ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠪᠠᠮᠪᠠᠷᠠᠢ ᠬᠠᠶᠠᠬᠤ | ᠭᠤᠷᠪᠠᠨ ᠱᠠᠭᠠ ᠪᠠᠷ ᠪᠠᠮᠪᠠᠷᠠᠢ ᠬᠠᠶᠠᠵᠤ ᠵᠠᠭᠤᠨ ᠬᠤᠪᠢ ᠳᠤ ᠤᠷᠤᠯᠳᠤᠬᠤ ᠶᠢ ᠪᠠᠮᠪᠠᠷᠠᠢ ᠬᠠᠶᠠᠬᠤ ᠭᠡᠨᠡ᠃ | ᠡᠭᠦᠨ ᠳᠤ ᠭᠤᠷᠪᠠᠨ ᠮᠣᠷᠢ ᠭᠤᠷᠪᠠᠨ ᠬᠤᠪᠢ᠂ ᠭᠤᠷᠪᠠᠨ ᠲᠡᠮᠡᠭᠡ ᠭᠤᠷᠪᠠᠨ ᠬᠤᠪᠢ᠂ ᠭᠤᠷᠪᠠᠨ ᠬᠤᠨᠢ ᠨᠢᠭᠡ | ᠬᠤᠪᠢ᠂ ᠭᠤᠷᠪᠠᠨ ᠢᠮᠠᠭᠠ ᠨᠢᠭᠡ ᠬᠤᠪᠢ ᠪᠢᠯᠡ᠃ ᠵᠠᠭᠤᠨ ᠬᠤᠪᠢ ᠳᠤ ᠤᠷᠤᠯᠳᠤᠬᠤ ᠳᠠᠭᠠᠨ ᠭᠤᠷᠪᠠᠨ | ᠬᠤᠪᠢ ᠪᠠᠨ ᠭᠤᠷᠪᠠᠨ ᠳᠠᠬᠢᠨ ᠦᠷᠡᠵᠢᠭᠦᠯᠵᠦ ᠪᠤᠳᠤᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠭᠤᠷᠪᠠᠨ ᠮᠣᠷᠢ ᠪᠤᠰᠪᠠᠯ ᠶᠢᠰᠦᠨ ᠬᠤᠪᠢ | ᠪᠠᠷ ᠪᠤᠳᠤᠨᠠ᠃ ᠪᠠᠰᠠ ᠴᠤᠬᠢᠶᠠᠲᠠᠢ ᠨᠠᠭᠠᠳᠳᠠᠭ ᠤᠴᠢᠷ ᠪᠤᠢ᠃ ᠠᠳᠠᠯᠢ ᠲᠤᠭᠠ ᠪᠠᠷ ᠠᠳᠠᠯᠢ ᠲᠤᠭᠠ ᠶᠢ | ᠳᠠᠷᠤᠬᠤ ᠶᠢ ᠴᠤᠬᠢᠶᠠᠲᠠᠢ ᠭᠡᠬᠦ ᠪᠣᠶᠤ ᠰᠢᠳᠠᠭᠠᠨᠠ ᠭᠡᠵᠦ ᠬᠡᠯᠡᠨᠡ᠃ ᠵᠢᠱᠢᠶᠡᠯᠡᠪᠡᠯ᠂ ᠬᠤᠶᠠᠷ ᠬᠦᠮᠦᠨ ᠳᠠᠷᠠᠭᠠ | ᠳᠠᠷᠠᠭᠠ ᠪᠠᠷ ᠶᠢᠰᠦᠨ ᠬᠤᠪᠢ ᠤᠯᠴᠢᠬᠠᠪᠠᠯ ᠲᠠᠷᠤᠢ ᠰᠢᠳᠠᠭᠠᠭᠰᠠᠨ ᠭᠡᠵᠦ ᠪᠦᠷ ᠬᠤᠪᠢ ᠤᠯᠤᠭᠰᠠᠨ ᠦᠭᠡᠢ ᠪᠠᠷ | ᠪᠤᠳᠤᠨᠠ᠃ ᠡᠨᠡ ᠮᠡᠲᠦ ᠪᠠᠷ ᠡᠭᠡᠯᠵᠢᠯᠡᠨ ᠵᠠᠭᠤᠨ ᠬᠤᠪᠢ ᠳᠤ ᠤᠷᠤᠯᠳᠤᠳᠤᠭ ᠪᠠᠶᠢᠨᠠ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠶᠢᠰᠦᠨ ᠡᠷᠳᠡᠨᠢ | ᠶᠢᠰᠦᠨ ᠡᠷᠳᠡᠨᠢ ᠭᠡᠬᠦ ᠲᠤᠭᠯᠠᠭᠠᠮ ᠪᠣᠯ ᠭᠤᠷᠪᠠᠨ ᠱᠠᠭᠠ ᠪᠠᠷ ᠨᠠᠭᠠᠳᠤᠨᠠ᠃ ᠬᠡᠳᠦᠨ ᠬᠦᠮᠦᠨ | ᠨᠠᠭᠠᠳᠤᠭᠰᠠᠨ ᠴᠤ ᠪᠦᠷ ᠪᠤᠯᠤᠨᠠ᠃ ᠭᠤᠷᠪᠠᠨ ᠮᠣᠷᠢ ᠪᠤᠰᠪᠠᠯ ᠠᠯᠲᠠᠨ ᠡᠷᠳᠡᠨᠢ᠂ ᠭᠤᠷᠪᠠᠨ ᠬᠤᠨᠢ ᠪᠤᠰᠪᠠᠯ | ᠮᠥᠩᠭᠦᠨ ᠡᠷᠳᠡᠨᠢ᠂ ᠭᠤᠷᠪᠠᠨ ᠦᠬᠡᠷ ᠪᠣᠰᠪᠠᠯ ᠱᠢᠷᠦᠨ ᠡᠷᠳᠡᠨᠢ᠂ ᠭᠤᠷᠪᠠᠨ ᠲᠡᠮᠡᠭᠡ ᠪᠤᠰᠪᠠᠯ ᠵᠡᠰ ᠡᠷᠳᠡᠨᠢ᠂ ᠬᠤᠶᠠᠷ | ᠲᠡᠮᠡᠭᠡ ᠨᠢᠭᠡ ᠢᠮᠠᠭᠠ ᠪᠤᠰᠪᠠᠯ ᠳ᠋ᠠᠶᠤ ᠡᠷᠳᠡᠨᠢ᠂ ᠬᠤᠶᠠᠷ ᠲᠡᠮᠡᠭᠡ ᠨᠢᠭᠡ ᠬᠤᠨᠢ ᠪᠤᠰᠪᠠᠯ ᠨᠣᠮᠢᠨ ᠡᠷᠳᠡᠨᠢ᠂ ᠬᠤᠶᠠᠷ | ᠬᠤᠨᠢ ᠨᠢᠭᠡ ᠮᠣᠷᠢ ᠪᠤᠰᠪᠠᠯ ᠰᠤᠪᠤᠳ ᠡᠷᠳᠡᠨᠢ᠂ ᠬᠤᠶᠠᠷ ᠬᠤᠨᠢ ᠨᠢᠭᠡ ᠲᠡᠮᠡᠭᠡ ᠪᠤᠰᠪᠠᠯ ᠲᠠᠨᠠ ᠡᠷᠳᠡᠨᠢ᠂ ᠭᠤᠷᠪᠠᠨ | ᠪᠡᠷᠬᠡ ᠪᠤᠰᠪᠠᠯ ᠭᠠᠩ ᠡᠷᠳᠡᠨᠢ ᠭᠡᠵᠦ ᠨᠠᠭᠠᠳᠬᠤ ᠪᠦᠭᠡᠳ ᠬᠡᠨ ᠲᠡᠷᠢᠭᠦᠨ ᠳᠤ ᠶᠢᠰᠦᠨ ᠡᠷᠳᠡᠨᠢ ᠪᠦᠷᠢᠯᠳᠦᠭᠦᠯᠵᠦ | ᠴᠢᠳᠠᠪᠠᠯ ᠲᠡᠷᠡ ᠱᠦᠭᠦᠯᠲᠡ ᠪᠠᠨ ᠤᠯᠤᠨᠠ᠃ ᠡᠭᠦᠨ ᠳᠡᠭᠡᠨ ᠪᠠᠰᠠ ᠭᠤᠷᠪᠠᠨ ᠡᠷᠳᠡᠨᠢ᠂ ᠳᠤᠯᠤᠭᠠᠨ ᠡᠷᠳᠡᠨᠢ | ᠪᠦᠷᠢᠯᠳᠦᠭᠦᠯᠵᠦ ᠨᠠᠭᠠᠳᠬᠤ ᠴᠤ ᠪᠤᠢ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠮᠣᠷᠢ ᠤᠶᠠᠬᠤ | ᠮᠣᠷᠢ ᠤᠶᠠᠬᠤ ᠲᠤᠭᠯᠠᠭᠠᠮ ᠪᠣᠯ ᠤᠷᠤᠯᠳᠤᠭᠠᠨ ᠤ ᠮᠣᠷᠢ ᠰᠤᠩᠭᠤᠵᠤ ᠰᠤᠶᠢᠬᠤ ᠠᠭᠤᠯᠭᠠ ᠲᠠᠢ | ᠲᠤᠭᠯᠠᠭᠠᠮ ᠶᠤᠮ᠃ ᠨᠢᠭᠡ ᠠᠴᠠ ᠳᠡᠭᠡᠭᠰᠢ ᠬᠡᠳᠦᠨ ᠬᠦᠮᠦᠨ ᠨᠠᠭᠠᠳᠤᠭᠰᠠᠨ ᠴᠤ ᠪᠤᠯᠳᠠᠭ᠃ ᠲᠤᠭᠯᠠᠭᠠᠮ ᠳᠤ | ᠤᠷᠤᠯᠴᠠᠭᠰᠠᠨ ᠬᠦᠮᠦᠨ ᠪᠤᠯᠭᠠᠨ ᠲᠠᠪᠤ ᠠᠴᠠ ᠳᠤᠯᠤᠭᠠᠨ ᠱᠠᠭᠠ ᠳᠤ ᠲᠡᠮᠲᠡᠭ ᠲᠠᠯᠪᠢᠵᠤ ᠮᠣᠷᠢ ᠤᠶᠠᠬᠤ ᠳᠤ | ᠤᠷᠤᠯᠴᠠᠭᠤᠯᠤᠨᠠ᠃ ᠢᠩᠬᠢᠭᠡᠳ ᠲᠡᠮᠲᠡᠭ ᠲᠠᠯᠪᠢᠭᠰᠠᠨ ᠱᠠᠭᠠ ᠪᠠᠨ ᠨᠡᠶᠢᠯᠡᠭᠦᠯᠦᠨ ᠡᠭᠡᠯᠵᠢᠯᠡᠨ ᠬᠠᠶᠠᠬᠤ ᠳᠤ ᠬᠡᠨ ᠤ | ᠲᠡᠮᠲᠡᠭ ᠲᠠᠢ ᠱᠠᠭᠠ ᠨᠢ ᠲᠡᠷᠢᠭᠦᠨ ᠳᠤ ᠪᠤᠰᠪᠠᠯ ᠡᠵᠡᠨ ᠨᠢ ᠠᠪᠴᠤ ᠨᠢᠭᠡ ᠳᠤᠭᠤᠶᠢᠯᠠᠵᠤ ᠠᠪᠤᠭᠠᠳ ᠦᠯᠡᠳᠡᠭᠰᠡᠨ | ᠱᠠᠭᠠ ᠪᠠᠨ ᠲᠤᠰ ᠲᠤᠨᠢ ᠲᠠᠯᠪᠢᠵᠤ᠂ ᠰᠠᠶ᠋ᠢ ᠶᠢᠨ ᠮᠣᠷᠢ ᠪᠤᠰᠤᠭᠰᠠᠨ ᠱᠠᠭᠠ ᠪᠠᠨ ᠲᠠᠬᠢᠵᠤ ᠡᠭᠡᠯᠵᠢᠯᠡᠨ ᠬᠠᠶᠠᠵᠤ | ᠮᠦᠨ ᠳᠡᠭᠡᠷᠡ ᠨᠢᠭᠡ ᠤᠳᠠᠭᠠ ᠲᠠᠢ ᠪᠠᠨ ᠠᠳᠠᠯᠢ ᠪᠠᠷ ᠮᠣᠷᠢ ᠪᠤᠰᠤᠭᠰᠠᠨ ᠱᠠᠭᠠ ᠪᠠᠨ ᠠᠪᠴᠤ ᠲᠠᠬᠢᠨ ᠨᠠᠭᠠᠳᠴᠤ᠂ | ᠬᠡᠨ ᠤ ᠬᠢᠨᠢ ᠮᠣᠷᠢ ᠲᠡᠷᠢᠭᠦᠯᠡᠪᠡᠯ ᠰᠠᠶ᠋ᠢ ᠵᠢᠩᠬᠢᠨᠢ ᠤᠷᠤᠯᠳᠤᠭᠠᠨ ᠤ ᠬᠤᠷᠳᠤᠴᠠ ᠮᠣᠷᠢ ᠭᠡᠵᠦ ᠨᠠᠭᠠᠳᠳᠠᠭ ᠶᠤᠮ᠃ | ᠭᠤᠤᠯᠳᠠᠭᠤ ᠬᠡᠦᠬᠡᠳ ᠪᠠᠭᠠᠴᠤᠳ ᠨᠠᠭᠠᠳᠬᠤ ᠨᠢ ᠤᠯᠠᠨ᠃ | ᠰᠦᠨᠢᠳ ᠤᠨ ᠱᠠᠭᠠ ᠨᠠᠭᠠᠳᠤᠮ — ᠵᠢᠯ ᠤᠷᠤᠭᠤᠯᠬᠤ | ᠡᠨᠡ ᠨᠠᠭᠠᠳᠤᠮ ᠪᠤᠯ ᠵᠢᠯ ᠤᠷᠤᠭᠰᠠᠨ ᠬᠦᠮᠦᠨ ᠳᠤ ᠵᠤᠷᠢᠭᠤᠯᠵᠤ ᠨᠠᠭᠠᠳᠬᠤ ᠲᠤᠭᠯᠠᠭᠠᠮ ᠶᠤᠮ᠃ ᠠᠷᠪᠠᠨ | ᠭᠤᠷᠪᠠᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢ ᠵᠢᠯ ᠤᠷᠤᠭᠰᠠᠨ ᠬᠦᠮᠦᠨ ᠴᠠᠭᠠᠨ ᠰᠠᠷᠠ ᠳᠤ ᠨᠠᠭᠠᠳᠬᠤ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠠᠢ᠃ | ᠮᠤᠩᠭᠤᠯᠴᠤᠳ ᠤᠨ ᠲᠤᠲᠤᠷᠠ ᠠᠷᠪᠠᠨ ᠭᠤᠷᠪᠠ᠂ ᠬᠤᠷᠢᠨ ᠲᠠᠪᠤ᠂ ᠭᠤᠴᠢᠨ ᠳᠤᠯᠤᠭᠠ᠂ ᠳᠥᠴᠢ ᠶᠢᠰᠦ᠂ ᠵᠢᠷᠠᠨ | ᠨᠢᠭᠡ᠂ ᠳᠠᠯᠠᠨ ᠭᠤᠷᠪᠠ᠂ ᠨᠠᠶᠠᠨ ᠲᠠᠪᠤ ᠳᠤ ᠪᠦᠷ ᠵᠢᠯ ᠤᠷᠤᠭᠤᠯᠬᠤ ᠪᠠᠶᠠᠷ ᠬᠢᠳᠡᠭ ᠵᠠᠩᠰᠢᠯ ᠣᠳᠣ ᠪᠤᠯᠲᠠᠯᠠ | ᠤᠯᠠᠮᠵᠢᠯᠠᠭᠳᠠᠵᠤ ᠪᠤᠢ᠃ ᠡᠶᠢᠮᠦ ᠠᠴᠠ ᠵᠢᠯ ᠤᠷᠤᠭᠤᠯᠬᠤ ᠳᠠᠭᠠᠨ ᠠᠷᠪᠠᠨ ᠬᠤᠶᠠᠷ ᠵᠢᠯ ᠭᠡᠵᠦ ᠱᠠᠭᠠ | ᠨᠠᠭᠠᠳᠬᠤ ᠠᠴᠠ ᠭᠠᠳᠠᠨᠠ ᠵᠢᠯ ᠤᠷᠤᠭᠤᠯᠵᠤ ᠪᠠᠶᠢᠨᠠ ᠭᠡᠵᠦ ᠵᠢᠯ ᠤᠷᠤᠭᠰᠠᠨ ᠨᠠᠰᠤᠨ ᠤ ᠬᠢᠨᠢ ᠲᠤᠭᠠ ᠪᠠᠷ ᠱᠠᠭᠠ | ᠬᠠᠶᠠᠵᠤ ᠨᠠᠭᠠᠳᠳᠠᠭ᠃ ᠠᠷᠪᠠᠨ ᠭᠤᠷᠪᠠ᠂ ᠬᠤᠷᠢᠨ ᠲᠠᠪᠤ᠂ ᠭᠤᠴᠢᠨ ᠳᠤᠯᠤᠭᠠᠨ ᠨᠠᠰᠤᠲᠠᠢ ᠬᠦᠮᠦᠨ ᠵᠢᠯ | ᠤᠷᠤᠭᠰᠠᠨ ᠪᠣᠯ ᠪᠦᠷ ᠦᠪᠡᠷᠲᠡᠭᠡᠨ ᠨᠠᠰᠤ ᠲᠠᠢ ᠪᠠᠨ ᠠᠳᠠᠯᠢ ᠲᠣᠭᠠᠨ ᠤ ᠱᠠᠭᠠ ᠠᠪᠴᠤ ᠮᠦᠨ ᠨᠠᠰᠤᠨ ᠤ ᠪᠠᠨ | ᠲᠤᠭᠠ ᠪᠠᠷ ᠬᠠᠶᠠᠵᠤ ᠮᠣᠷᠢ ᠪᠤᠰᠬᠠᠵᠤ ᠨᠠᠭᠠᠳᠤᠨᠠ᠃ ᠳᠥᠴᠢ ᠶᠢᠰᠦ᠂ ᠵᠢᠷᠠᠨ ᠨᠢᠭᠡ᠂ ᠳᠠᠯᠠᠨ ᠭᠤᠷᠪᠠ᠂ ᠨᠠᠶᠠᠨ | ᠲᠠᠪᠤᠨ ᠨᠠᠰᠤᠲᠠᠢ ᠬᠦᠮᠦᠨ ᠵᠢᠯ ᠤᠷᠤᠭᠰᠠᠨ ᠪᠣᠯ ᠬᠡᠦᠬᠡᠳ ᠳᠡᠭᠦᠦ ᠨᠠᠷ ᠨᠢ ᠵᠢᠯ ᠢ ᠨᠢ ᠤᠷᠤᠭᠤᠯᠵᠤ ᠪᠠᠶᠢᠠᠨ ᠭᠡᠵᠦ | ᠵᠢᠯ ᠤᠷᠤᠭᠰᠠᠨ ᠠᠬᠠᠮᠠᠳ ᠤᠨ ᠢᠶᠠᠨ ᠨᠠᠰᠤᠨ ᠤ ᠲᠤᠭᠠ ᠪᠠᠷ ᠱᠠᠭᠠ ᠠᠪᠴᠤ ᠨᠠᠰᠤᠨ ᠤ ᠬᠢᠨᠢ ᠲᠤᠭᠠ ᠪᠠᠷ ᠬᠠᠶᠠᠵᠤ | ᠮᠣᠷᠢ ᠪᠤᠰᠬᠠᠵᠤ ᠨᠠᠭᠠᠳᠤᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠳᠥᠴᠢ ᠶᠢᠰᠦᠨ ᠤ ᠬᠦᠮᠦᠨ ᠳᠤ ᠵᠢᠯ ᠤᠷᠤᠭᠤᠯᠬᠤ ᠳᠤ ᠲᠥᠴᠢ | ᠶᠢᠰᠦᠨ ᠱᠠᠭᠠ ᠶᠢ ᠳᠥᠴᠢ ᠶᠢᠰᠦᠨ ᠤᠳᠠᠭᠠ ᠬᠠᠶᠠᠵᠤ ᠪᠦᠷ ᠮᠣᠷᠢ ᠪᠤᠰᠬᠠᠵᠤ ᠴᠢᠳᠠᠪᠠᠯ ᠵᠢᠯ ᠤᠷᠤᠭᠰᠠᠨ | ᠵᠢᠯ ᠳᠡᠭᠡᠨ ᠬᠡᠢ ᠮᠣᠷᠢ ᠲᠠᠢ ᠭᠡᠵᠦ ᠪᠡᠯᠭᠡᠰᠢᠶᠡᠨ ᠦᠵᠡᠳᠡᠭ᠃ |