| ᠡᠷᠬᠡ ᠴᠢᠯᠦᠭᠡᠨ ᠤ ᠵᠠᠶᠢᠨ ᠳᠤ | ᠰᠢᠵᠢᠷᠴᠡᠴᠡᠭ | ᠰᠤᠯᠤᠩᠭᠠ ᠲᠠᠳᠠᠬᠤ ᠠᠭᠱᠠᠨ ᠰᠢᠭ᠋ | ᠡᠷᠬᠡ ᠴᠢᠯᠦᠭᠡᠨ ᠤ ᠵᠠᠶᠢᠨ ᠳᠤ | ᠰᠤᠮᠤᠨ ᠬᠤᠷᠳᠤᠨ ᠬᠦᠯᠦᠭ ᠰᠢᠭ | ᠠᠮᠠᠭᠠᠢ ᠵᠢᠯᠤᠭᠤ ᠦᠭᠡᠢ ᠲᠠᠪᠬᠢᠬᠤ ᠰᠠᠶᠢᠬᠠᠨ | ᠰᠤᠷᠮᠤᠤᠰᠤᠨ ᠴᠠᠭᠠᠨᠠ ᠪᠠᠨ ᠨᠢᠭᠤᠳᠠᠭ | ᠨᠢᠯᠪᠤᠰᠤ ᠮᠢᠨᠢ | ᠰᠤᠪᠤᠳᠤᠨ ᠡᠷᠢᠬᠡ ᠲᠠᠰᠤᠷᠠᠬᠤ ᠰᠢᠭ᠋ ᠨᠢ | ᠡᠷᠬᠡ ᠴᠢᠯᠦᠭᠡ ᠰᠢᠭ ᠢᠶᠠᠨ ᠰᠠᠶᠢᠬᠠᠨ | ᠰᠢᠭᠦᠳᠡᠷᠢ ᠶᠢᠨ ᠣᠰᠤ ᠨᠠᠪᠴᠢᠨ ᠳᠡᠭᠡᠷᠡ ᠳᠤᠭᠳᠠᠨ ᠪᠦᠩᠵᠢᠩᠨᠡᠬᠦ ᠨᠢ | ᠡᠷᠡᠭᠦᠯ ᠤᠬᠠᠭᠠᠨ ᠰᠢᠭ᠋ ᠢᠶᠠᠨ ᠰᠠᠶᠢᠠᠬᠠᠨ | ᠰᠦᠨᠢ ᠶᠢᠨ ᠰᠠᠷᠠᠨ ᠳᠤ ᠳᠤᠷᠠᠯᠠᠯ ᠠᠰᠠᠬᠤ ᠨᠢ | ᠡᠵᠡᠨ ᠬᠦᠮᠦᠨ ᠰᠢᠭ ᠢᠶᠠᠨ ᠰᠠᠶᠢᠠᠬᠠᠨ | ᠡᠭᠡᠮᠦᠭ ᠵᠡᠭᠦᠯᠳᠡ ᠪᠠᠨ ᠲᠠᠶᠢᠯᠤᠨ | ᠬᠠᠨᠢ ᠪᠠᠨ ᠬᠦᠯᠢᠶᠡᠬᠦ ᠳᠤ | ᠡᠷᠬᠡ ᠴᠢᠯᠦᠭᠡ ᠭᠡᠷᠡᠯ ᠪᠤᠯᠵᠤ ᠠᠰᠠᠨᠠ | ᠡᠩᠭᠡᠷ ᠤᠨ ᠳᠤᠪᠴᠢ ᠪᠠᠨ ᠠᠯᠳᠠᠷᠠᠭᠠᠨ | ᠦᠷᠡ ᠪᠠᠨ ᠭᠦᠬᠦᠭᠦᠯᠬᠦ ᠳᠤ | ᠡᠷᠬᠡ ᠴᠢᠯᠦᠭᠡ ᠡᠵᠢ ᠶᠢᠨ ᠮᠢᠨᠢ ᠬᠠᠷᠠᠴᠠ ᠰᠢᠭ᠋ ᠮᠡᠯᠮᠡᠷᠡᠨᠡ | ᠡᠭᠦᠯᠡ ᠨᠠᠷᠠᠨ ᠤ ᠴᠢᠯᠦᠭᠡᠨ ᠳᠤ | ᠰᠢᠪᠠᠭᠤᠳ ᠳᠡᠭᠦᠯᠢᠬᠦ ᠳᠤ | ᠡᠷᠬᠡ ᠴᠢᠯᠦᠭᠡ ᠠᠮᠤᠭᠤᠯᠠᠩ ᠪᠠᠭᠤᠴᠠ ᠰᠢᠭ᠋ ᠳᠤᠨᠢᠶ᠋ᠷᠳᠤᠨᠠ | ᠦᠦᠷ ᠰᠦᠨᠢ ᠶᠢᠨ ᠬᠤᠭᠤᠷᠤᠨᠳᠤ | ᠨᠤᠭᠤᠭᠠ ᠤᠷᠭᠤᠬᠤ ᠳᠤ | ᠡᠷᠬᠡ ᠴᠢᠯᠦᠭᠡ ᠡᠬᠡ ᠤᠷᠤᠨ ᠤ ᠮᠢᠨᠢ ᠠᠨᠢᠷ ᠪᠤᠯᠵᠤ ᠳᠤᠶᠠᠭᠠᠷᠠᠨᠠ | ᠰᠠᠶᠢᠬᠠᠨ ᠪᠦᠬᠦᠨ ᠳᠡᠷᠭᠡᠳᠡ ᠠᠴᠠ ᠮᠢᠨᠢ ᠡᠬᠢᠯᠡᠵᠦ ᠪᠠᠶᠢᠨᠠ | ᠰᠠᠶᠢᠬᠠᠨ ᠡᠷᠬᠡ ᠴᠢᠯᠦᠭᠡ ᠦᠪᠡᠷ ᠠᠴᠠ ᠮᠢᠨᠢ ᠳᠡᠯᠭᠡᠷᠡᠵᠦ ᠪᠠᠶᠢᠨᠠ | ᠴᠠᠭ ᠬᠤᠭᠤᠴᠠᠭᠠ ᠲᠠᠢ ᠪᠠᠨ ᠪᠢ | ᠡᠷᠬᠡ ᠴᠢᠯᠦᠭᠡ ᠰᠢᠭ ᠪᠠᠨ ᠠᠭᠤᠰᠴᠤ ᠪᠠᠶᠢᠨᠠ | ᠴᠠᠢ ᠪᠠᠨ ᠪᠢ ᠰᠠᠮᠤᠷᠴᠤ ᠪᠠᠶᠢᠬᠤ ᠰᠢᠭ᠋ | ᠡᠷᠬᠡ ᠴᠢᠯᠦᠭᠡ ᠵᠦᠭ ᠠᠰᠬᠠᠷᠠᠵᠤ ᠪᠠᠶᠢᠨᠠ | ᠰᠤᠯᠤᠩᠭᠠᠷᠠᠨ ᠭᠡᠷᠡᠯᠳᠦᠬᠦ ᠡᠷᠬᠡ ᠴᠢᠯᠦᠭᠡ ᠶᠢ | ᠬᠤᠷᠠ ᠲᠠᠢ ᠨᠢ ᠪᠢ ᠬᠦᠰᠡᠳᠡᠭ | ᠰᠤᠮᠤᠳᠠᠨ ᠳᠠᠪᠬᠢᠬᠤ ᠬᠦᠯᠦᠭ ᠮᠤᠷᠢᠳ ᠢ | ᠬᠤᠷᠳᠤ ᠲᠠᠢ ᠨᠢ ᠪᠠᠶᠢᠬᠤ ᠶᠢ ᠬᠦᠰᠡᠳᠡᠭ | ᠡᠷᠬᠡ ᠴᠢᠯᠦᠭᠡ ᠦᠪᠡᠷ ᠢᠶᠠᠨ | ᠡᠵᠡᠨ ᠲᠠᠢ ᠪᠠᠨ ᠪᠠᠶᠢᠬᠤ ᠶᠢ ᠬᠦᠰᠡᠳᠡᠭ | ᠡᠩᠭᠦᠷᠡᠢ ᠦᠷᠡ ᠳᠡᠭᠡᠨ ᠡᠵᠢ ᠨᠢ | ᠡᠷᠬᠡ ᠴᠢᠯᠦᠭᠡ ᠰᠢᠭ ᠢᠶᠠᠨ ᠪᠠᠶᠢᠬᠤ ᠶᠢ ᠬᠦᠰᠡᠳᠡᠭ ᠡ | |