ᠡᠳᠡᠨ ᠤ ᠬᠤᠶᠠᠷ ᠬᠡᠤᠬᠡᠳ ᠡᠷᠲᠡ ᠲᠤᠰᠠ ᠳᠤ ᠤᠷᠤᠵᠠᠢ | ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠪᠠᠶᠠᠠᠭᠤᠯᠠ ᠰᠤᠮᠤᠨ ᠤ ᠰᠠᠶᠢᠬᠠᠨᠲᠠᠯᠠ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠲᠠᠢ | ᠮᠠᠯᠴᠢᠨ ᠦᠰᠬᠦᠪᠠᠶᠠᠷ ᠤᠨ ᠬᠢ ᠠᠮᠠ ᠪᠦᠯᠢ ᠵᠢᠷᠭᠤᠭᠤᠯᠠ ᠠᠵᠤ ᠲᠦᠷᠦᠵᠤ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠲᠡᠭᠰᠢ | ᠮᠠᠯᠵᠢᠵᠤ ᠪᠠᠶᠢᠭᠠ ᠪᠢᠯᠡ᠃ ᠬᠡᠤᠬᠡᠨ ᠬᠤᠷᠠ ᠨᠢ ᠡᠨᠡ ᠵᠢᠯ 12 ᠨᠠᠰᠤᠲᠠᠢ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠪᠤᠳᠤᠭᠠᠷ | ᠤᠨ ᠳᠤ ᠰᠤᠷᠤᠯᠴᠠᠵᠤ᠂ ᠬᠦᠤ ᠰᠦᠷᠪᠠᠲᠤ ᠨᠢ ᠡᠨᠡ ᠵᠢᠯ 10 ᠨᠠᠰᠤᠲᠠᠢ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠤᠷᠪᠠᠳᠤᠭᠠᠷ | ᠤᠨ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠨᠠ᠃ ᠡᠳᠡᠨ ᠤ ᠬᠤᠶᠠᠷ ᠬᠡᠤᠬᠡᠳ ᠨᠢ ᠴᠡᠴᠡᠷᠯᠢᠭ ᠲᠤ ᠪᠠᠶᠢᠬᠤ ᠠᠴᠠ ᠪᠠᠨ ᠡᠬᠢᠯᠡᠨ | ᠠᠪᠤ ᠡᠵᠢ ᠳᠤ ᠪᠠᠨ ᠲᠤᠰᠠ ᠳᠡᠮ ᠪᠤᠯᠬᠤ ᠪᠠᠷ ᠮᠠᠯ ᠠᠬᠤᠢ ᠲᠠᠢ ᠪᠠᠨ ᠤᠶᠢᠷᠠᠲᠤᠨ᠂ ᠠᠬᠠᠮᠠᠳ ᠨᠠᠰᠤᠲᠠᠨ ᠤ ᠪᠠᠨ | ᠰᠤᠷᠭᠠᠯ ᠢᠶᠠᠷ ᠭᠡᠷ ᠵᠠᠭᠤᠷᠠ ᠶᠢᠨ ᠠᠷᠰᠠᠷ ᠠᠵᠢᠯ ᠢ ᠬᠠᠪᠰᠤᠷᠤᠨ ᠬᠢᠳᠡᠭ᠃ ᠤᠳᠤ ᠪᠤᠯᠬᠤ ᠳᠤ ᠨᠡᠩ ᠴᠦ ᠦᠬᠡᠷ | ᠮᠠᠯ ᠢᠶᠠᠨ ᠡᠪᠡᠰᠤᠯᠡᠵᠤ ᠤᠰᠤᠯᠠᠬᠤ᠂ ᠬᠦᠷᠢᠶᠡ ᠬᠠᠰᠢᠶᠠ ᠴᠡᠪᠡᠷᠯᠡᠬᠦ᠂ ᠭᠡᠷ ᠲᠡᠷᠭᠡ ᠪᠠᠨ ᠳᠦᠪᠬᠢᠨᠡᠬᠦᠯᠬᠦ᠂ | ᠬᠤᠪᠴᠠᠰᠤ ᠬᠤᠨᠠᠷ ᠤᠬᠢᠶᠠᠬᠤ ᠵᠡᠷᠭᠡ ᠠᠵᠢᠯ ᠢ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠬᠢᠴᠢᠬᠡᠳᠡᠭ ᠠᠵᠢᠯᠴᠢ ᠪᠤᠷᠤᠭᠵᠢᠭᠤᠨ | ᠬᠡᠤᠬᠡᠳ ᠤᠳ ᠪᠤᠯᠵᠠᠢ᠃ | | | | | | | ᠠᠪᠢᠶᠠᠰᠯᠢᠭ ᠡᠬᠡᠴᠢ ᠳᠡᠭᠦᠤ ᠬᠤᠶᠠᠷ | ᠬᠤᠷᠠ᠂ ᠰᠦᠷᠪᠠᠲᠤ ᠬᠤᠶᠠᠷ ᠬᠦᠳᠡᠭᠡ ᠪᠠᠨ ᠬᠠᠷᠢᠪᠠᠯ ᠠᠪᠤ ᠡᠵᠢ ᠳᠤ ᠪᠠᠨ ᠲᠤᠰᠠ ᠳᠡᠮ ᠪᠤᠯᠵᠤ | ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠪᠤᠴᠠᠪᠠᠯ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠤ ᠪᠠᠨ ᠰᠢᠮᠳᠠᠳᠠᠭ ᠴᠢᠷᠮᠠᠶᠢᠯᠭᠠ ᠰᠠᠶᠢᠲᠠᠢ | ᠬᠡᠤᠬᠡᠳ ᠤᠳ ᠶᠤᠮ᠃ ᠬᠤᠷᠠ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠰ ᠤᠨ ︽ᠭᠤᠷᠪᠠᠨ ᠰᠠᠶᠢᠲᠠᠢ ᠰᠤᠷᠤᠭᠴᠢ︾᠂ ᠬᠤᠰᠢᠭᠤ | ᠳᠡᠰ ᠤᠨ ︽ᠭᠤᠷᠪᠠᠨ ᠰᠠᠶᠢᠲᠠᠢ ᠰᠤᠷᠤᠭᠴᠢ︾᠂ ︽ᠰᠢᠯᠢᠳᠡᠭ ᠰᠤᠷᠤᠯᠭᠠᠲᠠᠨ︾ ᠵᠡᠷᠭᠡ ᠪᠠᠷ ᠵᠢᠯ ᠳᠠᠷᠠᠭᠠᠯᠠᠨ | ᠦᠨᠡᠯᠡᠭᠳᠡᠵᠤ᠂ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠤ ᠪᠠᠨ ᠤᠨᠴᠠ ᠰᠠᠶᠢᠨ ᠮᠦᠷᠲᠡᠬᠡᠨ ᠳᠠᠭᠤᠯᠠᠵᠤ ᠪᠦᠵᠢᠭᠯᠡᠬᠦ᠂ ᠰᠢᠯᠦᠭᠯᠡᠬᠦ᠂ | ᠬᠦᠲᠦᠯᠬᠦ ᠵᠡᠷᠭᠡ ᠲᠠᠯᠠ ᠪᠠᠷ ᠴᠦᠮ ᠠᠪᠢᠶᠠᠰᠯᠢᠭ ᠪᠠᠶᠢᠵᠤ᠂ ᠲᠤᠰᠬᠠᠢ ᠬᠡᠤᠬᠡᠳ ᠤᠨ ᠳᠠᠭᠤᠤ ᠶᠢᠨ ᠺᠯᠢᠫ ᠢ | ᠨᠡᠶᠢᠲᠡᠯᠡᠵᠤ᠂ ᠬᠡᠤᠬᠡᠳ ᠪᠠᠭᠠᠴᠤᠳ ᠤᠨ ᠢᠶᠠᠨ ᠳᠤᠮᠳᠠ ᠤᠳᠤ ᠰᠤᠳᠤ ᠨᠢ ᠪᠤᠯᠵᠤ ᠶᠠᠪᠤᠨᠠ᠃ ᠰᠦᠷᠪᠠᠲᠤ ᠴᠦ | ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠤ ᠪᠠᠨ ᠴᠢᠷᠮᠠᠶᠢᠯᠲᠠ ᠲᠠᠢ ᠪᠠᠶᠢᠵᠤ᠂ ᠰᠤᠷᠭᠠᠭᠤᠯᠢ ᠶᠢᠨ ᠢᠶᠠᠨ ︽ᠰᠢᠯᠢᠳᠡᠭ ᠰᠤᠷᠤᠯᠭᠠᠲᠠᠨ︾ | ᠢᠶᠠᠷ ᠦᠨᠡᠯᠡᠭᠳᠡᠵᠤ ᠪᠠᠶᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠲᠠᠮᠢᠷ ᠪᠠ ᠵᠢᠷᠤᠭ ᠤᠨ ᠲᠠᠯᠠ ᠪᠠᠷ ᠮᠠᠰᠢ ᠠᠪᠢᠶᠠᠰᠯᠢᠭ | ᠪᠠᠶᠢᠵᠤ᠂ ᠤᠯᠠᠨ ᠤᠯᠠᠨ ᠰᠢᠯᠢᠳᠡᠭ ᠪᠦᠲᠦᠮᠵᠢ ᠪᠠᠷ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠵᠤ ᠬᠡᠤᠬᠡᠳ ᠨᠠᠰᠤ ᠪᠠᠨ ᠴᠢᠮᠡᠵᠤ | ᠶᠠᠪᠤᠨᠠ᠃ | | | | | | | ᠡᠳᠡᠨᠠᠶᠢᠬᠢᠨ ᠭᠡᠷ ᠪᠦᠯᠢ ᠶᠢᠨ ᠬᠦᠮᠦᠵᠢᠯ ᠢ ᠴᠢᠬᠤᠯᠠᠴᠢᠯᠠᠳᠠᠭ | ᠦᠰᠬᠦᠪᠠᠶᠠᠷ ᠭᠠᠴᠠᠭᠠᠨ ᠤ ᠪᠠᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠨ ᠬᠢᠵᠤ ᠪᠠᠶᠢᠭᠠ ᠤᠴᠢᠷ ᠠᠴᠠ ᠶᠡᠷᠤ ᠶᠢᠨ ᠴᠠᠭ | ᠲᠤ ᠪᠠᠨ ᠮᠠᠰᠢ ᠶᠠᠭᠠᠷᠠᠤ ᠪᠠᠶᠢᠳᠠᠭ᠂ ᠬᠡᠪᠡᠴᠤ ᠡᠳᠡᠨᠡᠶᠢᠬᠢᠨ ᠬᠡᠤᠬᠡᠳ ᠤᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ ᠲᠠᠯᠠ ᠪᠠᠷ | ᠦᠴᠦᠬᠡᠨ ᠴᠦ ᠠᠯᠮᠠᠶᠢᠷᠠᠳᠠᠭ ᠦᠬᠡᠢ᠂ ᠤᠷᠤᠢ ᠶᠢᠨ ᠰᠤᠯᠠ ᠰᠡᠯᠡᠬᠦᠤ ᠴᠠᠭ ᠢᠶᠠᠨ ᠠᠰᠢᠭᠯᠠᠨ ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ | ᠱᠠᠭᠠ ᠲᠤᠭᠯᠠᠬᠤ᠂ ᠬᠡᠤᠬᠡᠳ ᠲᠤ ᠪᠠᠨ ᠬᠠᠨᠢ ᠪᠤᠯᠵᠤ ᠵᠢᠷᠤᠭ ᠵᠢᠷᠤᠬᠤ ᠵᠡᠷᠭᠡ ᠤᠯᠠᠨ ᠲᠠᠯᠠ ᠪᠠᠷ ᠰᠤᠷᠭᠠᠵᠤ | ᠬᠦᠮᠦᠵᠢᠬᠦᠯᠳᠡᠭ ᠠᠴᠠ ᠬᠡᠤᠬᠡᠳ ᠤᠳ ᠨᠢ ᠭᠠᠷ ᠤᠲᠠᠰᠤ ᠨᠠᠭᠠᠳᠴᠤ᠂ ᠲᠧᠯᠸᠢᠰ ᠦᠵᠡᠨᠡ ᠬᠡᠵᠤ ᠠᠭᠠᠰᠢᠯᠠᠬᠤ | ᠦᠬᠡᠢ ᠪᠤᠯᠵᠤ᠂ ᠭᠡᠷ ᠪᠦᠯᠢ ᠶᠢᠨ ᠵᠤᠭᠠ ᠴᠡᠩᠭᠡᠯ ᠳᠤᠮᠳᠠ ᠠᠴᠠ ᠤᠯᠠᠨ ᠢ ᠰᠤᠷᠴᠤ ᠶᠡᠭᠡ ᠶᠢ ᠡᠵᠡᠮᠰᠢᠬᠦ ᠪᠤᠯᠵᠠᠢ᠃ | | | | | | | ︽ᠬᠦᠮᠦᠨ ᠬᠦᠳᠡᠯᠮᠦᠷᠢᠯᠡᠵᠤ ᠪᠠᠶᠢᠮᠠᠨᠵᠢᠨ ᠬᠦᠮᠦᠨ ᠪᠤᠯᠳᠠᠭ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠠᠴᠠ ᠪᠠᠨ | ᠤᠶᠢᠷᠠᠬᠠᠨ ᠪᠠᠶᠢᠵᠤ᠂ ᠢᠯᠡᠬᠦᠤ ᠤᠯᠠᠨ ᠵᠤᠶᠢᠯ ᠢ ᠰᠤᠷᠬᠤ ᠪᠠᠷ ᠬᠡᠤᠬᠡᠳ ᠤᠨ ᠦᠰᠦᠯᠲᠡ ᠪᠤᠶᠢᠵᠢᠯᠲᠠ ᠳᠤ ᠲᠤᠰᠠ | ᠲᠠᠢ ᠪᠠᠶᠢᠳᠠᠭ᠂ ᠬᠡᠤᠬᠡᠳ ᠤᠨ ᠡᠪᠦᠭᠡ ᠡᠮᠡᠭᠡ ᠨᠢ ᠴᠦ ᠦᠷᠬᠦᠯᠵᠢ ᠬᠤᠶᠠᠷ ᠬᠡᠤᠬᠡᠳ ᠢᠶᠠᠨ ᠡᠷᠲᠡ ᠠᠵᠢᠯ ᠳᠤ | ᠤᠷᠤᠭᠤᠯ ᠬᠡᠵᠤ ᠵᠠᠬᠢᠳᠠᠭ ᠠᠴᠠ ᠬᠡᠤᠬᠡᠳ ᠤᠳ ᠮᠠᠨᠢ ᠮᠠᠰᠢ ᠤᠬᠠᠭᠠᠨ ᠳᠦᠬᠦᠬᠡ ᠲᠠᠢ ᠪᠠᠶᠢᠵᠤ᠂ ᠭᠡᠷ ᠪᠦᠯᠢ ᠳᠤ | ᠪᠠᠨ ᠲᠤᠩ ᠶᠡᠭᠡ ᠲᠤᠰᠠ ᠪᠤᠯᠳᠠᠭ ᠰᠢᠤ︾ ᠬᠡᠵᠤ ᠦᠰᠬᠦᠪᠠᠶᠠᠷ ᠤᠨ ᠭᠡᠷᠭᠡᠢ ᠬᠡᠬᠡᠨᠲᠠᠨᠠ ᠤᠴᠢᠷᠲᠠᠶᠢᠬᠠᠨ ᠶᠠᠷᠢᠨᠠ᠃ | | |