ᠰᠦᠨᠢᠳ ᠲᠤ ᠴᠠᠭᠠᠨ ᠬᠠᠳᠠ᠂ ᠦᠬᠡᠷ ᠴᠢᠯᠠᠭᠤ ᠶᠢ ᠲᠠᠬᠢᠳᠠᠭ ᠪᠠᠶᠢᠵᠠᠢ᠃ ᠬᠠᠳᠠ ᠲᠠᠬᠢᠬᠤ ᠨᠢ | ᠣᠪᠣᠭᠠᠨ ᠲᠠᠬᠢᠯᠭᠠ ᠲᠠᠢ ᠠᠳᠠᠯᠢ᠃ ᠦᠷᠭᠡᠨ ᠬᠡᠪᠴᠢᠶᠡᠨ ᠤ ᠨᠠᠶᠢᠷ ᠬᠢᠳᠡᠭ ᠦᠭᠡᠢ᠂ ᠵᠦᠪᠬᠡᠨ ᠬᠠᠳᠠ ᠴᠢᠯᠠᠭᠤ | ᠲᠠᠬᠢᠳᠠᠭ ᠠᠶᠢᠯ ᠡᠷᠦᠬᠡ ᠨᠢ ᠣᠴᠢᠵᠤ ᠲᠠᠬᠢᠬᠤ ᠶᠣᠰᠤ ᠶᠢ ᠭᠦᠢᠴᠡᠳᠭᠡᠳᠡᠭ᠃ | ᠪᠣᠷᠤᠭᠠᠨ ᠬᠤᠷᠠ ᠭᠤᠶᠤᠬᠤ᠂ ᠬᠦᠰᠡᠬᠦ᠂ ᠡᠩᠬᠡ ᠲᠤᠩᠬᠠ ᠶᠢ ᠪᠡᠯᠭᠡᠳᠡᠵᠦ᠂ ᠬᠠᠳᠠ ᠴᠢᠯᠠᠭᠤ ᠶᠢ | ᠲᠠᠬᠢᠵᠤ ᠰᠢᠳᠦᠳᠡᠭ ᠪᠠᠶᠢᠵᠠᠢ᠃ ᠰᠢᠯᠢ ᠶᠢᠨ ᠴᠠᠭᠠᠨ ᠣᠪᠣᠭᠠᠨ ᠤ ᠬᠤᠶᠢᠨᠠ ᠪᠠᠶᠢᠭᠠ ᠴᠠᠭᠠᠨ ᠬᠠᠳᠠᠨ ᠳᠡᠭᠡᠷᠡ | ᠬᠦᠮᠦᠰ ᠣᠪᠣᠭᠠ ᠲᠠᠬᠢᠬᠤ ᠡᠳᠦᠷ ᠣᠴᠢᠵᠤ ᠰᠠᠩ ᠲᠠᠯᠪᠢᠵᠤ ᠢᠳᠡᠭᠡ ᠵᠠᠰᠠᠨ ᠲᠠᠬᠢᠭᠠᠳ᠂ ᠲᠡᠷᠡ ᠬᠠᠳᠠᠨ ᠤ | ᠳᠡᠷᠭᠡᠳᠡ ᠠᠴᠠ ᠣᠪᠣᠭᠠ ᠬᠦᠷᠲᠡᠯᠡ ᠮᠣᠷᠢ ᠤᠷᠤᠯᠳᠤᠭᠤᠯᠵᠤ ᠲᠡᠷᠢᠭᠦᠨ ᠮᠣᠷᠢ ᠳᠤᠨᠢ ᠱᠠᠩ ᠣᠯᠭᠤᠳᠠᠭ ᠪᠠᠶᠢᠪᠠ᠃ | ᠬᠠᠳᠠ ᠲᠠᠬᠢᠬᠤ ᠳᠠᠭᠠᠨ ᠬᠠᠳᠠᠨ ᠤ ᠡᠮᠦᠨᠡ ᠰᠠᠩ ᠲᠠᠯᠪᠢᠵᠤ ᠴᠠᠭᠠᠨ ᠢᠳᠡᠭᠡ ᠵᠠᠰᠠᠨ ᠬᠠᠳᠠᠨ ᠳᠠᠭᠠᠨ | ᠮᠦᠷᠭᠦᠳᠡᠭ᠃ ᠪᠠᠰᠠ ᠵᠠᠷᠢᠮ ᠠᠶᠢᠯ ᠬᠠᠳᠠ ᠪᠠᠨ ᠪᠦᠬᠦᠯᠢ ᠰᠢᠭᠦᠰᠦ ᠪᠠᠷ ᠲᠠᠬᠢᠳᠠᠭ ᠴᠤ ᠪᠣᠢ᠃ ᠬᠠᠳᠠ ᠲᠠᠬᠢᠬᠤ ᠳᠤ | ᠮᠣᠷᠢ ᠤᠷᠤᠯᠳᠤᠭᠤᠯᠵᠤ ᠪᠦᠬᠡ ᠪᠠᠷᠢᠯᠳᠤᠨ᠂ ᠨᠠᠶᠢᠷ ᠬᠢᠳᠡᠭ ᠦᠭᠡᠢ᠃ ᠵᠦᠪᠬᠡᠨ ᠴᠠᠭᠠᠨ ᠬᠠᠳᠠ ᠶᠢ ᠲᠠᠬᠢᠬᠤ ᠳᠤ | ᠯᠡ ᠮᠣᠷᠢ ᠤᠷᠤᠯᠳᠤᠭᠤᠯᠵᠤ ᠪᠠᠶᠢᠵᠠᠢ᠃ ᠬᠠᠳᠠ ᠲᠠᠬᠢᠬᠤ ᠳᠤ ᠪᠠᠰᠠ ᠲᠤᠭᠲᠠᠭᠰᠠᠨ ᠡᠳᠦᠷ ᠲᠠᠢ᠃ ᠮᠦᠨ ᠵᠤᠨ ᠤ | ᠬᠤᠭᠤᠴᠠᠭᠠ ᠪᠤᠯᠪᠠᠯ ᠲᠠᠬᠢᠳᠠᠭ ᠠᠶᠢᠯ ᠨᠢ ᠬᠠᠳᠠ ᠪᠠᠨ ᠲᠠᠬᠢᠵᠤ ᠭᠡᠷ ᠲᠡᠭᠡᠨ ᠬᠠᠷᠢᠳᠠᠭ᠃ ᠲᠠᠬᠢᠳᠠᠭ ᠬᠠᠳᠠᠨ ᠳᠠᠭᠠᠨ | ᠮᠠᠯ ᠰᠡᠳᠡᠷᠯᠡᠬᠦ ᠴᠤ ᠪᠣᠢ᠃ | ᠴᠢᠩᠭᠢᠰ ᠪᠣᠭᠳᠠ ᠶᠢᠨ ᠮᠤᠷᠢᠨ ᠤ ᠤᠶᠠᠭᠠ ᠭᠡᠰᠡᠨ ᠳᠤᠮᠤᠭ ᠲᠠᠢ ᠭᠤᠷᠪᠠᠨ ᠬᠦᠰᠢᠶᠡ ᠴᠢᠯᠠᠭᠤ ᠶᠢ | ᠲᠠᠬᠢᠵᠤ ᠪᠠᠶᠢᠵᠠᠢ᠃ ᠮᠣᠷᠢᠨ ᠤ ᠤᠶᠠᠭᠠ ᠭᠡᠵᠦ ᠵᠤᠬᠢᠶᠠᠵᠤ ᠪᠤᠰᠬᠠᠭᠰᠠᠨ ᠭᠤᠷᠪᠠᠨ ᠬᠦᠰᠢᠶᠡ ᠴᠢᠯᠠᠭᠤᠨ ᠳᠤ | ᠬᠤᠨᠢᠨ ᠤ ᠤᠩᠭᠠᠰᠤ ᠪᠠᠷ ᠲᠠᠮᠤᠭᠰᠠᠨ ᠵᠡᠯᠡ ᠲᠠᠲᠠᠵᠤ᠂ ᠵᠡᠯᠡ ᠠᠴᠠ ᠨᠢ ᠬᠠᠵᠠᠭᠠᠷ᠂ ᠨᠣᠭᠲᠣ᠂ ᠴᠢᠳᠦᠷ᠂ | ᠬᠤᠷᠠᠭᠠᠨ ᠤ ᠬᠦᠬᠡᠨᠡ ᠤᠶᠠᠭᠰᠠᠨ ᠪᠠᠶᠢᠳᠠᠭ᠃ ᠨᠡᠯᠢᠶᠡᠳ ᠳᠡᠭᠡᠷᠡ ᠦᠶᠡ ᠳᠤ ᠭᠤᠷᠪᠠᠨ ᠰᠠᠷᠠ ᠳᠤ ᠴᠢᠩᠭᠢᠰ ᠤᠨ | ᠮᠣᠷᠢᠨ ᠤ ᠤᠶᠠᠭᠠ᠂ ᠬᠦᠰᠢᠶᠡ ᠴᠢᠯᠠᠭᠤᠨ ᠳᠤ ᠰᠠᠩ ᠲᠠᠯᠪᠢᠵᠤ᠂ ᠴᠠᠭᠠᠨ ᠢᠳᠡᠭᠡ ᠵᠠᠰᠠᠵᠤ ᠪᠠᠶᠢᠵᠠᠢ ᠭᠡᠳᠡᠭ᠂ | ᠭᠡᠳᠡᠯᠡ ᠣᠳᠣ ᠲᠠᠬᠢᠬᠤ ᠪᠠᠨ ᠪᠠᠶᠢᠵᠠᠢ᠃ ᠴᠢᠩᠭᠢᠰ ᠤᠨ ᠮᠤᠷᠢᠨ ᠤ ᠤᠶᠠᠭᠠ ᠭᠡᠰᠡᠨ ᠬᠦᠰᠢᠭᠡ ᠴᠢᠯᠠᠭᠤ ᠶᠢ ᠲᠠᠬᠢᠵᠤ | ᠪᠠᠶᠢᠭᠠ ᠨᠢ ᠴᠡᠭᠡ ᠶᠢᠨ ᠨᠠᠶᠢᠷ ᠠᠴᠠ ᠢᠷᠡᠯ ᠲᠠᠢ ᠪᠠᠶᠢᠵᠤ ᠮᠠᠭᠠᠳ ᠦᠭᠡᠢ᠃ | ᠰᠦᠨᠢᠳ ᠲᠤ ᠪᠠᠶᠢᠭᠠᠯᠢ ᠶᠢᠨ ᠠᠶᠠᠨᠳᠠᠭᠠᠨ ᠪᠦᠳᠦᠭᠡᠭᠰᠡᠨ ᠵᠢᠵᠢᠭ ᠨᠦᠬᠡ ᠲᠠᠢ ᠴᠢᠯᠠᠭᠤ ᠶᠢ ᠲᠡᠭᠦᠵᠦ | ᠠᠪᠤᠭᠠᠳ ᠦᠬᠡᠷ ᠴᠢᠯᠠᠭᠤ ᠭᠡᠮᠡᠨ ᠨᠡᠷᠡᠯᠡᠵᠦ᠂ ᠮᠣᠩᠭᠤᠯ ᠭᠡᠷ ᠤᠨ ᠬᠤᠶᠢᠲᠤ ᠬᠠᠨᠠ ᠳᠤ ᠤᠶᠠᠵᠤ ᠰᠢᠳᠦᠳᠡᠭ᠃ | ᠡᠨᠡ ᠬᠦ ᠦᠬᠡᠷ ᠴᠢᠯᠠᠭᠤ ᠶᠢ ᠰᠢᠲᠦᠬᠦ ᠨᠢ ᠶᠡᠭᠡ ᠰᠠᠯᠬᠢᠨ ᠳᠤ ᠭᠡᠷ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠪᠠᠶᠢᠠᠭ ᠤᠴᠢᠷᠲᠠᠢ᠃ | ᠵᠢᠵᠢᠭᠬᠡᠨ ᠦᠬᠡᠷ ᠴᠢᠯᠠᠭᠤ ᠶᠡᠭᠡ ᠷᠢᠳᠢ ᠰᠢᠳᠢ ᠲᠠᠢ ᠪᠠᠶᠢᠵᠤ᠂ ᠶᠠᠮᠠᠷ ᠴᠤ ᠶᠡᠭᠡ ᠰᠠᠯᠬᠢᠨ ᠠᠴᠠ ᠭᠡᠷ ᠰᠠᠭᠤᠴᠠ ᠶᠢ | ᠨᠢ ᠬᠠᠮᠠᠭᠠᠯᠠᠵᠤ ᠴᠢᠳᠠᠨᠠ ᠭᠡᠵᠦ ᠰᠢᠢᠳᠦᠭᠴᠢᠳ ᠬᠡᠯᠡᠳᠡᠭ ᠪᠠᠶᠢᠵᠠᠢ᠃ | ᠲᠦᠷᠦᠭᠰᠡᠨ ᠨᠤᠲᠤᠭ ᠠᠴᠠ ᠰᠠᠯᠵᠤ ᠬᠠᠷᠢ ᠬᠤᠰᠢᠭᠤ ᠨᠤᠲᠤᠭ ᠲᠤ ᠣᠴᠢᠬᠤ ᠪᠣᠶᠣ ᠠᠶᠠᠨ ᠵᠢᠩ ᠳᠤ | ᠶᠠᠪᠤᠬᠤ ᠬᠦᠮᠦᠨ᠂ ᠴᠡᠷᠢᠭ ᠤᠨ ᠠᠯᠪᠠᠨ ᠳᠤ ᠮᠤᠷᠳᠠᠭᠰᠠᠨ ᠬᠦᠮᠦᠨ ᠦᠪᠡᠷ ᠤᠨ ᠨᠤᠲᠤᠭ ᠤᠨ ᠢᠶᠠᠨ ᠴᠢᠯᠠᠭᠤ᠂ | ᠡᠰᠡᠭᠦᠯᠡ ᠲᠠᠬᠢᠳᠠᠭ ᠣᠪᠣᠭᠠᠨ ᠤ ᠴᠢᠯᠠᠭᠤᠨ ᠠᠴᠠ ᠠᠪᠴᠤ ᠬᠠᠳᠠᠭ ᠲᠤ ᠪᠤᠭᠤᠵᠤ ᠬᠠᠳᠠᠭᠠᠯᠠᠨ᠂ ᠣᠪᠣᠭᠠ ᠲᠠᠬᠢᠬᠤ | ᠡᠳᠦᠷ ᠪᠣᠶᠣ ᠴᠠᠭᠠᠨ ᠰᠠᠷᠠ ᠳᠠᠭᠠᠨ ᠡᠰᠡᠭᠦᠯᠡ ᠭᠠᠢ ᠪᠠᠷᠴᠢᠳ ᠲᠤ ᠤᠴᠠᠷᠠᠬᠤ ᠦᠶᠡ ᠳᠤ ᠨᠤᠲᠤᠭ ᠤᠨ ᠢᠶᠠᠨ | ᠴᠢᠯᠠᠭᠤ ᠶᠢ ᠭᠠᠷᠭᠠᠵᠤ ᠰᠦ ᠡᠷᠭᠦᠨ ᠮᠦᠷᠭᠦᠵᠦ ᠳᠠᠭᠠᠳᠬᠠᠨ ᠰᠢᠳᠦᠵᠦ ᠲᠠᠬᠢᠳᠠᠭ ᠵᠠᠩᠰᠢᠯ ᠲᠠᠢ᠃ |