠡᠨ ᠠᠷᠭᠠᠯ ᠤᠨ ᠶᠡᠭᠡ ᠪᠠᠭᠠ | ᠨᠢ 5 ᠬᠠᠨᠠ ᠪᠤᠶᠤ 6 ᠬᠠᠨᠠ ᠲᠠᠢ ᠮᠤᠩᠭᠤᠯ ᠭᠡᠷ ᠤᠨ ᠪᠠᠭᠤᠷᠢ ᠶᠢᠨ ᠴᠢᠨᠡᠭᠡ ᠪᠠᠶᠢᠵᠤ᠂ ᠬᠠᠮᠤᠭ ᠤᠯᠠᠨ ᠳᠤ ᠪᠠᠨ | 13 ᠳᠠᠯᠠᠩ ᠬᠤᠷᠢᠶᠠᠯᠲᠠ ᠲᠠᠢ ᠠᠷᠭᠠᠯ ᠪᠠᠶᠢᠳᠠᠭ᠃ | | | | | ᠦᠢᠯᠡ ᠤᠶᠤᠳᠠᠯ ᠳᠤ ᠴᠦ ᠭᠠᠷᠮᠠᠭᠠᠢ ᠪᠠᠶᠢᠳᠠᠭ ᠲᠡᠷᠡᠪᠡᠷ ᠳᠡᠪᠡᠯ ᠬᠤᠪᠴᠠᠰᠤ ᠶᠢ ᠡᠪ ᠲᠦᠢ ᠲᠠᠢ᠂ | ᠪᠡᠶᠡ ᠳᠤ ᠳᠤᠬᠢᠷᠠᠮᠵᠢᠲᠠᠢ ᠰᠠᠶᠢᠬᠠᠨ ᠤᠶᠤᠳᠠᠭ᠃ ᠬᠠᠳᠬᠤᠮᠠᠯ᠂ ᠰᠢᠷᠢᠮᠡᠯ ᠲᠤᠭᠤᠷᠢᠭᠤᠯᠭᠠ ᠪᠠ ᠰᠢᠷᠢᠳᠡᠭ ᠤᠨ ᠬᠡ | ᠤᠭᠠᠯᠵᠠ ᠶᠢ ᠡᠪᠲᠡᠢ ᠰᠠᠶᠢᠬᠠᠨ ᠭᠠᠷᠭᠠᠵᠤ᠂ ᠬᠠᠰᠢᠶᠠ ᠬᠦᠷᠢᠶᠡᠨ ᠤ ᠤᠭᠤᠰᠤᠷ ᠪᠦᠴᠡ᠂ ᠤᠨᠢᠨ ᠤ ᠰᠡᠭᠡᠯᠳᠤᠷᠬᠡ | ᠵᠡᠷᠭᠡ ᠪᠦᠬᠦ ᠵᠤᠶᠢᠯ ᠢᠶᠠᠨ ᠦᠪᠡᠷ ᠢᠶᠠᠨ ᠤᠷᠠᠯᠠᠨ ᠰᠢᠷᠢᠵᠤ᠂ ᠠᠯᠢ ᠤᠯᠠᠨ ᠠᠵᠢᠯ ᠢ ᠪᠦᠷ ᠦᠪᠡᠷ ᠢᠶᠠᠨ | ᠠᠮᠵᠢᠭᠤᠯᠴᠢᠬᠠᠳᠠᠭ᠃ | | | ᠤᠨᠳᠤᠷᠭᠤᠸᠠ᠄ ︽ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠠᠷᠤᠭ ᠶᠠᠰᠤ ᠠᠴᠠ ᠨᠢ ᠠᠷᠭᠠᠯ ᠳᠤ ᠨᠢ ᠬᠦᠷᠲᠡᠯᠡ | ᠡᠷᠳᠡᠨᠢ ᠪᠠᠶᠢᠳᠠᠭ᠂ ᠠᠷᠭᠠᠯ ᠢᠶᠠᠨ ᠰᠠᠶᠢᠬᠠᠨ ᠬᠤᠷᠢᠶᠠᠨᠠ ᠭᠡᠳᠡᠭ ᠨᠢ ᠮᠦᠨᠴᠦ ᠨᠠᠷᠢᠨ ᠬᠦᠳᠡᠯᠮᠤᠷᠢ᠂ ᠬᠦᠮᠦᠨ ᠶᠡᠷᠤᠨᠢ | ᠬᠦᠳᠡᠯᠮᠤᠷᠢ ᠶᠢᠨ ᠳᠤᠮᠳᠠ ᠪᠠᠶᠠᠷ ᠪᠠᠶᠠᠰᠤᠯ ᠢ ᠤᠯᠵᠤ ᠬᠦᠷᠲᠡᠲᠡᠭ᠃ ᠠᠷᠭᠠᠯ ᠬᠦᠷᠵᠡᠩ ᠢᠶᠠᠨ ᠬᠤᠷᠢᠶᠠᠬᠤ ᠡᠨᠡᠬᠦ | ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢᠯᠡ ᠪᠠᠨ ᠦᠷᠬᠦᠯᠵᠢᠯᠡᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ᠂ ᠬᠡᠤᠬᠡᠳ ᠳᠡᠬᠦᠤᠨᠡᠷ ᠲᠤ ᠪᠠᠨ | ᠳᠠᠭᠤᠷᠢᠶᠠᠯ ᠪᠤᠯᠬᠤ ᠪᠠᠷ ᠴᠢᠷᠮᠠᠶᠢᠨᠠ ᠳ᠋ᠠ︾ ᠬᠡᠵᠤ ᠤᠷᠮᠠᠲᠠᠢ ᠶᠠᠷᠢᠵᠤ ᠪᠠᠶᠢᠯᠠ᠃ | |