| ᠡᠷᠲᠡ ᠤᠵᠠᠭᠤᠷ ᠠᠴᠠ ᠪᠠᠨ ᠠᠩ ᠠᠩᠨᠠᠵᠤ ᠢᠷᠡᠭᠰᠡᠨ ᠮᠤᠩᠭᠤᠯᠴᠤᠳ ᠠᠵᠤ ᠠᠮᠢᠳᠤᠷᠠᠯ ᠤᠨ | ᠳᠤᠮᠳᠠ ᠪᠠᠨ ᠵᠢᠷᠭᠠᠯ ᠢ ᠡᠳ᠋ᠯᠡᠬᠦ ᠳᠡᠭᠡᠨ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠡᠭᠦᠰᠬᠡᠵᠦ ᠠᠮᠢᠳᠤᠷᠠᠯ ᠤᠨ ᠪᠠᠶᠠᠷ ᠴᠡᠩᠭᠡᠯ ᠢᠶᠠᠨ | ᠵᠦᠩᠨᠡᠨ ᠪᠡᠯᠭᠡᠳᠡᠳᠡᠭ ᠰᠠᠶᠢᠬᠠᠨ ᠵᠠᠩᠰᠢᠯ ᠲᠠᠢ᠃ ᠡᠭᠦᠨ ᠤ ᠲᠤᠲᠤᠷᠠ ᠱᠠᠭᠠ ᠨᠠᠭᠠᠳᠤᠮ ᠪᠣᠯ ᠨᠢᠭᠡ ᠵᠦᠢᠯ ᠨᠢ | ᠪᠤᠯᠤᠨᠠ᠃ | ᠮᠣᠩᠭᠤᠯ ᠬᠦᠮᠦᠨ ᠤ ᠨᠠᠭᠠᠳᠳᠠᠭ ᠱᠠᠭᠠ ᠪᠣᠯ ᠬᠤᠨᠢ᠂ ᠢᠮᠠᠭᠠ᠂ ᠦᠬᠡᠷ᠂ ᠵᠡᠭᠡᠷᠡ᠂ ᠠᠷᠭᠠᠯᠢ ᠵᠡᠷᠭᠡ | ᠭᠡᠷ ᠤᠨ ᠲᠡᠵᠢᠭᠡᠪᠦᠷᠢ ᠪᠠ ᠵᠡᠷᠯᠢᠭ ᠠᠮᠢᠲᠠᠨ ᠤ ᠬᠤᠶᠢᠲᠤ ᠬᠤᠶᠠᠷ ᠬᠥᠯ ᠤᠨ ᠱᠠᠭᠠᠨᠲᠤ ᠶᠢᠨ ᠨᠠᠷᠢᠨ ᠦᠵᠦᠭᠦᠷ ᠲᠤ | ᠪᠠᠶᠢᠬᠤ ᠳᠦᠷᠪᠡᠨ ᠲᠠᠯᠠ ᠲᠠᠢ ᠵᠢᠵᠢᠭ ᠶᠠᠰᠤ ᠪᠤᠯᠤᠨᠠ᠃ ᠱᠠᠭᠠ ᠶᠢ ᠡᠷᠲᠡ ᠳᠡᠭᠡᠷᠡ ᠦᠶᠡ ᠳᠤ ᠴᠢᠭᠠ ᠭᠡᠵᠦ | ᠨᠡᠷᠡᠯᠡᠵᠦ ᠪᠠᠶᠢᠵᠠᠢ᠃ ᠲᠡᠷᠡ ᠨᠢ ᠭᠤᠶᠢᠳᠠ ᠶᠠᠭᠤᠮᠠ ᠭᠡᠰᠡᠨ ᠰᠠᠨᠠᠭᠠ ᠶᠢ ᠢᠯᠡᠳᠭᠡᠵᠦ᠂ ᠮᠠᠯ ᠠᠮᠢᠲᠠᠨ ᠤ ᠲᠡᠷᠡ | ᠵᠢᠵᠢᠭ ᠶᠠᠰᠤ ᠶᠢ ᠠᠩᠬᠠ ᠴᠢᠭᠠ ᠪᠤᠶᠤ ᠴᠠᠭᠠᠨ ᠭᠡᠵᠦ ᠨᠡᠷᠡᠯᠡᠵᠡᠢ᠃ ᠡᠨᠡ ᠦᠭᠡ ᠵᠢᠯ ᠤᠳᠠᠬᠤ ᠲᠤᠲᠤᠮ | ᠦᠭᠡᠷᠡᠴᠢᠯᠡᠭᠳᠡᠵᠦ ᠢᠷᠡᠭᠰᠡᠨ ᠤ ᠳᠠᠭᠠᠣ ᠮᠣᠩᠭᠤᠯ ᠲᠦᠷᠦᠭ ᠬᠡᠯᠡᠨ ᠤ ᠳᠠᠭᠤᠳᠠᠯᠭᠠ ᠪᠠᠷ ᠱᠠᠭᠠ ᠭᠡᠵᠦ ᠪᠢᠴᠢᠬᠦ | ᠪᠤᠯᠵᠠᠢ᠃ | ᠮᠠᠨ ᠤ ᠰᠦᠨᠢᠳ ᠨᠤᠲᠤᠭ ᠲᠤ ᠮᠠᠯᠴᠢᠨ ᠠᠷᠠᠳ ᠱᠠᠭᠠ ᠶᠢ ᠮᠣᠷᠢ᠂ ᠲᠡᠮᠡᠭᠡ᠂ ᠬᠤᠨᠢ᠂ ᠢᠮᠠᠭᠠ᠂ | ᠦᠭᠡᠷ ᠭᠡᠵᠦ ᠨᠡᠷᠡᠯᠡᠨ ᠤᠯᠠᠨ ᠵᠦᠢᠯ ᠤᠨ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠬᠢᠵᠦ ᠨᠠᠭᠠᠳᠳᠠᠭ ᠶᠤᠮ᠃ ᠱᠠᠭᠠ ᠶᠢ ᠰᠠᠶᠢᠬᠠᠨ | ᠵᠠᠰᠠᠵᠤ ᠮᠣᠷᠢᠨ ᠲᠠᠯᠠ᠂ ᠲᠡᠮᠡᠭᠡᠨ ᠲᠠᠯᠠ ᠶᠢ ᠨᠢ ᠦᠷᠦᠵᠦ ᠭᠦᠯᠢᠭᠡᠷ ᠲᠡᠭᠰᠢᠬᠡᠨ ᠪᠤᠯᠭᠠᠵᠤ᠂ ᠪᠠᠰᠠ ᠶᠠᠩᠵᠤ | ᠪᠦᠷᠢ ᠶᠢᠨ ᠬᠠᠳᠠᠨ ᠪᠤᠳᠤᠭ ᠢᠶᠠᠷ ᠪᠤᠳᠤᠵᠤ ᠦᠩᠭᠡ ᠢᠯᠭᠠᠷᠠᠭᠤᠯᠳᠠᠭ ᠪᠠᠶᠢᠵᠠᠢ᠃ ᠰᠦᠨᠢᠳ ᠤᠨ ᠮᠣᠩᠭᠤᠯᠴᠤᠳ | ᠨᠡᠭᠦᠭᠦ ᠳᠡᠭᠡᠨ ᠨᠤᠲᠤᠭ ᠲᠡᠭᠡᠷᠡ ᠪᠠᠨ ᠱᠠᠭᠠ ᠬᠠᠶᠠᠵᠤ ᠭᠡᠭᠡᠬᠦ ᠶᠢ ᠴᠡᠭᠡᠷᠯᠡᠬᠦ ᠵᠠᠩᠰᠢᠯ ᠲᠠᠢ᠃ ᠬᠡᠷᠪᠡ ᠠᠶᠢᠯ ᠤᠨ | ᠨᠤᠲᠤᠭ ᠳᠡᠭᠡᠷᠡ ᠠᠴᠠ ᠱᠠᠭᠠ ᠤᠯᠪᠠᠯ ᠶᠠᠮᠠᠷ ᠴᠤ ᠬᠦᠮᠦᠨ ᠭᠡᠳ ᠠᠪᠴᠤ ᠬᠠᠷᠢᠨᠠ᠃ ᠡᠭᠦᠨ ᠢ ᠶᠡᠭᠡ ᠪᠡᠯᠭᠡ | ᠳᠡᠮᠪᠡᠷᠢᠯ ᠲᠠᠢ ᠭᠡᠵᠦ ᠪᠤᠳᠤᠳᠠᠭ ᠪᠠᠶᠢᠨᠠ᠃ ᠱᠠᠭᠠ ᠶᠢ ᠬᠡᠳᠦᠨ ᠵᠠᠭᠤ ᠬᠡᠳᠦᠨ ᠮᠢᠩᠭᠠ ᠪᠠᠷ ᠴᠤᠭᠯᠠᠭᠤᠯᠵᠤ᠂ | ᠲᠤᠰᠬᠠᠢ ᠠᠷᠠᠰᠤᠨ ᠤᠭᠤᠲᠠ ᠪᠤᠶᠤ ᠢᠰᠡᠭᠡᠢ ᠤᠭᠤᠲᠠᠨ ᠳᠤ ᠬᠢᠵᠦ ᠲᠠᠯᠪᠢᠭᠠᠳ ᠪᠤᠰᠤᠳ ᠲᠤ ᠮᠠᠨ ᠤ ᠬᠡᠳᠦᠨ | ᠦᠶᠡ ᠶᠢᠨ ᠱᠠᠭᠠ ᠭᠡᠵᠦ ᠭᠠᠶᠢᠬᠠᠭᠤᠯᠤᠨ᠂ ᠶᠡᠬᠡᠲᠡ ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠬᠤ ᠶᠣᠰᠤᠨ ᠪᠤᠢ᠃ ᠰᠦᠨᠢᠳ | ᠬᠤᠷᠢᠮ ᠤᠨ ᠵᠠᠩ ᠦᠢᠯᠡ ᠳᠤ ᠰᠢᠨᠡ ᠬᠦᠷᠭᠡᠨ ᠱᠠᠭᠠᠨᠲᠤ ᠨᠤᠭᠤᠯᠬᠤ ᠳᠠᠭᠠᠨ ᠱᠠᠭᠠ ᠶᠢ ᠠᠪᠴᠤ ᠬᠠᠳᠠᠭ ᠲᠤ | ᠪᠣᠭᠤᠵᠤ ᠡᠪᠦᠷᠳᠦᠯᠡᠨ ᠬᠠᠷᠢᠬᠤ ᠪᠦᠭᠡᠳ ᠡᠷᠦᠬᠡ ᠭᠡᠷ ᠪᠤᠰᠬᠠᠭᠰᠠᠨ ᠤ ᠪᠡᠯᠭᠡ ᠳᠡᠮᠪᠡᠷᠢᠯ ᠢᠶᠠᠷ ᠦᠵᠡᠬᠦ ᠶᠣᠰᠤᠨ | ᠪᠠᠶᠢᠳᠠᠭ ᠪᠢᠯᠡ᠃ ᠮᠣᠩᠭᠤᠯᠴᠤᠳ ᠱᠠᠭᠠ ᠨᠠᠭᠠᠳᠤᠮ ᠢ ᠠᠳᠠᠯᠢ ᠳᠠᠭᠤᠳᠠᠯᠭᠠ᠂ ᠬᠡᠯᠪᠡᠷᠢ ᠲᠠᠢ ᠪᠤᠯᠪᠠᠴᠤ ᠠᠳᠠᠯᠢ | ᠪᠤᠰᠤ ᠠᠭᠤᠯᠭᠠ ᠲᠠᠢ ᠪᠠᠷ ᠨᠠᠭᠠᠳᠴᠤ᠂ ᠠᠳᠠᠯᠢ ᠪᠤᠰᠤ ᠳᠠᠭᠤᠳᠠᠯᠭᠠ᠂ ᠬᠡᠯᠪᠡᠷᠢ ᠲᠠᠢ ᠴᠤ ᠠᠳᠠᠯᠢ ᠠᠭᠤᠯᠭᠠ ᠲᠠᠢ | ᠤᠯᠠᠨ ᠶᠠᠩᠵᠤ ᠪᠠᠷ ᠨᠠᠭᠠᠳᠴᠤ ᠢᠷᠡᠭᠰᠡᠨ ᠠᠴᠠ ᠭᠠᠵᠠᠷ ᠤᠷᠤᠨ ᠤ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠪᠤᠯᠤᠭᠰᠠᠨ ᠨᠢ | ᠮᠡᠳᠡᠭᠡᠵᠢ ᠶᠢᠨ ᠬᠡᠷᠡᠭ᠃ | |