| ᠳ᠋ᠠ ᠯᠦ ᠲᠤᠭᠯᠠᠭᠠᠮ ᠪᠣᠯ ᠰᠦᠨᠢᠳᠴᠤᠳ ᠤᠨ ᠦᠷᠭᠦᠯᠵᠢ ᠨᠠᠭᠠᠳᠬᠤ ᠳᠤᠷᠠᠲᠠᠢ ᠨᠠᠭᠠᠳᠤᠮ | ᠲᠤᠭᠯᠠᠭᠠᠮ ᠤᠨ ᠨᠢᠭᠡ ᠶᠤᠮ᠃ ᠡᠩ ᠤᠨ ᠵᠠᠪ ᠴᠢᠯᠦᠭᠡᠨ ᠳᠡᠭᠡᠨ ᠵᠤᠭᠠ ᠴᠡᠩᠭᠡᠯ ᠪᠤᠯᠭᠠᠨ ᠨᠠᠭᠠᠳᠬᠤ ᠮᠦᠷᠲᠡᠭᠡᠨ | ᠪᠠᠶᠠᠷ ᠳᠤᠷᠠᠰᠬᠠᠯ᠂ ᠰᠢᠨᠡ ᠴᠠᠭᠠᠨ ᠰᠠᠷᠠ ᠳᠤ ᠦᠷᠭᠦᠯᠵᠢ ᠨᠠᠭᠠᠳᠤᠨᠠ᠃ | ᠳ᠋ᠠ ᠯᠦ ᠨᠢ ᠵᠢᠷᠠᠨ ᠮᠣᠳᠤ᠂ ᠨᠢᠭᠡ ᠱᠣ᠂ ᠭᠤᠴᠢᠨ ᠵᠢᠷᠭᠤᠭᠠᠨ ᠪᠤᠳᠠ᠂ ᠳᠠᠯᠠᠨ ᠬᠤᠶᠠᠷ ᠢᠮᠠᠭᠠ ᠲᠠᠢ | ︵ᠡᠨᠡ ᠭᠤᠴᠢᠨ ᠵᠢᠷᠭᠤᠭᠠᠨ ᠪᠣᠳᠠ᠂ ᠳᠠᠯᠠᠨ ᠬᠤᠶᠠᠷ ᠢᠮᠠᠭᠠ ᠶᠢ ᠵᠢᠩ ᠲᠠᠯᠪᠢᠬᠤ ᠳᠤ ᠬᠡᠷᠡᠭᠯᠡᠨᠡ᠃ ᠪᠤᠰᠤᠳ | ᠭᠤᠷᠪᠠᠨ ᠵᠦᠢᠯ ᠤᠨ ᠲᠤᠭᠯᠠᠭᠠᠮ ᠳᠤ ᠬᠡᠷᠡᠭᠯᠡᠬᠦ ᠦᠭᠡᠢ︶᠃ ᠳ᠋ᠠ ᠯᠦ ᠶᠢᠨ ᠵᠢᠷᠠᠨ ᠮᠣᠳᠤ ᠨᠢ ᠵᠥᠪ ᠲᠠᠯᠠ ᠶᠢᠨ | ᠲᠦᠴᠢᠨ ᠮᠣᠳᠤ᠂ ᠪᠤᠷᠤᠭᠤ ᠲᠠᠯᠠ ᠶᠢᠨ ᠬᠤᠷᠢᠨ ᠮᠣᠳᠣ ᠲᠠᠢ᠃ ᠵᠥᠪ ᠲᠠᠯᠠ ᠶᠢᠨ ᠬᠠᠮᠤᠭ ᠶᠡᠭᠡ ᠮᠣᠳᠤ ᠨᠢ | ᠠᠷᠪᠠᠨ ᠬᠤᠶᠠᠷ ᠨᠦᠬᠡ ᠲᠠᠢ᠃ ᠳ᠋ᠠ ᠯᠦ ᠶᠢᠨ ᠪᠤᠷᠤᠭᠤ ᠲᠠᠯᠠ ᠶᠢᠨ ᠬᠠᠮᠤᠭ ᠶᠡᠭᠡ ᠮᠣᠳᠣ ᠨᠢ ᠶᠢᠰᠦᠨ ᠨᠥᠬᠡ ᠲᠠᠢ | ᠪᠠᠶᠢᠳᠠᠭ᠃ ᠵᠥᠪ ᠲᠠᠯᠠ ᠶᠢᠨ ᠮᠣᠳᠤ ᠨᠢ ᠵᠥᠪ ᠲᠠᠯᠠ ᠶᠢᠨ ᠮᠣᠳᠣ ᠪᠠᠨ ᠶᠡᠭᠡ ᠪᠠᠭᠠ ᠪᠠᠷ ᠳᠠᠷᠠᠭᠠᠯᠠᠨ ᠠᠬᠠᠯᠠᠵᠤ | ᠳᠡᠶᠢᠯᠵᠤ ᠶᠠᠪᠤᠨᠠ᠃ ᠪᠤᠷᠤᠭᠤ ᠲᠠᠯᠠ ᠶᠢᠨ ᠮᠣᠳᠣ ᠨᠢ ᠪᠤᠷᠤᠭᠤ ᠲᠠᠯᠠ ᠶᠢᠨ ᠮᠣᠳᠤ ᠪᠠᠨ ᠶᠡᠭᠡ ᠪᠠᠭᠠ ᠪᠠᠷ ᠠᠬᠠᠯᠠᠵᠤ | ᠳᠡᠶᠢᠯᠵᠤ ᠶᠠᠪᠤᠨᠠ᠃ ᠪᠤᠷᠤᠭᠤ ᠲᠠᠯᠠ ᠶᠢᠨ ᠮᠣᠳᠣ ᠪᠠᠷ ᠳᠠᠷᠤᠵᠤ ᠳᠡᠶᠢᠯᠬᠦ ᠦᠭᠡᠢ᠃ | ᠵᠢᠩ ᠲᠠᠯᠪᠢᠬᠤ ᠲᠤᠭᠯᠠᠭᠠᠮ ᠢ ᠳᠦᠷᠪᠡᠨ ᠬᠦᠮᠦᠨ ᠪᠡᠶᠡ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠨᠠᠭᠠᠳᠤᠨᠠ᠃ ᠬᠦᠮᠦᠨ | ᠪᠦᠷᠢ ᠠᠷᠪᠠᠨ ᠵᠢᠷᠭᠤᠭᠠᠨ ᠮᠣᠳᠣ᠂ ᠶᠢᠰᠦᠨ ᠲᠡᠮᠡᠭᠡ᠂ ᠠᠷᠪᠠᠨ ᠨᠠᠢᠮᠠᠨ ᠢᠮᠠᠭᠠ ᠲᠤᠰ ᠲᠤᠰ ᠬᠤᠪᠢᠳᠠᠵᠤ ᠠᠪᠤᠭᠠᠳ | ᠵᠢᠩᠳᠡᠭᠰᠡᠨ ᠮᠤᠳᠤᠨ ︵ᠱᠤ ᠬᠠᠶᠠᠭᠠᠳ ᠬᠡᠳᠦᠢ ᠨᠦᠬᠡ ᠲᠠᠢ ᠪᠣᠯ ᠲᠡᠷᠡ ᠨᠦᠬᠡ ᠶᠢᠨ ᠲᠤᠭᠠ ᠲᠠᠢ ᠮᠣᠳᠤ ᠶᠢ | ᠵᠢᠩᠳᠡᠭᠰᠡᠨ ᠮᠣᠳᠣ ᠭᠡᠨᠡ︶ ᠤ ᠲᠤᠭᠠ ᠪᠠᠷ ᠲᠡᠮᠡᠭᠡ ᠢᠮᠠᠭᠠ ᠪᠠᠨ ᠥᠭᠴᠦ ᠠᠪᠤᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠳ᠋ᠠ ᠯᠦ ︵ | ᠠᠷᠪᠠᠨ ᠬᠤᠶᠠᠷ ᠨᠦᠬᠡ ᠲᠠᠢ ᠮᠣᠳᠣ︶ ᠵᠢᠩᠳᠡᠭᠰᠡᠨ ᠪᠣᠯ ᠲᠦᠷᠦᠭᠦᠦ ᠭᠠᠷᠬᠤ ᠬᠦᠮᠦᠨ ᠳᠤ ᠵᠢᠩᠳᠡᠭᠰᠡᠨ ᠳ᠋ᠠ ᠯᠦ | ᠬᠤᠶᠠᠷ ᠪᠠᠶᠢᠪᠠᠯ ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠭᠰᠠᠨ ᠪᠤᠰᠤᠳ ᠭᠤᠷᠪᠠᠨ ᠬᠦᠮᠦᠨ ᠠᠴᠠ ᠪᠠᠨ ᠬᠤᠷᠢᠨ ᠳᠦᠷᠪᠡᠨ ᠢᠮᠠᠭᠠ | ᠲᠤᠰ ᠲᠤᠰ ᠬᠤᠨᠵᠢᠵᠤ ᠠᠪᠤᠨᠠ᠃ ᠡᠨᠡ ᠮᠡᠲᠦ ᠪᠠᠷ ᠨᠠᠭᠠᠳᠴᠤ ᠬᠡᠨ ᠨᠢ ᠥᠭᠬᠦ ᠲᠡᠮᠡᠭᠡ ᠢᠮᠠᠭᠠ ᠦᠭᠡᠢ ᠪᠣᠯ | ᠲᠡᠷᠡ ᠨᠢ ᠱᠦᠭᠦᠭᠳᠡᠵᠦ ᠨᠠᠭᠠᠳᠤᠮ ᠲᠡᠭᠦᠰᠦᠨᠡ᠃ | ᠳ᠋ᠠ ᠯᠦ ᠨᠠᠭᠠᠳᠤᠮ ᠤᠨ ᠱᠦᠭᠦᠯᠲᠡ ᠳᠤ ᠵᠢᠷᠭᠤᠭᠠ᠂ ᠠᠷᠪᠠᠨ ᠬᠤᠶᠠᠷ᠂ ᠬᠤᠷᠢᠨ ᠳᠥᠷᠪᠡ᠂ ᠲᠦᠴᠢᠨ | ᠨᠠᠢᠮᠠ᠂ ᠳᠠᠯᠠᠨ ᠬᠤᠶᠠᠷ᠂ ᠶᠡᠷᠡᠨ ᠵᠢᠷᠭᠤᠭᠠ ᠵᠡᠷᠭᠡ ᠲᠤᠭᠠ ᠪᠠᠷ ᠶᠡᠭᠡ ᠪᠠᠭᠠ ᠨᠢ ᠠᠳᠠᠯᠢ ᠦᠭᠡᠢ ᠱᠦᠭᠦᠯᠲᠡ | ᠬᠢᠳᠡᠭ᠃ ᠶᠡᠷᠡᠨ ᠵᠢᠷᠭᠤᠭᠠ ᠶᠢᠨ ᠲᠤᠭᠠ ᠬᠢᠬᠦ ᠨᠢ ᠬᠠᠮᠲᠤ ᠨᠠᠭᠠᠳᠴᠤ ᠪᠠᠶᠢᠭᠰᠠᠨ ᠭᠤᠷᠪᠠᠨ ᠬᠦᠮᠦᠨ ᠢᠶᠠᠨ ᠪᠠᠷᠤᠭ | ᠪᠦᠷ ᠱᠦᠬᠦᠵᠦ ᠴᠢᠳᠠᠬᠤ ᠲᠤᠯᠠ ᠬᠠᠮᠤᠭ ᠰᠠᠶᠢᠨ ᠱᠦᠭᠦᠯᠲᠡ ᠳᠤ ᠲᠤᠭᠠᠴᠠᠭᠳᠠᠨᠠ᠃ |