| ᠣᠪᠣᠭᠠ ᠳᠤ ᠡᠩ ᠤᠨ ᠪᠤᠰᠬᠠᠵᠤ ᠲᠠᠯᠪᠢᠭᠰᠠᠨ ᠣᠪᠣᠭᠠ᠂ ᠲᠠᠬᠢᠳᠠᠭ ᠣᠪᠣᠭᠠ ᠭᠡᠵᠦ ᠢᠯᠭᠠᠭᠠ ᠲᠠᠢ | ᠪᠠᠶᠢᠳᠠᠭ᠃ ᠡᠩ ᠤᠨ ᠣᠪᠣᠭᠠ ᠨᠢ ᠨᠤᠲᠤᠭ ᠤᠨ ᠵᠠᠭᠠᠭ ᠪᠤᠯᠭᠠᠭᠰᠠᠨ ᠬᠢᠯᠢ ᠶᠢᠨ ᠣᠪᠣᠭᠠ᠂ ᠠᠯᠣᠰ ᠵᠦᠭ ᠴᠢᠭ ᠢ | ᠵᠢᠭᠠᠭᠰᠠᠨ ᠲᠡᠮᠲᠡᠭ ᠣᠪᠣᠭᠠ᠂ ᠵᠠᠮ ᠤᠨ ᠣᠪᠣᠭᠠ᠂ ᠲᠠᠯᠠ ᠶᠢᠨ ᠣᠪᠣᠭᠠ ᠭᠡᠬᠦ ᠮᠡᠲᠦ ᠶᠢᠨ ᠤᠯᠠᠨ ᠵᠦᠢᠯ ᠤᠨ | ᠬᠡᠯᠪᠡᠷᠢ ᠠᠭᠤᠯᠭᠠ ᠨᠡᠷᠡ ᠨᠡᠷᠡᠶᠢᠳᠦᠯ ᠲᠠᠢ ᠪᠠᠶᠢᠵᠤ᠂ ᠪᠠᠶᠢᠷᠢᠰᠢᠯ ᠨᠢ ᠠᠳᠠᠯᠢ ᠦᠭᠡᠢ᠃ ᠲᠠᠬᠢᠯᠭᠠ ᠰᠢᠳᠦᠯᠭᠡ ᠶᠢᠨ | ᠣᠪᠣᠭᠠᠨ ᠳᠤ ᠴᠢᠭᠤᠯᠭᠠᠨ᠂ ᠬᠤᠰᠢᠭᠤ ᠰᠤᠮᠤᠨ ᠤ ᠲᠠᠬᠢᠳᠠᠭ ᠣᠪᠣᠭᠠ᠂ ᠬᠡᠳᠦᠨ ᠰᠤᠮᠤ ᠪᠠᠷ ᠨᠡᠶᠢᠯᠡᠵᠦ ᠲᠠᠬᠢᠳᠠᠭ | ᠣᠪᠣᠭᠠ᠂ ᠲᠠᠶᠢᠵᠢ ᠢᠵᠠᠭᠤᠷᠲᠠᠨ᠂ ᠶᠡᠬᠡᠰ ᠳᠡᠭᠡᠳᠦᠰ ᠤᠨ ᠲᠠᠬᠢᠯᠭᠠ ᠰᠢᠲᠦᠯᠭᠡ ᠶᠢᠨ ᠣᠪᠣᠭᠠ᠂ ᠰᠦᠮᠡ | ᠬᠡᠶᠢᠳ ᠤᠨ ᠲᠠᠬᠢᠳᠠᠭ ᠣᠪᠣᠭᠠ᠂ ᠠᠶᠢᠯ ᠠᠶᠢᠮᠠᠭ ᠤᠨ ᠨᠡᠶᠢᠲᠡ ᠪᠠᠷ ᠢᠶᠠᠨ ᠲᠠᠬᠢᠳᠠᠭ ᠣᠪᠣᠭᠠ᠂ ᠬᠤᠪᠢ ᠬᠦᠮᠦᠨ ᠤ | ᠲᠠᠬᠢᠳᠠᠭ ᠣᠪᠣᠭᠠ ᠵᠡᠷᠭᠡ ᠠᠯᠢ ᠣᠯᠠᠨ ᠲᠠᠬᠢᠯᠭᠠ ᠰᠢᠲᠦᠯᠭᠡ ᠶᠢᠨ ᠣᠪᠣᠭᠠ ᠨᠤᠭᠤᠳ ᠪᠣᠢ᠃ | ᠲᠠᠬᠢᠳᠠᠭ ᠣᠪᠣᠭᠠ ᠶᠢ ᠮᠣᠩᠭᠤᠯ ᠭᠡᠷ ᠤᠨ ᠬᠡᠯᠪᠡᠷᠢ ᠲᠠᠢ ᠲᠣᠭᠤᠷᠢᠭ ᠲᠣᠮᠤ ᠰᠤᠪᠤᠷᠭᠠᠯᠢᠭ ᠶᠠᠩᠵᠤ ᠲᠠᠢ | ᠵᠣᠬᠢᠶᠠᠳᠠᠭ᠃ ᠲᠠᠬᠢᠳᠠᠭ ᠣᠪᠣᠭᠠ ᠪᠠᠨ ᠭᠤᠣᠯ ᠳᠤᠨᠢ ᠭᠠᠤᠯᠢᠨ ᠭᠠᠨᠵᠢᠷᠠ ᠲᠠᠢ ᠮᠣᠳᠤ ᠪᠤᠰᠬᠠᠵᠤ᠂ | ᠲᠤᠭᠤᠷᠢᠭᠤᠯᠤᠨ ᠪᠤᠷᠭᠠᠰᠤ ᠪᠠᠷ ᠬᠦᠷᠢᠶᠡᠯᠡᠨ ᠴᠢᠮᠡᠵᠦ᠂ ᠬᠤᠶᠠᠷ ᠲᠠᠯᠠ ᠳᠤᠨᠢ ᠰᠦᠪᠡᠭᠡ ᠣᠪᠣᠭᠠ ᠭᠡᠵᠦ ᠵᠢᠷᠭᠤᠭᠠ | ᠪᠣᠶᠣ ᠠᠷᠪᠠᠨ ᠬᠤᠶᠠᠷ ᠵᠢᠵᠢᠭᠬᠡᠨ ᠣᠪᠣᠭᠠ ᠪᠤᠰᠬᠠᠵᠤ ᠪᠠᠶᠢᠳᠠᠭ᠃ ᠣᠪᠣᠭᠠᠨ ᠤ ᠪᠠᠨ ᠬᠤᠶᠠᠷ ᠲᠠᠯᠠ ᠶᠢᠨ ᠰᠦᠪᠡᠭᠡ | ᠣᠪᠣᠭᠠᠨ ᠠᠴᠠ ᠬᠤᠨᠢᠨ ᠤᠩᠭᠠᠰᠤ ᠪᠠᠷ ᠲᠠᠮᠤᠵᠤ ᠬᠢᠭᠰᠡᠨ ᠳᠡᠭᠡᠰᠦᠨ ᠵᠠᠬᠠ ᠲᠠᠲᠠᠭᠠᠳ᠂ ᠲᠠᠪᠤᠨ ᠦᠩᠬᠡ ᠶᠢᠨ | ᠭᠬᠢᠪ ᠬᠡᠢ ᠮᠣᠷᠢ ᠤᠶᠠᠵᠤ᠂ ᠪᠠᠰᠠ ᠴᠠᠭᠠᠨ ᠮᠣᠷᠢ ᠲᠠᠢ ᠶᠠᠩᠵᠤᠨ ᠤ ᠵᠢᠷᠤᠮᠠᠯ ᠬᠦᠷᠦᠭ ᠡᠯᠭᠦᠨ᠂ ᠦᠩᠬᠡ | ᠪᠦᠷᠢ ᠶᠢᠨ ᠲᠤᠷᠭᠠ ᠳᠤᠷᠳᠤᠩ᠂ ᠬᠠᠵᠠᠭᠠᠷ ᠨᠣᠭᠲᠤ᠂ ᠴᠢᠳᠦᠷ ᠲᠤᠱᠠ᠂ ᠲᠡᠮᠡᠭᠡᠨ ᠪᠤᠶᠢᠯᠠ ᠪᠤᠷᠠᠨᠲᠠᠭ᠂ ᠬᠤᠷᠠᠭᠠᠨ | ᠬᠦᠬᠡᠨᠡ ᠵᠡᠷᠭᠡ ᠶᠢᠨ ᠶᠠᠭᠤᠮᠠ ᠤᠶᠠᠵᠤ ᠵᠠᠰᠠᠨ ᠴᠢᠮᠡᠭᠰᠡᠨ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠲᠠᠬᠢᠳᠠᠭ ᠣᠪᠣᠭᠠ ᠶᠢ | ᠪᠤᠰᠬᠠᠬᠤ ᠳᠤ ᠪᠦᠷ ᠲᠤᠭᠲᠠᠭᠰᠠᠨ ᠶᠣᠰᠤ ᠭᠤᠷᠢᠮ ᠲᠠᠢ ᠪᠠᠶᠢᠵᠤ᠂ ᠣᠯᠠᠩᠬᠢ ᠳᠠᠭᠠᠨ ᠭᠠᠵᠠᠷ ᠤᠨ ᠨᠡᠷᠡ ᠪᠠᠷ ᠨᠢ | ᠨᠡᠷᠡᠯᠡᠵᠦ ᠪᠠᠶᠢᠳᠠᠭ ᠪᠦᠭᠡᠳ ᠪᠠᠰᠠ ᠠᠳᠠᠯᠢ ᠪᠣᠰᠤ ᠲᠡᠦᠬᠡᠨ ᠴᠠᠭ ᠦᠶᠡ ᠶᠢᠨ ᠲᠡᠦᠬᠡᠲᠦ ᠬᠡᠷᠡᠭ ᠢ ᠲᠤᠷᠠᠰᠬᠠᠵᠤ | ᠨᠡᠷᠡᠯᠡᠭᠰᠡᠨ ᠭᠠᠵᠠᠷ ᠴᠤ ᠲᠤᠬᠢᠶᠠᠯᠳᠤᠨᠠ᠃ | ᠲᠠᠬᠢᠳᠠᠭ ᠣᠪᠣᠭᠠ ᠪᠤᠰᠬᠠᠬᠤ ᠳᠤ ᠨᠠᠷᠢᠨ ᠶᠣᠰᠤ ᠵᠢᠷᠣᠮ ᠲᠠᠢ ᠪᠠᠶᠢᠵᠠᠢ᠃ ᠲᠠᠬᠢᠳᠠᠭ ᠣᠪᠣᠭᠠ ᠶᠢ ᠵᠠᠪᠠᠯ ᠱᠦᠩᠨᠡᠬᠦ | ︵ᠱᠦᠩᠨᠡᠬᠦ ᠬᠡᠳᠡᠭ ᠨᠢ ᠣᠪᠣᠭᠠ ᠪᠣᠰᠬᠠᠬᠤ ᠳᠠᠭᠠᠨ ᠳᠤᠤᠷᠠ ᠨᠢ ᠨᠦᠬᠡ ᠮᠠᠯᠲᠠᠨ ᠲᠤᠲᠤᠷᠠ ᠨᠢ ᠸᠠᠭᠠᠷ ᠰᠠᠪᠠᠨ ᠳᠤ | ᠡᠷᠳᠡᠨᠢ ᠶᠢᠨ ᠵᠦᠢᠯᠡᠰ᠂ ᠲᠠᠪᠤᠨ ᠲᠠᠷᠢᠶᠠᠨ ᠤ ᠦᠷᠡ ᠬᠢᠵᠦ ᠣᠪᠣᠭᠠ ᠪᠠᠨ ᠪᠤᠰᠬᠠᠬᠤ ᠶᠢ ᠭᠡᠯᠡᠨᠡ︶ ᠬᠡᠷᠡᠭᠲᠡᠢ | ᠪᠠᠶᠢᠳᠠᠭ᠃ ᠮᠠᠨ ᠤ ᠰᠦᠨᠢᠳ ᠨᠤᠲᠤᠭ ᠤᠨ ᠲᠠᠬᠢᠳᠠᠭ ᠣᠪᠣᠭᠠᠨ ᠤ ᠱᠦᠩ ᠳᠤ ᠭᠤᠣᠯᠳᠠᠭᠤ ᠲᠠᠪᠤᠨ ᠲᠠᠷᠢᠶᠠᠨ ᠤ | ᠦᠷᠡ᠂ ᠶᠢᠰᠦᠨ ᠡᠷᠳᠡᠨᠢ ︵ᠠᠯᠲᠠ᠂ ᠮᠥᠩᠭᠦ᠂ ᠱᠢᠷᠦ᠂ ᠰᠤᠪᠤᠳ᠂ ᠤᠭ᠍ᠶᠤ᠂ ᠨᠣᠮᠢᠨ᠂ ᠲᠠᠨᠠ᠂ ᠵᠡᠰ᠂ ᠭᠠᠩ︶᠂ | ᠴᠠᠢ᠂ ᠠᠭᠠᠷᠤ ᠽᠠᠨᠳᠠᠨ᠂ ᠠᠷᠴᠠ ᠬᠦᠵᠢᠰ ᠁ ᠵᠠᠩᠵᠤᠨ ᠤ ᠬᠤᠶᠠᠭ ᠲᠤᠭᠤᠯᠠᠭᠠ᠂ ᠨᠤᠮᠤ ᠰᠤᠮᠤ᠂ ᠫᠤᠤ | ᠰᠡᠯᠡᠮᠡ᠂ ᠮᠤᠬᠠᠢ ᠲᠡᠷᠢᠭᠦᠲᠡᠨ ᠢ ᠬᠢᠭᠰᠡᠨ ᠪᠠᠶᠢᠳᠠᠭ᠃ ᠵᠠᠷᠢᠮ ᠭᠠᠵᠠᠷ ᠤᠨ ᠲᠠᠬᠢᠳᠠᠭ ᠣᠪᠣᠭᠠᠨ ᠳᠤ ᠬᠦᠮᠦᠨ ᠤ | ᠲᠤᠯᠤᠭᠠᠢ᠂ ᠮᠣᠷᠢᠨ ᠤ ᠲᠤᠯᠤᠭᠠᠢ ᠬᠢᠵᠦ ᠲᠠᠬᠢᠵᠤ ᠪᠠᠶᠢᠳᠠᠭ ᠴᠤ ᠪᠤᠢ᠃ | ︽ᠡᠷᠲᠡ ᠴᠠᠭ᠂ ᠮᠣᠩᠭᠤᠯ ᠭᠠᠵᠠᠷ ᠰᠦᠮᠡ ᠬᠡᠶᠢᠳ ᠭᠡᠵᠦ ᠪᠠᠶᠢᠬᠤ ᠦᠭᠡᠢ ᠦᠶᠡ ᠨᠤᠲᠤᠭ ᠤᠷᠤᠨ ᠤ | ᠠᠯᠢ ᠬᠦᠮᠦᠭᠡ᠂ ᠮᠠᠩᠬᠠ ᠠᠭᠤᠯᠢᠭ ᠭᠠᠵᠠᠷ᠂ ᠰᠣᠶᠢᠬᠠᠷᠠ ᠪᠣᠯᠪᠠᠰᠤ ᠣᠪᠣᠭᠠ ᠪᠠᠶᠢᠭᠤᠯᠤᠨ ᠨᠤᠲᠤᠭ ᠤᠨ ᠰᠢᠲᠦᠭᠡᠨ | ᠪᠤᠯᠭᠠᠵᠤ ᠶᠠᠪᠤᠳᠠᠭ ᠪᠦᠯᠦᠭᠡ ᠁ ᠣᠪᠣᠭᠠ ᠲᠠᠬᠢᠬᠤ ᠦᠶᠡ ᠵᠠᠷᠭᠤ ᠰᠢᠢᠳᠭᠡᠬᠦ᠂ ᠪᠡᠯᠴᠢᠭᠡᠷ ᠤᠰᠤ ᠬᠤᠪᠢᠳᠠᠬᠤ᠂ | ᠰᠠᠶᠢᠨ ᠮᠣᠷᠢ ᠰᠤᠩᠭᠤᠬᠤ ᠡᠳᠡᠭᠡᠷ ᠬᠡᠷᠡᠭ ᠶᠠᠪᠤᠳᠠᠯ ᠢ ᠭᠤᠣᠯᠳᠠᠵᠤ ᠬᠢᠮᠤᠢ᠃ ᠡᠶᠢᠮᠦ ᠠᠴᠠ ᠣᠪᠣᠭᠠ ᠲᠠᠬᠢᠬᠤ | ᠦᠢᠯᠡ ᠬᠡᠷᠡᠭ ᠪᠣᠯᠪᠠᠰᠤ ᠶᠡᠭᠡ ᠡᠷᠲᠡ ᠳᠡᠭᠡᠳᠦ ᠠᠴᠠ ᠪᠠᠶᠢᠭᠰᠠᠨ ᠠᠵᠤᠭᠤ᠃ ᠡᠷᠲᠡ ᠴᠠᠭ ᠣᠪᠣᠭᠠ ᠶᠢ ᠶᠡᠬᠡᠲᠡ | ᠬᠦᠨᠳᠦᠳᠭᠡᠵᠦ ᠶᠠᠪᠤᠮᠤᠢ︾ ᠭᠡᠵᠦ ︽ᠮᠣᠩᠭᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ ᠦᠢᠯᠡᠪᠦᠷᠢ︾ ᠭᠡᠰᠡᠨ ᠨᠣᠮ ᠳᠤ | ᠲᠡᠮᠲᠡᠭᠯᠡᠵᠦ ᠪᠠᠶᠢᠨᠠ᠃ ᠡᠷᠲᠡᠨ ᠤ ᠮᠣᠩᠭᠤᠯᠴᠤᠳ ᠤᠨ ᠲᠤᠭ ᠲᠠᠬᠢᠬᠤ᠂ ᠴᠡᠷᠢᠭ ᠤᠨ ᠬᠦᠴᠦ ᠶᠢ ᠪᠦᠷᠢᠳᠭᠡᠨ | ᠦᠵᠡᠬᠦ᠂ ᠪᠠᠶᠢᠯᠳᠤᠭᠠᠨ ᠳᠤ ᠮᠣᠷᠳᠠᠬᠤ ᠪᠣᠶᠣ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠠᠴᠠ ᠪᠤᠴᠠᠵᠤ ᠢᠷᠡᠭᠡᠳ ᠰᠤᠷ ᠬᠠᠷᠪᠤᠬᠤ᠂ | ᠬᠦᠯᠦᠭ ᠮᠣᠷᠢᠳ ᠤᠷᠤᠯᠳᠤᠭᠤᠯᠬᠤ᠂ ᠪᠦᠬᠡ ᠪᠠᠷᠢᠯᠳᠤᠭᠤᠯᠬᠤ ᠵᠡᠷᠭᠡ ᠴᠡᠷᠢᠭ ᠤᠨ ᠡᠷᠳᠡᠮ ᠢ ᠭᠤᠣᠯᠯᠠᠭᠰᠠᠨ | ᠨᠠᠭᠠᠳᠤᠮ ᠤᠨ ᠴᠤᠭᠯᠠᠭᠠᠨ ᠢ ᠴᠤ ᠣᠪᠣᠭᠠᠨ ᠲᠠᠬᠢᠯᠭᠠ ᠳᠡᠭᠡᠷᠡ ᠶᠠᠪᠤᠭᠤᠯᠳᠠᠭ ᠪᠠᠶᠢᠭᠰᠠᠨ᠃ ᠡᠶᠢᠮᠦ ᠠᠴᠠ ᠮᠣᠩᠭᠤᠯ | ᠬᠦᠮᠦᠨ ᠤ ᠣᠪᠣᠭᠠᠨ ᠲᠠᠬᠢᠯᠭᠠ ᠪᠣᠯ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠨᠡᠶᠢᠭᠡᠮ ᠤᠨ ᠴᠢᠬᠤᠯᠠ ᠠᠵᠢᠯᠯᠠᠭᠠ ᠶᠢᠨ ᠬᠤᠪᠢ ᠪᠠᠷ | ᠶᠠᠪᠤᠭᠳᠠᠵᠤ ᠪᠠᠶᠢᠭᠰᠠᠨ ᠨᠢ ᠮᠡᠳᠡᠭᠳᠡᠵᠦ ᠪᠠᠶᠢᠨᠠ᠃ ᠣᠪᠣᠭᠠᠨ ᠲᠠᠬᠢᠯᠭᠠ ᠨᠢ ᠠᠳᠠᠯᠢ ᠪᠤᠰᠤ ᠴᠠᠭ ᠦᠶᠡ᠂ ᠲᠥᠷᠦ | ᠭᠦᠷᠦᠨ ᠳᠤ ᠠᠳᠠᠯᠢ ᠪᠤᠰᠤ ᠠᠭᠤᠯᠭᠠ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠵᠤ᠂ ᠪᠦᠬᠡ ᠶᠢᠨ ᠱᠠᠰᠢᠨ ᠪᠠ ᠰᠢᠷᠠ ᠶᠢᠨ ᠱᠠᠰᠢᠨ | ᠳᠡᠯᠭᠡᠷᠡᠭᠰᠡᠨ ᠠᠴᠠ ᠨᠠᠭᠠᠰᠢ ᠮᠣᠩᠭᠤᠯᠴᠤᠳ ᠤᠨ ᠣᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠦᠩᠬᠡ ᠪᠤᠳᠤᠭ | ᠭᠦᠨ ᠰᠠᠭᠤᠭᠰᠠᠨ ᠪᠣᠯᠪᠠᠴᠤ ᠦᠨᠳᠦᠰᠦᠲᠡᠨ ᠤ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠳᠠᠳᠬᠠᠯ ᠪᠣᠯᠬᠤ ᠡᠷᠡ ᠶᠢᠨ ᠭᠤᠷᠪᠠᠨ | ᠨᠠᠭᠠᠳᠤᠮ ᠢ ᠡᠭᠦᠰᠬᠡᠵᠦ᠂ ᠨᠠᠶᠢᠷ ᠵᠤᠭᠠ ᠬᠢᠬᠦ ᠰᠠᠶᠢᠬᠠᠨ ᠵᠠᠩᠰᠢᠯ ᠨᠢ ᠬᠡᠪ ᠢᠶᠠᠷ ᠢᠶᠠᠨ ᠦᠯᠡᠳᠡᠵᠦ ᠣᠳᠣ ᠬᠦᠷᠲᠠᠯᠠ | ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠪᠠᠶᠢᠭᠠ ᠨᠢ ᠳᠤᠷᠠᠳᠤᠭᠤᠰᠢᠲᠠᠢ᠃ ᠦᠩᠭᠡᠷᠡᠭᠰᠡᠨ ᠳᠤ ᠹᠸᠤᠳᠠᠯ ᠤᠨ ᠨᠣᠶᠠᠷᠬᠠᠯ ᠬᠦᠨᠳᠦ | ᠨᠤᠴᠢᠲᠠᠢ ᠪᠠᠶᠢᠭᠰᠠᠨ ᠮᠣᠩᠭᠤᠯ ᠤᠷᠤᠨ ᠳᠤ ᠬᠦᠳᠡᠯᠮᠦᠷᠢᠴᠢᠨ ᠠᠷᠠᠳ ᠲᠦᠮᠡᠨ ᠤᠳᠠᠭᠠᠨ ᠵᠢᠯ ᠤᠨ ᠲᠤᠷᠰᠢ ᠮᠦᠨ | ᠪᠦᠬᠡ ᠶᠢᠨ ᠱᠠᠰᠢᠨ ᠤ ᠶᠤᠰᠤᠭᠠᠷ ᠠᠭᠤᠯᠠ ᠣᠪᠣᠭᠠ᠂ ᠨᠤᠲᠤᠭ ᠤᠰᠤ ᠪᠠᠷ ᠢᠶᠠᠨ ᠤᠶᠢᠷᠠ ᠬᠠᠪᠢ ᠪᠠᠷ ᠢᠶᠠᠨ | ᠬᠠᠮᠲᠤᠷᠠᠨ ᠲᠠᠬᠢᠵᠤ ᠬᠠᠩᠭᠠᠢ ᠳᠡᠯᠡᠬᠡᠢ ᠪᠠᠨ ᠪᠠᠶᠠᠰᠤᠭᠤᠯᠬᠤ ᠵᠤᠷᠢᠯᠭᠠ ᠪᠠᠷ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠵᠤᠬᠢᠶᠠᠨ | ᠪᠠᠶᠢᠭᠤᠯᠵᠤ ᠨᠠᠭᠠᠳᠴᠤ ᠪᠠᠶᠢᠵᠠᠢ᠃ | ᠮᠠᠨ ᠤ ᠰᠦᠨᠢᠳ ᠨᠤᠲᠤᠭ ᠲᠤ ᠣᠪᠣᠭᠠ ᠲᠠᠬᠢᠬᠤ᠂ ᠬᠠᠶᠢᠯᠠᠰᠤ ᠮᠣᠳᠣ ᠲᠠᠬᠢᠬᠤ᠂ ᠪᠤᠯᠠᠭ ᠲᠠᠬᠢᠬᠤ᠂ | ᠬᠠᠳᠠ ᠴᠢᠯᠠᠭᠤ ᠲᠠᠬᠢᠬᠤ ᠨᠢ ᠵᠢᠯ ᠪᠦᠷᠢ ᠶᠢᠨ ᠲᠤᠭᠲᠠᠭᠰᠠᠨ ᠨᠢᠭᠡᠨ ᠡᠳᠦᠷ ᠶᠠᠪᠤᠭᠳᠠᠳᠠᠭ᠃ ᠭᠡᠪᠡᠴᠤ ᠣᠪᠣᠭᠠ | ᠣᠪᠣᠭᠠᠨ ᠤ ᠲᠠᠬᠢᠬᠤ ᠡᠳᠦᠷ ᠨᠢ ᠬᠤᠭᠤᠷᠤᠨᠳᠤ ᠪᠠᠨ ᠠᠳᠠᠯᠢ ᠦᠭᠡᠢ᠃ ᠵᠤᠨ ᠤ ᠲᠠᠪᠤᠨ ᠰᠠᠷᠠ ᠠᠴᠠ ᠨᠠᠢᠮᠠᠨ | ᠰᠠᠷᠠ ᠶᠢᠨ ᠠᠷᠪᠠᠳ ᠤᠨ ᠡᠨᠡ ᠬᠦ ᠬᠤᠭᠤᠴᠠᠭᠠ ᠪᠣᠯ ᠣᠪᠣᠭᠠ᠂ ᠬᠠᠶᠢᠯᠠᠰᠤ᠂ ᠬᠠᠲᠠ᠂ ᠪᠤᠯᠠᠭ ᠲᠠᠬᠢᠬᠤ ᠴᠠᠭ | ᠬᠤᠭᠤᠴᠠᠭᠠ ᠪᠣᠯᠣᠨᠠ᠃ ᠣᠪᠣᠭᠠ ᠪᠠᠨ ᠲᠤᠭᠲᠠᠭᠰᠠᠨ ᠡᠳᠦᠷ ᠲᠠᠬᠢᠳᠠᠭ ᠪᠣᠯᠬᠤᠷ ᠤᠯᠠᠨ ᠳᠤ ᠵᠠᠷ ᠵᠠᠯᠠᠯᠭᠠ ᠬᠢᠵᠦ | ᠲᠠᠯᠪᠢᠬᠤ ᠦᠭᠡᠢ᠃ ᠣᠪᠣᠭᠠ ᠲᠠᠬᠢᠬᠤ ᠡᠳᠦᠷ ᠪᠣᠯᠪᠠᠯ ᠣᠶᠢᠷᠠ ᠣᠷᠴᠢᠮ ᠤᠨ ᠠᠶᠢᠯ ᠤᠳ ᠤᠷᠤᠯᠳᠤᠭᠠᠨ ᠤ | ᠮᠣᠷᠢ ᠪᠠᠨ ᠬᠦᠲᠦᠯᠵᠦ ᠣᠪᠣᠭᠠᠨ ᠳᠤ ᠡᠷᠭᠦᠬᠦ ᠪᠡᠯᠡᠭ ᠰᠡᠯᠳᠡ ᠪᠠᠨ ᠠᠪᠴᠤ ᠣᠪᠣᠭᠠᠨ ᠲᠠᠬᠢᠯᠭᠠ ᠶᠢᠨ ᠨᠠᠶᠢᠷ ᠲᠤ | ᠢᠷᠡᠵᠦ ᠣᠷᠣᠯᠴᠠᠨᠠ᠃ ᠣᠪᠣᠭᠠ ᠲᠠᠬᠢᠬᠤ ᠠᠯᠢᠪᠠ ᠪᠡᠯᠡᠳᠭᠡᠯ ᠢ ᠣᠪᠣᠭᠠ ᠲᠠᠬᠢᠵᠤ ᠪᠠᠶᠢᠭᠠ ᠠᠶᠢᠯ ᠤᠳ | ᠭᠠᠷᠭᠠᠳᠠᠭ ᠪᠦᠭᠡᠳ ᠬᠡᠳᠦᠨ ᠠᠶᠢᠯ ᠨᠡᠶᠢᠯᠡᠵᠦ ᠲᠠᠬᠢᠳᠠᠭ ᠣᠪᠣᠭᠠ ᠪᠣᠯ ᠨᠢᠭᠡ ᠨᠢᠷᠪᠠ ᠰᠤᠩᠭᠤᠵᠤ ᠲᠡᠷᠡ ᠡᠳᠦᠷ ᠤᠨ | ᠣᠪᠣᠭᠠ ᠲᠠᠬᠢᠬᠤ ᠨᠠᠶᠢᠷ ᠤᠨ ᠪᠦᠬᠦ ᠤᠴᠢᠷ ᠤᠳ ᠢ ᠬᠠᠮᠢᠶᠠᠷᠤᠨᠠ᠃ ᠰᠦᠮᠡ ᠬᠤᠷᠠᠯ ᠤᠨ ᠲᠠᠬᠢᠳᠠᠭ ᠣᠪᠣᠭᠠ ᠪᠣᠯ | ᠪᠦᠷ ᠰᠦᠮᠡ ᠶᠢᠨ ᠣᠪᠣᠭᠠᠨ ᠵᠢᠰᠠ ᠠᠴᠠ ᠪᠡᠯᠡᠳᠭᠡᠨᠡ᠃ ᠡᠨᠡ ᠠᠵᠢᠯ ᠢ ᠬᠢᠬᠦ ᠲᠤᠰᠬᠠᠢ ᠨᠢᠷᠪᠠ ᠲᠠᠢ ᠪᠠᠶᠢᠳᠠᠭ᠃ | ᠣᠪᠣᠭᠠ ᠲᠠᠬᠢᠬᠤ ᠳᠤ ᠰᠢᠭᠦᠰᠦ ᠢᠳᠡᠭᠡᠨ ᠢᠶᠠᠷ ᠲᠠᠬᠢᠬᠤ᠂ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠷ ᠲᠠᠬᠢᠬᠤ ᠨᠢ ᠤᠯᠠᠨ | ᠲᠤᠭᠠ ᠶᠢ ᠡᠵᠡᠯᠡᠵᠦ᠂ ᠶᠡᠭᠡ ᠡᠷᠲᠡ ᠦᠶᠡ ᠳᠤ ᠭᠠᠯ ᠢᠶᠠᠷ ᠲᠠᠬᠢᠬᠤ᠂ ᠡᠷᠳᠡᠨᠢ ᠪᠠᠷ ᠲᠠᠬᠢᠵᠤ ᠪᠠᠶᠢᠭᠰᠠᠨ ᠭᠡᠵᠦ | ᠨᠣᠳᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠬᠠᠭᠤᠴᠢᠯᠠᠵᠤ ᠪᠠᠶᠢᠳᠠᠭ᠃ ᠣᠳᠣ ᠣᠪᠣᠭᠠ ᠶᠢ ᠰᠢᠭᠦᠰᠦ ᠪᠠ ᠴᠠᠭᠠᠨ ᠢᠳᠡᠭᠡ ᠪᠠᠷ | ᠲᠠᠬᠢᠳᠠᠭ᠃ ᠭᠠᠯ ᠢᠶᠠᠷ ᠲᠠᠬᠢᠬᠤ᠂ ᠡᠷᠳᠡᠨᠢ ᠪᠠᠷ ᠲᠠᠬᠢᠬᠤ ᠨᠢ ᠣᠳᠣ ᠬᠦᠷᠲᠡᠯᠡ ᠤᠯᠠᠮᠵᠢᠯᠭᠳᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ | ᠪᠣᠯᠣᠯᠲᠠᠢ᠃ | ᠬᠤᠰᠢᠭᠤ ᠣᠪᠤᠭᠠ᠂ ᠰᠤᠮᠤᠨ ᠤ ᠣᠪᠣᠭᠠ᠂ ᠰᠦᠮᠡ ᠬᠡᠶᠢᠳ ᠤᠨ ᠣᠪᠣᠭᠠ᠂ ᠠᠶᠢᠯ ᠤᠨ ᠲᠠᠬᠢᠳᠠᠭ | ᠣᠪᠣᠭᠠ ᠶᠢ ᠲᠠᠬᠢᠬᠤ ᠶᠣᠰᠣ ᠵᠢᠷᠦᠮ ᠨᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢ ᠪᠠᠶᠢᠵᠤ᠂ ᠤᠷᠤᠯᠴᠠᠬᠤ ᠬᠦᠮᠦᠨ ᠨᠢ ᠤᠯᠠᠨ | ᠴᠦᠬᠡᠨ ᠤ ᠢᠯᠭᠠᠭᠠ ᠲᠠᠢ ᠲᠡᠳᠦᠢ ᠯᠡ ᠪᠢᠯᠡ᠃ ᠣᠪᠣᠭᠠ ᠪᠠᠨ ᠲᠠᠬᠢᠬᠤ ᠠᠴᠠ ᠡᠮᠦᠨᠡ ᠡᠳᠦᠷ ᠨᠢ ᠢᠷᠡᠵᠦ | ᠣᠪᠣᠭᠠ ᠰᠦᠪᠡᠭᠡ ᠪᠠᠨ ᠵᠠᠰᠠᠨ ᠰᠢᠨᠡᠳᠭᠡᠵᠦ᠂ ᠰᠠᠩ ᠲᠠᠯᠪᠢᠨ ᠣᠪᠣᠭᠠᠨ ᠵᠢᠰᠠ ᠭᠡᠵᠦ ᠤᠩᠰᠢᠬᠤ ᠴᠤ ᠪᠤᠢ᠃ | ᠳᠠᠷᠠᠭᠠ ᠦᠷᠯᠦᠭᠡ ᠪᠤᠯᠬᠤ ᠳᠤ ᠣᠪᠣᠭᠠᠨ ᠲᠠᠬᠢᠯᠭᠠ ᠵᠢᠩᠭᠢᠨᠢ ᠪᠠᠷ ᠡᠬᠢᠯᠡᠵᠦ ᠣᠪᠣᠭᠠᠨ ᠰᠠᠩ ᠣᠩᠰᠢᠨ | ᠣᠪᠣᠭᠠᠨ ᠳᠠᠭᠠᠨ ᠪᠦᠬᠦᠯᠢ ᠰᠢᠭᠦᠰᠦ ᠲᠠᠯᠪᠢᠵᠤ᠂ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠷ ᠲᠠᠬᠢᠳᠠᠭ ᠪᠣᠯ ᠴᠠᠭᠠᠨ ᠢᠳᠡᠭᠡ ᠵᠠᠰᠠᠵᠤ᠂ | ᠣᠪᠣᠭᠠᠨ ᠳᠠᠭᠠᠨ ᠰᠦ ᠡᠷᠭᠦᠵᠦ᠂ ᠴᠠᠭᠠᠨ ᠢᠳᠡᠭᠡ ᠮᠢᠯᠢᠶᠠᠵᠤ᠂ ᠠᠷᠢᠬᠢ ᠰᠠᠷᠬᠤᠳ ᠲᠡᠷᠢᠭᠦᠲᠡᠨ ᠢᠶᠠᠨ ᠡᠷᠭᠦᠨᠡ᠃ | ᠢᠲᠡᠭᠡᠯ ᠪᠢᠰᠢᠷᠡᠯ ᠤᠨ ᠡᠭᠦᠳᠡᠨ ᠠᠴᠠ ᠣᠪᠣᠭᠠᠨ ᠳᠠᠭᠠᠨ ᠬᠠᠳᠠᠭ ᠰᠠᠮᠪᠠᠢ᠂ ᠬᠠᠵᠠᠭᠠᠷ᠂ ᠨᠣᠭᠲᠤ᠂ ᠴᠢᠳᠦᠷ ᠲᠣᠱᠠ᠂ | ᠬᠦᠬᠡᠨᠡ ᠮᠡᠲᠦ ᠶᠢᠨ ᠶᠠᠭᠤᠮᠠ ᠶᠢ ᠣᠪᠣᠭᠠᠨ ᠤ ᠰᠦᠪᠡᠭᠡᠨ ᠳᠤ ᠤᠶᠠᠵᠤ ᠲᠠᠯᠪᠢᠨᠠ᠃ ᠢᠩᠬᠢᠭᠡᠳ | ᠣᠪᠣᠭᠠᠨ ᠳᠠᠭᠠᠨ ᠨᠠᠮᠠᠨᠴᠢᠯᠠᠨ ᠮᠦᠷᠭᠦᠵᠦ᠂ ᠰᠦᠰᠦᠭᠯᠡᠨ ᠳᠠᠭᠠᠳᠬᠠᠵᠤ ᠪᠠᠷᠠᠭᠰᠠᠨ ᠤ ᠰᠡᠭᠦᠯᠡᠷ ᠣᠪᠣᠭᠠᠨ ᠳᠠᠭᠠᠨ | ᠬᠦᠮᠦᠨ ᠪᠦᠬᠦᠨ ᠴᠢᠯᠠᠭᠤ ᠨᠡᠮᠡᠷᠢᠯᠡᠨᠡ᠃ ᠢᠩᠭᠢᠭᠡᠳ ᠤᠷᠤᠯᠳᠤᠭᠠᠨ ᠤ ᠮᠣᠷᠢ ᠣᠪᠣᠭᠠ ᠪᠠᠨ ᠨᠠᠷᠠ ᠵᠥᠪ ᠭᠤᠷᠪᠠ | ᠡᠷᠭᠢᠭᠰᠡᠨ ᠤ ᠳᠠᠷᠠᠭᠠ ᠬᠦᠳᠡᠯᠦᠨᠡ᠃ ᠢᠩᠭᠢᠭᠡᠳ ᠬᠦᠮᠦᠰ ᠣᠪᠣᠭᠠᠨ ᠤ ᠰᠡᠲᠡᠷ ᠲᠠᠢ ᠮᠠᠯ ᠢᠶᠠᠨ ᠤᠷᠤᠭᠤᠯᠵᠤ | ᠰᠡᠲᠡᠷ ᠲᠠᠢ ᠮᠠᠯ ᠢᠶᠠᠨ ᠤᠷᠤᠭᠤᠯᠵᠤ ᠰᠡᠲᠡᠷ ᠵᠡᠭᠦᠯᠭᠡᠬᠦ ᠪᠣᠶᠣ ᠰᠡᠲᠡᠷ ᠢᠶᠠᠨ ᠰᠢᠨᠡᠳᠭᠡᠨᠡ᠃ ᠳᠠᠷᠠᠭᠠ ᠨᠢ ᠪᠦᠬᠡ | ᠡᠬᠢᠯᠡᠵᠦ ᠨᠠᠶᠢᠷ ᠨᠠᠭᠠᠳᠤᠮ ᠨᠡᠩ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠪᠤᠯᠳᠠᠭ ᠪᠠᠶᠢᠨᠠ᠃ | ᠣᠪᠣᠭᠠᠨ ᠨᠠᠶᠢᠷ ᠲᠤ ᠢᠷᠡᠭᠰᠡᠨ ᠬᠦᠮᠦᠨ ᠤ ᠢᠳᠡᠵᠦ ᠤᠤᠭᠤᠬᠤ ᠶᠢ ᠣᠪᠣᠭᠠᠨ ᠵᠢᠰᠠ ᠪᠣᠶᠣ ᠣᠪᠣᠭᠠ | ᠲᠠᠬᠢᠵᠤ ᠪᠠᠶᠢᠭᠠ ᠠᠶᠢᠯ ᠠᠴᠠ ᠬᠠᠮᠢᠶᠠᠷᠴᠤ ᠣᠪᠣᠭᠠᠨ ᠤ ᠴᠠᠪ ᠮᠠᠩᠵᠠ ᠬᠡᠵᠦ ᠲᠤᠰᠬᠠᠢ ᠪᠡᠯᠡᠳᠭᠡᠨ᠂ ᠮᠢᠬᠠ ᠲᠠᠢ | ᠴᠢᠨᠠᠭᠰᠠᠨ ᠪᠤᠳᠠᠭᠠ ᠡᠰᠡᠭᠦᠯᠡ ᠮᠢᠬᠠ ᠵᠡᠷᠭᠡ ᠶᠢ ᠬᠤᠪᠢᠳᠠᠵᠤ ᠦᠭᠳᠡᠭ ᠪᠠᠶᠢᠵᠠᠢ᠃ | ᠣᠪᠣᠭᠠᠨ ᠳᠤ ᠲᠠᠯᠪᠢᠭᠰᠠᠨ ᠪᠦᠬᠦᠯᠢ ᠰᠢᠭᠦᠰᠦ ᠶᠢ ᠣᠯᠠᠨ ᠢᠶᠠᠷ ᠢᠶᠠᠨ ᠠᠮᠰᠠᠵᠤ᠂ ᠳᠠᠷᠠᠭᠠ ᠨᠢ ᠣᠯᠠᠨ ᠳᠤ | ᠣᠪᠣᠭᠠᠨ ᠤ ᠬᠡᠰᠢᠭ ᠭᠡᠵᠦ ᠬᠤᠪᠢᠳᠠᠵᠤ ᠦᠭᠬᠦ ᠪᠦᠭᠡᠳ ᠪᠦᠬᠦᠯᠢ ᠰᠢᠭᠦᠰᠦᠨ ᠤ ᠬᠤᠨᠢᠨ ᠲᠤᠯᠤᠭᠠᠢ ᠶᠢ ᠲᠡᠷᠢᠭᠦᠨ | ᠮᠣᠷᠢᠨ ᠳᠤ ᠱᠠᠩᠨᠠᠵᠤ ᠦᠭᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠠᠢ᠃ | ᠮᠣᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ ᠲᠠᠪᠢᠨ ᠮᠣᠷᠢ ᠤᠷᠤᠯᠳᠤᠭᠰᠠᠨ ᠪᠠᠶᠢᠪᠠᠯ ᠬᠤᠷᠢᠨ ᠵᠢᠷᠭᠤᠭᠠᠨ ᠮᠣᠷᠢ ᠶᠢ | ᠲᠡᠷᠢᠭᠦᠨ᠂ ᠳᠡᠳ᠋ ᠭᠡᠯᠮᠡᠨ ᠳᠠᠷᠠᠭᠠᠯᠠᠨ ᠳ᠋ᠤᠭᠠᠷᠯᠠᠵᠤ ᠱᠠᠩ ᠦᠭᠭᠦᠨᠡ᠃ ᠪᠦᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠳᠠᠩ | ᠳᠡᠭᠡᠷᠡ ᠣᠶᠢᠴᠢᠭᠰᠠᠨ ᠪᠦᠬᠡ ᠳᠤ ᠬᠦᠷᠲᠡᠯᠡ ᠭᠠᠷ ᠴᠠᠶᠢᠯᠭᠠᠬᠤ ᠪᠡᠯᠡᠭ ᠦᠭᠴᠦ᠂ ᠵᠢᠷᠠᠨ ᠳᠦᠷᠪᠡᠨ ᠪᠦᠭᠡ | ᠪᠠᠷᠢᠯᠳᠤᠭᠰᠠᠨ ᠪᠣᠯ ᠳᠡᠭᠡᠳᠦ ᠠᠷᠪᠠᠨ ᠵᠢᠷᠭᠤᠭᠠᠨ ᠪᠦᠬᠡ ᠳᠤ ᠲᠡᠷᠢᠭᠦᠨ ᠳᠡᠳ᠋ ᠳᠠᠷᠠᠭᠠᠯᠠᠨ ᠱᠠᠩ ᠦᠭᠭᠦᠨᠡ᠃ | ᠣᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠳᠡᠷᠢᠭᠦᠯᠡᠭᠰᠡᠨ ᠮᠣᠷᠢ ᠪᠠᠨ ᠴᠤᠯᠠᠯᠠᠵᠤ᠂ ᠮᠣᠷᠢ ᠪᠣᠯᠣᠨ ᠪᠦᠬᠡ ᠳᠤ ᠱᠠᠩ | ᠣᠯᠭᠤᠵᠤ ᠣᠪᠣᠭᠠᠨ ᠨᠠᠶᠢᠷ ᠲᠡᠭᠦᠰᠬᠦ ᠪᠣᠯᠣᠨᠠ᠃ ᠬᠦᠮᠦᠰ ᠲᠠᠬᠢᠳᠠᠭ ᠣᠪᠣᠭᠠᠨ ᠳᠤ ᠬᠤᠷᠠ ᠪᠤᠷᠤᠭᠠᠨ ᠡᠯᠪᠡᠭ᠂ | ᠮᠠᠯ ᠰᠦᠷᠦᠭ ᠦᠨᠢᠷ ᠦᠰᠬᠦ᠂ ᠡᠩᠬᠡ ᠲᠤᠩᠬᠠ᠂ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠰᠦᠰᠦᠭᠯᠡᠨ ᠳᠠᠭᠠᠳᠬᠠᠭᠠᠳ ᠣᠪᠣᠭᠠᠨ | ᠨᠢᠷᠪᠠ ᠶᠢᠨ ᠲᠦᠭᠡᠭᠡᠵᠦ ᠦᠭᠭᠦᠭᠰᠡᠨ ᠣᠪᠣᠭᠠᠨ ᠬᠡᠰᠢᠭ ᠢᠶᠠᠨ ᠠᠪᠴᠤ ᠭᠡᠷ ᠭᠡᠷ ᠲᠡᠭᠡᠨ ᠬᠠᠷᠢᠨᠠ᠃ | ᠶᠠᠮᠠᠷ ᠨᠢᠭᠡᠨ ᠰᠢᠯᠲᠠᠭᠠᠨ ᠠᠴᠠ ᠲᠠᠬᠢᠳᠠᠭ ᠣᠪᠣᠭᠠᠨ ᠳᠠᠭᠠᠨ ᠣᠴᠢᠵᠤ ᠴᠢᠳᠠᠭᠠ ᠦᠭᠡᠢ ᠠᠶᠢᠯ ᠨᠢ | ᠲᠠᠬᠢᠳᠠᠭ ᠣᠪᠣᠭᠠᠨ ᠤ ᠲᠡᠷᠡ ᠵᠦᠭ ᠲᠤ ᠵᠢᠵᠢᠭᠬᠡᠨ ᠴᠢᠯᠠᠭᠤᠨ ᠣᠪᠣᠭᠠ ᠪᠤᠰᠬᠠᠵᠤ᠂ ᠰᠦ᠂ ᠦᠷᠦᠮᠡ᠂ ᠲᠣᠰᠣ᠂ | ᠠᠷᠢᠬᠢ ᠡᠷᠭᠦᠵᠦ ᠣᠪᠣᠭᠠᠨ ᠳᠠᠭᠠᠨ ᠮᠦᠷᠭᠦᠨ ᠳᠠᠭᠠᠳᠬᠠᠬᠤ ᠶᠤᠰᠤ ᠶᠢ ᠭᠦᠢᠴᠡᠳᠭᠡᠨᠡ᠃ | ᠲᠠᠬᠢᠳᠠᠭ ᠣᠪᠣᠭᠠᠨ ᠳᠤ ᠤᠯᠠᠨ ᠴᠡᠭᠡᠷ ᠶᠣᠰᠤ ᠪᠠᠶᠢᠳᠠᠭ᠃ ᠵᠠᠷᠢᠮ ᠲᠠᠬᠢᠳᠠᠭ ᠣᠪᠣᠭᠠᠨ ᠳᠡᠭᠡᠷᠡ ᠡᠮᠡᠭᠲᠡᠢ ᠬᠦᠮᠦᠨ | ᠭᠠᠷᠴᠤ ᠪᠤᠯᠬᠤ ᠦᠭᠡᠢ᠃ ᠬᠠᠷᠢ ᠦᠨᠳᠦᠰᠦᠲᠡᠨ ᠤ ᠬᠦᠮᠦᠨ ᠭᠠᠷᠴᠤ ᠪᠣᠯᠬᠤ ᠦᠭᠡᠢ᠃ ᠭᠡᠷ ᠲᠤᠨᠢ ᠬᠦᠮᠦᠨ | ᠦᠬᠦᠭᠡᠳ ᠳᠦᠴᠢ ᠶᠢᠰᠦᠨ ᠬᠤᠨᠤᠭ ᠪᠤᠯᠤᠭᠠ ᠦᠭᠡᠢ ᠠᠶᠢᠯ ᠤᠨ ᠬᠦᠮᠦᠨ ᠤᠯᠴᠠᠶᠢᠵᠤ ᠪᠣᠯᠬᠤ ᠦᠭᠡᠢ᠃ ᠰᠠᠶ᠋ᠢ | ᠬᠡᠦᠬᠡᠳ ᠲᠦᠷᠦᠭᠰᠡᠨ ᠠᠶᠢᠯ ᠤᠨ ᠬᠦᠮᠦᠨ ᠣᠴᠢᠵᠤ ᠪᠣᠯᠬᠤ ᠦᠭᠡᠢ᠃ ᠲᠠᠬᠢᠳᠠᠭ ᠣᠪᠣᠭᠠᠨ ᠳᠡᠭᠡᠷᠡ ᠰᠢᠭᠡᠵᠦ | ᠪᠤᠯᠬᠤ ᠦᠭᠡᠢ ᠪᠠᠷ ᠪᠠᠷᠠᠬᠤ ᠦᠭᠡᠢ ᠣᠪᠣᠭᠠᠨ ᠦᠭᠡᠳᠡ ᠬᠠᠷᠠᠵᠤ ᠰᠢᠭᠡᠵᠦ ᠴᠤ ᠪᠣᠯᠬᠤ ᠦᠭᠡᠢ᠃ ᠲᠠᠬᠢᠳᠠᠭ | ᠣᠪᠣᠭᠠᠨ ᠤ ᠬᠠᠳᠠ ᠴᠢᠯᠠᠭᠤ ᠶᠢ ᠳᠤᠷᠠ ᠪᠠᠷ ᠢᠶᠠᠨ ᠬᠦᠳᠡᠯᠭᠡᠵᠦ ᠪᠣᠯᠬᠤ ᠦᠭᠡᠢ᠃ | ᠲᠠᠬᠢᠳᠠᠭ ᠣᠪᠣᠭᠠᠨ ᠤ ᠣᠷᠴᠢᠮ ᠠᠩ ᠬᠦᠷᠦᠭᠡ ᠬᠢᠵᠦ ᠪᠣᠯᠬᠤ ᠦᠭᠡᠢ ᠵᠡᠷᠭᠡ ᠣᠯᠠᠨ ᠴᠡᠭᠡᠷ ᠲᠠᠢ | ᠪᠠᠶᠢᠳᠠᠭ᠃ ᠣᠪᠣᠭᠠᠨ ᠤ ᠬᠡᠰᠢᠭ ᠢᠶᠠᠨ ᠭᠠᠯ ᠳᠠᠭᠠᠨ ᠡᠷᠭᠦᠵᠦ᠂ ᠳᠠᠷᠠᠭᠠ ᠨᠢ ᠭᠡᠷ ᠬᠤᠲᠠ ᠪᠠᠷ ᠢᠶᠠᠨ ᠬᠤᠪᠢᠳᠠᠵᠤ | ᠢᠳᠡᠳᠡᠭ ᠶᠤᠰᠤᠲᠠᠢ᠃ |